إيقاف موظف والتحقيق معه بالخطوط الجوية القطريه

اقتباس:

---

المشاركة الأصلية كتبت بواسطة khaldoon

يا جماعة...البنت اللي فصخت العبايه هذه حسابها عند ربنا مب احنا نحاسبها و نفضحها و نسبها...اصنع ما شئت فانك مجزي به .....احنا في مسألة انتهاك خصوصية المسافرين و التدخل و التشهير بهم في النت من باب التحقير و الاستهزاء و الاساءه لشريحة كبيره جدا من نساء الشعوب العربيه و الخليجيه و المسلمه بدون وجه حق....

اتمنى محاسبته بشده لانه تدخل بما لا يعنيه و يستحق العقاب الشديد و هو الطرد اولا و اخيرا و بدون شهادة خبره من شغله لانه طرد لامر غير اخلاقي وغير مهني بالمره

---

خلدون واحنا من بداية الموضوع ونقول محد له شغل فصخت عباتها والا مافصختها
الموضوع هو تصرف المضيف غلط ولازم يتحاسب
لكن خذ لك فره على الردود الحلوه

اقتباس:

---

المشاركة الأصلية كتبت بواسطة رايق البال x

والله انا ما اشوفه سوى شي غلط بصراااحة
بدال ما نراجع حساباتنا ونعترف بخطأ بناتنا نلقى اللوم على هالموظف ,, ؟
على الاقل اخذوا عباياتكم معاكم عشان لما ترجعون الدوحة تلبسونها مرة ثانية هههههههه الحمد الله والشكر نسأل الله العافية .. وين الام والاب ..

---

زين واذا كانو بناتنا
وماكانو فلبينيات مثل ما طلع الخبر انهم اصلا فلبينيات
هل معناته لبسهم الي تحت العباه فاضح ويفشل وضد مبادىء الدين؟
وهل لو فعلا مالبسو لبس ساتر تحت العباه وفصخوها يعني احنا نستوي عليهم ملايكه الحساب ونسجل خطاياهم؟
بغض النظر عن تصرف اي راكب في خصوصيه
عيل بلاوي السكارى والتحرشات ف المضيفات والوصاخه الي تصير والي يقوم من مكانه ويسوي النياسه وهو سكران هذول ليش محد صورهم؟
والا هذول ملزومين ينستر عليهم اما عبايات الله واعلم لكن تكون عادي تتصور ك استهزاء ان المسلمات نسو عباياتهم يوم سافرو صح؟
كلش ما راضيين تستوعبون الفكره بحد ذاتها شلون فيها اهانه سواء كان تصرف فردي خاطيء او ظالمين بنات المسلمين
وايد بنات قلنا يفصخون عباتهم يدخلون حمام الطياره ويفصخونها وياخذونها وياهم ف الشنطه مب تقطها عالكرسي وتطلع

الدنياء عجيبه كل شي انقلب فوق تحت

حسسوني اللي ما تلبس عباية فاصخة الحيا
ترا فرق بين اللي تلبسها عادات وتقاليد واللي تلبسها تدين
يعني خواتنا المسلمات من باقي الدول اللي لبسهم محتشم بس من غير عباية .. هذيلا شنو وضعهم بالنسبة للمحتجين على خلع العباية ؟؟!!
بالعكس انا اشوفهم ياما مدحوا في لبسهم واحتشامهم وتدينهم وتمنوا لو ياخذونهم كزوجة ثانية وثالثة ورابعة
والا السالفة سالفة نحاسة في القطرية والخليجية وبس
وحتى لما قالوا العبايات حق خادمات ما زال البعض يردد و يعذرب في بناتنا ليش وليش وليش
إحسان الظن موجود حق الجميع بس لما توصل السالفة عند بناتنا توقف وراسهم وألف سيف الا تطلع غلطانة

تبون الصراحه ولحد يزعل....صرنا مصخره..

براءة براءه براءه

عاشق و خلدون و جنون و الدوحة
انتو صح
جبتو الزبدة

الموضوع تصرف المضيف
و ليس من كانت لابسه العباية

ركزوووا يا بشر

احاتي رجعتهم من وين يدبرون لهم عبي

اقتباس:

---

المشاركة الأصلية كتبت بواسطة بونووف

احاتي رجعتهم من وين يدبرون لهم عبي

---

للعلم شاهدت كذا محل يبيع العبايات في لندن

اقتباس:

---

المشاركة الأصلية كتبت بواسطة الدوحه1

كنت اتمنى لو كان الأيقاف والتحقيق من النيابه العامه مب من "القطريه".
المضيف يطنز على اللباس الوطني للمرأه الخليجيه(العبايه) ولازم يتحاسب ويكون عبره لغيره بضرورة احترام القوانين.

---

يا ليت والله هذا المفروض القطرية استوت الخصم والحكم والقاضي ولو قطري كان حولوه نيابة لكن يبون يطلعونه باي طريقة