كلامه قريب للواقع وما كنت اتوقع صحته 100%
https://www.youtube.com/watch?v=ASF_cHdfq-4
عرض للطباعة
كلامه قريب للواقع وما كنت اتوقع صحته 100%
https://www.youtube.com/watch?v=ASF_cHdfq-4
مساء الخير
اخوي بو عبدالله، مريض السكري اذا جاه ألم في منطقة الكعب من حواف الكعب خصوصاََ اذا قعد من النوم، هل هذا الالم له دلالة معينة لارتفاع او انخفاض؟
مساء الأنواراقتباس:
المشاركة الأصلية كتبت بواسطة سالم الزهران
هذا في الغالب ارتفاع لأنه يؤثر في نهايات الأعصاب
حتى تقلل هذي المضاعفات لازم تضبط السكر للمصاب بس انا اخاطبك لأنك السائل والله يبعده عنك وعن الجميع .. بعدين مهم المشي لأنه يحرك الدم وتمارين ما قبل النوم برفع القدم لأعلى وعمل سترتش مثل ما ذكرت في أول الموضوع .. الشيء الأخير هو أخذ فيتامين ب 1 وب 2 و ب 3 و ب 6 .. هذي عائلة فيتامين بي وتسمى بي كومبلكس يومياً حبة وشوف نوع جيد ومعتمد .. ب 12 يجي منفصل بعد جيد
إذا وصل للأقدام ممكن يكون مزعج انا وصلت بي الحالة إن تجيني كهربة لسعات مزعجة كل كم ثانية لسعة ما كنت أقدر أنام وعطوني دواء خطير يعتبر نوع من المخدر ويسبب هلوسة .. كنت أقوم الصبح راسي مفتر بس تحصلني مفرفش كأني أمشي على الغيم وتطرأ علي أغاني ما ادري متى سامعها أدندن بها .. بعدين عرفت خطورة هذي الحبة وخطورة حالتي وسيطرت على السكر سيطرة معقولة
عاد لين وصل الخراب للأقدام تحصله مر بكم مكان غير وأهمها شرايين العين أو الشعيرات الدموية هناك والكلى وغيرها كثير
تدري حبوب الجوناميت عجيبة هي خليط غلوفاج وجونيفيا وتسد الشهية وتضبط السكر غصب .. أطبائنا الله يهداهم ما يوجهون لها بعد ما طلبتها وكانت تتعارض مع ابرة التروليسيتي وقفتها وخذت جوناميت واستفدت أكثر .. شهية اقل وسكر منضبط ومحترم نفسه وهذا مع ابر الانسولين حتى الانسولين شوي قللته
يعني اللي عنده النوع الثاني بس بيكتفي بالجوناميت وبدون أي ابر وبالحمية والجوناميت بيساعده على الحمية .. فيه كم نوع فيه 50 ملغرام جونيفيا / 1000 ملغرام غلوفاج هذا اللي آخذه وفيه 100 ملغرام جونيفيا .. الجونيفيا ابتكار ما له فترة طويلة ياكل السكر أكل والنوع المحسن ينتهي باكس آر
جزاك الله خير على التعقيب والكلام المفيد يبو عبدالله.. والله يشفي كل مريض.. آمين
آمين والله يجزيك بالمثلاقتباس:
المشاركة الأصلية كتبت بواسطة سالم الزهران
https://www.youtube.com/watch?v=EDo51S3cvzk
اللي يقول أبحاث بدون دليل هذا مؤلف ويلوي الحقائق .. أنا مريض سكر متابع لحظي للسكر ولو أكلت أي فاكهة أتابع كيف يرتفع السكر بعدها .. فركتوز وغيره من السكريات كلها تتحول لجلوكوز وترفع السكر .. شيء ثاني الأنسولين لو يؤكل يفقد خاصيته فكيف الفاكهة فيها أنسولين؟ كلنا نعرف إن الأنسولين يحقن
يعني تقصد يابوعبدالله ان التين الشوكي يرفع السكر وان الانسولين الي فيه ماينفع ولافي انسولين يأكل؟؟
عشان نوضح للقارئ
أكيد يا اخوي ذيلا دجالين وأعتقد مسوقين لفاكهتهماقتباس:
المشاركة الأصلية كتبت بواسطة نفسي عزيزه
الفاكهة كلها صحية بس بحدود خصوصاً لمريض السكر ومن ملاحظاتي اللي ذكرتها الجح تقدر توازن به كمية العيش اللي تاكله يعني تاكل صحن كامل عيش خله نص صحن والنص الثاني جح حتى لو أكثر تأثيره بسيط
اليوم انا كثرت عيش بس كان أبيض ولين مع صالونة خفيفة بحرية .. وكلت كمية كبيرة من الجح بس كانت حلاوته خفيفة وخذت أنسولين زيادة 20 بدال 18 وفوقها حبة جوناميت والحمد لله ما تعدى 170 وحتى 150
عاد العشاء خربت السالفة شوي وللحين السكر معتدل لكن متوقع يقلع بعد شوي سندويشات اثنين وصراحة واحد شبعني بس قلت للثاني تعال يعادلون اثنينهم 1 خبز لبناني وهذا للي يحب يدخل في الحسابات ويحول الخبز لسكر والسكر لأنسولين يعادله لمصابي النوع الأول العملية سهلة .. توجد جداول وطريقة للحسابات في مواقع خاصة في الانترنت واللي عنده النوع الثاني وياخذ أدوية ثانية كل واحد حسب حالته عنده ما يسمى بمقاومة الأنسولين وفيه طرق بعد لمعرفة المقاومة يحسبونها خبراء التغذية الصحية .. علمني عنها أحد الإخوان اللي ماخذين دورة في هذا المجال .. عجيب هذا ومثابر خذ الدورة وعمره حول ال 65 الله يعطيه الصحة
مثال ثاني التفاح الأحمر وايد أخف من الأخضر .. يعني تاخذ تفاحة ونص حمراء تعادل تقريباً وحدة خضراء .. التمر ذكرت قبل يختلف من نوع لنوع ودرجة نضجه وكمية الدبس اللي فيه
الإعتدال دوم وقاية وحماية والله يحمي الجميع
https://www.youtube.com/watch?v=Zt7ZRDA2OGc
مهم للي يتمرنون تمارين شاقة مستمرة
هذي أعتقد مصرية عايشة في أمريكا تابعو قصتها شيقة وايد
بشوشة الله يحفظها
https://www.youtube.com/watch?v=Nd5fKYtjeYM
طلعت كويتية اللي قصتها فوق
https://www.youtube.com/watch?v=HJtMscvbK-o
المهم قصة النجاح، لكن لفت نظري ان اجابتك الاولى عن جنسية المرأة هي الاقرب للواقع..اقتباس:
المشاركة الأصلية كتبت بواسطة معماري قطري
شكراََ فيزيشن معماري
مبدعة يا اخوي وتككلم بأريحية وإجادة توقعتها في البداية متربية في أمريكا بعدين صكني فضول ودخلت قناتها في اليوتيوب والا كويتية 100% .. انا ليش أغبط المتحدث اللبق لأني بعيد عن هالمستوى تحصلني أعلق والخبط وأنسى كلمات حتى بالعربي فشلون بالإنجليزياقتباس:
المشاركة الأصلية كتبت بواسطة سالم الزهران
حد يعرف وين يبيعون هذي النوعية من العصي للمشي الرياضي؟
https://www.youtube.com/watch?v=U7CCKJxTaY8
دواء جديد للنوع الثاني من السكر مثل ابرة الفيكتوزا بس حبوب ومحسنة أفضل
https://www.youtube.com/watch?v=wlngk6p-4Zo