عرض للطباعة
بو محمد ... عندي سؤال لك خصيصا ... مع انك مضارب بس ما شوفك اضارب في اسهم المضاربية ازدان رعاية فودافون .... الخ مع انه مرات يكون فيها ضربات يوميه سريعه و جيده ... بس اشوفك تضارب بشركات تداولها اقل بكثير ... لو كلامي صح ممكن تفسرلي طريقتك حتى نستفيد لو تكرمت
والله ياخوك اتداول فيهم بس نادر جدا واحيان كثيره تداولي فيهم يكون سريع شغل شرا وبيع ف نفس اليوماقتباس:
المشاركة الأصلية كتبت بواسطة رشودي
ولكن من فتره مبتعد عنهم لان فيه اسهم ثانيه احب اطقطق فيهم
الفتره الاخيره سواء قطر وعمان والدولي وودام والاسمنت بصراحه ربحت منهم ولله الحمد بس ما عطوني حسب ماكنت اتمنى (قطر وعمان خسرتني خساره بسيطه)
ولكن لست راضي بصراحه عن اخر الصفقات لاني اشتريت حسب التوزيع الحلووو وللاسف ارتطموا ببايعين ما تفرق معاهم نسبة التوزيع ولا قوته :(
الرعايه اتخووف منها لان صانعها صعب المراس يخون ف لحظه ويبدع ف لحظه فلذلك اذا اشتريتها اشتريها سريع وابيع سريع حتى ما اذكر اني شريتها او بعتها لان شغل خفيف خفيف ماحب احتفظ فيه لثاني يوم اتخوووف
المناعي والاجاره والتكافلي عشرة عمر من سنين ياما عطوني ارباح خياليه واحيانا يخسروني بس ماخبر خسروني خساره قويه الا التكافلي من فتره بس تجاوزت الموضوع
ازدان اعتزلتها بسبب مجلس ادارتها ماعرفنا هم بيتمون فالسوق ولا لا
فودا احيان كثيره ما تضبط معاي
المناعي مثلا محتفظ فيه من فتره وعادي عندي مب ماكل همه والحمدلله معطيني ربح جيد بس للحين ما فكرت بالبيع
الاجاره ملكة الضربات بالنسبه لي فالسنوات الثلاث الاخيره
فالنهايه كل شخص عنده قناعات المهم ينفذ مايراه مناسبا وماعندي تحيز لسهم ضد سهم اخر الا اذا كان متضخم اخاف اتظاول فيه حتى لو يربحني مابي ربحه فوات ربح لا خساره جسيمه
اذا تبي نصيحه
قبل لا تدخل سهم حد نصح فيه سو شي واحد قوله وين وقف الخساره في حال خون السهم !!
ووين المقاومه المهمه اللي بعدها ممكن يفتح لاهداف حلوه
كمضارب اذا شفت سهمك خون لا تصبر وتعور راسك بيع ووقف خسارتك اذا كانت قريبه من سعر شرائك خساره خفيفه تتعوض خير من صبر وملل واحيانا يحقق لك ارقام سحيقه
مثلا الاجاره قبل الخصار كنت املكها ب 14 اوقفت خسارتي ب 13 ولو صبرت كان شفت السهم ب 7ريال مع ان اكبر المتشائمين ما توقع ان نصل لاسعار بو خمس و6 و7
بارك الله فيك ... فهمتك ... بس الي يحسب وقف الخسارة و الاهداف هيه برامج او يبيلها دورة ؟
دش دوره واستفيد مو غلطاقتباس:
المشاركة الأصلية كتبت بواسطة رشودي
التطوير دايما يخدمك ياخوي بس اذا تبي نصيحه اذا دخلت دوره عند احد لا ترتبط فيه بعد الدوره مثلا قروب او كذا او كذا حاول تكون مستقل بقراراتك ونظرتك الفنيه بعيدا عن اخضاعك للمشي ورا من تعلمت منه سواء في وسائل تواصل او قروبات او او او
ترى الموضوع بسيط
ابدا بالمتوسطات الاسيه(الحديه) 10 و 20 و50 و100 و200
وبعدين دش عالترندات ونسب الفيبوناتشي
وعقب الايشميوكو
هاي اللي انا استخدمهم ما استخدم غيرهم ابد
عط كل منهم حقه
المتوسطات عطها 3 شهور سواء على اليومي والاسبوعي والشهري
وعقب ابدا بالبقيه حبه حبه
لا تتعمق فالتحليل وتدش اليوت او الهارمونيك او الموجي لانه بيتعبك وبيكرهك التحليل الفني لصعوبته ولانه يحتاج للخبره ب80% والتعلم 20%
اكثر اللي يحاولون تعلم التحليل الفني يفشلون لانهم يبدون بالعميق ويكون ماعنده خلفيه بالاساسيات
ابدا بالاساسيات وكل شي حبه حبه
وعندك اخوي zego من فتره كم شهر ماشاء الله تبارك الله بدا يتعلم وشوفة عينك الحين صاير ماشاء الله عليه يتطور بسرعه
وحط في بالك
عمرك مااح تحس بقيمة الربح او تربح صح الا اذا كنت مستقل بقرارك ما تمشي خلف هذا او ذاك
بس الاهم تكون استغلالية قراراتك تكون مبنيه على اسس فنيه او اساسيه او بالاثنين معا
زين تنصح في مكان معين اروحله ؟
وهذا موضوع ورشه تعليميه
http://www.qatarshares.com/vb/showth...DE%D8%D1%ED%C9
شرحت فيه بخصوص المتوسطات الاسيه والفيبو والترندات تقدر تقرا او 40 صفحه
كان بمساعدة الاخت شذى الورد اللي علمتني عالمتوسكات الاسيه الله يجزاها خير
والله ياخوك ماعندي خبره بهالمجال لاني انا تعلمت بروحي ومثل ما قلت لك انا تعلمت عالاساسيات فقط ومابي اطورها اكثر فالوقت الحالياقتباس:
المشاركة الأصلية كتبت بواسطة رشودي
مرحبا اخوي مضارب .. شهادة أعتز فيها .. والعين ما تعلى عالحاجباقتباس:
المشاركة الأصلية كتبت بواسطة مضارب دوسري
التحليل الفني بحر
ومن دخله صعب صعب يطلع منه أو يبتعد عن التحليل
حتى لو هو شخصيا سحب فلوسه من السوق مثلا تلاقيه يحلل لمجرد التحليل
التحليل الفني له متعة ولذة خاصة
خاصة عند اتقان نظرية او طريقة معينة
والاحساس بعدم الحاجة للغير والاستقلالية في اتخاذ القرار له نكهة مختلفة وجميلة!
أنصح أي واحد يحب يدخل مجال التحليل انه يبدأ بجلسة مع شخص عنده خبره وباع في هذا المجال
ثم يركز جهده لتطوير نفسه والسؤال فيما يشكل عليه
والأهم بناء الأساسيات وقواعد التحليل بشكل صحيح ..
الترند
الصاعد/العرضي/الهابط
القمم و القيعان
الأهداف و وقف الخسارة
ثم يبدأ بتعلم الإشارات الفنية واستراتيجيات الدخول والخروج .. البيع والشراء .. الخ
وكلما زادت معرفة المحلل بطرق التحليل والمؤشرات الفنية المختلفة كلما زادت ثقته بالتحليل
بشرط الاتقان والممارسة قبل الابحار في موجات التحليل الفني !
اضافة اتمنى تتقبلونها مني بصدر رحب
موفقين جميعاً