يوتيوبيات البناء .. مقاطع تثقيفية متجددة

التدعيم ممكن يبقى حتى للتشطيبات في الحالات اللي ذكرتها سابقاً

الديكورات المعتمدة على التجويفات والتأثيث مهمة ونشوفها بوضوح في البنيان الأمريكي والاوروبي الحديث

https://www.youtube.com/watch?v=fc-5L9DZWcU

عمود مكسر من تحت للسقف .. ملاحظة مهمة غير ملاحظات المهندس عبدالغني هي نوعية الحديد .. لاحظوا الحديد الطولي مغلف وكأنه جديد .. الحديد العرضي مركبين عادي شوفوا شلون مصديء ومهتريء

https://www.youtube.com/watch?v=9ZasP4joGRU

سامحوني تعليقاتي أشوفها مهمة وكذلك المقاطع مهمة ومفيدة للكل بإذن الله

كلامه صحيح بس اقدر البروز الموجود بمترين وأقل مب 3 متر

لاحظوا كذلك الطابوق المونة فيه خفيفة في الاتجاه العمودي وهذا يسبب كراكات مستقبلية وضعف

https://www.youtube.com/watch?v=mYJNhwf33IY

المتر المكعب خرسانة سعره حول 300 - 350 ريال والطابوقة سعرها حول 3 ريال الى 3.3 ريال

الطابوق في المتر المكعب = 2.5 في 2.5 في 5 اللي هو ارتفاع خمس طابوقات = 31.25 طابوقة بقيمة حول 103 - 90 ريال .. الخرسانة لو ضفنا لها الحديد أكيد تطلع أغلى بمقدار حسب كمية الحديد وقطره .. لذلك مهم لو بنصمم بيت للمصعد نصممه حسب متطلبات الشركة اللي بتركب المصعد وكذلك نقتصد في كميات الخرسانة والحديد بس القاعدة والبير أسفل الأرض لازم يكونون خرسانيين ومعزولين

https://www.youtube.com/watch?v=zpVlZCtgIBU

https://www.youtube.com/watch?v=HIyIGJcJejU

مستغرب كيف قواعد الجار داخلة في حدود أرض غير أرضه .. حتى في جهة الشارع عندنا في قطر ممنوع .. ببساطة القواعد تحمل على الطرف والجزء المتبقي منها يكون جهة داخل أرض المالك

https://www.youtube.com/watch?v=4WeCoH5zkYk

https://www.youtube.com/watch?v=ANRxbVDwfoQ

اللي يجهزون حتى يبنون ينتبهون لهذي الملاحظات

كلها منطقية وبالعقل تنفهم .. الأهم التشبيك يكون قوي وموزع صح وتوزيع الحديد وقطره كما هو موضح في المخططات الإنشائية .. وننتبه للغطاء الخرساني ويكون أكثر من المطلوب أفضل للخرسانات تحت الأرض أو القريبة من التربة .. مب غلط نزيد رقاب الأعمدة لو عندنا عمود 20 في 40 ممكن نسويه 30 في 50 حتى نضمن غطاء خرساني مناسب تحت التربة .. فوق يرجع عادي وحتى الشكل يطلع حلو لو سوينا الجسور الأرضية بارزة للخارج 5 سم ولمحاذاة بلاط الأرضية داخل أيضاً 5 سم .. تستوي من الخارج تبين كأنها نعلة كبيرة

https://www.youtube.com/watch?v=eRhmCvHhgl8

في الخرسانة المسلحة مهم نحط الحديد قرب الجزء اللي بيكون عليه شد واللي بيتقوس .. صبيات الأسقف في العادة يكون تقوسها لأسفل نتيجة لوزنها لذلك يكون معظم الحديد محسوب في القسم السفلي لأنه هو اللي معرض للشد

لكن في بلكونة مثلاً أو جزء بارز ومعلق الشد يكون فوق لذلك نرفع الحديد للأعلى وهذي أُمور لازم يعرفها المهندس المشرف لكن أخطاء تصير من بعض المقاولين اللي ما عليهم إشراف وكثير يجهلونها حتى بعض المهندسين لو مب انشائي

نجي للصبية اللي على الارض وتحتها دفان .. هذي انحناؤها يكون لأعلى لو فيه ضغط تربة وانتفاخ أو أوقات لأسفل لو ضعفت التربة واستوى هبوط .. الحل الأمثل للحديد يكون في الوسط أو نسوي خرسانة كلها مقواة بفايبر لأن الفايبر يعطيها قوة شد في كل الإتجاهات .. صحيح أقل من شد الحديد لكن قوة كافية

هنا نشوف صبية تحتها عروق شجرة رفعتها وتم اصلاحها

https://www.youtube.com/watch?v=z5pFc5U-a6c