الله يسلمك ويجيرك من كل مكروه والحمد لله مرت بسلام والله يعين على الباقياقتباس:
كتبت الرد مرتين مع الاقتباسات وضيعتهم مع الصفحات، قمت حفظت الصور "-____-
هاي فلة عجبتني فكرته منها تزرع أعشاب الأكل فريش من بقدونس نعناع وغيره وسيده من المطبخ للجدر.
عملي التخزين، البانتري منه وفيه إذا ما في مكان لعمل واحد بالمطبخ.
الأهل من محبي هالستايل، لكن المشكلة عندنا إذا سويت مثله يعيبون وينقدون "مقشر" - "قديم" - "جان يبتوا أي إطار وخربتوه..الخ".
عجبني وايد، دليل إن مو لازم تخسر وايد على مكان إذا لقيت العنصر اللي يميزه واللي يمكن يكون بأزهد الأثمان.
هاي من أحلى المطابخ اللي شفتها، شرح ويوحي بالنظافة، بس لو بنسوي مثله بخفف من البياض، أحس لأنه هم شمسهم خفيفة يصلح تدش أشعتها وتعكس وتنور المكان، احنا ما بنقدر نبطل عيوننا من قوة انعكاس الأشعة.
البياض بالعكس لا تخفف منه بس ركب ستاير أما ألمنيوم أو خشبية سهلة الفتح والتعتيم بدرجات .. أو تقدر تركب القزاز الالكتروني اللي يتحول مخفي وشفاف بدرجات
فعلاً حلو ويعطي إحساس برودة وهدوء.
حبيت بساطته وألوانه.
عجيب، أنا ذكرني بأليس في بلاد العجائب.
تعجبني هالفكرة، مع إن قبل فترة قريت مقال بـ Yahoo عن إن المطابخ المفتوحة بدت تفقد شعبيتها في أمريكا لأسباب منها رائحة الطعام، وإن أحياناً الصحون تتكدس والمطبخ ما يكون بحالة نظيفة تماماً طول الوقت فمنظره يكون مش ولا بد خاصة إذا طبوا عليهم ضيوف فجأة ولا الأم مجهدة وتبي ترتاح شوي وزاعجها منظر الفوضى من الصالة، أذكر وحدة قالت عن فايدة المطبخ المغلق إن هو الغرفة الوحيدة اللي أقدر أشرد فيها عن باقي العايلة فالبيت أشرب قهوتي وأقرا كتابي بهدوء، بس مثل ما تفضلت يا أخونا المعماري ينفع لنا المطبخ المفتوح لأن عندنا سبير خارجي للأشيا الجايدة، هاي اللي داخل حق كيك وعصير وشاي وماي.
ذكرتني بمطبخ شقتي هناك .. كنت اترك كل شيء في المغسلة وعندي أكواب شاي شكثر عاد يلصق فيهم اللبتون بعد كم يوم .. صار ورجعت قطر حق الكرسمس وكنت باملج وباتزوج في الصيف لين خلصت وشفت اخوي بيعرس قلت تأبى المروءة وتزوجت قبله بيومين وحضرت عرسه وسافرت ثاني يوم الصبح ومعاي زوجتي .. يوم دخلت الشقة شافت الفضايح خصوصاً أكواب الشاي
عندنا إحنا الوضع يختلف وعندنا في الغالب مطبخين وحق بيتنا زدناهم مطبخ خارجي للشواء وحتى لقلي السمك مظلل جزئي ومزروع .. الداخلي استوى لقعدات الطعام أوقات وحق أُم العيال تطبخ فيه .. هذا الداخلي كل ما كان مفتوح أكثر يكون حلو ومناسب
الله يسلمك ويحفظك ويجزيك خير، والحمدلله عدنا والعود أحمد على قولتهم.
ما توقعنا نهتم بغرف الغسيل بس طلعت عملية مع التوزيع مثل ما تفضلت، وبعد ممكن نرتب فيها أو بممر يمها مكان للحيوانات الأليفة – لمحبين القطط :)
تسلم ما عليك زود، وللأمانة Google Translate ما يقصر، ما أعتمد عليه كلياً لأن ترجمة النص عادي يعفسها وتطلع تضحك غريبة بس طبيعي لأنه آلي، فاللي أسويه أرد أقرا وأصيغ وأعدل عليها بس يفيدني وايد.
لا شغلك زين وترجمتك واضحة .. لدرجة اني حسيت إن فيه فرع بالعربي مترجم وخالص بس كذا بتكون صج أبدعت وأضفت إضافة طيبة للجميع
أنا أخطط أخليها يم ممر خارجي بعد وبفكر بكلامك أكثر.
الله يحفظك ويقومك بالسلامة أخونا معماري ، راحة العين ضرورية سواء اضطريت لإجراء عملية أو لا، حاول ما تجهدها قدر المستطاع خاصة بعد العملية، وما تشوف شر إن شاء الله.