-
مطبخ جميل واقتصادي .. حبيت فيه طريقة الرف للصحون فوق وتثبيته بالحديد وكذلك الجلسة قرب الدريشة
https://i.imgur.com/f8Kp5iD.jpg
حتى الأدراج مقابضها جلدية والكراسي والليتات بتغطية من الخوص
https://i.imgur.com/enfojs7.jpg
https://i.imgur.com/RO2P4qK.jpg
النور الطبيعي عنصر مهم يتماشى معاه بياض الحوائط والسقف وبساطتها
https://i.imgur.com/l7Y2Jm0.jpg
https://i.imgur.com/4G7DFxz.jpg
هنا من الخارج وفيه مطبخ خارجي وباربيكيو وهذي توسعة عملت مؤخراً بطريقة رخيصة وبسيطة
https://i.imgur.com/r68uFSW.jpg
القطع بالجنيه الاسترليني - مب رخيصة
https://i.imgur.com/SQkALhk.jpg
-
مطبخ غير وهذا تعريف بالمصمم والصور مقتبسة من مجلة مختصة انجليزية اصدار يناير 2019
https://i.imgur.com/7kpKBaY.jpg
ما يميزه هو انفتاح المطبخ على طاولة الطعام على حيز الجلوس .. ونلاحظ تغير لون الجزيرة الوسطية عن لون وحدات الحائط الغامقة
https://i.imgur.com/ePTICBl.png
https://i.imgur.com/wPM1l0U.jpg
الإنارة المخفية طريقتها حلوة وكذلك السبوتات المخفية ( الغير متوهجة ) ومباشرة للعين نافعة للسقف النازل نسبياً
https://i.imgur.com/y01zXgE.png
شفاط الدخان جاي مع السقف وشكله ناعم
https://i.imgur.com/A8P8Tu8.jpg
https://i.imgur.com/cf7LToo.jpg
-
توسعة لبيت قديم وتم عمل مطبخ حديث ممتد مع صالة طعام وجلوس بطريقة حديثة
نلاحظ المنور معمول بشكل زاوية
https://i.imgur.com/aD1ucCI.jpg
في الصورة الثانية نشوف التوسعة من الخارج وحلو البنيان الحديث متصل بالقديم
https://i.imgur.com/TZtCgH5.jpg
استوى ضروري فتح المطبخ للخارج وكذلك دمجه مع حديقة خاصة به واطلالة نستفيد بها يومياً
https://i.imgur.com/SrJo2fB.jpg
توسعة ثانية من داخل ومن الخارج والمهم تكون المساحة متوفرة
https://i.imgur.com/G9yvaYv.jpg
بالنسبة لبعض بيوتنا يقدر اللي يرغب يسوي التوسعة حتى متر واحد من الارتداد 3 أمتار أو متر ونص ويسوي السقف زجاجي مايل متصل مع بقية البيت
توسعة أُخرى مع المقال الخاص بها ونشوف سعة المكان وانفتاحه كيف جميل
https://i.imgur.com/C3iSnqf.jpg
عندنا أكيد الوضع يختلف ونحتاج لمناور أصغر أو ممكن نكتفي بقطعة زجاج ثابت علوية فوق مستوى الدريشة العادية والباب أو دريشة كبيرة أو باب قزاز يطل على الحديقة
https://i.imgur.com/YuhpAo7.jpg
لازم في تخطيطنا للمطبخ نركز على ديكور غير اعتيادي وعلى اتصال بالخارج وحديقة جانبية .. لبيتي باسوي ان شاء الله حديقة داخلية مغطاة بسقف زجاجي ومكيفة لتكون متنفس للبيت وتنفتح عليها فضاءات الغرف والصالات والمطبخ
https://i.imgur.com/7UqCl1U.jpg
https://i.imgur.com/DMMvzOH.jpg
-
-
-
-
تصدق اخوي معماري لقيت نظام تقريبي للي نزلته في الفيديو عند المتحدة ..
بس سعر الشاور مع نظام اللمس حول الـ 50 الف :yawn:
-
انصحج لتغتشين ببعض القطع الغالية .. بعضها تجي غالية بسبب إنها جديدة على سوقنا والا في الأساس هي أرخص بوايد .. دوم أذكر سالفة البانيو اللي كان ينباع في محل في شارع المرقاب ألحين مكانه مول المرقاب وكان البايع لبناني تم يقنعني بجمالية البانيو وهو حتى بدون جكوزي وكل اللي فيه خط صدفي يقول لي موذر بيرل وهذا استخراجه صعب .. كان بشيء وسبعين ألف شريت بداله أربع جكوزيات ماركة جكوزي من شبيب وعلي العطية وشاور ستيم وزادت الفلوس
لازم نكون ذويقين والبدائل موجودة والسوق كبير ولو دخلت قطعة مزاجنا وكانت مبالغ في سعرها نتركها ونتجه للبديل .. شفت قطع هندية في محل قرب مصرف الريان على طريق سلوى نسيت والله اسمه فيه أشياء قريبة بسعر جيد وتشطيب زين .. منتجات قروهي الألمانية وأهم شيء صناعة ألمانية تسوى وبعض الموديلات مناسبة وبعضها غالية .. البديل الصناعة التايلندية بس نفس الماركة
بعدين لو عجبتنا قطعة مثل داميكسا البلجيكي وكانت عندي خلاط مذهب ماخذه من دبي وحصلته في قطر بسعر يمكن أرخص أو مقارب عند شركة الطيب اللي سكرت .. إخترب تم يقطر جبت عامل يبدله وشريت قروهي تايلندي .. جسم التايلندي ومسكته تفرق عن ذاك .. بعدها عرفت إن استبدال مكينته سهل وممكن يصلحه أي واحد في البيت وأكيد الفيتري اللي جبته صلحه وجدده وباعه
-
سوء تقدير أو تخطيط أو اختيار ما ننتبه له لين جينا نبني وفي مراحل التصميم الأُولى .. هذا انتبهت له في زيارتي لبيت صديق .. مسوي دورة المياه الرئيسية مقسومة قسمين .. قسم صغير مفصول للاستعمال الاحتياطي والسريع يقول لو تعطل الرئيسي يقدر يستخدم الثاني لوقت الاصلاح وفكرته جيدة .. كل اللي نحتاجه مترين في مترين أو 1.8 أو 1.6 في مترين وحتى يمكن أقل لشاور ومغسلة وكرسي
-
هذا من أجمل المواضيع عندي يبو عبدالله.. لا تلومني
