فيديو طويل أتابعه على دفعات مدته فوق الساعة .. ما اقدر أعلق على كل جزئياته بس أتوقع كلام المهندس صحيح في كل جزئياته
https://www.youtube.com/watch?v=eD_01BZN0Xw
عرض للطباعة
فيديو طويل أتابعه على دفعات مدته فوق الساعة .. ما اقدر أعلق على كل جزئياته بس أتوقع كلام المهندس صحيح في كل جزئياته
https://www.youtube.com/watch?v=eD_01BZN0Xw
شغل سهل ونظيف اي واحد يقدر يسويه حق بيته لحديقة نازلة جانبية يتجمع فيها ماي المطر بدال ما يتجمع قرب البيت والأساسات .. عندهم غير حكومات تتصرف بحماية الشوارع وتصرف المياه عنها عندنا الوضع غير أسهل شيء حفرة امتصاصية وخل المياه في أرضك
https://www.youtube.com/watch?v=DuEm5RC43tk
نتمنى نشوف هذي الآليات تشتغل على شواطينا وشوارعنا ومطاراتنا
https://www.youtube.com/watch?v=HJQV-BMWiIk
لا عدمناك اخوي معماري.اقتباس:
المشاركة الأصلية كتبت بواسطة معماري قطري
ولا فقدناك إخوي ساوث كياقتباس:
المشاركة الأصلية كتبت بواسطة SouthK
هذا شغل نظيف لسحب المياه من قرب البيت والعجيب في الأخير وصخوا الشارع بالماي والطمي بس قانونهم واضح مهم حماية البيوت وماي الشوارع مسؤولية الحكومة مب مثل قانوننا العجيب اللي كل يوم مهندس خريج جامعة خربطلي يقترح نحفر للمياه في البيوت وتتصرف صوب الأساسات والمواطن بعدين لين عانى واشتكى يستوي الشغل اللي سواه سلبي عليه وعلى ميزانيته وبدون فايدة تذكر
https://www.youtube.com/watch?v=b_kxIGYPeG8
الفيديو عطاني اقكار طيبة .. ما قصرت!اقتباس:
المشاركة الأصلية كتبت بواسطة معماري قطري
وشو سالفة الماي اللي ينصرف صوب الاساسات؟؟؟؟؟؟
زين الله يسلمك وهذا الهدف من الموضوع التوعية ومشاهدة شغل يستوي فيديو وصوت أفضل من الشرح والمخططاتاقتباس:
المشاركة الأصلية كتبت بواسطة SouthK
سالفة الماي هذي الله يسلمك يطلبون من أي شخص يبني حالياً يعمل حفر امتصاصية في بيته .. نفس سالفة خزان الصرف الصحي التعيس القديم اللي فيه طابوق مفتوح مركب بالعرض وغرقوا مناطق كاملة سنين طويلة بمياه الصرف الصحي بس هذي أنظف شوي .. ببساطة الماي اللي ينزل من سطح البيت تغرقه وتدفنه في أرضك مهما تكون صغيرة .. يسمونها سوك أواي وحتى بدون مضخة ومضخة بتضخ الماء وين هم يبونه تحت الأرض وحول الاساسات ما همهم المهم ما يعتب باب البيت
أشوفه قرار خطأ وبيسبب مشاكل مستقبلية والأسهل بمراحل يخلون الناس تجمع المياه هذي في منطقة مزروعة لو بيوتهم كبيرة وتكون منخفضة أو يسمحون بتصريفها للشوارع والشوارع تكون فيها شبكة مياه أمطار مثل ما عملوا في العزيزية وأتوقع بعض المناطق غيرها .. حل أخير أمطارنا قليلة وشبكات الصرف الصحي تتحمل وشبك بعض تصريف البيوت لمياه المطر بهذي الشبكة ينظفها ويخلي المياه تجري وتروح كلها للمعالجة .. حتى مياه الشوارع والبر تحتاج معالجة وتمر على ملوثات كثيرة
حل أخير يعتمدون التصريف السطحي لكل منطقة صغيرة أو محلية ويوجهون المياه ببايبات تحت الأرض والشوارع سطحية بسلوب بسيط جهة أرض فاضية محفورة لتجمع المياه وهذي يزرعونها زراعة تجميلية
طرى علي وقت البناء يوم فرغنا الماي من السطح لختبار العازل المائي تجمع الماي في قاع بير المصعد مع ان المسافه بعيده بينهم . واكيد تفريغ ماي الاختبار يوصل للاساسات لان الاغلب يسوينه قبل الدفان والتبليط والتصريف .
لو مثلا يتم تصريفها بموتور ماي بعيدا عن البيت او في خزان كبير من شركة العزل يكون افضل .
او حل اخر ؟؟؟؟
https://www.youtube.com/watch?v=CB5ANHoMuOg
شغل ألمان لازم تشوفونه
تعودنا على المبالغات الإنشائية لكن لو التصميم المتفق عليه غير والمقاول خفف حتى يوفر على نفسه هنا المشكلة بس درج مثل هذا ماشي .. يمكن عيبه يكون يهتز لو شخص ركض عليه
https://www.youtube.com/watch?v=gCpSSCQo6JU
إن شاء الله صوتنا يوصل لعظماء مهندسي البلدية ويشوفون حل غيراقتباس:
المشاركة الأصلية كتبت بواسطة سعود.
الأمريكانو وهم أمريكانو وأمطارهم كثيرة يغرقون بها الشوارع وإحنا خايفين على شوارعنا من مطرة كل سنة
اللي تفتق ذهنه عن الخطة الجهنمية لزرع أنا بيب إطفاء في الفرجان شكبرها مضيقة الدواعيس وحولها حديد حماية حق تكسير سيارات خلق الله يتفتق ذهنه حتى لرفع قضية على حمد إنه كتب ووضح هذي المساويء
لا وبيبات الإطفاء ركبوها في أنفاق قصيرة وركبوا حولها الحماية اللي مستحيل تفيد في حال اصطدام سيارة بالسرعة القانونية منحرفة غصب وشفنا فيديو لإصطدام وغرق للنفق وتعطل للسير فيه وفي كتارا بعد المنطقة الحديثة .. يا اخوي ربعنا شفيهم ما يفكرون صح ويلغون الفكرة من أساسها ولو محتاجين يركبون مرشات ماي أو بودرة من فوق وتماتيكية .. أكيد فيه أنظمة إطفاء غير وهذا لو كانت ضرورية كلش .. والا يسوون كسرة في الحائط يثبتون فيها طفاية حريق قوية يقدر يستخدمها أي شخص ولو يبغونها محمية لين يجون هم يستخدمونها مثل هذي البايبات اللي مستحيل شخص عادي يستخدمها بعد القصة بتكون صعبة أسهل هم يجون بسيارة سريعة مجهزة فيها العدة اللي يبغونها ومختبرينها دوم
فشلوني والله انا اذا وقفت عند اشارة وشفت البايبات اللي تحمي عمود الإشارة اتصدد لحد يعرف إني مهندس قطري من الفشيلة مع إني ما لي لا يد ولا صبع في اللي يستوي
https://www.youtube.com/watch?v=WXjC58zxPRI
هذا فيديو الحادث مرة ثانية والحادث يتكرر عند إشارات عدة وأماكن مركوزة فيها هذي البايبات المميتة في حال الاصطدام
اهلا و سهلا بكم !!اقتباس:
المشاركة الأصلية كتبت بواسطة معماري قطري
أخبر الماي اللي ينزل من السطح و عادة يكون ماي مطر ينزل لكن ممكن يستغل بانه ينزل في جورة المطر اللي حاليا مفروضة ضمن اشتراطات البلدية .. مسألة اني اسوي خزان مفتروح و اخرب بيتي هذا تخلّف!!اقتباس:
المشاركة الأصلية كتبت بواسطة معماري قطري
الامريكانو ناس تفهم و عندهم من يفكر قبل ما ينفذ!اقتباس:
المشاركة الأصلية كتبت بواسطة معماري قطري
مهندسو البلدية انت تخبرهم أكثر من غيرك اخوي معماري .. انهم لا يستمعون للقول فيتبعون احسنه!اقتباس:
المشاركة الأصلية كتبت بواسطة معماري قطري
صحيح ونزوله يعني خصوصاً للأراضي الصغيرة اللي ارتدادها الأمامي 5 متر والجانبي أوقات متر ونص وملحق وراء وشوية فراغ حول 6 متر ما تسوي شيء .. المنطقة المحفورة والمزروعة الزراعة تشفط الماء والرطوبة ويكون حوض زراعي محمي من الجوانب بطابوق معزول وبعمق كبير ينبني مع التأسيس وعملتها في بيتي بس تصريف ماي المطر ما يكون عليها لأن القوانين قبل غير والتصريف بسلوبات للخارج .. تستوي نقعة كبيرة لأن جدام بيتي أرض منخفضة ويسحبونها بالدناكر .. أما لو سويت اللي يطلبونه ألحين بتغرق أساسات البيت بالمياه وبتستوي عندي هبوطات ومشاكل انشائية كثيرةاقتباس:
المشاركة الأصلية كتبت بواسطة SouthK
للبيت الجديد محدد حوض زراعي طويل حول 60 متر في عرض 6 متر وبيكون بعمق ومحاط بسور طابوقي بارتفاع بسيط بحدود طابوقة وباحول عليه بايبات مياه المطر من تحت الأرض .. بنفس الوقت باركب خزان ماي تحت الأرض يخزن هذي المياه لإستعمالها للزراعة .. الزايد لو انترس الخزان تماتيك يتم سحبه بمضخة وملأ الحوض الخارجي به .. القدرة التخزينية للحوض الزراعي 360 متر مكعب مب شوي وتخزين التانكي حول 5 متر مكعب .. الطريقة هذي شفتها على أرض الواقع ولمساحة كبيرة وكانت حل منطقي ورخيص بس ما انعملت بالترتيب اللي ناوي أسويه .. كانت قنوات مفتوحة مب بايبات مخفية تحت الأرض وكانت حفرة بشيول شكلها مقزز مب حوض زراعي مرتب .. هذي نبتت فيها نباتات عشوائية وبدون تربة زراعية وبدون عناية وكانت كثيفة النباتات
الحوض الزراعي بيبعد عن أساسات البيت حول 15 متر وأكثر
أخبر ناقشت مدير الطرق في موضوع الحواجز اللي يرزونها حول الإشارات وإنها خطرة وعائق اصطدام مباشر .. رد علي من قال للسائق يدعم وكأنه يدعم قاصد وتسليةاقتباس:
المشاركة الأصلية كتبت بواسطة SouthK
الظاهر هالمهندس يلعب نيد فور سبيد وايد!اقتباس:
المشاركة الأصلية كتبت بواسطة معماري قطري
في مجال نزور البيت اخوي؟؟ طبعا بوجودك!اقتباس:
المشاركة الأصلية كتبت بواسطة معماري قطري
ما عندي مشكلة إخوي حياك بس انا شرحت لك الحالي تصريفه سطحي وللخارج والمستقبلي فكرة التصريف ببايبات تنزل من السقف وتمر تحت الطريق الداخلي لين حوض الزراعة وحاط مخططات في موضوع مراجعة المخططات المعماريةاقتباس:
المشاركة الأصلية كتبت بواسطة SouthK
جدول لساوث زيارة في نفس الوقت اللي تحط فيه طائرتي في حمد انترناشونال ايربورت، نبيه الشيخ ساوث.
من القدامى وقبل وجود أشغال تقاعد من زمان بس كان رئيس قسم الطرق مب شخص عادي ورده لي تسكيت بس مثل اللي يقول انت شدخلك .. المشكلة من ذاك الوقت وهم ماشيين على هذي البدعةاقتباس:
المشاركة الأصلية كتبت بواسطة SouthK
حماية الإشارات أقدر أركب بايبات عريضة وبعيدة عن مسار السيارات مثل اللي نشوفها في بعض التقاطعات والبايب لو منه شوية خطورة ينحط حوله حديد ماص للصدمة ويكون قابل للانطعاج بنسبة كبيرة .. بعض الإشارات مستوردة وتجي بمواصفات تصنيع صح وبعضها لا يحطون حولها بايبات حماية وحول كاميرات الرادار وشكلها مقزز وغير حضاري واللي يصطدم بها لا ارادياً تكون الصدمة خطيرة جداً
مر شوف الأنفاق الحديثة صوب كتارا وصوب اللؤلؤة وصوب لوسيل رصيف في الطرف ضيق ونازل وجنبه جدار النفق وعلى الرصيف حاطين عدتهم وحولها ذي البايبات الحديد المركوزة .. من ضمن الحلول الرخيصة رفع الرصيف وعمله حاجز صد متصل لو اصطدمت به السيارة يكون اصطدام جانبي يحمي السيارة المصطدمة من اصطدام مباشر وبنفس الوقت بيحمي أي شيء وراه ويخفيه نوعاً ما .. بايب الإطفاء بيبقى أعلاه يبين أو تركب لافتة تقول إطفاء لسهولة وصول المطافي هذا اذا وصلوا ولحقوا على الحريق
حياك الله إخوي بو زيد تشرفنياقتباس:
المشاركة الأصلية كتبت بواسطة سالم الزهران
خيرك سابق يبو عبدالله جعلك تحيا وتدوم وايضاََ اخونا ساوث والكثير من الزملاء في المنتدى اللي نتشرف بلقاهم
اللي صمم هذي الأنفاق فاهم إن خطر الحريق مستبعد ولو صار مثل أي شارع النفق قصير وواسع والسيارات كلها فيها طفايات .. الأهم يحطون كاميرات سرعة لضبط المخالفين ولضبط المتجاوزين للخط المتصل الممنوع قطعه شكلهم ما يدرون إنها تصير سباقات في الأنفاق وحرق تواير
مستعد أجزم إن هذي البايبات محد بيستعملها حتى لو صار حريق بيجون وبيطفون بمعداتهم اللي في سياراتهم ونفس الوضع في الفرجان
ما عليك قصور يا بو زيد ولقائنا ذاك اليوم في مكة المكرمة كان سريع وحلواقتباس:
المشاركة الأصلية كتبت بواسطة سالم الزهران
هذا شغل هندسي صح ومبتكر .. مكينة ترش رذاذ ومروحة تضغط البيت من داخل والضغط يتسرب من أي فتحة صغيرة ويسحب معاه الرذاذ ويتجمع يسد الفتحة .. شغل بو أسد مثل ما يقول رفيجنا اليمني
عندنا الهواء يدخل من فريمات الدرايش وحتى الدرايش المزدوجة تتنفس شوي الفراغ الوسطي يدخل هواء ويطلع هواء حسب الانكماش والتمدد .. كذلك من فريمات الأبواب واليو بي في سي الجيد يسد هذي الثغرات بس ضروري نسوي مدخل هواء ثاني لإستبدال الهواء في البيت ولتخفيف الضغط على مراوح سحب الهواء وهذا لازم يكون مفلتر ومزالة الرطوبة منه لو نبغي جو صحي
https://www.youtube.com/watch?v=JYugiSwWoPk
اليمني أنتج هذا الفيديو الظاهر رد على المصري اللي سبقه
https://www.youtube.com/watch?v=kcCwLeEQciI
الحوائط الجبسية المدعمة بالخشب سهلة جداً لعمل أي قاطع داخلي حتى عندنا وهنا تعمل للسقف والحوائط في بيت ولد اوريغن
https://www.youtube.com/watch?v=VJXY7FpbB_Q