https://www.youtube.com/watch?v=9Z1MkrWJB14
عرض للطباعة
هذا بناء بالحجر بدون أي أساس خرساني حجر ومونة اسمنت عادية فقط .. هذي كانت الطريقة القديمة في بناء المباني الكبيرة حتى بعدة أدوار في بعض المدن الأُوروبية
https://www.youtube.com/watch?v=LzWtMaODgBs
فلم رعب والمهندس يقول يتعالج .. هذا يبي له هدم وإعادة بناء
https://www.youtube.com/watch?v=6xFtdCc8oiM
المفروض يعمل زوايا الأعمدة مشطوفة حتى لو 5 سم بزاوية 45 درجة حتى ما تنكسر لو ضرب فيها شيء وحتى ما توجع اللي يصدم بها وتعطينا شكل معماري حلو .. حتى من فوق يقدر يعملها مقوسة والا بقوس مزدوج .. حل ثاني يتركب لها قطعة ستانلس ستيل زاوية منحنية
https://www.youtube.com/watch?v=B7FugAbFJJw
الأهم من هذا رفع العازل في الحمامات والمطابخ لأعلى أسفل الجدار وبالنسبة للرطوبة من الأرضيات الحماية بنعلات وانتظار الطابوق حتى يجف بعد تركيبه وبعد عمل البلاط .. الطابوق المصمت بيواجه صعوبة تكسيره للتمديدات
https://www.youtube.com/watch?v=Zp2i4yFJN8g
وشو المدة البيضاء اللي مغطيين بها السطح؟اقتباس:
المشاركة الأصلية كتبت بواسطة معماري قطري
هم يركبون بلاط آخر طبقة في العزل لحماية الأسطح والإستفادة منها .. مهندس عراقي يقول بيوت العراق غالبيتها يرشونها بيتومين سائل أبيض والا أسود ويركبون عليه بلاط شعبي .. يكون البتومين يلصق البلاط ويتركون فراغ بسيط حول 2 ملم بين البلاط هذا بعد يعبونه بيتومين ويكون البلاط عازل حراري جيد ومائي يخلي الماي يتحرك صوب المرازيم ولا يحتاج صيانة حتى بعد عشرين سنة
اللي تابع الحلقات السابقة هذي رقم 92 لبناء هذا البيت وشكلهم طولوا بس فيه فن وخبرة وهنا صب الخرسانة وتشطيبها في نفس الوقت .. رش الخرسانة بخليط ماء وسكر قبل لتنشف يسمح بغسلها وإزالة الإسمنت والرمل حول الكنكري ويبقى ظاهر .. مع إنها ناعمة قبل كانت أحلى ويمكن تستوي شوي فيها خشونة لعدم الزحلقة وقت الرطوبة .. اللي ينتبه خلوا جزء مكان العتبات اللي بيسوونها بعدين ما شطبوه زين لأنه بيتغطى .. كذلك أزالوا قوالب الخشب مباشرة بعد أن قاربت الخرسانة تجف وتماسكت حتى يسهل تشطيبها
https://www.youtube.com/watch?v=-JOSM02cVT4
الحديد اللي حطوه متباعد وايد وهذا يسمونه تقوية للضغوط الحرارية Temperature Reinforcement على ما اذكر واستخدموا خيوط الفايبر اسمها ستيلث فايبر عندهم تعطي الخرسانة قوة أكبر ما تستوي شلوخ وفوق هذا عملوا فواصل تمسك أي انفصال في الخرسانة يكون في هذا الفاصل ومخفي .. في خرسانات أرضية بيتي صج ما دلعناها هشكل ولا كانت تحتاج تدليع كانت مستوية كأنها سطح ماء ولا استخدمنا حديد نهائياً بس خلطة فيبر سائلة تتحول لخيوط .. الفواصل استعملناها للخارج فقط
بنيان بالفوم وبشبكة أسلاك حديد واسمنت رش .. بنيان خفيف وسريع
https://www.youtube.com/watch?v=W9U-g3hUv9Q
هذا متهندس غصب بس يبي يكمل شغله ولا عليه شيصير تحت .. أكيد فيه حلول هندسية صعبة وأبسطها أشوفه عمل نظام سحب وتصريف للمياه الجوفية يكون شغال دوم حتى بعد اتمام البناء .. والمفروض الحكومة تتدخل .. عندنا بدوا في العزيزية يسوون شبكة تصريف أمطار بس أستغرب طلبهم للي يبني يسوي حفرة امتصاصية في بيته ما ادري ما عندهم ثقة في نظامهم ما ادري يبغون يخربون أساسات البيوت
https://www.youtube.com/watch?v=FqWi22MdCiE
البناء بالفوم بالطريقة اليابانية
https://www.youtube.com/watch?v=7-wCS_Srs-o
من ذكرياتي الشبابية أيام مدرسة أحمد بن حنبل وكانت في منطقة المول حولها بر ومنطقة نعيجة هناك كانت عبارة عن خرايب من بيوت بدائية ساكنينها بلوش فقراء .. كان طريق المطار شبه فاضي واقصد الشارع الرئيسي غربي المطار القديم والمتجه للوكرة ما فيه محلات مثل الحين .. كانت فيه بنايات قبب ويقولون عاملينها بنفخ نفاخة كبيرة قوية .. هيكل بلاستيكي ينتفخ ويدعم الحديد والخرسانة فوقه .. بس مبنية خرسانة ومتروكة ما كملوها وأذكر كان واحد يقول لنا ملك الشيخ غانم بن علي .. من ذاك الزمان قبل السبعينات يمكن مبنية وكنت وقتها في سنة 1980 هناك .. بس أكيد ما نجح المشروع شيء كان غلط وهدموها
https://www.youtube.com/watch?v=C4b9d0fdzV4
المهم وين نحصل هذي المواد في قطر
هذا ردي في اليوتيوب
ما قلت لنا ليش استبدلت الرخام بالبورسلان؟ بالنسبة لي انا جربت المادتين وركبت بورسلان مبروم ربع دائرة من فوق .. الرخام مكلف ويتأثر ويبدأ لونه يبهت ويحتاج عناية وحماية وتلميع أو صقل .. تؤثر فيه الكيماويات والأحماض والبورسلان الجيد أقوى بمراحل ولا يحتاج حماية وفيه نوعيات فيها شوية خشونة تصلح للدرج بدون حتى نعمل حزوز تمنع الإنزلاق
https://www.youtube.com/watch?v=lZBRM389Xbk
جوتن فيه صبغ ابيض عازل للاسطح نفس ذااقتباس:
المشاركة الأصلية كتبت بواسطة معماري قطري
والله من ركبت الرخام صار له سنتين تقريبا فيه اماكن تحفرت واللون في الدرج كامل صار باهت . لو يرجع الزمن الى الوراء قليلا لقمت بتركيب البورسلان :con2:اقتباس:
المشاركة الأصلية كتبت بواسطة معماري قطري
هذا الله يسلمك يخلط مواد رخيصة ومتوفرة عندهم وقوية .. جوتن وبقية الأصباغ موادهم مجهزة ومخلوطة وأقل جودة من هذي .. بعدين ممكن هذا كلامه بس يخدع والله أعلم يا اخوي سعود مسدأش المسرييناقتباس:
المشاركة الأصلية كتبت بواسطة سعود.
صادق يا اخوي وحتى انا بس كانت مشكلتي بسطة الدرج كبيرة وشبه دائرية وما ينفع له الا الرخام ذاك الوقت .. ألحين فيه سلابات بورسلان كبيرة ممكن تقص حسب الحاجة وبشكل رخامياقتباس:
المشاركة الأصلية كتبت بواسطة سعود.
أما ركبت بورسلان هندي خذته بسعر 30 ريال للمتر وخارجي 60 في 60 طلع فيه تقوس بسيط جداً وركب زيرو جوينت باحط صوره إن شاء الله الليلة لو ما انشغلت .. سعره رخيص ما توقعت يطلع بهذا الشكل ومسوينه حق باربيكيو خارجي
بالنسبة لتغطية الفوم فيه طرق عديدة منها الشبك العادي الحديد نفس اللي يستعمل للطيور بفتحات صغيرة ومنها شباك شوي نافرة ومتعرجة وهذي مناسبة للبلاستر العادي ماي و 3 أحجام رمل أو 4 ورمل ناعم و1 اسمنت وممكن نخلط معاه فايبر لو نبغي .. خلطة البلاستر يدخل فيها الفن والحس الهندسي والخبرة بدون تعقيدات وحسابات .. وممكن نسوي سمك 2 سم أو 3 لو حبينا بلاستر قوي ويتحمل الصدمات ويعزل الفوم زين .. الشبك يتركب بالبراغي البلاستيكية الكبيرة غير عن البلاستيكي الخفيف وأكيد يتماسك تماسك أقوى مع طبقة البلاستر السميكة والقوية .. ولو بنفرد الشيك على قطع خشبية طولية تترك فراغ بسيط وراه 2 سم للتهوئة والفوم ناخذه مغلف ببلاستيك لحمايته من المطر الحمضي بيكون عندنا عزل قوي جداً بسبب فراغ التهوئة بشرط نعمل فتحات بالدريل أسفل الجدار أو نتركها في الحديد بحيث تكون مخفية ونعملها فوق في سور السقف يطلع منها الهواء الحار المتكدس ويدخل من تحت هواء جديد أبرد منه بشوي
كان المفروض يعمل شوية رغوة أسفل الحديد اللي يرفع الواح الفوم والغرض من هذا الحديد ليس حمل ألواح الفوم لأنها تكون مثبتة بالغراء وبالمسامير البلاستيكية .. هذا الحديد حتى يبعد الفوم من أسفل عن المياه والرطوبة لأنها لو اختلطت بملوثات الجو أصبح عندنا مطر حمضي والمطر الحمضي يذوب الفوم يخليه يتلاشى .. ببساطة اللي يبي يجرب يصب نقاط بس من اي حمض على كوب ماء ويرشه على الفوم ويشوف شيصير .. المطر يخترق البلاستر ولو قوي حتى الطابوق الوجه الداخلي يترطب فبسهولة يوصل للفوم والمشكلة تكون تراكمية ما تبين من أول 10 سنين يمكن بعد 20 سنة وحسب طبيعة الجو وقوة البلاستر وعزله والصبغ
أُمنيتي أسوي بيت زراعي محمي
https://www.youtube.com/watch?v=ePJUyy96l3M
من الحوائط القديمة التي بنيت في قطر حوائط قلعة رميلة وهذي ركبت مرة أعلاها وكان شعور غريب وارتفاعها حول 10 متر ودخلت أحد تجويفات الأبراج الأربعة وأعتقد هدم اثنين وبقوا اثنين .. قديمة بقدم تاريخ الدوحة وأحد الشياب اليمنيين يذكر لي كيف أنها بنيت على تلة وأن البناء تم بالصخور الموجودة في المنطقة وبطريقة يدوية .. سمك الجدار من تحت حول المتر ويتدرج حسب الإرتفاع ليقل وأعتقد تم استخدام مادة الجص القديمة لتركيب الصخور وملء الفراغات بينها .. عاد اللي يشوفون ألحين يقولون الجدار الخارجي طابوق وهذيلا ما لحقوا على القديم اللي هدمت أجزاء منه
https://www.youtube.com/watch?v=GQ9M0kh8pRk