نسيت المباركة للجميع بهلال شهر رمضان الفضيل
وكل عام وأنتم بخيــــــــــــــــر
نسيت المباركة للجميع بهلال شهر رمضان الفضيل
وكل عام وأنتم بخيــــــــــــــــر
كل عام ونت طيب بوعبد الله ، ونحمد الله اللي بلغنا واياك هذا الشهر الكريم
الحمد لله والله يعيننا على صيامه وقيامه ويرزقنا القبولاقتباس:
المشاركة الأصلية كتبت بواسطة سالم الزهران
اقتباس:
المشاركة الأصلية كتبت بواسطة معماري قطري
وانت بخير ومبارك عليكم الشهر مشكور على طرح موضوع التصميم ننتظر راي الاعضاء حاليآ بخصوص الحوش الفكره منه يمين الملحق بتكون في بركة سباحة وقدام مدخل البيت حديقة غرفة السايق حاليآ افكر اخليها في الزاوية يسار وفتح باب السيارات من بعد الغرفة الدرج الداخلي للدور الاول ودرج ثاني من المطبخ للخدمات
ويعطيكم العافية ...
إخوي بو أحمد هذا التصميم صعب شوي والله يعينك عليه .. لو تشوف التصميم المقارب لهذا كان أدق ومدروس صح .. بعدين إذا أرضك مب على زاوية يناسبها أكثر التصميم المستطيل .. أعرف إثنين من الإخوان يبنون تصميم مقارب والله يعينهم مكلفهم كثير ومطول بنيانهم واقدر اسئل لك كم كلف تقريباً البنيان للحيناقتباس:
المشاركة الأصلية كتبت بواسطة boahmed87
انا بديت اعدل واضيف درج الخدمات وافكر في توزيع المساحات وأهم شيء عندي أحاول أرتب الحوائط فوق بعض حتى يكون النظام الإنشائي خفيف وغير مكلف بس مقتنع أكثر بالتصميم اللي سوينا فيه درج دائري في الوسط تقدر تشوفه تاخذ فكرة في هذا الموضوع
ما ادري شخطتك للارتفاعات والتكييف .. انا نصيحتي تخليه سبلت وفي بعض الأماكن الواسعة المعلق في السقف .. وتحافظ على ارتفاع 3.5 متر لكل دور من أرضية لأَرضية يعني صافي بيطلع لك حول 3.2 .. لو تحتاج أكثر بتكون حسبة عتبات الدرج أكثر أو عددها بيزيد .. ألحين عندك 25 عتبة بإرتفاع 14 سم وهو مريح
السلام عليكم ، وكل عام وانتوا بخير
استاذ معماري رجاااااءً غير اللون الاصفر :weeping:
ملاحظتي الاولى اخوي بو احمد ، ان كنت ناوي تحط بركة لازم تحسب حساب ملاحقها من شاور و غرفة تبديل
والاجمل لو خليت البركة متصلة بالحديقة ، لكن اذا عندك يهال صغار لازم تفصل الاثنين فصل تاااام
بالنسبة لتوزيع الفيلا ، ياليت تعطينا فكره عن احتياجاتك و احتياجات افراد العائلة عشان نقدر نفيد بالي نعرفه
انا مثلج تحول عيني وانا اقراه .. حاولت اغيره يطلع عندي أحمر ولا يتغير .. هذي رسومات الاستشاري ناقلها كما هياقتباس:
المشاركة الأصلية كتبت بواسطة sweet qatar
كنت شغال على تصميم ثاني وألحين إن شاء الله باتفرغ لذيه شوي شوي بنخلصه .. بس صاحب التصميم ما رد على التساؤلات وشكله مقتنع بالموجود والله يوفقه .. دوم نصيحتي للكل لو عندك مساحة معقولة حاول توزعها زين وانتبه لمشكلة مواقف السيارات .. هذي ترفع قيمة البيت وتفكك من مشكلة الحصول على موقف سهل في حال كبروا عيالك وتحتاج لمواقف .. الحديقة الموزعة والتشجير الموزع يبقى الحل المناسب لكثير من البيوت
هلا اخوي السموحة منك تأخرت عليك بخصوص التكييف سبلت كنت افكر ااذا يصير 5.5 الان 3.5 البيت لي انا في الحين هذا ارتفعة وحس الجبس تقدر تمسكة بيدك و الثريات بس مادري انت طبعآ خبره اكثر مني انا انتظر تعديلاتك على التصميم للافضل واسمحلي بتعبك معاي الان ماعندي خبره كبيره في مجال البناء .اقتباس:
المشاركة الأصلية كتبت بواسطة معماري قطري
وعليكم السلاماقتباس:
المشاركة الأصلية كتبت بواسطة sweet qatar
اختي انا كنت افكر نفسج بخصوص البركة ان تكون مكان مصكر والطوفة تكون زجاج ..
بخصوص الاحتياجات اتا حاليآ ماعندي شي غير هاذي الان عيالي صغار يعني حتى الغرف بستخدم بس غرفة وحدة منهم والباقي للمستقبل اذا كبروا العيال ان شاء الله وانا اتقبل منكم اي ملاحظة وتعديل ومشكوره على اهتمامك بالموضوع ...
الله يعطيك العافية اخوي معماري
الظاهر ألوان اللايرات ثابتة عندك في البرنامج
اقتباس:
المشاركة الأصلية كتبت بواسطة boahmed87
العفو اخوي ،، هذا واجبنا
ما شجع على تغطية البركة بالكامل ،، اولا عشان ما تخسر الكثير من مساحة الحوش
وثانيا عشان التهوية
ممكن نغطيها جزئيا بحيث يتم المكان شرح و واسع و بما ان حوش البيت جاي على جنب
عندنا خيارات اكثر للتوزيع
واكيد الاختيار المثالي يعتمد على ذوقك و رغبتك
الحين لو نبي نحدد شكل البركة ، نحدد من بيستخدمها اذا كانت للوناسة واللعب نحطها بشكل دائري بحجم متوسط
وان كانت لممارسة رياضة السباحة نحطها بشكل طولي على طرف الحديقة
بالنسبة للفيلا ، المدخل يحتاج تعديل
و ديزاين الدرج و موقعه أشوفه فاصل بين غرف الدور الأرضي
لو خلينا الدرج مكان غرفة الطعام ممكن نعيد التوزيع و نزيد المساحات المفتوحة
والاهم نربط التصميم الداخلي بالخارجي
شرايك ؟ او انت مقتنع بالتصميم بس محتاج تعديل في التوزيع ؟
كثير إخوي بو أحمد 5.5 هذا يعتبر ارتفاع مزدوج وتحتاج سقالة لتبديل الليتات .. 3.5 بعد كثير انا بيتي غالبيته بعد الجبس 2.8 و 2.9 وفيه 5.6 ارتفاع مزدوج بس جزء واحد وصغير .. ليش اسئلك لو تبي تركب تكييف مركزي أو دكت سبلت حتى ينحسب لك الارتفاع ونقدر نزيدهاقتباس:
المشاركة الأصلية كتبت بواسطة boahmed87
مؤيد لكل اللي قلتيه واشتغلت على توزيعة أفضل .. بس انتي تذكرين التصميم اللي سوينا الدرج فيه دائري .. ملموم أكثر وزين وبيناسب هذي الأرضاقتباس:
المشاركة الأصلية كتبت بواسطة sweet qatar
إن شاء الله الليلة باشتغل عليه وبنشوف شلون بيطلع
اقتباس:
المشاركة الأصلية كتبت بواسطة معماري قطري
ياليت يصير :weeping:
5.5 وايد حلو خصوصا للي يبي ديزاين كلاسيك
بس للأسف البلدية ما ترضى :(
اقتباس:
المشاركة الأصلية كتبت بواسطة معماري قطري
الله يعطيك العافية*
ننتظر ابداعك ونشوف :)
هلا اختي بخصوص البركة احتمال الغي الفكره وسوي بس حديقة بخصوص الدرج انا معاج مكانه يبيلة تغير التوزيع هذا لي وصلت له اذا عندج توزيع افضل منه ممكن نغير عليه اهم شي عندنا ان نبي الصالة تكون مفتوحة و المطبخ الداخلي مفتوح وصاله ثانية مصكره للبيت ..اقتباس:
المشاركة الأصلية كتبت بواسطة sweet qatar
بخصوص الارتفاع انا مادري كم المسموح في البلدية بناخذه منهم واخوي بو عبدالله انا افكر اغير التصميم وسوي واحد ثاني مستطيل انت شرايك ...اقتباس:
المشاركة الأصلية كتبت بواسطة معماري قطري
البلدية تقريبآ المسموح 13 متر طبعا يبيلها طلب والسنداره .
واذا انت تابع لبلدية ام صلال ( الله يعينك )
لك اعتقد 12.5 متر لآخر سقف البنتهاوس توزعها على كيفك .. في أمريكا تسوي ذي 4 أدوار مبحبحة و5 أدوار اقتصادية .. بس عندنا التعقيد يكون في الدور الأخير وفي فتح النوافذ على جهة الجار فوق الدور الثالث .. يفترض يسمحون بدور ثالث كامل وتكون النوافذ جهة الداخل .. يخلونها صريحة .. ويكون عندنا معدل ارتفاع 4 أمتار لكل دور من أرضية لين مستوى أرضيةاقتباس:
المشاركة الأصلية كتبت بواسطة boahmed87
هذا مقترح للتصميم المقارب سواءً في المساحة أو الشكل مع توزيعتين للحوش التغيير الوحيد فيهم مكان غرفة السائق ومساحة حوض السباحة
http://i.imgur.com/y6o0CeG.png
هذي أوضح وهذي اللي مرتاح لها أكثر شيء .. يستوي موقف قرب غرفة السائق كذلك لسيارة البيت حتى لو بننزل شيء للملحق يكون قريب وعندنا مساحة لحوض سباحة مطل على الصالة ويفترض ينعمل بسقف وجزء كبير قزاز لدخول نور الشمس ومعاه ملحقات كغرفة تبديل ملابس ودورة مياه وسونا وبخار لو حب المالك
http://i.imgur.com/Bm6jzRv.png
بالنسبة للكتابة مقلوبة لكن تبين المساحات واضحة وممكن الرجوع للتصميم في حول 3 صفحات سابقة
اقتباس:
المشاركة الأصلية كتبت بواسطة معماري قطري
اخوي معماري احس ان الدرج اللي يجي في نص البيت يصلح للقصور والبيوت اللي احجام ارضيها كبيرة
لان اذا جه درج البيت في النص يأكل مساحه غير مستفاد منها
تقدر تحط الدرج يجي دار مادار المصعد ( ألفت )
وتستفيد من المساحه
انا معاك الدرج في وسط البيت وعلى شكل حلزوني احلا ويعطي منظر جمالي وحميمية في البيت وانت نازل وطالع
انا يوم جيت ابي أسوي الدرج في النص البيت او على شكل حلزوني قال لي المهندس احتاج 7 متر عرض عشان الدرج يكون مريح
حتى الصالة الفوقية مفتوحة على تحت بعد غير مستفاد منها في المساحه هذا غير صدا الصوت
كثير من الناس بعد ماسكن البيت بفترة قفل الصالة المفتوحة وضيق على نفسه في الصالة التحتيه بعواميد التقفيل
ممكن تسوي جزء مفتوح على طرف الصالة او بشكل مستطيل في الصالة الفوقية تطل على مدخل البيت
وجة نظر لا غير
هذا التصميم الأساسي معدل بإضافة درج خدمات من المطبخ يكون واصل للبنتهاوس .. والدرج الأساسي ينقطع في الأول بس لازم اكمل تعديل الدور الأول والبنتهاوس حتى يكون متناغم مع درج الخدمات ومع الغاء الجزء المكمل من الدرج الرئيسي + إضافة منور سقفي .. التصميم السابق جاهز بالكامل معمارياً
http://i.imgur.com/ivS6eNd.png
مبارك عليكم الشهر.
والله يتقبل منا ومنكم.
هلا بو خالد علينا وعليك الله يبارك فيك ويخليكاقتباس:
المشاركة الأصلية كتبت بواسطة بوخالد911
وجهة نظرك صحيحة .. بس هذا التصميم بالذات الصالة الوسطية مدخل توزيع مفتوح ومعليش لو يعكس شوية فخامة والنور الطبيعي يجيك من فوق الدرج وتصميم الدرج ممكن يكون مكلف وممكن يكون معتدل حسب درجة التعقيد .. ممكن نحط له جدار خرساني بدل الدرابزين وبفتحات وممكن درابزين مستقيم بسيط يكون حلو ورخيص ويكون مفتوح أكثر ما يعيق الرؤيةاقتباس:
المشاركة الأصلية كتبت بواسطة Azizuk
عن الصوت لو تلاحظ تحت غرفة تلفزيون خاصة مسكرة بزجاج وكذلك فوق .. ولو افترضنا ما سوينا الدرج شالاستفادة اللي بنستفيدها من الصالة الوسطية .. قبل كان نموذج بالدرج حول المصعد وذاك بعد ممكن وفكرته حلوة بس بعد كانت الصالة مفتوحة من فوق على تحت وفيها نافورة .. واستفدنا من المساحة حول المصعد للتخزين ولغرفة الكهرباء
اقتباس:
المشاركة الأصلية كتبت بواسطة معماري قطري
ماشاء الله عليك انا عجبني الصراحة توزيع حلو بس بخصوص الدرج ماتحسه صار اكبر من قبل لو فترضنا شلنا الدرج كامل وسوينا بس درج عادي جنب المصعد برايك المساحة لي بنص ايش ممكن نستفيد منها هل ممكن تدخل مع الصالة وتصير قعده ولا لا ويعطيك الف عافية
الدرج هذا لازم يكون معلق وحلزوني حتى يكون مفتوح ويبين من خلاله وهذي المساحة في الصالة للمرور .. والدرج يرتفع بالتدريج وتحته يكون فيه مكان واسع ومرتفع كفاية للمرور .. والنموذجين موضحين واحد بالدرج حول المصعد وواحد بهذي الطريقة .. انا حبيت هذااقتباس:
المشاركة الأصلية كتبت بواسطة boahmed87
بعدين تخيل تدخل البيت تحصل كراسي في الممر مب حلوة .. الكراسي عددها واضح ومكانها زين
إنت عندك النموذجين والنموذج اللي انت تبيه لو تبي اعدل عليه أقدر وبديت بس وقفت لين اشوف شتفضل .. صراحة هذا مع المنور السقفي لو تشوف رسوماته كاملة وايد أحسن من اللي عندك .. والأهم عندي انا هو توضيح توزيع البيت والمواقف
الله يوفقك ويوفق صاحب النموذج الأصلي وكل واحد يبني
صح كلامك مب حلو الان مدخل البيت بس لو سويت الدرج هذا اتوقع مارح يكون عندي صالة فوق وبنتري وانا محتاج الصاله لي فوق اكثر ليش مانسوي الدرج نص دائرة بس يعني في البداية الرسم لي بالاسود نخلية وعقب استراحة نكمل عادي يكون شفت كم فله نفس التصميم حلو ومايكلف وايد والتصميم لي وايد عجبني لي. غرفة السايق قدام لي موضح في مكان البركة .
قبل لا تتوقع ارجع كم صفحة ورا وبتشوف التصميم كامل .. فيه جلسة تلفزيون مغلقة بباب قزاز وفيه بانتري وفيه مخزن و5 غرف بغرف ملابس وحمامات وفوق عندك بعد غرفة رئيسية ومكتباقتباس:
المشاركة الأصلية كتبت بواسطة boahmed87
صح كلامك توني اشوفة ممتاز ومرتب يعطيك الف عافية تعبتك معاي اخوي
ولو مقتنع بالتصميم الأساسي اللي جايبه انت أقدر اخلصه بسهولة .. شوف هذا الدور الأول وتوزيعته المبدئية .. عندنا مشكلة في الصالة الفوقية مب جاية وسط خط التناظر 45 درجة اللي قاسم البيت نصين .. مع إضافة مقترح لسكاي لايت فوق الصالة
http://i.imgur.com/fda2IGF.png
الرسام قبل مسوي حائط الدرج مصمت وانا فكرتي يكون خرسانة 10 سم وفيها فراغات حتى يبين الجزء الخلفي للغرف من الصالة .. كذلك الكتل الخرسانية الكبيرة ممكن نستغلها بعمل تجويفات داخلها للزينة والورود مثل الخطوط الحمراء المتقطعة الواضحة
بالنسبة للبنتهاوس استوى من غرفتين ومخزن وممكن يستوي من ثلاث غرف + حمامين + مخزن ويوصله درج الخدمات والمصعد
ما اكتمل التصميم بس هذي فكرته
http://i.imgur.com/WBtLTXQ.png
بالعكس يا اخوي الموضوع تمرين لي وتسلية ومتمني الاستفادة للجميع ومثل ما قلت لك كل تصميم له مميزات والتصميمين متقاربيناقتباس:
المشاركة الأصلية كتبت بواسطة boahmed87
طلعت المساحات عندي للتصميم القديم المعدل 360 للأرضي + 333 للأول + 167 للبنتهاوس بمجموع 860 متر مربع والملحق حسبته غير .. نسبة البنتهاوس من الأرضي توصل 46% ولازم بنزيدها بغرفة التانكي واعتقد تحتاج موافقة خاصة أو نصغرها لنسبة 40% وتصغيرها سهل
وايد حلو لو نشيل الستور نسوي بس مكانه بنتري ونكتفي بستور واحد في غرفة السطح ونجرب نشيل الدرج من النص شرايك ونشوف اشلون بكون الشكل وفكره السكاي لايت حلوه بعد انا ماتابع معاك ان شاء الله لي مانوصل لي التعديل المناسب .اقتباس:
المشاركة الأصلية كتبت بواسطة معماري قطري
شوف لو بتسوي الدرج اللي ورا رئيسي ممكن تشيل الستور لكن لو تحتاجه ثانوي هذا الوضع كفايةاقتباس:
المشاركة الأصلية كتبت بواسطة boahmed87
باطبق فكرة ازالة الدرج الدائري وعمل جلسة مكانه بس بتستوي صالات زيادة .. الصالة الوسطية مكان الدرج ممكن تسويها نازلة كم عتبة بحيث الكراسي ما تغطي الرؤية للجهة الثانية .. ممكن تسويها حوض مائي أو حوض سمك كبير مفتوح بس تحتاج حمايات للأطفال .. ممكن تخليها حوض زراعة لنوعيات تحتاج برودة التكييف وتكون الصالة الفوقية مفتوحة عليها ويدخل النور من المنور فوق
هذا مثال لجلسة إضافية مع تعديل المدخل وتوسيع الليوان جدامه .. باب المدخل يستحسن قزاز مع واجهات زجاجية كبيرة تعطي شراحة وانفتاح للي جاي يدخل
http://i.imgur.com/bWdU1f0.png
الليوان جدام مدخل البيت عندك مزدوج الارتفاع ويستحسن تسوي عمدان طويلة دائرية بتصميم روماني .. اللي تجي الثلث السفلي سيدة وبعدين تصغر كل ما ارتفعت للثلثين الباقيين مع تاج آيونيك أو روماني مشجر .. وعندك تفاصيل كثيرة لازم تطبقها
الدرج ورا عرضته شوي بس يحتاج ضبط حق استراحته وتكبير حتى يكون خدمي ورئيسي في نفس الوقت .. وحسب الإرتفاع اللي تبغيه بتحتد تضيف درجات وممكن تسويه طالع وممتد من الجنب وطالع من الصوب الثاني
أَغلب الأشياء ضمنية وتحتاج تعديل وتطوير أكثر مثل النوافذ ووضعية الأسرة يستحسن ظهر السرير على الحايط الخارجي وبما إن الحايط عريض نقدر نسوي دريشتين والسرير وسطها
ممكن الدور الأرضي وزنية الدرايش غير عن الأول فكرة تكون فوق بعض فكرة قاصرة ولا تؤثر خصوصاً في الواجهات الثانوية لوجود سور البيت المرتفع والمغطي على درايش الأرضي
http://i.imgur.com/WZJWyjf.png
ممكن للدور الأرضي بدال الجلسة تكون نافورة كذلك