الي باللون البنفسجي:
أنا كمحلل اشوف الأرقام وعدد الأسهم وحجم الصفقات وتوقيتها
وحجم السيولة مقارنه بالسوق والقطاع ثم على السهم, أفسر هذا
بأنه صانع السهم انسحب وصرف, او عمل تدوير, او طلع ودخل
صانع ثاني, فأنا كواحد ما ادري بالضبط شيصير, لكن انا اعامل
صاحب التحركات كشخص واحد, بغض النظر عن كونه واحد او
اثنين, او اكثر, مادام انه عمل نفس العمل. وقد يكون الي صار
عملية تمويه زي ماقلت انت, انه الصانع, قراء ايميل او تحليل
لخبط حسبته, فأنقذ نفسه وبيضطر يعمل كذا الين, يجد تصريف
وقد يكون لا, أن السهم حصل فيه تصريف وفي نفس اليوم
تجميع, من طرف اخر زي ماقلت لك. وفيه حاجه اخيره, الي
هي تسريب الاخبار, يعني مثلا, نقول ان الي صرف, وسحب
سيولته من السهم, صرف نتيجه قناعه بيع, او اشاعه, او تحليل
وان الي اشترى, يمكن عنده خبر, و و و, ففي كل الحالات,
يبعد المضارب, الي مثلي ومثلك, عن السهم, الين يحسم صناع
السهم موقفهم, ونشوف الغلبه لمن, لاهل التصريف او التجميع
الي باللون الأزرق:
من وجهة نظري انا ومن كلام الربع, ان الي يصير بصناعات
هو بالفعل ضغط وتجميع, وان الهدف 85.4 ومن زمان هذا
معلوم, ويمكن 88.4 والله اعلم, ولكن الي صاير ببنك الدوحة
هذا غير, الي صار ببنك الدوحة تصريف والوطني تصريف
اما وقود, فهي تجميع و واضح. وبالتوفيق
الي باللون الاحمر:
لاتتردد يا عزوز يا مضارب في اي شي تبي تقوله لي كمحلل
او عضو,ياخوي هذا من حقك تشوف رائي, وهذا رأئيي و الله اعلم
