عرض للطباعة
في الغالب الابواب الخشب بدون عتبه في الاسفل .اقتباس:
المشاركة الأصلية كتبت بواسطة معماري قطري
مروحه الشفط في الحمام انا غلطت اني ماسويت قرل تهويه بالباب حاليا وفي الشتاء خصوصآ بعد اخذ الدش الحمام يضبب من البخار صرت افتح باب الحمام على الخفيف وينسحب البخار بسرعه .
هذا مؤكد بيعطي عزل فعال للصوت كما إنه بيعطي عزل خرافي للحرارة وانتقالها
https://www.youtube.com/watch?v=TjIGrhsMcB8
كلامه صحيح 100%
https://www.youtube.com/watch?v=xIs0tnhIPrE
انا معاك الافضل ك cost يتخفف التسليح ان امكناقتباس:
المشاركة الأصلية كتبت بواسطة معماري قطري
ولكن تعليقي على الفيديو انه عام جدا ومش بكيفه يغير في الستركشر نفسه لان مثل ما الكونكريت يستحمل compression فايضا نحتاج الحديد لاجل الtensile
وهذي لها حسابات وتختلف باختلاف نوع الستركشر
ولا ننسى انه احيانا مجبورين نمشي ع ابعاد معينه بالستركشر بسبب متطلبات المعماري الخاص بالمبنى..
منكم نستفيد بوعبدالله مشكور على اثرائك الدائم للموضوع
تقدر تسوي الفتحة في الجدار قرب السقف جهة غرفة ملابس مثلاً وتركب عليها قرل حديد أو بلاستيك اللي ينفتح ويتسكر نفس الخارجي .. بدريل عريض تستوي تحتاج 4 إنش بساقتباس:
المشاركة الأصلية كتبت بواسطة سعود.
العفو الله يسلمكاقتباس:
المشاركة الأصلية كتبت بواسطة الرايــق
بس الواقع يا اخوي ان المبالغات الإنشائية عندنا خيالية ما تستوي في أي بلاد ثانية والحديد الزايد عن الحاجة ما يفيد يضر مادياً ويقلل عمر المبنى الإفتراضي بسبب التآكل والصدأ
كنت اداوم مع مهندس انشائي قديم وهذا من 27 سنة وهو ألحين مدير واحد من أكبر المكاتب الإستشارية وكان يصمم انشائي محافظ لدرجة إن يطلبونه البلدية أيام كان شغلهم صح ويدققون المخططات الإنشائية ويثبت لهم ويتحمل المسؤولية .. كان يشيل ثلث الحديد على الأقل كإعادة تصميم انشائي
أوقات يمكن صعبة تتفادى إنك تزيد سمك سقف مثلاً لكن في الغالب العملية سهلة وممكن تختار نظام بناء ثاني وأوفر وبنفس الوقت يعطيك عمر طويل ويبقى تعليقك ووجهة نظرك صحيحة بعد بس في حالات قليلة
https://www.youtube.com/watch?v=bD33YCt2OQM
هذا ممكن حطيته قبل بس تابعت شلون شغلهم وسهولة التمديد في القواطع الخشبية فرق كبير عن شغلنا
بالنسبة للعتبة لو تركبها وايد أفضل وعن تجربة .. بس تشوف الباب محكم الإغلاق يكون غير ودخول الهواء الخارجي أو المسحوب من داخل البيت عن طريق دكتات بسيطة ممكن فلكسبل أو بايبات عادية 4 إنش بيفيدك في تجديد هواء البيت كله بس تحتاج بايب يدخل الهواء من الخارج صوب الزراعة مثلاً ويكون عليه فلتر أقل شيء ضد الغبار .. بحاول أشوف حلول لهذي المشكلة أكثر مجربة .. حق تصميم بيتي المستقبلي حطيت الحل بالحديقة المغلقة الوسطية وهي يدخلها هواء خارجي بمقدار معين يبدل الهواء كل وقت وبنفس الوقت الهواء اللي ينسحب منها للغرف يكون ملطف وأتمنى يكون مشبع بالأُكسجيناقتباس:
المشاركة الأصلية كتبت بواسطة سعود.
بيوتنا لها سنين معملة بحدود عرض 20 متر في ارتفاع 12 متر بدون اي فواصل .. صحيح بعض التصاميم وبعض الكتل الكبيرة أعتقد لو طول المبنى 40 وعرضه 20 يستحسن نعمل فاصل تمدد كامل يمشي للاساسات ويسمى كذلك فاصل انشائي يفصل المبنى لجزئين بحيث ممكن هدم جزء وإبقاء جزء وهذا الفاصل يمثل كذلك فاصل تمدد وفاصل حركة لجزئي المبنى حتى لو كانت بسيطة جداً
في الأسوار فاصل التمدد ضروري لأنها رفيعة ومرتفعة لذلك تقسيمها أفضل حتى لا تنشأ شروخ بسبب التمدد والإنكماش والفصل ما يكون في البلاستر بس يكون في الطابوق والخرسانات حتى في الأساس .. أما هذي اللي اشوفها بدعة ما وراها دليل علمي نقدر نسميها فاصل مفصلش حاجة لأن الطابوق والبلاستر وحتى الخرسانة المتصلة معاه كلها عبارة عن مادة اسمنتية لها نفس الخواص .. ما يسمى بفاصل التحكم حتى ما ينطبق عليه هذا الفاصل
هذا بدعة دجل هندسي حديث
https://www.youtube.com/watch?v=9vXEZVPMWUw
الله يجزيك الخير بوعبدالله..اقتباس:
المشاركة الأصلية كتبت بواسطة معماري قطري
صحيح .. اذكر ايام مشروع التخرج فعلا كنا نسوي تصميم سلابات مثلا لابراج موجودة وعند مقارنتها بالمخططات التنفيذيه نلاقي فيها factor of safety كبير واغلبها over design
كل التوفيق ..
اعرف واحد زاد معه الحديد وقام زود به السقف.. ظهر له تصدعات كثيرة في الجدران وحول الأعمدة.. تحس ان انه أجرم في السقف.
الجدير بالذكر ان البنيان اشوفه ابطء مجال من ناحية مواكبة متطلبات البيئة، اتوقع بو عبدالله يختلف على هذي النقطة.. بس لو سمحتم لي اوضح بأشير للفراغ الكبير الموجود بين تطور التصنيع لمواد البناء و بين التطبيق والاستخدام من الناس.
عاد واضع المواصفات و الجهات الاستشارية تكتفي بخطوط عريضة.. ولا من واجبهم يتبنون الحديث من المواد و يدعمون اسواقهم بقوانين توقف الاشياء والممارسات القديمة.
ولك بالمثل يا اخوي وحلو النقاش معاك بما إنك متخصصاقتباس:
المشاركة الأصلية كتبت بواسطة الرايــق
أوقات يكون عندنا تصميم مبالغ فيه في عنصر أو جزء من عنصر مثلاً في سقف وفي الاطراف والربط بين العمود أو الجسر نحصل ضعف .. المشكلة لو مهندس التصميم الإنشائي كان ضعيف ولا كان مهتم وطلع ضعف مستقبلي .. أوقات الضعف يكون بسيط شلخ بزاوية 45 درجة ويجيك المقاول يقول ريحت الأرض .. شلوخ حرارية مزعجة وأشياء من هذا القبيل
أوقات ثانية تبين آثار الشيخوخة من كسور خارجية وداخلية في الخرسانات لأسباب قد تكون تنفيذية لكن التصميم يقدر يتفاداها لو حط تعليمات كافية كارتفاع الغطاء الخرساني وعمل سمك خرساني يضمن لنا هذي التغطية لأن في الغالب المقاول ينفذ التعليمات وأوقات تكون التعليمات صعبة التنفيذ كزحمة حديد على الفاضي يستحيل الخرسانة تدخل بينها وتغلفها وتحصل فراغات وفجوات وتعشيش يضعف الهيكل
مرة استلمنا مباني من الداخلية وطلعت لجنة مهندسين تدرسها قررت إنها آيلة للسقوط وكانوا مصممينها اتحاد قطر للتخطيط من حول 30 - 40 سنة ودور واحد غالبها واللجنة طلعت من فترة طويلة يعني كان عمر المباني يمكن 10 - 15 سنة .. جاء تقرير المهندسين إن المباني لازم تهدم لكن قرار اداري أجل هدمها وبقت شامخة للآن وكان كل المطلوب صيانة بسيطة .. طلبوني اكتب تقرير ثاني وكانت طابوقة كاملة ساقطة من السقف الهوردي كتبت تقريري إن المشكلة في العزل المائي فوق وقابلة للإصلاح وبتعمر المباني عمر طويل وتمت صيانتها
بعد ما شفت غرفة اخوي وكيف عالج سقفها عامل بسيط باسمنت وبيض صادتني مناعة وكنت معتقد إنها لازم تهدم ويعاد بناء سقفها
تدخل عوامل كثيرة وأهواء ومعاك إن البناء يؤثر تأثير كبير في البيئة وفي العالم كلهاقتباس:
المشاركة الأصلية كتبت بواسطة سالم الزهران
قبل كانت مسطحات أرضية طينية تستوي غدير شكبره أيام المطر والأرض تخضر كنا نشوفها على طريق الشمال .. فجأة تحولت كلها لبيوت وانحفر الطين منها منطقة جنوب الخيسة وغيرها كثير طول الخط هذا غير عن آثار الهدم وإعادة البناء طاقة وتلويث للجو وغبار وازعاج وكل الملوثات البيئية .. لو ربعنا يبون يسوون شغل نظيف يروحون يشوفون قوانين ألمانيا والدول الاوروبية المتطورة مب التعيسة
بالنسبة للي زاد حديد السقف بدون خبرة وفهم وعلم صدقني مثل اللي زاد الملح لمجبوس الدياي مال رفيجنا اللي انت خابره
لو يرجع ازمن سويتها .اقتباس:
المشاركة الأصلية كتبت بواسطة معماري قطري
سهلة يا اخوي لو المساحة عندك 4 في 2 بمقاس قطر 2.5 انش تكفي وتنقص بسهولة بدريل .. يعني لو يجيك واحد عنده دريل قوي ومناسب بيقص خلال ساعة وبيركب البيب وحوله سيليكون ولا فيه داعي حتى تحط لوفر عليه الهدف منه يدخل الهواءاقتباس:
المشاركة الأصلية كتبت بواسطة سعود.
لو حاب حركة ديكورية ويجيك الهواء غير مباشر ركب بايب ابيض وخلهم يركبون وصلة زاوية تخلي فتحته لأعلى
بشوف يمكن اسويها
مشكور اخوي ( ابا عبدالله )
https://www.youtube.com/watch?v=e3p-hhYUXUI
فقط مثال للخطأ في تنسيق العمل من قبل المقاول وتحمله للمسؤولية وهذا الوضع ما ننفذه عندنا في قطر
شغلة عندهم تركيب بايبات المياه الخارجية بسبب التجمد
https://www.youtube.com/watch?v=hgNQcF273Rg
أشياء كثيرة ما تكلم عنها .. هاي برفورمانس غلاس .. زين وشي مواصفاته وشلون نعرفه والحقيقة المهمة وهي استخدام الغاز الخامل الآرغون أو الكريبتون ملاحظ الكل يبتعد عنها حتى مسؤولي المبيعات عندنا ولو تقول لهم عنها يقولون لك غالية وما فيه داعي لها ويبدون في اللف والدوران وهي أساسية في الدول اللي فيها قوانين صارمة دولنا للأسف فيها قانون كيف تنتج منتج رخيص وتضحي ببعض المواصفات بادعاء انها غير مهمة
https://www.youtube.com/watch?v=K0FsijnUHUo
مهم نفهم ليش العزل لأي خزان أو حوض سباحة تحت الأرض لازم يكون في اتجاهين واحد من جهة التربة والجوانب هذي ممكن توصل منها رطوبة والثاني من جهة الداخل كتسريب لجدار الخزان
https://www.youtube.com/watch?v=ox-wvaCoGzY
فكرة جهاز التصخين للمياه وتبريد المياه فكرة حلوة واتمنى موجود عندنا لأنه مباشر للخزان
عندي عاملة منزل مهتمة بالزراعة وزرعت الأفوكادو مرتين .. تطلع ترتفع حول 40 سم بعدين تذبل وتموت بعد ما تطيح أوراقها .. ما ادري شالسبب يمكن البرد لأن وقت بداية تحسن الجو بس المكان مكيف وغالب الوقت درجة الحرارة مضبوطة وتحت منور سقفي .. حيرتني شكلها حلو وأوراقها ناعمين وفيهم لمعة خضراء ذهبية على خفيف
https://www.youtube.com/watch?v=gJYre-_pO_w
هي ما تدمرت بالكامل بس تدمرت جزئياً .. والأسباب اللي ذكرها المهندس كلها صحيحة وأهم سبب هو بعد نقطة الإنفجار عنها قليلاً ولو محاذية ما كنت تشوف لها وجود وبتستوي تاريخ كان
https://www.youtube.com/watch?v=pxnrYWImmdw
https://www.youtube.com/watch?v=UCyK8o5j6QQ
بالنسبة للزجاج الملدن بثلاث طبقات مهم نوعية اللدائن وفي الغالب تعيش بعمر الزجاج ومهم سمكها وسمك الزجاج وأكيد منه نوعيات تصلح لواجهات أحواض السباحة
اللون الرصاصي مع الأبيض يتفاهمون
https://www.youtube.com/watch?v=8heLtUtuKQE