محافظنا الوطنية اللي تهمها مصلحة الوطن تبيع والسوق مرتفع وتبيع والسوق نازل ما همها السوق لا والبيع يتركز في المزاد بشكل انتقامي واضح .. أمس شراء بسيط كان حول 17 مليون واليوم بيع فوق ال 20.8 مليون ريال من حول تداول 176.7 مليون ريال .. هي وجودها كمتفرج على المزاد يعتبر عامل هدم للسوق ولتوازنه وبيعها المستمر من عز ارتفاع السوق في 2022 للآن هدم مقصود وبلا مبالاة والحصيلة الشهرية والأسبوعية عالية وتزيد حصيلة البيع
بيع المؤسسات الأجنبية 13.3 مليون وبنشوفها في المحصلة تشتري ومن تداول قليل ملت من سوقنا 79.4 مليون بس
بيع الأفراد الأجانب حول 4 مليون ريال
باقي الفئات كلها شراء لو بنبدأ بالمؤسسات الخليجية حول 8 مليون شراءهم .. الأفراد القطريين أتوقعهم أكثر شراءهم شوي اقل من 28 مليون ممكن ب 50000 بس وتداولهم عالي حول 173 مليون بينما تداول المحافظ الخليجية بعد بدون نفس 26.77 مليون بس وهذي الفئات المحافظ الخليجية والأجنبية اللي يسعون لهم ادارة السوق في استقطابهم للسوق وهذا فشل كبير .. ببساطة محافظ تورط نفسها في سوق ماشي في اتجاه واحد بس غالب الوقت ولو تحرك انتفاضة بسيطة ويرجع يغوص أكثر والإنتفاضة تجي إنعاش منهم هم ومن الفئات الثانية ممكن كلها ما عدا محافظنا اللي تبيع بلا اهتمام وببلادة غير طبيعية
مشتريات الافراد الخليجيين حول مليون شوي اقل .. مشتريات الأفراد العرب بعد شوي فوق المليون مع ان تداولهم فوق 49 مليون
