فلل صغيرة وعرض ممتع مع تصوير احترافي من مساعد الغفاري وبنهاية الفيديو التصاميم المعمارية
https://www.youtube.com/watch?v=LDpRdDzSaXE
عرض للطباعة
فلل صغيرة وعرض ممتع مع تصوير احترافي من مساعد الغفاري وبنهاية الفيديو التصاميم المعمارية
https://www.youtube.com/watch?v=LDpRdDzSaXE
من أيام مريت على الشارع الداخلي المؤدي لفيلاجيو من الشرق .. شفت اللون مائل للأحمر ومطلي طلاء جيد وقبل كان تبليط بحجر فيه نعومة يزحلق السيارة شوي .. كنت استانس لين دست عليه وافترت السيارة على خفيف .. هذي النوعية من الطلاء خاصة بكل الأرضيات وهي متطورة كثير ومؤكد غالية وبلادنا تستحق كل جميل ومناسب
والحمد لله أشغال وادارتها الحالية واعية لهذي الأُمور ونشوف شغل احترافي في شوارعنا نتمنى ما يوقف ويمتد لكل المناطق وحتى الفرجان
هذي طريقة طلاء لشارع قديم
https://www.youtube.com/watch?v=gXqw2Bn_o9E
في الفيديو السابق سيارة التنظيف فيها ماي وسخان وضاغط للتنظيف العميق والفعال ويجون بعدتهم جاهزين مب بعض الشركات الكسيفة
نلاحظ السيارة مكتملة العدة وخفيفة مناسبة لهذي المناطق وعدد العمال بسيط لكنهم فاهمين شغلهم حتى الشيبة يشتغل شغل احترافي عالي .. أحد الأصدقاء من شوي يكلمني عن روبة خاصة حق بيته وكيفية تركيبها .. يقول المقاول ينظف بين البلاط بمنشار قص الخشب وشكله بيشمخ البلاط .. قلت له لازم عنده جهاز دفع الهواء ويزيل أي غبار به بين البلاط وممكن يحتاج سكين ناعمة خاصة لإزالة المواد الصلبة .. بعدين تركيب المونة بخلطها بمقادير محددة من شركة التصنيع ما يزيد ولا يقلل .. والخلط بخفاق كهربائي يخلط بتجانس .. بعدها يتم الحشو والتركيب يدوي وبسكين خاصة ويمسح أول بأول بإسفنج
يقول هو يبي يخلطها بماي زيادة ويصبها صب .. قلت هذي طريقة سهلة وسريعة لكن تسوي فراغات وفقاعات في الفجوات وتتكسر المونة بعدين وتطلع مساويء كثيرة ويمكن تنفع للبلاط الشعبي ومونة الاسمنت الأبيض
تصميم ناعم وحديث
https://www.youtube.com/watch?v=AkEIeK4vLKg
عندي الأهم هنا هو نركز في كميات وأقطار الحديد .. الجاذبية نفسها في كل مكان بس عندنا المبالغات خيالية
كذلك كان المفروض تركيب البسكوتات حتى يكون عندنا غطاء خرساني مناسب
بعدين الشغل بمعدات بدائية مشكلتنا في العالم العربي كله
هذي البايبات المرنة تضمن لنا لفات كبيرة يسهل معها ادخال الأسلاك وتسهل العمل على الكهربائيين
https://www.youtube.com/watch?v=RChalVKH0UY
للي يعتمدون على نفسهم في البناء وعلى مشرفين ما عندهم خبرة كافية .. هذي طريقة التجهيز للتمديدات اللي بتكون تحت الدفان المدكوك
التمديدات ممكن تكون بايب غاز داخل في بايب حماية بلاستيكي .. ممكن تكون خط الكهرباء الرئيسي الواصل للمجمع داخل المبنى .. ممكن تكون قنوات توصيل التلفون .. وممكن تكون خطوط كهرباء خارجة للسور وللحوش وللمياه والمضخات .. ممكن كذلك تكون قنوات تصريف مياه التكييف لو بنسويها تصرف خارجياً حق الزراعة .. ممكن كذلك في حال سوينا الصرف الصحي مدمج مع الحائط ( مخفي ) وسوينا جدارنا 20 سم فقط الخارجي نسوي فيه فتحة لتمديد بايب الصرف وبايب المطر كذلك أو ننزل بايب المطر قبل الجسور الأرضية
لذلك مخطط الخدمات ضروري .. والأفضل نسوي الجدار الخارجي معزول وبسمك 30 - 40 سم حتى نقدر نمدد في الغلاف الخارجي منه أي بايبات رأسية والأُفقية لازم نعمل لها فتحات ببايبات في الجسور الأرضية حسب المخطط وحسب النصائح الموجودة في الفيديو
الدك على طبقات والدفان مثل ما شرحت مرات عديدة متدرج بدون حجارة كبيرة وبدون شوائب وبدون بودرة نهائياً
https://www.youtube.com/watch?v=EeYNAr6zO2A
تركيب سيلوتكس أرمسترونغ وهو من أوائل المنتجين الأمريكان
https://www.youtube.com/watch?v=UcYBSL2c9Nw
تصميم الحائط الخارجي لأي مبنى يحتاج تخطيط مسبق وتصميم إنشائي حتى يتماشى معاه
مهم لو بنركب عازل نخليه محمي في تجويف لأن غالبية المواد العازلة ضارة وتحترق سرعة وتخترب لو تشربت ماء وتفقد عزلها لذلك نحميها ونحمي نفسنا منها
هنا تركيب الطابوق المصمت ( 10 سم ) داخلياً والطوب من الخارج مع حديد يشبك الجزئين حتى ما يتقوس الحائط ولا يضعف في مواجهة الهواء
أتوقع أي تمديدات بتتركب على الطابوق المصمت وبعدها بتتغطى بجبس أو ببلايوود خشب
https://www.youtube.com/watch?v=l0nNXHcem8w
https://www.youtube.com/watch?v=0stRYwOjPQo
أوقات نخلي التدعيم فترة لو حسينا بشوية ضعف خصوصاً في حالة درج معلق أو بروز بدون عمود تحته .. cantilever