https://www.youtube.com/watch?v=1YctJFLTXko
عرض للطباعة
تقسيم الدرج في يدنا نطلب من بداية التصميم ارتفاع كل دور ونطلب الدرج يكون كل عتبة 13 أو 14 سم وهم أكيد أريح بوايد من القياسي 15 سم .. هذي شلون نتأكد منها ونحسبها .. فرضاً عندنا إرتفاع من أرضية لأرضية فوقها 5 متر نقسم الخمسة متر بعد ما نحولها لسنتيمتر 500 على الارتفاع اللي نبغيه ويطلع لنا العدد .. مثلاً 500 ÷ 13 تعطينا 38.46 أما نخليها 38 وتكون كل عتبة شوي أكثر من 13 سم .. بتكون بالضبط نقسم 500 على 38 = 13.158 سم رقم مب دقيق بس سهل ضبطه بشكل تقريبي
في حالة ما عندنا مجال نعمل 38 عتبة ممكن نتنازل ونقول بنزيد ارتفاع كل عتبة ل 13.5 سم نقسم 500 على 13.5 تطلع لنا 37 عتبة ولو بنسويها بالضبط 37 وبارتفاع بالضبط 13.5 وهو أكيد مريح نضرب 37 في 13.5 يطلع لنا الارتفاع 499.5 سم سهل قياسه وقريب للارتفاع المطلوب وقريب لرقم صحيح 500 سم
ولو بنضحي بنقول نبي الإرتفاع أقل عادي بس عندنا مجال نسوي الدرج 32 عتبة ونبغي ارتفاعها يكون 13.5 .. يطلع لنا 13.5 X 32 = 4.32 متر .. 13.5 ضرب 32 = 4.32 متر ارتفاع من أرضية لأرضية نشيل منه سمك السقف يعطينا الارتفاع الصافي ونشيل منه نزول الجبس يعطينا الارتفاع اللي بنحصل عليه مرئي
https://www.youtube.com/watch?v=IUgRS7w-C_s
جزاك الله خير يبو عبدالله على تعقيبك ومداخلاتك الطيبةاقتباس:
المشاركة الأصلية كتبت بواسطة معماري قطري
الله يجزيك بما دعيت ويوفق الجميعاقتباس:
المشاركة الأصلية كتبت بواسطة سالم الزهران
أمثلة كثيرة نشوفها تصلح للغرب وللمباني الخشبية بس قابل بعضها للتطبيق عندنا وبموادنا بسهولة
بما إننا نصب صبة النظافة تحت الأساسات بسمك 10 سم وقوة 15 كيلو نيوتن في المتر المربع أو نيوتن في السنتيمتر المربع فهي مناسبة جداً بدال الدفان تحت البلاط
https://www.youtube.com/watch?v=kUIPOlM8YD8
ايهم اخف النظافة او الميول !!!!
ما فهمت سؤالك بالضبط بس أتوقع تقصد خلطة الاسمنت اللي تنحط للسقف لعمل ميلان لتصريف المطر .. شوف اخوي سعود كل خلطة لها خصائص تختلف باختلاف مكوناتها .. الأخف شفتها تنعمل في قطر من حول 25 سنة تسويها شركة مدماك كانت مثل رغوة الصابون ويصبونها حق ضبط ميلان السقف .. هذي نفسها تستخدم في الكويت بدال الدفان حق أرضية دورات المياه خفيفة وسهلة الإزالة وناعمةاقتباس:
المشاركة الأصلية كتبت بواسطة سعود.
النوعية اللي تنعمل باليد اسمنت ورمل هذي أخف ودرجة ثانية ولا تكلف وايد وتقدر تضيف لها خلطة الفيبر تقويها سواء للسطح أو لتحت البلاط في أي مكان غرف والا حمامات وشغلها سهل أي عامل يقدر يسويها ولو تبيها ردي مكس ممكن تطلبها بالمواصفات اللي تبغيها وأكيد تكلفتها أقل من تكلفة صبة النظافة
صبة النظافة 15 كيلو نيوتن تعتبر قوية .. الطابوق عندك 7 وبعضه يطلع أقل حتى يوصل 3 ما فيه مجال للمقارنة
كثيرين يداومون للحين في مباني مدماك اللي انبنت من 25 سنة وإحتمال تكون اخوي سعود انت منهم أو على الأقل دخلت مرة في حياتك هذي المباني .. ما ادري عن تاريخ صيانتها بس اتوقع انعمل لها عازل ثاني
صحيح اقصد صبة الخرسانه الخاصه بالعازل . تكون بديل لدفان
ما عندك مشكلة هي تقريباً نفس الشيءاقتباس:
المشاركة الأصلية كتبت بواسطة سعود.
هذا فيديو مهم للأبواب المعلقة
https://www.youtube.com/watch?v=gkGqdpois6g
ما احب مصطلح الموضة في التأثيث أو الديكور أو حتى التصميم
يعني لو بالحق الموضة كل سنتين لازم اغير كل شيء وهذا مكلف تكلفة كبيرة .. المفروض نستثمر في تصميم دائم ومريح وعملي وجميل ونتعايش معاه وممكن نضيف عليه شوي شوي مع مرور الوقت وتغير احتياجنا
https://www.youtube.com/watch?v=l3j0T4BFxBY
يعني اتخيل نفسي رايح ابغي قطعة أثاث والا اكسسوار ويقول لي شخص موضة قديمة وما تسوى ولازم تتابع الموضة .. ببساطة الأثاث والديكور فن وذوق وما فيه هالسوالف
نعم فيه أشياء تكنولوجيا قديمة ومزعجة وغالية وكبيرة وما تسوى مثل الخلاطات اللي تجي كبيرة ولها مفتاح للماء البارد وثاني للحار .. أكيد بتكون ستايل قديم ومزعج وغالي .. على هذا الطاري أحد الإخوان مشتط ويتعامل مع أتراك حب يشاركني في مشروع سريع هو نجيب كونتينر قطع صحية ونسوقها لمراكز البيع .. طلبته لستة المواد وسعرها وكانت كثيرة غالبيتها موديلات قديمة وكبيرة دفشة وغالية تكلفتها الاجمالية 3 ملايين وطلع التركي عنده القطع مخزنة وقديمة ويبغي يسوقها وموهمه إنها رخيصة .. حتى الواشرات مسعرها
سةالف الموضة للحريم لامهم هم اللي يهتمون بها!اقتباس:
المشاركة الأصلية كتبت بواسطة معماري قطري
احنا و لله الحمد اي شي يمشي معانا!
هههههه يخربون طبخة البنيان والتصميماقتباس:
المشاركة الأصلية كتبت بواسطة SouthK
أُم العيال كنت اشاركها في التصميم ولا تبغي ولا تهتم يوم بنيت وخلصت استوى المدح كله لها .. تقول لي يقولون لي ذوقج زين وهي تدخلت في الأثاث والأثاث كان أبسط شيء وفي غالبه إختياري .. الزين مشاركاتها كانت متفهمة ومب مشاركات نحاس واصرار لكن بعض الحريم يصرون على صورة شايفينها يبغون المصمم يسوي نفسها والصورة خارجية
بيزعلون علينا الحريم والحين بتدخل وحدة بتهاوشني عاد ساوث كي انت تصرف افزع لي
https://www.youtube.com/watch?v=37UhPgTp7Ic
الكيرتين وول ما ينفع للبيوت وجهة نظر وكل كلامه تسويق .. الكرتين وول قوته في مقاومة الرياح العالية للمباني المرتفعة وللواجهات اللي في غالبها زجاج أو كلها .. للبيوت حتى لو عندنا زجاج بكامل الارتفاع وكامل الجدار يمشي ألمنيوم أو يو بي في سي عادي بالتفاصيل الكثيرة الموجودة
حاجة مهمة تخطيط المدن ( الواعي ) في كل دولة يطلب واجهات زجاجية مقاومة للرياح وما تسقط وتسبب أذى للمتلكات والمارة ونوعيات ما تتسبب في تكثيف اشعة الشمس على شيء قابل للاحتراق وتسبب في كارثة وكلنا سمعنا وبعضنا شاف سقوط أجزاء زجاجية من زلزال بسيط هز مباني الأبراج هزة خفيفة عندنا .. وكلنا سمع عن البرج اللي احترق بسبب انعكاس أشعة الشمس من الزجاج لعازل فوم قابل للاحتراق بسرعة وشلون الاستشاري يوم حققوا معاه قال طالبه المالك والمفروض الاستشاري واجبه يرفض بقوة ويبلغ المسؤولين لأن الخطر عام مب شخصي
تصميم وبناء عالي التقنية في كندا يستحق المتابعة
https://www.youtube.com/watch?v=Tngipxpjfkw
حل رخيص ومفعوله بسيط ما يسوى .. تكنولوجيا الزجاج وطبقاته هي اللي تعطي عزل مناسب وبحسابات المفروض ودراسات وضمانات محددة .. بعض الزجاج المزدوج يجي مطلي بمادة شفافة من داخل لا تسمح بدخول بعض أطياف الأشعة الحارة .. الغاز لو حقنت بنوع خامل منه له تأثير قوي في العزل الحراري والصوتي كذلك ويعطينا ضمان إن الفراغ بين الزجاج ما فيه رطوبة وبخار ماء ممكن يتكثف من التكييف أو وقت البرد
للأمان ممكن نوعيات البلاستيك السميكة تكون فعالة بس بشرط منتج جيد ما يخترب مع مرور الوقت
https://www.youtube.com/watch?v=vzznNdZ9USQ
https://youtu.be/ftkBfuMEZ7U
ما ادري اذا هالمقطع موجود في الموضوع واحياناََ ما ودنا نقطع سياق الفيديو إذا تعلق بموضوع واحد.. لكن بصركم
سبقتني كنت فاتحه باشوفه وباعلق عليه وباحطه .. بالعكس حتى لو موجود وتكرر ما يضر يا بو زيد وباشوف شفيه وباعلق لو عندي تعليق وأتوقع كلامه صحيح .. يمكن اضافتي إن البلاستر منه نوعيات كثيرة وحتى تشكيلات كثيرة ولها عدة تسميات وخلطات وأوقات بمواد خاصة وأصباغاقتباس:
المشاركة الأصلية كتبت بواسطة سالم الزهران
اللي ذكرها كلها طرق وزن البلاستر أو اللياسة لكن ما تعتبر أنواع
لا ينصح بالنوع المعزول كهذا لسبب وجود جسور حرارية كثيرة تمثلها مونة التركيب وكذلك الجسور الخرسانية سريعة نقل الحرارة خلالها والمفروض في العزل كنظام يكون العازل متصل ومغلف الخرسانات والطابوق .. تبقى الفتحات من نوافذ وابواب وهذي طرق معالجتها تكون بالطبقات الزجاجية والتجويفات ونوعية الفريم وسمكه والحجرات أو الفراغات فيه وسمك جدرانها وإذا وجد فوم في الفريم أو أي مادة عازلة .. من عوازل النوافذ كذلك طبقات الستائر تعتبر هي الأقوى وكذلك نظام الاغلاق وعدم نفاذية الهواء
https://www.youtube.com/watch?v=qTfDrshz3y0
معك حق وكون المواد مالت اللياسة محددة عندهم فهو يتكلم عن انواع طرق التنفيذ.. انا بختصرها في خطوتين (جودة مواد وتحضيرها ومنها نوع الماي، ومهارة عامل اللياسة). باقي ما بقي تعتبر مشاكل وحلول ربما ما تكون واردة.اقتباس:
المشاركة الأصلية كتبت بواسطة معماري قطري
ادري كلامي يشبه كلام المقاولين هههه مب هندسي
شكلك متابع جيد هنا وعلى اليوتيوب هذي الكلمة أمس كتبتها في اليوتيوب وكتبت دجل هندسي وكنت صادق لأن البعض يغتشون خصوصاً في مسئلة العزل الحراري والعوامل اللي تدخل فيهاقتباس:
المشاركة الأصلية كتبت بواسطة سالم الزهران
شفايدة إني استعمل قطعة طابوق عزلها كوحدة وحدة مسكت في المختبر لكن عزلها في نظام الجدار فيه فجوات كثيرة تمثل ممرات حرارية سهلة مثل المونة بين الطابوق تقطع العازل ومثل الجسور والارضيات اللي تكون مثل الرديتر الحار تنقل الحرارة والبرودة وقت الشتاء للداخل
لو تحسبها كمساحة بتحصلها وايد أكبر من الداريش والدرايش لها طرق عزلها اللي تعادل نفاذيتها للحرارة والبرودة من أهمها طبقات الستاير وكذلك إغلاقها المصمت بربلات جيدة وما تنفذ الهواء للداخل
في الدول الباردة لاحظوا تعفن الزاوية العلوية قرب السقف سواء سقف جبسي أو عادي والسبب وقت البرد البرودة تسري في الجسور والزاوية هذي تكون أبرد شيء يتكثف عليها بخار التنفس وتنبت طحالب فطرية على الجدار من الرطوبة .. هذا ممكن يحصل عندنا بدرجات أقل عندي تستوي هذي المشكلة من التكييف تبرد الدرايش من داخل وتتكثف عليها الأبخرة وتنزل على شكل رطوبة بسيطة وقليلة على قاعدة الدريشة أو الجدار أسفلها وتسبب نفس السواد هذا خصوصاً في غرف النوم الليل الدرايش تبرد من داخل ونكون أوقات مبندين مكينة شفط الهواء في دورة المياه وما يتجدد الهواء بس استوينا نخليها شغالة طول الليل نبندها شوي بعد الفجر والصبح نرجع نشغلها
ألحين فيه أجهزة بسنسرات تتحكم في مستوى الرطوبة في المباني وتزيل الرطوبة الزايدة .. الموضوع معقد بس متصل بالعزل الحراري
بو زيد طلعوا عندنا في الوطن العربي أشخاص مختصين ما يقصرون يبرزون حقائق هندسية صحيحة 100% وبدائل جيدة وأوقات تجارب بعضها تكون خادعة حتى لهم وأوقات بعضهم يغتش بكلام المسوقين
المشكلة بعضهم تناقشه نقاش هندسي عقلاني يطلع لك شخص ثاني يرد بحقد لأن تعريفي في اليوتيوب فيه اسم قطر بس وهو تحصله من تابعين الظالمين .. قليل من الملمين بالشغلة يؤكد كلامي وهذي مشكلة الناس العامة يمشون وراء الدجل الهندسي وكلام المسوقين
أمس مريت على واحد يبني غرفة زجاجية في الحوش وكان توه يؤسس لها بعمدان حديد .. 4 في 4 وكل زاوية عمود .. كافي وزيادة لكن الفني اللي يشتغل له ناوي يحط أعمدة وسطية .. بيكون خرب منظر الزجاج مفتوح أكثر شيء ويمكن بدون دراية قلت خلها بس في الزوايا وعلى مسؤوليتي لو صار شيء .. السقف بيكون خشب عليه قرميد وبشوف لو يمدنا بصور للشغل باحطها بإذن الله وأخ معانا في المنتدى ناوي يبني وحدة وانا اقتنعت بها كفكرة للبيت الجديد إن شاء الله
الجهال واجدين، ويصعب عليهم تقبل النقد..حنا مشكلتنا يبو عبدالله لو بغيت غرفة زجاجية او خشب تيك مثلاََ او اللي هي؟
تكلفة المواد 2000
تكلفة الفني أو الورشة 2000 مثلاََ
تكلفة التركيب 2000 مثلاََ فقط نمثل
الحين المقاول او التاجر ليش يطلب عليه 25 الف؟
ليش يبغي يكسب اكثر من كلفة المادة وتصنيعها وتركيبها؟
بكم الدرابزين؟ كم النحاس والحديد والزئبق الاحمر حتى؟
كم مكينة القص او النحت بالليزر.. بكم ساعة العامل؟
طيب ليش اسعارهم ب30 و40 الف؟
البلاء ان البيوت لو صارت من ورق مقوى راح تكلف دبل الدبل.. والاسواق ما استفدنا من الانفتاح عليها بلعكس نفس الشيء اللي عندك بالخليج متفاوت سعرة من بلاد للثانية وفي بقية العالم ارخص بعد.
دوم إخوي سالم فيه بدائل .. صدقني جشع التجار عندنا غير طبيعي ومستغرب هالشيء عندكم لأن سوقكم كبير واستهلاكه يمشي بسرعة .. عندنا عذرهم الشغل قليل
أحب التوجه في التصميم اللي اسمه Minimalist ما ادري وشي اقرب ترجمة لها يمكن الاقتصادي .. هذا يقول لك إذا بتصميم حاول تخلي هيكل البناء يخدم الديكور ويكون بس كافي .. حاول تسوي درج بحاجز طابوقي فيه فجوات تجميلية بدال الدرابزين بتوفر حول 90% .. إعمل بيتك بتكييف بسيط .. ما فيه داعي للحجر والرخام الغالي .. حاول تسوي تصميم انشائي مدروس ما يكلفك وايد
توجه معماري قديم يقول Less Is More حاول تقرأ عنه هذا يصب في نفس التوجه الأول ويعني انت تسوي المطلوب وكفاية تكون سويت الكثير
تواجه ناس غريبين أطوار يقول لك واحد انا ابي ارتفاع الدور 7 متر وابي دورين بس 7 و 7 = 14 وهذا المسموح يحط الاستشاري في زاوية ضيقة ويكفخ فيه .. نسى إن الارتفاع المسموح يكون من الشارع .. الحوش ممكن 30 سم كفاية عليه تحصله يقول لا ابغي بيتي متر مرتفع .. زين المتر لازم تخصمه من ال 14 ما يستوعب .. بعدين بيستوي مدخل بيتك صعب للدخول حتى بالجيب .. يقول لك انا شفت بيت واللي شايفه يمكن قصر كبير متدرج في ارتفاعه وله طريق داخلي مب رامب قصير
واحد سكن قرب بيت راعيه مصممه مدخله برامب مرتفع لين الدور الأول والسيارة توقف فوق وميت على التصميم يبي يسوي مثله
المشكلة الموجود ما يركب على بيت عادي ويحتاج مساحة بمستوى قصر حتى لو الارض 2000 متر مب حلو عليها حتى يمكن 3000 تحتاج مدخل طويل وبعدين هذا الدوار المتدرج في الإرتفاع واللي يكفي حتى لسيارتين جنب بعض يمرون .. كل شيء بتسويه يستوي بس فيه شيء لائق وشيء غير لائق
ممكن صورة او رسم للتوضيح؟اقتباس:
المشاركة الأصلية كتبت بواسطة معماري قطري
بحاول اشوف لك وحطيت في موضوع مراجعة المخططات سكتشات بسيطة .. ممكن جدار خرساني بسمك بسيط حتى 5 سم يمشي أو 7 سم وتسوي فيه بعض الفجوات .. ممكن تصميمك للدرج مثل درج بيتي يمشي بدون درابزين ويمشي بمسكة درابزيناقتباس:
المشاركة الأصلية كتبت بواسطة SouthK
https://a.top4top.io/p_17635wcey0.jpeg
تقصد كذا ( ابا عبدالله )
اوفر للمال بكثير شفت موضوع له يسونه بعد من انتر لوك
تقصد groove بحجم معين على طول الدرج؟؟؟اقتباس:
المشاركة الأصلية كتبت بواسطة معماري قطري
نعم بالضبط هذا أحد الأشكال والتصماميم .. وأكيد يسوونه بطوب محلي شبيه للانترلوك وحتى الانترلوك ينفع بعدين يشكلونه بالبلاستر على كيفهم .. ممكن بالخرسانة وفيه فجوات معينة والا حفر طولي يكون قبضة وفيها انارة مخفية .. تفاصيل الشغل كثيرة وفي يدك تتحكم فيها وتطلع جميلة وبسيطة .. مثلاً هذا الدرج يبين خشبي وعليه سجاد إحنا حتى البلاط الشعبي يمشي أو الدرج باسمنت معمول بشكل يدوي والحواف شوي لافة حتى ما تنكسر بسهولة وعليه سجاد .. مسوي في بيتي ببلاط شعبي وعليه سجاد ودرابزين رخيص المنيوم مركب من الجنب ما وصلت تكلفته 5000 ريالاقتباس:
المشاركة الأصلية كتبت بواسطة سعود.
سواء قروف ( حفر ) أو مسكة مثل اللي حاطها سعود أو شبيهة حتى الالمنيوم حلوة والحديد تجي أشكال وتكون وايد أرخص من درابزين كامل ومنها الستانلس ستيل الدائرياقتباس:
المشاركة الأصلية كتبت بواسطة SouthK
هذا ردي على اليوتيوب هذا
" الله يعينك وذيلا ما عندهم ثقة في منتجهم وناوين يستغلون جهل بعض الناس ويسوقون عليهم .. مرة طلب مني أحد المقاولين محاضرة للتوعية بمشاكل البناء والعقود قلت انا حاضر بس بتكون المحاضرة عامة ولي الحرية في التنبيه بكل الثغرات اللي يستغلها المقاولين قال ابغيك تركز على أخطاء الملاك وتغييراتهم .. قلت له هذي من ضمن المواصفات العامة للدولة يحق للملاك تغيير بالزيادة والنقصان بحدود 20% من تكلفة المبنى .. قال ان شاء الله بنحدد موعد وبنكلمك للتأكيد وهرب ولا كلمني وكان يفكر في محاضر يلمع صورة المقاول ويحط اللوم على المالك ولا ينبه المالك لحقوقه .. هذا اللي يصير عند المسوقين أما المهندس المحايد الواعي يناقش الفكرة والمنتج والطريقة والمحددات التعاقدية .. انا مع عرض المنتج واسم الشركة وأأيد الدعاية المستحقة للشركة وبنفس الوقت الدعاية السلبية لو المنتج ما يسوى وهناك بديل أفضل .. ببساطة مع النقد الهندسي المحايد وحتى بيكون مهم لإصلاح أي قصور "
https://www.youtube.com/watch?v=LbtNTwUrJlc