السلام عليكم وصباح الخير يا حلو, لا انا الحين قاعد معاك :)
بقول لك شلون: اذا انت واحد شاري مثلا الدولي على 130
ومتعلق, توصيتي بتهدي عليك وماتبيع, وبتتفهم انه الي قاعد
يصير ماهو الا مجرد جني ارباح في مسار صاعد يتوقعه المحلل
إن شاء الله, ماشي؟ كواحد يبي يدش؟ هم بعد بتعرف ان هذي
الاسعار, بتنزل, وانه فيه ارخص منها, كمضارب بتعرف
هالشي, انه السوق مش للشراء, ماشي؟ كواحد سمعت انه
فيه انذار بجني ربح قادم, هنيه المحلل نبهك, شتسوي؟
تتخذ قرارك, وفي نفس الوقت يقول لك المحلل انه في رايه
ماتبيع, وتعطي اسهمك الي باع عليك قبل كم يوم لانه بيرد
يشتريها ويبيعها عليك (دعم ومقاومة), اذا المساله بسيطه
محلل يتوقع جني ارباح, نبهك عليه, طبعا الناس قرارات
الي بيبيع والي بيشتري, اذا المحلل قال لاتبيع لانه يشوف
اولا انه بدري على البيع, ثاني شي, هذا جني ارباح ان
شاء الله مابعد اعطى اشارة خروج. للحين السوق متماسك
اذا نزل عن 6170 تقريبا نعم هنيه اعتبرها اشاره خروج
مبدئية. وهنيه لا, بتشوف المحلل يقول خروج.وبعدين يا
خبير البورصة, وهذا الاهم سوقنا عليه تجميع واضح
ومضاربين السوق يدرون ان اسعارنا ببلاش. واقتصادنا
في نمو, وتوسع, والعوائد تزيد بين فترة وفتره..زي منت
شايف. والحمد لله. الي معروف انه المحلل يقول لك
السوق مقبل على خير, مقبل على نزول, مقبل على كذا
وكذا. فانا وانت امام جمهور, منهم المستثمر طويل
الاجل وقصيره, ومنهم, مضارب اليوم والشهر او الفرص
فانت تقول كل الكلام, الي عندك عشان كل قاري ياخذ الي
يبيه. وهذا يدلني انك مضارب. :) يا خبير :) وايضا
بضيف انه, الواحد ترى مايخسر الا لما يبيع. فدعوتي
دم بالصبر, وبعدم البيع هي دعوه بالتمسك بالاسهم
نفس دعوة الحكومة واصحاب القرار, ودعوه استثماريه
خصوصا ان سوقنا وصل قاع من قيعانه :) المعتبره
فضروري والله سؤآلك واشكرك عليه, ولا تتردد في
سؤال ثاني عن شي انا اكتبه او انقله, وحياك الله :)
