المشاركة الأصلية كتبت بواسطة معماري قطري
أشوف الشركات العقارية للحين ما كملت كلمتها وباقي فيها .. وأتوقع عودة ازدان للسطوع بقوة عندهم استراحة غداء بس كثروا شكلهم وقيلوا شوي .. قامكو بتكون حول الهدف المرصود ونتائج الربع الثالث بتكون هي المحرك الرئيسي لأعلى والا لأسفل ولو شفت قبل الإعلان بيع ونزول إعرف إن النتائج متسربة وما تسر وبيع أفضل لك
استثمار بعد رشة إغلاق اليوم وكأن فيه شخص ناوي ينزل السهم غصب أتوقع له خير وتحرك لأعلى معروفة هذي الحركات
فودافون بعد سهم استثماري ما يبي له كلام وبيوزع إن شاء الله السنة وكثيرين يجمعون فيه وبانتظار نتائج الربع الثالث وهي اللي بتحركه أما لفوق شوي أو لتحت شوي .. مضاربياً ممكن يرتفع مع بقية أسهم السوق
كلها اسبوعين وبنكون دخلنا في اعلانات الريان والوطني وبيبدأ التحرك صوب البنوك أكثر لو نتائجها مشجعة
