والله يا اخوي ملاك هذي السيارات يعانون ويتعبون والمفروض يسوون لهم تكريماقتباس:
المشاركة الأصلية كتبت بواسطة سالم الزهران
تبي السرعة لمجردالسرعة خذ متسوبيشي افوليوشن شوي مرتفعة الا فرق عن ذيلا وتصك 100 تحت ال 4 ثواني وسيارة تعتمد عليها واسعة تشيل 4 ونص أو واحد اضافي معصقل .. الصوت لين زمجرت يشرد الأسد من الحديقة والا ينتحر من الخوف
طلع في واحد من ربعنا هنيه يسمونه مدخن التواير.. الحين صار متقاعد:whistling:
https://e.top4top.io/p_1889oodxs7.jpeg
بوعبدالله كانت عندنا وحده جذي حق واحد من الربع سنة 1994 بس لونها احمر
ميستوبيشي gt 3000
مجنووووونه تون تيربو
ايام خط الشمال قبل فالليل مافي زحمه خالي ولا ليتات ولا شي ندعس لها الحمدلله ان الله حفضنا من الحوادث ايام المراهقه متعبه كان العداد ينزل تحت 290 لين وصلنا مركز الزباره نخف عشان مايصيدونا الشرطه او الثبوت ويخالفونا وعند لفة زرع الشيخ عبدالله بن خالد نخف بعد اما من الزباره لين الخور تشوف الخطوط البيضا المقطعه الي في نص الشارع تصير سيده من سرعتها اخبر مسجلها تحت قريب القير هههههههه
اللهم لك الحمد انك حفظتنا لاهلنا واحبابنا نص ربعنا ماتوا فالتسعينات بسبب الحوادث والي مشلول
الحمد لله نفس حالي مع الزد .. كان المؤشر ينزل تحت 230 المسجلة بمسافة كبيرةاقتباس:
المشاركة الأصلية كتبت بواسطة نفسي عزيزه
كنت حنون على السيارة وأخاف على التواير تنتهي بس لين صار لي حادث اتحسف ليش ما حرقتها قبل .. سيارات ألحين فورويل ثابتة حق قومات سريعة ودوسات حتى في المطر مب خطرة .. حبيت المرسدس يا اخوي مريح وسيتاته تدلع الجالس مساج وتدفئة وتبريد مع حركة انتفاخ الجنب حتى يدعم الجسم في اللفات مع القوة المعقولةاقتباس:
المشاركة الأصلية كتبت بواسطة سالم الزهران
قبل جربت بورش 911 تيربو يا اخوي صاروخ أرضي وهي 6 سلندر لكن تفرق وايد عن المرسدس تخليك لاصق في الكرسي لين دست المرسدس شوي يردك ورا بس أخف من البورش .. الحمد لله اللي عطانا عمر ونجانا من الموت مرات عديدة
اللكزس بدت بعرض فيديو لسيارتها الصغيرة ان اكس 2022 والتجديد للبقية قادم قريباً
https://www.youtube.com/watch?v=-lGgaNsd4gc
حي الله النهار .. تصدق كنت احسب البوقاتي سويسرية طلعت ايطاليةاقتباس:
المشاركة الأصلية كتبت بواسطة النهار
بس صج السعر مشكلة حسبته بالريال يطلع فوق 69 مليون .. هذي بها اشتري سيارة لكل واحد من المنتدى ومعاها كوبونات بترول لسنة بعد .. سارة باشتري لها سوزوكي جيب قير عادي لونه وردي طلبية خاصة
بعدين يا اخوي نازلة وايد شبسوي لين وصلت قرب مطب باقعد اصيح والا الصيانة من بيسويها والا يجيبون لها دكتور خاص مع طاقم ممرضين من ايطاليا
https://www.youtube.com/watch?v=mJbNvNl0qaM
اليوم لفتت نظري تيوتا هايبرد ليتاتها من ورا أحلى من البوقاتي في عيوني اللي جنها صابونة ما ادري شلون غريبة
مثل ذي شوفها
https://www.youtube.com/watch?v=ANO4GL424Uk