ماشاءالله ياحظكم .. احنا اليوم غيم من الصبح ورشة خفيفه ..
الحين شمس :/ مافي شي ..
:
س / عمرك جربت تظهر للناس عَكس شعورك؟
عرض للطباعة
ماشاءالله ياحظكم .. احنا اليوم غيم من الصبح ورشة خفيفه ..
الحين شمس :/ مافي شي ..
:
س / عمرك جربت تظهر للناس عَكس شعورك؟
نعم وهم يدرون إني أجامل
:
نفس السؤال
مااقدر للاسف يبين على ويهي :looking:
:
س / اكثر فاكهة مجففه تحبها ؟
الزبيب
:
نفس السؤال
البرتقال والتفاح
:
س / من تتوقع بيفوز بالكاس ؟
ما ادري لكن اتمنى ان تذوق فرنسا مرارة الهزيمة
:
نفس السؤال
ان شاءالله يخسرون ويسود وجوهم ..
والكاس يروح للارجنتين ..
:
س / اكثر شي لفت نظرك في الجماهير اللي احضروا المونديال ..
سواء بالواقع او من خلال وسائل الاعلام .. ؟
ما تابعت ولا مباراة بالكامل، لكن فيه استقصاد توجيه الكاميرة لناس ملفتين للانتباه واحياناََ بشكل سلبي
:
نفس السؤال
مافهمت سؤالي ياسالم ..
اللي لفت نظري حب الجماهير اللاتينيه للتعرف على ثقافتنا ودينا ..*
وكأن فيهم عرق شرقي وقريبين للقلب ..
:
س / لعبه تحب تلعبها ؟
افضل لعبة عندي الكيرم
:
نفس السؤال
احب العب ورق :tooth: كوتشينه
:
س / متى اخر مرة مشيت مسافه طويله على رجولك ؟
في الحج، قريب من 13 كيلو
:
نفس السؤال
مشيت مره حول 11 ساعه بس ما اقدر اقول السالفه :deal:
نفسه
اخر مره يوم مباراه البرازيل وصربيا تقريبا 15 كيلو
من سوق واقف لين الشيرتون البيت السعودي
بعده لين المحطه عند السيتي سنتر وعلى كتارا بعدها على لوسيل
نمت وانا حاط رجولي في سطل فيه ماي وملح من الالم
السوال / فكرت تزرع ابتسامه لوجه الله على مسلم او كافر ؟
للمسلم ايه وواجب اشوفه، بس الكافر يعتمد علي المقصد والظروف.
:
لو معندك شغل رسمي، اشلون بتبدأ يومك؟
طلعة قصيرة صوب البحر بس الجو يكون تمام
:
س / ام كلثوم .. بشنو تذكرك ؟
تذكرني بالعجوز اللي في كرتون مستر بن
:
الآم المفاصل تزيد مع البرد! ولا بسبب قلة شرب الماي؟
بسبه السيراميك والرخام والبلاط :app2:
:
س / ماوكلي بشنو يذكرك ؟
ماتوقعت يمر على سوال يحزني والله
كنت في مدرسه جنب البيت في محافظه في السعوديه
اطلع الفسحه الكبيره واروح للبيت عشان افطر مع امي الله يرحمها واتابع ماوكلي وارجع الحصه الرابعه في بدايتها واقول حق العيال شنو صار مع ماوكلي
كنت في صف ثالث او رابع ابتدائي
عشان ماوكلي كنت اشغل دينمو الماي عشان التانكي فوق السطح ينترس ويصب واروح عند الباب واقول حق المدرس بطفي الدينمو الماي كله انكب في الحوش يشوف السطح ويفتح لي الباب
كنت اسوي هالخطه اذا عرفت ان مدرس معين يكون مشرف على الفسحه الكبيره وينشب مايخليني اطلع
وبعض المدرسين اقوله بروح البيت افطر يخليني
اكثر المدرسين من نفس القبيله ونعرف بعض
امي / جدي / 3 من عماني / 2 من خوالي الله يرحمهم كان هالوقت اشوفهم عند جدي وانا اتابع ماوكلي
الله يرحم امواتكم يا توشيبا
؛
ماوكلي ما يذكرني بشيء ولا شفت التلفزيون في طفولتي مع ان كان عندنا تلفزيون بس في المجلس للضيوف.. وكان تشغيله مرتبط بالكهرب وما كان في كهرب.
:
شنو اهم عنصر بالنسبة لك قبل تدخل بزنس؟
يكون عندي رأس مال مااحتاجة .. مايضرني لو خسرت ..
اجرب بدون خوف ولا حسافه على مبلغ يمكن يروح ومايرجع ..
:
س / نفسه ؟
لازم اطمئن لنظام البلد نفسه اذا النظام عادل مب شمولي يحجز على بيزاتي بكرة او يساومني عليها.
:
شنو ممكن تزرع من شجر مثمر للبيت في هالوقت؟
كنار هاي موسمه هالشهرين .. وطماط وفراولة
:
س / عمليات التجميل الحاليه هل هي هوس او مرض ؟
اغلبها هوس واغلب المراكز ما ترقى اننا تجمل احد، ممكم تبهدل.
:
هل سبق عطيت واحد عين؟
الله أعلم.
بس الأكيد أني من فضل الله علي أذكر الله على أي شي حرفيا أي شي عيني أعجبت به
نفسه
لا، مع إن وددددي
:
شنو القاعدة اللي تعتمدها في التعامل مع الناس؟
حاجز وحدود مع الكل ومااثق في حد ..
:
س / شنهي احلى او الذ اكله في الاجواء البارده ؟
كل الأكل الشعبي
:
نفس السؤال
قرص على الجمر وتفركه في حليب وصب عليه سمن وشوي عسل وعندك غوري شاهي مخدر
سوال
اللي بعدي مافي سوال عشان تجاوب بس قول سوالك
وشكرا
الله يخليك لنا يا سيد توشيبااقتباس:
المشاركة الأصلية كتبت بواسطة توشيبا
؛
السؤال: شنو الافضل لانقاص الوزن، تعدد الوجبات الخفيفة ولا الصيام المتقطع؟
بالنسبة لي تعدد الوجبات وخفتها افضل ونفعت معي
:
شنو الغرض اللي تحاول تجيبه معك لو سافرت السعودية؟
فقع :looking:
:
س / كم ساعة تنام بالشتاء :yawn: ؟
تقريباََ ست ساعات غير متصلة
:
الأخطاء أنواع منها الخطأ اللي يضرك ومنها الخطأ اللي تضر به غيرك، اي النوعين تقع فيه أكثر؟
اللي يضرني للاسف …
:
س/ نفسه
أخطاء كارثية لكن ستر ربي اعظم!اقتباس:
المشاركة الأصلية كتبت بواسطة سالم الزهران
نفسه
اكثر اخطائي تضرني و اكون عارفها من قبل ما اسويها للاسف
نفسه
س/ متى تكف عن نصح ابنائك او حد غالي عليك وهو مايسمع النصيحة ؟
اذا اقتنعت انه ضميري مرتاح اني سويت كل اللي اقدر عليه و صبرت بعدها، هنا اقتنع انه خلاص ما بيدي شي ما سويته و اخليه ولا حتى اتضايق او اقول شي اسكت عن الموضوعاقتباس:
المشاركة الأصلية كتبت بواسطة sara jsm
نفسه
اتفق مع الأخ يعقوب، تنصح حتى يجيك قناعة أن هذا أمر بيد الله مب يدك.. وتكتفي بقول الله يهدي فلان ولا تزعل نفسك حتى.اقتباس:
المشاركة الأصلية كتبت بواسطة ya3coub
:
متي اختفت الكمبة (مروحة السقف من البيوت)؟