متفق مع كل ما قال بس هذا قليل وأكيد هناك الكثير
https://www.youtube.com/watch?v=yeOpp9HDspo
عرض للطباعة
متفق مع كل ما قال بس هذا قليل وأكيد هناك الكثير
https://www.youtube.com/watch?v=yeOpp9HDspo
فعلاََ الاخو جاب الزبدة و انا بعد اشوف الكهرباء يمكن اصلاح الخلل فيها، بس اساسات البيت وجودة الحدادة والخرسانة والتسليم والاستلام الصحيح هذي ما اظن يمكن اعادتها لو حصل غلط الا بشق الانفس
في البناء الحديث الفرق يا اخوي يكون في التصميم وإدخال عناصر شرحة مثل النور الطبيعي والزراعة وترتيب المساحات لتحتوي أثاث معين وبصورة معينة تكون شبه ثابتة في غالب الوقت الا لو بتجدد وتغير الإنارة والكهرباء ووضعية الأثاث لاحقاًاقتباس:
المشاركة الأصلية كتبت بواسطة سالم الزهران
انا أشوف التصميم هو أهم شيء بعدين تجي مواصفات البناء وتفاصيل التركيب والمواد .. وطبعاً مهم الإشراف وبتوثيق بصور وفيديوهات وتعليقات واضحة
كل واحد بيبني لازم يتأكد هذا المجال الدجل فيه وايد والاستغلال مفتوح ووقت العقد المكتوب يتغير الكلام .. لذلك لازم نفرض شروطنا في العقد من البداية ونبحث عن من يرضى بتنفيذها وبسعر مناسب ويكون مكتمل الشروط ومؤهل ما نجيب واحد مكتبه سيارته ونتفق معاه كلامي وبعدين نحاول نوثق كتابي وما نركض بالخريطة لمقاول حتى لو جيد نقول له سعر وبعدين نحاول نفرض شروط .. كل شيء يجي بكج وبعدين نحدد من الأفضل وفي العادة ما ناخذ الأرخص ولا ناخذ اللي يبي يفرض شروطه
أي مالك مهما يكون فهلوي أوي في أي بلاد لازم بيدفع ويدفع للأفضل وللمضمون أحسن من يدفع وبعدين تزيد الدفعات صيانة ووجع راس ويمكن وجع الراس يعاني منه أثناء البناء
نصيحتي أشياء كثيرة لو ما تقدر عليها تقدر تلغيها ولا تبالغ
شغل حلو يسويه عربي بس خربه بالقطع اللي فوق لأن خطوطها عكس اللي تحت .. كان المفروض ينهيه فوق بقطعة ستيل أو نحاس فاصل وفوق صبغ أو كورنيش جبس أو فاصل جبس وصبغ أو حتى بورسلان سادة أو أي تبليط وحتى ورق الجدران السادة أو النقوشات الصغيرة يمشي
https://www.youtube.com/watch?v=72z1QpZ9_4w
معليش المفروض يحدث العاقل بما يعقل مدينة طولها 170 كيلومتر بدون سيارات ووسيلة التنقل قطارات فائقة السرعة توصل أولها بآخرها في 20 دقيقة .. السؤال كم محطة توقف بتكون في الطريق؟ ولنفترض 10 محطات كل 17 كيلو محطة في هذي العشر محطات لازم يوقف القطار ويحمل وينزل بشر بعضهم بطيئين ويحتاجون حول 5 دقائق أقل شيء .. بنكون ضيعنا 50 دقيقة في المحطات ولو إضطرينا نعمل محطات أكثر كل 5 كيلو مثلاَ تكون أكثر واقعية بنحتاج 34 محطة وفترات توقف أكثر والقطار السريع ما بيلحق يمشي حتى يوقف
https://www.youtube.com/watch?v=v8cO_nDSiB8
نتمنى التوفيق لأي مدينة عربية حديثة والآن هذا هو الإستثمار الصح
من ليلة رحت مدينة مشيرب قلب الدوحة وتمشيت شوي وكان آخر الليل والسيارات قليلة لكن كتمة وروائح عوادم السيارات وبداية الحر شيء يدل على فشل كبير واللي بيروح المفروض يدخل موقف قريب للمكان اللي يبغيه ويخلص ويمشي .. صراحة مرض ومن الملاحظات اللي نبهت لها ربعي اللي يمشون معاي كانت وصلات التمدد المتقطعة أما ما انعملت صح والا نوعية رخيصة وأتوقع عدم وجود حبل مطاط تحت هو السبب والنوعية رخيصة .. أحد المشاكسين قال لي لا تكتب بيسحبونك وبيحققون معاك .. تحديته وكتابتي عن ملاحظات هندسية واضحة والمفروض تعدل بسرعة
شغل نظيف ومرتب يخلص من أعمال تحت الأرض مرة وحدة ويدفن بدفان مختار لكل مكان وشغل البايبات من أفضل ما يكون .. غير عن بعض شغلنا يحفرون ويدفنون ويرجعون يحفرون ويكسرون ويركبون بايباتهم وبعدين يدفنون
https://www.youtube.com/watch?v=rxwtyrtn_S0
https://www.youtube.com/watch?v=e9zNhF5WDDE
صارت مرة لمعداتنا في الشمال والبيئة سووا لنا سالفة
اذا هذي المصورة قالت يجنن معناته يجنن التصميم يبو عبدالله.. ولو سمحت اعفنا من الملاحظات.اقتباس:
المشاركة الأصلية كتبت بواسطة معماري قطري
صدقني فكرت في الفرق بين عرض بعض الرجال المختصين وبين هذيلا الشاعرياتاقتباس:
المشاركة الأصلية كتبت بواسطة سالم الزهران
إن شاء الله هذي مشاريع حلوة ومفيدة للإستجمام خصوصاً لأهل البلاد وللزوار
والله السعاودة ما حولهم زوار ولو بتنجح سياحة العرب كان نجحت دبي اللي زوارها كلهم ترانزيت.اقتباس:
المشاركة الأصلية كتبت بواسطة معماري قطري
إخوي بو زيد الإستثمار في العمران والبناء والتنظيم وكذلك في رقي الإنسان وفي إلزامه بالأخلاق الطيبة شيء مب غلط .. الباقي توفيق من العزيز الحكيم جل في علاه .. حضارة المسلمين اللي انبنت من زمان في مناطق عدة الكل يزورها ومن كل دول العالم ولا زالوا في تركيا وفي إسبانيا الأندلس سابقاً .. دبي لي فترة طويلة ما مريتها بس كانت مكتضة بالسياح ولو الظروف ألحين شوي صعبة مب معناها دوم بتبقى صعبةاقتباس:
المشاركة الأصلية كتبت بواسطة سالم الزهران
البناء الحالي لو تم بجودة عالية يبقى إرث لأجيال قادمة والله يحفظ أميرنا الوالد أرسى أُسس لتطوير عدد كبير من المباني القديمة وبعضها بصيغتها القديمة .. حتى التسميات القديمة أصر عليها .. مثال الطرق الحديثة عندنا مثل محور صباح الأحمد رحمة الله على من سمي بإسمه تتوقع يعمر لكم سنة لو ما تصير كارثة مدمرة لا قدر الله .. ممكن 50 وممكن 100 والله العالم شكثر .. نفس الشيء ذكرت جسور ميامي وشوارعها وكيف تخطيطها قديم ولا زال موجود مع تعديلات طفيفة تدخل من وقت لوقت وخطط مستقبلية يمشون عليها بأقل تغيير ولو فيه سبب وتطوير للأفضل
كل هذا يصب في مصلحة الإنسان سواء زائر أو مقيم أو مواطن موجود دوم في هذي الدولة
حلو تشوف الحداثة والأصالة والعراقة يمشون مع بعض
حلو تشوف بر نظيف ومحميات وروض رجعت تخضر وبنفس الوقت تشوف مناطق تخييم وتشوف عزب وتشوف مزارع وشاليهات ولو ما استفدت استفادة مباشرة استفادتك بتكون حتى لو من قربك من هذا المكان الرائع .. حديقة اسباير شمالي بيتي بس أشوف التلال الخضراء من الدريشة ينشرح صدري ويوصلني نسيم الهواء النظيف منها بس بشرط يسكتون كلاب البيطري اللي زارعينه جنبنا .. لا وتفاجأت فاتحين واحد ثاني صوب العزيزية وسط البيوت الظاهر العملية استوت سايبة
مشكلة تربية الكلاب يبو عبدالله سببها الناس، زاد الطلب وزادت العيادات ومراكز الايواء! صار البعض يشتري كلب من الخارج..
كل هالأمور عندهم حلال.. هل شايفينها حلال؟ اضاعة المال حلال؟ السفه و تضييع الاوقات حلال؟ بيع وشراء كلب حلال؟ تنظيم نسل حلال؟
معليش يبو عبدالله.. مالنا في هالسوالف في موضوعك الحلو.. بس يحتاج لنا وقفة عند هذا الموضوع.
صدقني بلاد الغرب ما يستوي فيها اللي يستوي عندنا بين بيوت الناس وبالعكس هذا من صلب العمارة .. هو التنظيم والتوزيع وحصر مناطق خاصة للأنشطة .. أذكر في أمريكا تحصل كسرة خاصة فيها نشاطات تجارية كثيرة سوبرماركت كبير وجدامه مواقف شكثر عمرها ما تنملي .. وجنبه ممر فيه أقواس مظلل فيه اللي تبغي من المحلات وفي زاوية شوي بعيدة محطة بترول وشارع يفصل منطقة الأعمال ذي عن البيوت وتكون لها خصوصيتها وهدوءها .. يبون بيطري يفتحون في هالمكان وله قوانين من حيث الترتيب مب هد ذوات الأربع في الحوش وأجر بيت وسط البيوتاقتباس:
المشاركة الأصلية كتبت بواسطة سالم الزهران
منطقة المزارع غير تجيك ولها قوانينها وطبيعتها وحتى بعضها طرقها ترابية لكن مرتبة عادي تمشي بسيارة صالون فيها صج عندهم إماطة الأذى عن الطريق صدقة .. واحنا عندنا قطع الطريق هواية عند البعض ووضع المطبات في كل مكان صدقة
للأسف وضعنا خنفشاري لآخر درجات الخنفشارية
عجبني قص الزوايا 45 درجة وحاولت قبل مع البتان يسوونه ما قدروا
https://www.youtube.com/watch?v=IO-uNLKADrQ
يعطيك ربي العافية
الله يعافيك ويرحم والديكاقتباس:
المشاركة الأصلية كتبت بواسطة SouthK
https://youtu.be/paYXhRdFBU8
بيبات مكيفات مرنة يعني تلف يمين ويسار بعكس البيبات النحاس .
مشكور إخوي سعود على هذي المساهمة القيمة .. البايب من مواد مرنة غير عن النحاس وأكيد بيكون بديل أرخص للنحاس .. ضروري تسكير الفتحة بالفوم وفوق الفوم ممكن نحط أي مادة عازلة عن الماء قوية
إخوي سعود وبقية الإخوان وضع رابط فيديو ننسخه ونحطه بعد ما نفتح إدراج فيديو الموجود فوق شاشة الرد على الموضوع ثاني رمز من اليسار بالضبط https://www.youtube.com/watch?v=paYXhRdFBU8
اقتباس:
المشاركة الأصلية كتبت بواسطة معماري قطري
العفو ( ابا عبدالله )
المشكله ماحصلته في الدوحه :oops: تواصلت مع راعي القناه اعلاه وعطاني رقم المحل في الرياض يبيعون رول كامل مش مجزاء 15 m على 1500 ريال . وانا محتاجه لان وقت البناء عمال بيبات النحاس ماقدرو يوصلونها الى المخزن المقاول شكله كسره او دفنه :court:
شوف حل بديل ركبه خارجي وتقدر تعلق الوحدة الخارجية على جدار في موقع يجي على خط واحد وتمدد تحت السقف وفوق الجبس لين توصل موقع المخزن لو داخل ولو قرب الحائط الخارجي الموضوع سهل بيكوناقتباس:
المشاركة الأصلية كتبت بواسطة سعود.
كنت مركب حق بيتي زيادة مكيفات الغيت كثير منها وبقت الكهرباء محسوبة وممددة إحتجنا لثلاجات زيادة وخذنا كهربة مكيف اضافي وإحتجنا لتكييف الماي خذنا كهربة مكيف بعد
تقدر تقوي داخل الطابوق بقضيب حديد فقط واحد وخرسانة حتى معمولة في الموقع داخل التجويف هذا من الجوانب فوق لازم تسوي جسر صغير مثل اللي إنت وضحته
https://www.youtube.com/watch?v=IZv_ntmrz-Q