[B]اقتباس:
المشاركة الأصلية كتبت بواسطة سعود.
والله فكرة بيكون زاد الاسمنت وخلى الماء ثابت يعطينا أقل نسبة ماء الى الاسمنت ويعطينا قوة أقوى .. بس ما ادري اذا فيه تشريع يسمح بهذا الشيء أخبر يردون السيارة للورشة
عرض للطباعة
[B]اقتباس:
المشاركة الأصلية كتبت بواسطة سعود.
والله فكرة بيكون زاد الاسمنت وخلى الماء ثابت يعطينا أقل نسبة ماء الى الاسمنت ويعطينا قوة أقوى .. بس ما ادري اذا فيه تشريع يسمح بهذا الشيء أخبر يردون السيارة للورشة
مثلك عارف ( ابا عبدالله )
الخلاطة من تطلع معه فقط ساعتين لصب . ولازم يكون معه ورقة الشركة لمعرفة الوقت انشائها ونوع الخرسانة وكم نيوتن قوتها .
اغلبهم يسون كذا حل بديل ونفس الكلامك مطقيا فكرة مقبولة بس هندسيا مدري . الاضمن ارجاعها ماتشوف شر
المشكلة لنا كملاك وش عرفنا بهذي السوالف . القواعد لها نسبة هبوط مسموحة غير عن الاعمدة وغير عن الاسقف
طبعا في الغالب المقاول والاستشاري ( مشي حالك )
عندي صورة من الاستشاري للنسب المسموحة للهبوط
ولا اعرف مدى صحتها . المقاسات بالملي تشيل اخر رقم يمين يطلع كم سم المطلوب ملف مرفق 99549
طبعا الخرسانة الفاشلة تعرف ( بالعين ) تقريبا
كما قال الشاعر : عين الحر ميزان
:omen2:
لازم الهبوط اخوي سعود بدونه تكون الخرسانة صعب صبها وصعب تدخل بين الحديد .. المسموح أعتقد لين 12 سماقتباس:
المشاركة الأصلية كتبت بواسطة سعود.
صحيحة وفرقت 5 ملم عن اللي اذكره وزين الصورة واضحة للكل اتوقعاقتباس:
المشاركة الأصلية كتبت بواسطة سعود.
المشرف على القسم لو يضبطه شوي نفس المنتديات الاخري .
كان زين بدون ماأذكر اسم المنتدى ( كويتي ) مقسم كل شي بروحة العظم الحديد القواعد ووووووالخ مع التشطيبات كل شي بروحة تدخل وتاخد كم هائل من المعلومات عن كل شغلة بالتفصيل الممل .
ما عليك الكل يحصل اللي يبي بسهولة ألحين من المعلومات بس بعض المعلومات تجيك ناقصة أو مغلوطة ولا بحث فيها صاحبها صح ولازم تحتاج تفكير وبحث اضافياقتباس:
المشاركة الأصلية كتبت بواسطة سعود.
القسم هنا عندنا على قلة المشاركين فيه والمتابعين كافي ويعتبر يمكن موسمي ولوقت الحاجة للكثيرين .. يمكن المساهمين دوم فيه قليلين جداً وينعدون على الأصابع
انا اتمنى يحتوي على أقسام بس يمكن الأقسام تشتت بعد وصراحة المعلومات عن الشركات أو دليل الشركات موضوع مهم ويحتاج شغل كبير اداري أو تكون مقننة بحيث نقدر ناخذ راحتنا باللي نواجهه مع منتج معين وادارة الشركة وبنفس الوقت تكون الشركة عارضه لمنتجها ومتواصلة مع الأعضاء والمتصفحين وشفنا حتى هيئات ومؤسسات تشارك وهذا شيء طيب نتمنى يستمر ويتواصل
ابا عبدالله
لو شفت ترتيبهم صدقني بيقنعك .
عندنا تقريبا كل شي انذكر من حفر الارض الي اخر تشطيب وكل فترة تنزل اشياء جديدة ومحدثة والفضل ( لك ) وبافي الاخوان . بس انا الي اقصدة ترتيب القسم عندنا شوي عشوائي .
وانا لا لي ناقة ولا جمل . 90% خالص من البناء
المقصد للاخوان المقبلين على البناء
برسل لك رابط المنتدى على الخاص .
توكل على الله نتثقف والكويتيين اخوان وربع دراسة يمكن احصل واحد منهم
ابا عبدالله
ادري فيك فاهم قصدي بس للاخوان الي يشاهدون .
انا اقصد ترتيب القسم انه كل شي بروحة من قواعد واعمدة والاسقف .
طابوق واغلب التشطيبات تكون قسم بروحة .
للامانه المنتدي عندهم شبة ( متوفي ) مافيه تفاعل نفس الي عندنا بس خوش ترتيب .
ترتيبيشن بس منتدانا أحلى .. عجبتني بعض التصاميم بس مب واضحةاقتباس:
المشاركة الأصلية كتبت بواسطة سعود.
يا معود شنهو هذا منتدى كامل للعقود ونقاش فيه ومهندسين أكثر .. حتى عقود التكييف حاطينها
ترتيبيشناقتباس:
المشاركة الأصلية كتبت بواسطة معماري قطري
بعد عيبة مافية تفاعل كبير .
مرات تحصل واحد يسال عن شغلة ولا يحصل رد !!!!
ويجيك هو نفسة يجاوب بعد فترة ههههههههه
من جد وجد ههههههه
عاد لعبتهم القبو والمكيفات الدكتاقتباس:
المشاركة الأصلية كتبت بواسطة معماري قطري
اقتباس:
المشاركة الأصلية كتبت بواسطة سعود.
حط لنا اسم المنتدى الكويتي
خلنا نستفيد من المعلومات حتى لو المنتدى ميت على قولتك
ترانا مهب بعيدين عنهم
المنتدى شبه ميت بدونك وبدون معماري قطري
بخصوص وقت صب الخرسانة من خروجها من المصنع
في اليونان شفتهم عندهم خلاطات الإسمنت في نفس الموقع وتجي احجام على حسب حجم المشروع
يجهزون الخرسانة في نفس موقع المشروع
وهذا النوع من الخلاطات يسهل على المقاول سرعة في الصب وعدم الانتظار سيارات الخرسانية
الخلطة تتم في نفس الموقع
والمواد تجي في أوقات غير الزحمة
لان عندهم فترة الظهيرة في اليونان لين العصر الشوارع شبه فاضية
والحل الثاني عندهم اذا الموقع ضيق يتم انشاء موقع خلط الخرسانة قريب من موقع المشروع موقت
ويتم تغذية المشاريع القريبة
شفت في كذا موقع في قطر هذا النوع من خلط وتصنيع الخرسانة في نفس الموقع
بس على حجم الاعمال الانشائية والمشاريع عندنا نحتاج اكثر منها في قطر
ابشر يابو سعود
http://kw-eng.net/vb/index.php
هلا بو سعود وسعود ومن هو معنا على الخطاقتباس:
المشاركة الأصلية كتبت بواسطة Azizuk
توجد معدات كثيرة للمواقع حتى معدات تفجير بسيط تكسر حول متر مكعب وبصوت خفيف .. فيه لخلطات خرسانية غير ومتطورة بإضافات خاصة وتقريباً صوامع الخلط هذي ضرورية لكل بناء حديث لأن بعض الأبنية حتى البلاستر الخارجي ينعمل صب في قوالب تثبت على الحائط الخارجي وتركيبها ميكانيكي
للكنكري والكنكري أنواع حتى منه برادة حديد وألمنيوم وبعضه يجي مثل تيل الحديد الصغيرة وبعضهم يستخدمون المطاط في التواير القديمة والبلاستيك ويحتاجون قطع بحجم معين يتأكدون منه في الموقع بغربلة ميكانيكية في صوامع تهتز وتفرز المواد حسب حجمها
مقطع ليس لأصحاب القلوب الضعيفة .. قلبي عورني على نظافة الواجهات
https://www.youtube.com/watch?v=8PddbB6Fovs
السلام عليكم اخوي معماري
كعادتك مبدع ما شاء الله ,,,
فعلا قلبي الصغير لا يتحمل :looking:
لكن السؤال هل تم تنفيذ اي مشاريع باستخدام الطريقة ولا بس كلام
الشيخ البركاست من زمان ينفذون به مشاريع حتى في قطراقتباس:
المشاركة الأصلية كتبت بواسطة Aozomblue
الجديد طريقة البنيان وعمل القوالب .. الواجهات كلها معمولة بقوالب بلاستيك حتى المقوسة .. لو شفت المدينة الطبية في قطر معمولة واجهاتها بركاست وكانت النية جلب الواجهات جاهزة من السعودية بس طلعت صعوبات أو السعر كان غالي وعملوها في قطر عن طريق شركة العطية .. البركاست تطور كثير وهذي الشركة ما تابعت شمسوين بس اعتقد تركية ولها مشاريع في تركيا شوف رابطهم في الفيديو
هذي بناية متعددة الأدوار بخرسانات مقاربة للعادية بس يتم ربط مكوناتها ببراغي خاصة مجهز لها في أماكن خاصة .. ممكن يسوون منها جسور ومواقف سيارات عدة أدوار في وقت قياسي
https://www.youtube.com/watch?v=H5qHzgfn2b4
الأخيرة شفت فلل تنبني مثلها جنب بيتي وخلصت بسرعة بس تشطيبها خذ وقت
هذي طريقة عمل الأسقف المجوفة وفي قطر وصلت لين 12 أو 15 متر نسيت الرقم بس بين هالرقمين طول بدون عمود أو جسر في الوسط عند شركة قطر للخرسانات الجاهزة
https://www.youtube.com/watch?v=h6hzY-gZ4k8
تقدر تطلبها بعمق معين وبقوة معينة بحيث تكون ما تهتز أو تسوي صوت اهتزاز .. وتقدر تطلبها اقتصادية فيها نسبة اهتزاز .. الزين فيها تنصنع تحت ظروف مثالية في الورشة وتنقل وتركب بكرين وتحتاج عدد عمال قليل وبدون خشب وجيكات ومباشرة تبني الطابوق فوقها
وهذا في الصين تصنع الطوابق كأجزاء بفريم حديد space frame وتركب على أعمدة حديد .. 30 دور في 15 يوم شامل كل شيء
https://www.youtube.com/watch?v=rwvmru5JmXk
تقنية جديدة لعمل أرضيات الهوردي أو الوافل سلابز وتمديد الخدمات فيها وتركها مكشوفة لتكون أكثر اقتصادية وأسهل للصيانة وللتمديدات
https://www.youtube.com/watch?v=xH26K3zpnR0
الجسر المقلوب مهم جداً للأسقف ولأسوار الأسقف .. لأن لو ركبنا طابوق للسور بدون جسر مقلوب تكون نقطة التقاء الطابوق بصبية السطح ضعيفة وممكن ينشأ شلخ طولي كما نشاهد في كثير من المباني وفي الغالب بعد فترة 7 سنين وأكثر بسبب ضغط مكونات العزل الجانبية على هذه النقطة
https://www.youtube.com/watch?v=FJfWzW66pBU
كذلك الجسر المقلوب ممكن يكون بدل الساقط حتى يعطينا ارتفاع بدون عوائق لتمرير قنوات التكييف .. وينفع ليكون حامل للقبة أو لأطراف فتحات المناور
نقدر نستعيض عنه بنوع أصغر وانا في بيتي سويت الصبية قبل وبعدها خليتهم يغرسون قطع حديد في الخرسانة قبل لتنشف ويصبون فوقها بارتفاع 15 سم فقط مثل الكرسي للطابوق وفقط حتى تكون طرف قوي مناسب لتمدد العازل ولا ينشلخ
فوق شيصير بعد الصب .. يبقى حديد الجسر المقلوب طالع وخلال أيام يصبون مكانه لتغطيته واكمال الجسر المقلوب
مقطع مفيد ومهم ويفضح الكثير من المبالغات الإنشائية عندنا
https://www.youtube.com/watch?v=ViEwz5qFvtA
تحية شكر وتقدير للمهندس عبدالغني
حقيقةً مجتهد وقال كلام أتمنى قوله
https://www.youtube.com/watch?v=JzzsVy2E9po
المهندس عبدالغني انا من متابعينه في اليوتيوب وحاليا في السناب وبصراحه مهندس فاهم شغله ويحب شغله ويفيد الكل
واستفدت منه الكثييير الله يجزاه خير ويوفقه
مهندس شاااااطرررر جدا ويحب مجال عمله ويتعب على الشرح كان ودي يكون مثله عشره في الدوحه وماسكين مشاريع الدوله ومشاريع المواطنين :(
مؤكد يا اخوياقتباس:
المشاركة الأصلية كتبت بواسطة F.A1
الهندسة مب شيء مستحيل هي علم تطبيقي مبني على حسابات وعلى تجارب سابقة ومقارنات .. بعيدة كل البعد عن الدجل الحاصل عند بعض المتهندسين وتحتاج ناس صادقين ومختصين .. للأسف عندنا التخصصات في علوم البناء والإشراف وحتى التصميم قليلة وكثير من المهندسين أما تخصصات ثانية مثل ميكانيكي أو كهربائي أو حتى صناعي وشفت منهم من ماخذين مناصب كبيرة ويديرون هيئات ومشاريع بدون أدنى تفكير هندسي .. يعرف يوقع بس ويستشير الخبير الهندسي ويطبق اللي يتوقع إنه صح .. ممكن راي الخبير الهندسي صحيح ومتكامل لكن هو بنظرته ياخذ جزئية بسيطة وسهل تنفيذها ويخلي الباقي .. مثل التقاطعات المهجنة عندنا .. جسر ونفق ودوار واشارات ( مجبوس )
مثل المباني الكثيرة اللي تفتقد الذوق المعماري ( تلطيخ ) ومهندسين تابعين للمالك هو يقول وهم ينفذون بدون نقاش
صراحة سوق البناء والهندسة يحتاج حل سريع وجذري بسرعة ولازم يكون متكامل .. يعني تختار مادة بناء تكون مارة باختبارات وترخيص دقيق ومضمونة وتركب وانت متطمن
تختار عامل ما فيه داعي تسوي له اختبار يجي مختبر ومرخص وجاهز وعليه مسؤوليات محددة ويشتغل بقانون .. لو بتختار راعي حق عزبة بتتعب معاه والمفروض الترخيص والقوانين تنظم كل مهنة وكل فرع من مهنة
عملية الكيورنغ أو الإدامة هي عبارة عن ترطيب الخرسانة بالماء والمحافظة عليها رطبة طول فترة الإدامة واللي من المفروض تمتد ل 28 يوم لكن البعض يقلصها لنص الفترة والبعض لإسبوع .. إسبوعين إلى ثلاثة فترة مناسبة وكافية
هنا نشوف الرش بالشمع للمحافظة على الرطوبة بدون تبخر داخل الخرسانة لكن رش الماء والتغليف بكيس نايلون أضمن ثم فك الكيس والرش بعد فترة في حال رأينا الرطوبة خفت واعادته عملية أسهل
https://www.youtube.com/watch?v=WhgyDwTAiAw
جهاز لقراءة دقيقة للرطوبة داخل الخرسانة قبل تشطيبها
https://www.youtube.com/watch?v=EPufEPkEN7U
طريقة سهلة لفحص الرطوبة في الخرسانة ويمكن استعمالها للبلاستر قبل الصبغ .. لكن ليست دقيقة كما في الأجهزة الالكترونية وإنما تعطينا فكرة .. واستعمال هذه الطريقة مع القياس الالكتروني ضروري
https://www.youtube.com/watch?v=Dm_ZUaqybug
لازم نعرف إن الرطوبة ضرورية حق عملية الإدامة لكن انتظار جفافها ضروري لعملية التشطيب
نوع جديد من العازل المائي سهل استعماله ومثل الصبغ وأساسه الإسمنت
https://www.youtube.com/watch?v=3lehA6IO56w
وهذا نوع ثاني يستعمل غاطين وكل غاط في اتجاه غير
https://www.youtube.com/watch?v=Kj6GcXor2ls
توضيح لميزة استخدام القطع بالغريندر للتمديدات
https://www.youtube.com/watch?v=6QR2CHiVdvU
البعض يتفادى القطع بتركيب حوائط جبسية أو مركبة جبسية + خشبية
ملاحظة مهمة من ملاحظات المهندس عبدالغني ما يلاحظها الا المهندس المشرف المتمرس
https://www.youtube.com/watch?v=JhaoOUa9oRs