الجديد في عالم المطابخ والحمامات وتصميماتها

تشكيلات حلوة مشكور بو سعود

خلاط في تدمر دخل قلبي من أوسع أبوابه بس غالي ولا خذته

http://i.imgur.com/cFGt9iI.jpg?1

[

هذا ما كان موفق في وضعية الحوض في اعتقادي استوى معرقل للوصول للمغسلة الثانية .. ومعروف إن من يحط مغسلتين مغسلة له ومغسلة لها

بالإضافة الى إنه عمل الزوايا حادة للدخول للحوض وهذي مزعجة بدل زوايا الحوض اللافة والناعمة

http://i.imgur.com/hZSoyc7.png

http://i.imgur.com/BAtz4sB.png

الجدار الداكن والمضاء أعطى جو وجمال غير لهذا الحمام

http://i.imgur.com/K4jgIAw.png

http://i.imgur.com/EO3l5G5.png

نظيف وبسيط كما هو مذكور

http://i.imgur.com/bkS5AkI.png

http://i.imgur.com/w7ZM6ND.png

هنا نلاحظ إن التبليط للأرضية نفسه متواصل للحائط وباقي الحوائط والسقف بلون أبيض عازل مجرد صبغ

http://i.imgur.com/FSl17aR.png

http://i.imgur.com/kwpyH8L.png

صباح الخير معماري ,, الصور اللي فوق لاحظت البلاطات فيها كبيرة و هاي ميعرفون يركبونها زين بعد فترة تفك معك و تحس انه موقع البلاطة يخلي الناس تدعس على طرفها و مع الزمن تفك من محلها ,, يتراوى لي هذا السبب لكن البلاط في الصورة الأخيرة اللي ماخذ شكل ثمانيات ممتاز ممتاز و لو انه يبين قديم استايله لكن فكرته عملية مرّة.. تشكرات افندم

اقتباس:

---

المشاركة الأصلية كتبت بواسطة سالم الزهران

صباح الخير معماري ,, الصور اللي فوق لاحظت البلاطات فيها كبيرة و هاي ميعرفون يركبونها زين بعد فترة تفك معك و تحس انه موقع البلاطة يخلي الناس تدعس على طرفها و مع الزمن تفك من محلها ,, يتراوى لي هذا السبب لكن البلاط في الصورة الأخيرة اللي ماخذ شكل ثمانيات ممتاز ممتاز و لو انه يبين قديم استايله لكن فكرته عملية مرّة.. تشكرات افندم

---

صباح الأنوار اخوي بو زيد

القطع الكبيرة للحمامات ( يكرم القاريء ) شوي تصغر المساحة وصحيح تركيبها صعب .. لكن فيه موديلات متوسطة وتركب على طول بالطول يعني تعطيك ارتفاع وتكون سهلة في التركيب .. التركيب طبعاً بلاصق قوي وينخلط صح بمقادير صح ويتركب على بلاستر سواءً مخشن أو ناعم حسب نوعية اللاصق

للأرضية الحجم المناسب في الغالب والمنتشر 30 في 30 والغالب المربع تقدر تركبه بزاوية 45 درجة يطلع حلو وتقدر تطعمه بلون ثاني وتقدر تسوي الفواصل شوي عريضة بقراوت قوي ومناسب وحتى بلون جريء غير

هذا اللي في الصورة الأخيرة يبين لي رخام كرارا والمقصوص بهذا الشكل يجي رخيص وتركيبه أكيد سهل ويعطينا نقشة مختلفة وهذا يسهل لنا احنا كمنفذين ومختارين للتصميم الصورة اللي ممكن نطبقها عندنا والاختيارات

الرخام ميزته ثابت وتركيبه مهما يكون مب مستوي صح بعد الكشط يستوي بمستوى واحد بس يحتاج معالجة عن الخدوش وتشرب الماء وعن مواد التنظيف

متابعة بسيطة لليوم مع هذا الحمام

http://i.imgur.com/Bk5HgPX.png

http://i.imgur.com/ZHCO9jA.png

واجهات المغاسل أما خشبية أو بورق جدران برسوم جميلة

http://i.imgur.com/kOey6lD.png

أحياناً يكون من الجيد عمل مغسلة خارج الحمام لإستعمال الشخص الآخر وقت يكون الحمام مشغول

http://i.imgur.com/WzWyM3L.png

http://i.imgur.com/p1CKUQj.png

مطبخ كبير وناعم ومائل السقف

http://i.imgur.com/L0Jh12n.png

http://i.imgur.com/qQKItV1.png

مطبخ آخر بمراية كبيرة كواجهة للفرن

http://i.imgur.com/ZDgvQTo.png

http://i.imgur.com/leI5bT7.png

البلاط الصغير جميل ومتوفر وسهل التركيب ورخيص وممكن نأتي ببوردرات أو أطراف بلون آخر متماشي معه

http://i.imgur.com/qli0AUl.png

http://i.imgur.com/MRy0Hri.png

حبيت الإنارة المعلقة

http://i.imgur.com/5AmYH5T.png

http://i.imgur.com/cET28G7.png

مطبخ للزينة أكثر منه للطبخ

http://i.imgur.com/95AIPbz.png

http://i.imgur.com/b1G3Cqi.png

وهذا كذلك

http://i.imgur.com/mi6n3ZX.png

http://i.imgur.com/gAX2mfX.png

أعتقد حطيت صور للمطبخ الداخلي قبل بس هالمرة صورت من عدة جهات بطريقة دائرية .. هذا المطبخ طوله 7 ونص في 6 متر عرض .. وأكيد الشغل فيه كان ارتجالي أكثر منه دقيق وكنت خلاص ناوي اخلص واسكن

بداية هذي صورة الفتحة بين المطبخ والصالة وكنت ناوي اسويها فتحة صغيرة لمناولة الطعام وطاولة الأكل تكون تحت بسطة الدرج في الصالة السفلية لكن شفت بعدين إني أكبر الفتحة أحلى واسوي كاونتر رخام للعيال واحط كراسي وسويناه فترة وتخلينا عنه بعد ما كبروا العيال

ألحين لو باسويه بافتح غالبية هذا الجانب على الصالة .. مع ملاحظة إن الصالة هذي لها عتبتين صغار نزول بحدود 24 سم يعني باقي أرضية البيت أرفع وحتى المطبخ

http://i.imgur.com/UhrJEpo.jpg

خليت إطار الفتحة من داخل أخضر ومتناسب مع المطبخ والباقي بني متناسب مع باقي أبواب البيت

http://i.imgur.com/Fc4FuAr.jpg

جهة الدريشة اللي تطل على مظلة من عريش خارجية مع مكان للباربيكيو مع حديقة صغيرة .. نلاحظ يسار شفاط الدخان ما توفقت في تغطيته بخشب أو بجبس

http://i.imgur.com/Cw4XWHz.jpg

المغسلة خليتها مركبة بزاوية وطلعت حركة حلوة وعطت سعة وراها جهة الدريشة .. كذلك الدريشة سويتها غائرة في تجويف الحائط السميك ( سمك الحائط قريب من 45 سم ) واستوى فتح واغلاق الستارة سهل وفي النهاية خليناها دوم مفتوحة والستارة ألمنيوم

الدريشة والباب المطلين على ممر المطبخ الخارجي والممر مغطى ببلاستيك محبب ويدخل أشعة الشمس

http://i.imgur.com/xM1TgPR.jpg

جهة الثلاجات وكان المفروض اسوي لهم تغليف وتجويفات خاصة بهم بالجبس والعملية ممكنة بأي وقت إن شاء الله .. وممكن نخلي تخزين بعض القطع الكبيرة فوق

http://i.imgur.com/lpRHgwH.jpg

دريشة الزاوية هذي تطل مباشرة على مواقف السيارات وعلى باب الحوش

ورفعت الأرضية سويت عتبة للثلاجات حتى وقت غسيل الأرضية الماي ما يدخل تحتها

http://i.imgur.com/QO2Lv0s.jpg

http://i.imgur.com/3TYMGLJ.jpg

الباب هذا وجوده من عدمه واحد وكله يبقى مفتوح ولو اكتفيت بفتحة أكبر كان أفضل .. طبعاً يوصل لكسرة بعدها باب غرفة الطعام التابعة للمجلس وقوس مفتوح على صالة الدرج

http://i.imgur.com/zBwDjnq.jpg

بلاط الأرضية هذا بلاط حائط زايد عندي ونصحني المقاول ما اركبه لأنه ضعيف بس غامرت وركبته والحمد لله انكسرت قطعة صغيرة بس وركبتها بلزقة ولا تبين

http://i.imgur.com/pNQJdP6.jpg

أماكن الكهرباء والقطع الملونة تم تركيبها ارتجالي والحمد لله جات معقولة لكن مفتاح تشغيل المكيف استوى داخل الكبت بس ما نحتاج نستعمله دوم

http://i.imgur.com/uVwBXX5.jpg

الكبتات كلها فيها إنارة اضافية

http://i.imgur.com/YPZBZJM.jpg?1

http://i.imgur.com/qBwUufh.jpg

ماشالله عليك يامعماري مطبخك شرح وحلو

تنظر بيتك الجديد في الوجبة وان شاالله أكيد بيطلع تحفه مع التطورات الجديدة في السوق

اقتباس:

---

المشاركة الأصلية كتبت بواسطة Azizuk

ماشالله عليك يامعماري مطبخك شرح وحلو

تنظر بيتك الجديد في الوجبة وان شاالله أكيد بيطلع تحفه مع التطورات الجديدة في السوق

---

إن شاء الله بيتك يطلع أفضل والله يوفقك وتسكن على خير

ما زلت متردد في اتمام التصميم ومكان بيتي كثير مريح وقريب حق كل اتجاه وتعودنا عليه .. شيء ثاني هناك لو بديت ابني بازعج الوالد وامي وهم يشجعوني ابني بس عارف الحفار والطقطقة شيء مزعج .. بعدين الخدمات للحين ما اكتملت

عن التصميم لازم الواحد بعد اطلاعه بيسوي شيء مدروس أكثر لكن التنسيق في هذي الشغلات يخليك تتأخر كثير وتمل وتتعب .. نشوف الشباب شيسوون ولدي بيتخرج قريب وممكن هو يستلم المهمة بإذن الله خلال ما بعد 2022

أفضل تصميم للمطابخ إنك تعمل نموذج معين وتتخيله منحوت في المكان المخصص له ومتصل مع أعمال الطابوق والجبس وتحدد كل شيء بالطبشور أو بصبغ معين على الموقع بعد تحديده على الورق .. وتنسق شغل الكهرباء والصرف الصحي والمياه مع عمل المطبخ في المنجرة المختصة .. تركيب المطبخ تخليه على دفعتين دفعة للتأسيس والخشب اللي بيركب في البداية ودفعة للأبواب والحاجات التشطيبية

الدفعة الأُولى تبدأ فيها بعد صبغ العوازل على الجدران بدون بلاستر وتتركب ببراغي وتنعزل الأطراف بسيليكون عدل وبعدين يتم التبليط والصبغ والبلاستر حولها حسب الرغبة .. ونقدر نبتعد عن البلاستر لو حبينا الا في مكان ترشش الماء .. بدال البلاستر مباشرة على الطابوق بعد صبغ العزل نركب جبس أو الجبس يكون مكون تجويف خلفه مغطى وغير مرئي فقط نشوف الجبس بارز ويكون وحدة وحدة مع كبتات المطبخ .. يجي بعدين تركيب الرخام وباقي التشطيب .. حتى مكان ترشش الماء واللي بنسويه أما بلاط أو رخام أو مراية مثل ما شفنا في الكثير من المطابخ والاتجاهات الحديثة بسهولة تركب على جبس بورد

يعني بنكون ابتعدنا عن شغل العمالة التعبانة والبلاستر ونسقنا الشغل على دفعات شغل مناسبة وسوينا تأسيس كل شيء صح