صباح الخير يا بشمهندس، طيب ينفع نطبق بلاط على ارضية مدكوكة عدل، ونكثر الغراء.. يعني نتوصىاقتباس:
المشاركة الأصلية كتبت بواسطة معماري قطري
عرض للطباعة
صباح الخير يا بشمهندس، طيب ينفع نطبق بلاط على ارضية مدكوكة عدل، ونكثر الغراء.. يعني نتوصىاقتباس:
المشاركة الأصلية كتبت بواسطة معماري قطري
صباح النور والسروراقتباس:
المشاركة الأصلية كتبت بواسطة سالم الزهران
لازم بتسوي طبقة اسمنت يدوية ورقيقة وبتركب عليها وفيه عمال يختصرون المسئلة يركبون بها بالكامل وكأنك يا بو زيد ما غزيت والأرضية بتكون ضعيفة الدفان المدكوك يشكل طبقة قابلة للتمدد بأي رطوبة توصلها وتنتفخ تقوم أي بلاط فوقها .. طبقة مرنة تتسبب في شقوق في القراوت أو الفواصل بين البلاط ويدخل النمل يعيش تحت
ليش تحط نفسك في كل هالمتاهات؟ سو شغل ألماني ما يخترب عقب 20 سنة
عاد انا ما اصدق أشوف نواقص يسوونها هذيلا المشاهير وأبرزها مع إنه قال كم مرة التركيب على طبقة سكريد كاملة أفضل وأنظف ونقل لنا الطريقة ذيك .. بس هنا يبغي يمشي المنتجات اللي عنده واللي تنصب فوق الخلطة الإسمنتية منتجات فيلا
من أيام أحد الإخوان قال ابغي ادفن بيتي قبل التبليط وعطاني المبلط سعر وطلع غالي قال باجيب عمال وقصة أعتقد عطاه حول 30000 قلت له سرقة وغلط احسبها عدل شكثر تحتاج قال حول 10 سم وفي 400 متر تحت و 400 متر فوق يعني 80 متر مكعب والسكريد الناعم الخفيف إن كثر يجيك 250 ريال للمتر المكعب ويطلع السكريد تكلفته بالكثير 20000 وسئل واحد مشابه بيته قال كلفه 11000 السكريد .. فني التبليط كان بيسرقه في بند الدفان سرقة كبيرة وبيدفن له برخيص وممكن مخلفات بناء وشوف شكان بيصير .. نصيحتي لحد يسترخص بهذا البند ويقول بسيط ولازم يطلب شغل صح ومن البداية ما يطلبه بعدين يحط رقبته تحت تصرفهم
عاد بو زيد لو حطيت غراء على دفان بتكون أول واحد ابتكر هذي الطريقة واحتمال المبلط يفلعك ببلاطة من القهر لأن مستحيل تمشي
زين تفلعني انت الكتروني ولا يفلعني بص حضرتك ههه انا متهاونها لاني بسوي ممرات بس والمشكلة مب في الصبية وتكلفتها.. المشكلة التصريح وحاوية النظافة اللي يطلبونها.. عشان شغلة الرمل.. قلت لو سالفة مترين بطول 13 ممكن تتركب.
شف انا شفت شغلتين.. الاولى مونة (سميت يابس) يفرشونه ويطبقون عليه بلاستر وبلاط.
وشفت مبلط يبلط على دفان.. بس دفان حبيبي مب رمل.. وكلاهما اسعار غالية ولازم تحدد مواعيد ولا احد اشتكى.
يمكن اختراع الغراء هذا هو اللي نرفز مشاعرك الهندسية واشكرك على التوجيهات الطيبة
صح مينفعش خالصاقتباس:
المشاركة الأصلية كتبت بواسطة سالم الزهران
لكن لو بتبلط على دفان أكيد تحتاج دفان مناسب وحبيبات رمل ما تنتفخ من الماء ولا تستوي فيها طاقة كهربية من الاحتكاك وهذي قصتها ثانية بعد .. المهم تدخل في تعقيدات وتستوي مسوي شغل انترلوك
تقدر لو حبيت تركب انترلوك أو بطريقة الانترلوك خارجي أو بمونة اسمنتية أو بمونة اسمنتية جافة وبعدين بغراء أو بخلطة سكريد كاملة بسمك مناسب وحديد أو فيبر لتقويتها وعدم تشققها وتفتك طول العمر والتكلفة ولا شيء كلها كم كيس اسمنت وشغل في الموقع 1 اسمنت الى 3 والا 4 رمل ويستحسن رمل مغسول وخالي من الشوائب .. تبغي تخشن فوق تقدر والا تسويها ناعمة وتركب غراء يناسب ويلتصق مع الارضية الناعمة
عندك 26 متر مربع قول بتسوي سمك 15 سم .. الطول قسمه كل قسم 3 في 2 متر وحط فواصل تمدد من البورد القابل للانضغاط وتحته نايلون سميك على أرض مدكوكة هذا لو خارجي ولو داخلي ما عندك مشكلة فواصل التمدد في الأطراف والا حتى لو تصب بدون فواصل تمدد خلطة الفيبر من سيكا والا غيره من الموردين تعطي السكريد هذا تماسك وما يتشقق حتى خارجي ممكن تحتاج فاصل واحد بس بعد 6.5 متر في نص المسافة
المواد اللي بتحتاجها بالمتر المكعب 3.9 متر مكعب .. قول بتحط 3 أمتار رمل و 1 متر اسمنت .. شوف الكيس فيه شكثر بالأمتار المكعبة مب بالوزن ويمكن 5 أكياس يكفون ولا بتكلفك 100 ريال والرمل يمكن حول هذي القيمة والا وايد أرخص والفيبر اللي تحتاجه عبوة وحدة بحدود 100 ريال بعد والا تستخدم خيوط الفيبر وهذي تنباع عند الموردين لمواد البناء وبيعطونك طريقة خلطها ونسبها وعادي لو تسويها ارتجالي مب شيء خطير .. بعدين كثر الماي وشغل الخلاط مال الاسمنت وصب وانت متطمن وشوف شلون تستوي الصبية ميلانها 0 ومناسبة لأي أرضية
أحد عيال عمي سوى حوشه كامل خرسانة ومندهش من التكلفة وطبق نصايحي وصبغ فوقه ايبوكسي نفس المادة اللي حق ارضيات مغاسل السيارات ويقول وايد أرخص من التبليط ووايد أجمل
هذي سلسلة فيديوهات لبناء ورشة عمل والظاهر كراج .. العمل ارتجالي وفيه هدم جزء من بيت والاستفادة من الطابوق .. حتى التأسيس بأقل كميات الحديد لو عندنا شرد الاستشاري من البلاد وصارت سالفة كبيرة ويمكن ينسجن المصمم والمنفذ
https://www.youtube.com/watch?v=FssjcbCeZ6s
https://www.youtube.com/watch?v=BQBUjZJpswI
ممل شوي بس مفيد للمختصين واللي يبون يتثقفون
إذا كل 4 في 4 ماسورة معناها كل 16 متر مربع يعني نفترض لبيت مسطح سقفه 400 متر نركب 25 .. بيتي حول 440 متر وأعتقد مركب 6 وبقطر 10 سم وكافيين للغاية والتجربة صار لها 17 سنة للآن .. نصيحة ليس كل ما يقال من الختصين صحيح .. إحنا كمعماريين نقسم السقف لأجزاء نسوي فيها ميول خلال التصميم ونقطة نازلة في العادة تكون وسطية .. لو عندنا جزء طوله 20 متر نحاول نخلي ماسورتين فيه بعيدة من الزوايا 5 متر ونميل عليها نص المسافة ونص المسافة الآخر على الثانية .. بشرط ما تتقاطع الماسورة مع نافذة أو باب وفي العادة تكون في الجوانب بدون الواجهة وبدون الخلفية لو بنستعمل الخلفية لبناء آخر
https://www.youtube.com/watch?v=wfvovxFRFI0
رفيجنا ولد اوريغن
https://www.youtube.com/watch?v=q8LerObhzlE
ضغط الماء وتأثيره معلومات ما كنت أعرفها
https://www.youtube.com/watch?v=xoLmVFAFjn4
المفروض جميع المشرفين يسوون مثله
https://www.youtube.com/watch?v=cwv0gZejc9s
الحلو في تصميم هذا البيت إنه إقتصادي وجميل .. شوفوا الدرج بدون درابزين كلش والابواب بدون برواز وبسيطة لكن طالعة جميلة
https://www.youtube.com/watch?v=f7aDo1fSi_E
اقتباس:
المشاركة الأصلية كتبت بواسطة معماري قطري
حلوه الصفايه بحجم كبير . خذيت وحده من نابينا مقاس 120 سم راكبه في الشور بوكس . الماي كلش ماينقع على طول يروح
كنت أفكر في طريقة تركب بايب كبير لأن بعد فترة الشعر يسد البايب الصغير وحتى مع التسليك يرجع ما يطول .. صج دورات المياه شغلة معقدة وتحتاج عناية وصيانة والأهم تصميم ومواد مناسبةاقتباس:
المشاركة الأصلية كتبت بواسطة سعود.
https://www.youtube.com/watch?v=0eGm0Y2BisI
هذا تصميم حق بيت في البيرو
الدكتات مالت التكييف دائرية وشكلها مصنعة وجاهزة ومرنة وسهلة التركيب
https://www.youtube.com/watch?v=fxTgvvVYtTg
https://youtu.be/RKEI5YRXA4g
خلك مع هالمستشار يبو عبدالله.. وعطنا ملاحظاتك ان وجدت وشكراََ..
مكثر فواصل التمدد في الارتداد الضيق ومقلله في المساحة المفتوحة .. فاصل التمدد يدخل فيه شيء من الفن والحس الهندسي وأوقات المغامرة وأوقات تزيده بدون داعي .. ناس تسويه للجدران كل 3 متر ويطلع الجدار يبين مقسم وأوقات تنفتح هذي الفواصل شكلها يطلع مزعج .. في ارتداد المترين مع هذا البلاط بسمك 40 ملم صحيح لو بنطبق القانون الهندسي معناها كل 4 متر نحتاج فاصل 4 متر بالطول وبالعرض العرض عندنا مترين أو أقل محقق المعادلة والفاصل يبقى في الطرف .. حق بيتي استخدمت تقريباً نفس النوع وسويت فواصل تبعد 8.5 متر وسويتها بطريقة فنية مع بداية رامب والا زاوية البيت وطلعت قليلة ومدروسة والأهم 17 سنة الحين ما تحركت ولا بلاطة ولا انفكت
البنيان على دفان والتبليط دوم مغامرة ويمكن ينتفخ أو ينزل .. هذا الدفان نوعية جيدة خاصة للتبليط ما منه خوف بس للضمان نسوي السكريد قبل بسلوب معين ونرشه ماي لين يقوى وبعدين نبلط فوقه .. هو يمكن اعتمد الفواصل قريبة لأنه ما استعمل حديد ولا استعمل خلطة فيبر بس مونة عادية
اللي يرسل لي تصميم حوش بيته باحدد له بسهولة وين يسوي الفواصل
قصر مبالغ فيه خيالي وسعره 10 ملايين دولار وأكيد تكلفة المعيشة فيه عالية جداً
https://www.youtube.com/watch?v=DuP31VbGtwU
ما يبي له كلام شغل كارثي ما نقول تعبان يبغي له إعادة بطريقة صحيحة
https://www.youtube.com/watch?v=wX_ySMM-MLc
تعليقي في اليوتيوب
اسمح لي مهندس عبدالغني اختلف معاك .. هذي مبالغ فيها وكميات كبيرة مهدورة .. طبقة النظافة تكون أكبر بحدود 10 سم من كل جهة وتقدر تصغرها لقاعدة الجدار بسهولة لا تحتاج عمالة ولا كل اللي قلته كلها شوية خشب حتى القديم ينفع .. شكل المصمم ما همه مال عمه ما يهمه والمشرف ممشي الحال
https://www.youtube.com/watch?v=tl_lB_UtCaI