https://www.youtube.com/watch?v=__pBOY-sluU
عرض للطباعة
https://www.youtube.com/watch?v=V48FQBbeZhk
ما اعتقد هذي الوصلة موجودة عندنا
اتوقع موجودة لكن يبيله تدور عليها!اقتباس:
المشاركة الأصلية كتبت بواسطة معماري قطري
إحتمال بسيط لأن عندنا متعودين اللحام والا البرغي مع اللزقة البيضاءاقتباس:
المشاركة الأصلية كتبت بواسطة SouthK
هاي اسمها وصلات مانعة للتسرب، اشكالها كثير اكن تقنيتها وحدة. نسيت اسمها بالانجليزي كنها antileak او شيء من هالقبيل.
أكيد منها أنواع بس القصد سهولة تركيبها بواسطة أي شخص سهل يتعلمهااقتباس:
المشاركة الأصلية كتبت بواسطة سالم الزهران
كلام صحيح أهم عامل لخلط الخرسانة هو تكون الخرسانة مخلوطة بنسب مجربة ومعروفة من عدة مواد أهمها الاسمنت والماء .. نسبة الماء للاسمنت بالحجم بحدود 40% يعني كيس الاسمنت له أقل من نص كميته أو حجمه ماء .. في بعض الخلطات يستعملون 30% وحولها كل رقم يحدث فارق
https://www.youtube.com/watch?v=jOfg1gK1B4M
عزل مناسب السيبوريكس عزله جيد بس لو حط 5 سم فوم وعليه 10 سم سيبوريكس بيوفر وبيطلع العزل كثير أعلى حول الضعف أو الضعفين .. كذلك أخطأ بعدم عزل الأعمدة .. كان ممكن يسويها بعرض 25 ويركب عليها فوم وشبك وبلاستر .. السيبوريكس لو تركب صح ما يحتاج بلاستر ممكن صنفرة بسيطة ونصبغ مباشرة عليه بمعجون وتأسيس مناسب .. الجدران الداخلية انا أفضل 20 سم طابوق عادي نقدر نمدد فيه بسهولة وبيطلع سمك الجدار الاجمالي 35 سم وحتى لو عملناه 40 سم بعد مناسب وتأثيره على المساحة الداخلية لا يذكر
https://www.youtube.com/watch?v=90isYUYJgnI
لو مستخدمين نظام الجدارين للجدار الخارجي وعازلين بالصوف الصخري وايد أفضل وممكن بألواح الفوم بس مهم العزل يكون متصل وبعدين يجي ارخص من الطابوق اللي العازل في وسطه وفيه فراغات بدون عازل + المونة تمثل جسر حراري + الجسور تمثل جسر حراري كبير
https://www.youtube.com/watch?v=wcvtA7mUT0U
كذلك مهم تركيب بلاستيك فاصل بين الرصيف والجدار حتى ما ترتفع الرطوبة في الجدار .. في بعض الدول كثيرة الرطوبة والمطر يستخدمون قطعة ألمنيوم تكون على شكل يو وفتحتها جهة الخارج هذي تمنع الرطوبة من التجمع في طرف التقاء السور بالارض وتعطي شكل حلو للحائط أو حتى لحوائط البيت وتحمي البلاستر أو الحجر أو حتى الرخام
https://www.youtube.com/watch?v=URHvva-k3y8
البورسلان عجينة اسمنتية مضغوطة ومخلوطة بذرات ضعيفة جداً من التربة .. نسبها وقوتها تختلف حسب المصنعية .. يوجد بورسلان سيراميكي وهذا عليه طبقة طلاء سيراميكي وهذا غالبية الصيني منه رديء بسبب إنه ينكحت لونه ويتغير حتى من المشي عليه والغسيل بعد فترة .. فيه نوع يعتبر تقنية عالية عجينة البورسلان تتركب عليها شرائح رفيعة من الغرانيت ومن أنواع نادرة منه وهذي يبدعون فيها الطليان والإسبان والألمان .. حتى السيراميك توجد أنواع جودة عالية مثل بختال الألماني وفالنتينو الايطالي وبعض النوعيات التي تصنع يدوياً مغربية ومصرية هذي تجي أغلى وأفضل من بعض البورسلان .. أخيراً ظهر البورسلان الرخامي كشكل والخشبي وبعد حسب مصنعيته .. من أهم مواصفات البورسلان والسيراميك معامل الكحت وهو يبدأ من 1 للطبشور وينتهي ب 10 للالماس بعض الرخام يوصل 5 وبعض البورسلان يوصل 8 .. ببساطة ممكن نعرف جودته لو حاولنا نخدشه بسكين حادة
https://www.youtube.com/watch?v=w4VuwYanKYY
يمكن الملاحظة الوحيدة هي عدم استخدام الإنارة المزاجية الخافتة الملونة هذي شفتها في فندق في ألمانيا وحبيتها .. في الصباح النور أبيض مائل للوردي قليل وفي الليل اللون أزرق هاديء وكانت للسقف مخفية .. ممكن نعممها مخفية حول أحواض الزراعة أو في كسرات معينة في الجدران .. مفكر في اللون الأحمر وقت الشتاء يعطي دفء واللون الأزرق وقت الحر يعطي احساس بالبرودة والهدوء .. مفكر في ستريب لايتنغ لأسفل الجدران الخارجية ويكون مخفي مثل النعلة المقصوص لها في الجدار وتكون مثلاً فوق بلاستر ويجي في العادة بسمك 2 سم وتحت نتركه بدون بلاستر نركب مباشرة على الطابوق بلاط حماية لأسفل الجدار أو أي قطعة معدنية أو نكمله مع بورسلان الارضية
https://www.youtube.com/watch?v=_yEJKFCBwy4
سؤال اخوي معماري خارج الموضوع:
بغيت أحول من النظام qnd لــ wgs و ما حصلت المعادلات .. تقدر تفيدني؟
الله يعين اللي يشتغل له مثل ذيه .. تبريره حق شلوخ السور بسبب إن الجار ما بنى كلش دجل ما له محل من الحقيقة .. يبين الجدار التربه حوله ضعيفة والظاهر تأسيسه أي كلام مثل دفان الحوش اللي هبط وتكسرت الخرسانة بعدين نهائياً ما فيه فواصل تمدد .. الحل أما يهدم ويعاد بناؤه من جديد أو يدعم بخرسانات في تجويف الطابوق وحديد إن أمكن أي قطر وحبة حديد وحدة .. وضروري نسوي فواصل تمدد بقطع الجدار من فوق لتحت بسمك 2 سم ووضع فاصل تمدد مناسب وفيه نوعيات كثيرة أبسطها الفلر أو الماستك .. باقي الشغل مشي حالك وشغل فهلوة لا غير
https://www.youtube.com/watch?v=sB5VCsWABqk
هذا مهم .. شيء ثاني قبل لتمر على مشروعك لو كنت مالك أو حتى مدير شركة مر على سوبرماركت خذ عصائر ومشروبات وحلويات وكيك للعمال تعطيهم حافز تشجيعي
https://www.youtube.com/watch?v=6htkf3Yqc1M
كلام جميل جدآاقتباس:
المشاركة الأصلية كتبت بواسطة معماري قطري
نصيحة خفيفة وبسيطة وهذا عامل مهم .. الفرق المتطورة في العمل الهندسي قبل ليبدون عندهم تمارين لياقة حسب شغلهم وعندهم إجتماعات يناقشون فيها الشغل وطرق العمل وكيف ممكن يؤدون أفضل وأسرعاقتباس:
المشاركة الأصلية كتبت بواسطة سعود.
الجانب الإنساني ضروري أحد المقاولين يقول أوقات ياكل مع العمال ويسوي لهم طبخة كلها فلفل .. أنشأ شركة مقاولات ما ادري اذا لها اسم يبني بنيان رخيص وزين .. بنى عمارات وفندق ومخازن يمكن بربع تكلفة إنه يجيب مقاول نظامي وكل اللي حوله عمالة سايبة
أكيد طريقة عزل فعالة بس ما اظن ابرزها صح وطول .. وما وضح المواد صح وهي متوفرة في كل مكان وعندنا تستخدم لصناعة توانكي الفيبر ونفس الشيء للقوارب وصناعات ثانية
https://www.youtube.com/watch?v=vZ-WoRJA_kY
هذا برنامج يوضح تأثير الجاذبية على المبنى وأي تأثيرات جانبية مثل الهواء والهزات الارضية وعلى أساسها يحسبون تقويته وحساب العناصر الإنشائية له .. أما مقولة أي مبنى يتحرك يمكن أجزاء من الملم غير محسوسة والحركة المحسوسة تكون لو سوينا مبنى بنظام الحسابات الأمريكي المعتمدة على حساب إن العنصر ينحني قليلاً ليعطينا قوته القصوى .. هذا يستخدم قليل عندنا ونحس باهتزازات مثل في بعض الجسور وبعض الارضيات المصنعة الضعيفة ويكون واضح أكثر في المباني العالية اللي تكون فيها مرونة لمقاومة الرياح القوية والهزات الارضية .. أما كل المباني تتحرك المقولة خاطئة 100% .. للمباني الخرسانية يحصل ما يسمى Creep وما ادري وشي ترجمته بالضبط وهو مع وجود ضغط وزني على العمدان تقصر قليلاً .. شوي كلش على فترات طويلة عشرات السنين .. الإنحناء البسيط اللي يصير وقت الصب وبعده هذا يستوي ويوقف ويبقى ثابت ومب معناها ان المبنى تحرك
https://www.youtube.com/watch?v=sa9PBKj7ihM
طريقة مجنونة لعمل ضاغط هواء بس نجح فيها
https://www.youtube.com/watch?v=5Da2qVntopk
بإختصار مهمة درجة حرارة الخرسانة ما تزيد عن 35 قبل الصب ومهم الجو ما ترتفع فيه الحرارة عن 35 وما فيه رياح شديدة وكذلك الصب في المطر مشكلة كبيرة
مهم طلب الخرسانة بمواصفات انشائية مدروسة من المهندس المصمم الإنشائي .. كذلك يحق لمهندس الموقع المشرف طلب اضافات معينة لضمان جدوى الصب حسب الظروف المحيطة في وقت الصب .. بعض الإضافات مميعات الخرسانة وهذي تضاف بدل الماء لسهولة تدفق الخرسانة في فجوات صعب توصلها الخرسانة الصلبة وبنفس الوقت عدم اضافة ماء لأن الماء يضعفها
الخرسانة البلورية تستعمل للبيسمنت حتى نضمن عدم تسريبها للماء
الخلطات بالفيبر لتقوية الخرسانة وعدم تشققها وممكن نضيف ماء زيادة بحيث تكون ذاتية الإستواء .. وأكيد فيه خلطات غير ما اذكرها أو ما مرت علي
بالنسبة لعينة اختبار قوة الكسر واختبار المحتوى الكيميائي هذي العينات تؤخذ في الموقع حسب أُصول متبعة ويوضع عليها استكر موقع من ممثل المقاول مهندس أو فورمان والمشرف الإستشاري وأعتقد ترقم بالنقش عليها وتصور وحتى ممكن التوقيع عليها وهي شبه جافة بالأحرف الأولى وتصويرها للتأكد من تقرير الكسر وصورها بعد الكسر مع تقرير المختبر .. المحتوى الكيميائي يجب أن يطابق المواصفات المطلوبة من قبل المهندس الإنشائي وهي كثيرة
https://www.youtube.com/watch?v=kZVSWn8-lqc
بعض الأُمور نقدر نفتك منها بالتصميم الجيد لكميات الحديد ونطلب خرسانة بهبوط قليل ومحتوى مائي قليل وقوة مناسبة ونختار وقت للصب مناسب ودرجة الحرارة تحت 30 في أقصاها اليومي .. وبإشراف جيد لإستعمال الهزاز والصب بترتيب وتتابع الجسور أولاً ثم بقية الارضيات وبطريقة متوازنة
أخوي معماري .. تقدر تعيني في الموضوع ذي؟اقتباس:
المشاركة الأصلية كتبت بواسطة SouthK
باعطيك رقم واحد مختص مساحة يمكن يفيدك بس ليش؟ وإحتمال ما تحتاج معادلة شوف موقع الجي اي اس في البلدية وسامحني ما انتبهت لسؤالك قبل .. إدخل موقع البلدية أظن بتحصل التحويل سهل وبتحصل خرائط البلدية حسب نظام قطر وحسب الجي اي اس العالمياقتباس:
المشاركة الأصلية كتبت بواسطة SouthK
دخلت وموقعهم صعب مب واضح شوف بارسل لك رقم مسؤول المساحة وأتوقع بيفيدك
دخلت وموقعهم صعب مب واضح شوف بارسل لك رقم مسؤول المساحة وأتوقع بيفيدك وكلمني من شوي قال خله يعطيني الاحداثيات اللي يبي يحولها وعندهم برنامج خاص يحول .. حتى هو طلع بس بيحاول يمر عليهم والا يسويها بالتلفون