!! ويـنـــــــــدوز 7 Windows !!

اليوم سيتم طرح ويندوز 7 الجديد للبيع في أنحاء العالم ... عشان كذا شفت انه يستحق اننا نفتح موضوع بهالخصوص ...:discuss:

عن نفسي جربت ويندوز 7 أكثر من 4 شهور ... والصراحة أفضل بكثير من ويندوز فيستا ...

المقارنة العادلة تكون بينه وبين ويندوز XP... أما فيستا فطبعا شركة مايكروسوفت بنفسها اعترفت بفشله وأنها من أكبر أخطاء الشركة ...:tease:

ان شاء الله في هذا الموضوع بحاول أحط معلومات عن ويندوز 7 ومقارنات بينه وبين اصدارات وينوز السابقة ... والي عنده معلومات عنه يحب يضيفها أهلا وسهلا ويعطيكم العافية ... :shy:


إضافة مهمة :

قد يكون من حقك الحصول على ويندوز 7 بسعر رمزي أو حتى مجانا ... اضغط على الرابط اللي تحت واختار نوع كمبيوترك ... بعدين اختار الدولة ... اذا مب حاطين قطر ... اختار إما الامارات أو الشرق الاوسط ... واتبع التعليمات ...

Windows Upgrade

الشرط الاساسي انك تكون شاري الكمبيوتر من بعد تاريخ 26 /6 /2009 ...

نبدأ أولا بأنواع اصدارات ويندوز 7 اللي راح تكون متوفرة للبيع في الاسواق وأسعارها المعلنة ... ثم مزايا ويندوز 7 والفرق بين الاصدارات المختلفة ... وبعدين الفرق بينه وبين ويندوز فيستا وويندوز xp ... وشلون تختار اي نوع من ويندوز 7 ...:nice:


أولا اصدارات ويندوز 7 Retail ... هذي عبارة عن النسخة العادية للبيع واللي راح تكون متوفرة في المحلات العادية للبيع بدون كمبيوتر ... وهي أيضا نوعان ... نوع كامل ونوع للترقية (Upgrade) من نسخ ويندوز القديمة ...


Ultimate Full

http://c1.neweggimages.com/productim...116-718-01.jpg

سعره : 320$ (حوالي 1170 ريال)



Ultimate Upgrade

http://c1.neweggimages.com/productim...116-715-01.jpg

سعره : 220$ (حوالي 800 ريال)



Professional Full

http://c1.neweggimages.com/productim...116-717-03.jpg

سعره : 300$ (حوالي 1100 ريال)



Professional Upgrade

http://c1.neweggimages.com/productim...116-714-02.jpg

سعره : 200$ (حوالي 730 ريال)




Home Premium Full

http://c1.neweggimages.com/productim...116-716-03.jpg

سعره: 200$ (حوالي 730 ريال)



Home Premium Upgrade

http://c1.neweggimages.com/productim...116-713-02.jpg

سعره: 120$ (حوالي 440 ريال)

سبحان الله والله كنت أبغي أسأل عن النظام الجديد عندي لك سؤالين ولا عليك أمر ،، واذا انت كريم خلهم ثلاثه .

1) شالفرق بين الويندوز 7 ،، 32 و 64 ؟؟
2) نسخة التحديث من نسخ سابقة ،، يعني كل مرة أسوي فورمات لازم انزل النسخة القديمة وعقب انزل نسخة الويندوز 7 !! ولا فهمي خطأ ؟
3)كيف قدرت تجرب النسخة قبل الاصدار هل هنالك نسخة تجريبية ؟ و وين أقدر القاها ابي اجرب قبل لا اشتري !

اصدارات ويندوز 7 الثانية هي اللي يسمونها اصدارات OEM ... وهي تستهدف الكمبيوترات المركبة أو كمبيوترات التجميع ... وفي الغالب هذي النسخ اللي راح تحصلونها في محلات الكمبيوترات اللي في السوفيتيل مثلا ...

الفرق الرئيسي اللي بينها وبين الاصدارات اللي ذكرتها فوق ... أولا انها لكمبيوتر معين فقط ... يعني اذا غيرت كمبيوترك ما تقدر تنزل على الكمبيوتر الجديد عليه اصدارة OEM ... ولازم تشتري نسخة ثانية ... أما اصدارة الـ Retail ... تقدر تنزلها على كمبيوتر ثاني لكن لازم تمسح الاولي ... ( طبعا لأن ترخيص ويندوز لكمبيوتر واحد فقط) ...

الفروق الثانية ما أشوفها أساسية ... مثل ان الـ OEM ما يجي في علبة ... يجيك CD فقط ... ومايدعم Microsoft Support عن طريق الايميل أو التلفون ...

لكن أهم الفروق هو السعر طبعا .... وهذا اللي يخليه مرغوب بشكل كبير ... وطبعا ما في منه اصدار Upgrade ... يجي كامل فقط ... لكن فرق السعر أقل من نسخة الـ Retail ما بين 330 ريال و550 ريال قطري ...

لمزيد من المعلومات عن الاسعار والانواع شوفوا هذا الموقع ...

Windows 7 Prices


الملاحظة الثانية ... ان الـ OEM يجيك نوعين 64bit و 32bit لازم تختار من بينهم ... لكن الـ Retailيجون في نفس العلبة وحتى نفس الـCD ...

اقتباس:

---

المشاركة الأصلية كتبت بواسطة fhd4

الملاحظة الثانية ... ان الـ oem يجيك نوعين 64bit و 32bit لازم تختار من بينهم ... لكن الـ retailيجون في نفس العلبة وحتى نفس الـcd ...

---

شالفرق بينهم أخوي وانا كـ مستخدم أي واحد يصلح لي ؟

وهل هناك متطلبات تشغيليه معينة مطلوبة لتشغيل نسخة الـ 64

و شكراً لك

اقتباس:

---

المشاركة الأصلية كتبت بواسطة eXpert*

سبحان الله والله كنت أبغي أسأل عن النظام الجديد عندي لك سؤالين ولا عليك أمر ،، واذا انت كريم خلهم ثلاثه .

1) شالفرق بين الويندوز 7 ،، 32 و 64 ؟؟
2) نسخة التحديث من نسخ سابقة ،، يعني كل مرة أسوي فورمات لازم انزل النسخة القديمة وعقب انزل نسخة الويندوز 7 !! ولا فهمي خطأ ؟
3)كيف قدرت تجرب النسخة قبل الاصدار هل هنالك نسخة تجريبية ؟ و وين أقدر القاها ابي اجرب قبل لا اشتري !

---

ما يامر عليك عدو أخوي expert ... حاضرين لك ...

1) سبقتني بالسؤال أخوي ان شاء الله راح أنزل شرح مفصل عن الفرق بين 64 والـ 32 ...لكن باختصار هو يعتمد على نوع الكمبيوتر اللي عندك ... خلك معاي وان شاء الله نوصل لهالنقطة ...

2) بالضبط أخوي ... اذا اشتريت نسخة الـ Upgrade وسويت فورمات للكمبيوتر ... لازم تنزل الويندوز القديم وبعدين تنزل ويندوز 7 ...

3) الله يسلمك مايكروسوفت نزلت نسخة تجريبية من ويندوز 7 Ultimate مجانا ... لكن الحين ما تقدر تنزلها لأنهم وقفوا الداونلود في آخر شهر 8 ... طبعا ممكن تحصلها في مواقع ثانية لكن ما أنصحك لأنها ما راح تكون رسمية ... وممكن يكون فيها مشاكل ...

اقتباس:

---

المشاركة الأصلية كتبت بواسطة fhd4

ما يامر عليك عدو أخوي expert ... حاضرين لك ...

1) سبقتني بالسؤال أخوي ان شاء الله راح أنزل شرح مفصل عن الفرق بين 64 والـ 32 ...لكن باختصار هو يعتمد على نوع الكمبيوتر اللي عندك ... خلك معاي وان شاء الله نوصل لهالنقطة ...

2) بالضبط أخوي ... اذا اشتريت نسخة الـ upgrade وسويت فورمات للكمبيوتر ... لازم تنزل الويندوز القديم وبعدين تنزل ويندوز 7 ...

3) الله يسلمك مايكروسوفت نزلت نسخة تجريبية من ويندوز 7 ultimate مجانا ... لكن الحين ما تقدر تنزلها لأنهم وقفوا الداونلود في آخر شهر 8 ... طبعا ممكن تحصلها في مواقع ثانية لكن ما أنصحك لأنها ما راح تكون رسمية ... وممكن يكون فيها مشاكل ...

---

الله لا يهينك على الاجابة الشافية عيل الافضل ادفع زيادة و اشتري النسخة الكاملة وليست نسخة التحديث .

سؤال متى بتنزل النسخة في قطر ،، اذا بتتأخر راح أطلبها من الانترنت لاني متلهف على امتلاك ويندوز 7 .

هل اذا طلبت النسخة من امريكا راح تدعم دول الشرق الاوسط واللغة العربية ؟

أخوي ابيك تبتسم :) لان أسألتي للحين في بداية المشوار :)

ومنك نستفيد يالغالي .

وجزاك الله خير

موضوع مهم ،، الله يعطيك العافية ،،

ممكن الواحد يحتار اذا شاف هالانواع الكثيرة ... لكن الصراحة الاختيار أسهل بكثير من ويندوز فيستا في السابق ...

حطوا في بالكم انه فيه ثلاث أنواع أساسية من ويندوز 7 ...

وباختصار للمستخدم العادي أقول له لا تاخذ غير Home Premium ...

لأن Ultimate والـ Professional ... ما فيهم أي شي ممكن يحتاجه المستخدم العادي ...
على عكس ويندوز فيستا ...


الحين شنو الفرق بين أنواع ويندوز 7 ... راح اتكلم الحين فقط عن الاختلافات الجوهرية بين الاصدارات ... والتفاصيل بعدين ...

الـ Professional فيه كل مواصفات الـ Home premium ويزيد عليه في :

1) نظام تشفير الملفات ...

2) امكانية التحكم بالكمبيوتر عن بعد Remote Desktop

3) ويندوز Domain للاتصال بالسيرفرات ...

4) وضعية ويندوز xp ... (يعني تقدر تستخدم الكمبيوتر كويندوز xp تماما )

5) Back up to Network ... (ويندوز Home Premium فيه الـ Backup العادي )



أما ويندوز Ultimate ... طبعا فيه كل مواصفات الـ Proffessional و يزيد عليه في:

1) Bitlocker ... نظام حماية اضافي للملفات ...

2) امكانية التحول بين 35 لغة ... (ويندوز Home Premium سيكون بلغة واحدة فقط إما عربي أو انجليزي ... طبعا انا اتكلم عن الواجهة فقط مثل ابدأ وهالسوالف ... لكن النسخة الانجليزية تدعم العربي طبعا )


للي يبي تفاصيل أكثر عن الفروق ... يشوف هالموقع ...

Windows 7 Comparison

اقتباس:

---

المشاركة الأصلية كتبت بواسطة eXpert*

الله لا يهينك على الاجابة الشافية عيل الافضل ادفع زيادة و اشتري النسخة الكاملة وليست نسخة التحديث .

سؤال متى بتنزل النسخة في قطر ،، اذا بتتأخر راح أطلبها من الانترنت لاني متلهف على امتلاك ويندوز 7 .

هل اذا طلبت النسخة من امريكا راح تدعم دول الشرق الاوسط واللغة العربية ؟

أخوي ابيك تبتسم :) لان أسألتي للحين في بداية المشوار :)

ومنك نستفيد يالغالي .

وجزاك الله خير

---

ولا يهمك يالغالي ... ترى ابتسامتي شاقة الحلج على مرورك وأسألتك ... :tease:

بدأ بيع ويندوز 7 في دبي مع معرض جايتكس اليوم على حسب ما أعلنوا مسؤولين جايتكس ...

المفروض تكون في قطر قبل نهاية السنة يعني خلال شهر أو شهرين بالكثير ... لأن النسخة العربية من Windows 7 راح تنزل رسميا يوم 31 أكتوبر ... بس ما أدري اذا بتنزل على طول عندنا أو لا ... بس انا انصحك انك تنتظر الى ان توصل عندنا ..

ويندوز 7 من وين ما شريته راح يدعم العربي كإدخال وعرض فقط إذا ضفت اللغة ...

لكن القوائم وابدأ راح تكون بالانجليزي ... شوف مشاركتي فوق للتفاصيل ...

اقتباس:

---

المشاركة الأصلية كتبت بواسطة jajassim

موضوع مهم ،، الله يعطيك العافية ،،

---

الله يعافيك يا جاسم ... أسعدني وشرفني مرورك ...:victory:

اقتباس:

---

المشاركة الأصلية كتبت بواسطة fhd4

ولا يهمك يالغالي ... ترى ابتسامتي شاقة الحلج على مرورك وأسألتك ... :tease:

بدأ بيع ويندوز 7 في دبي مع معرض جايتكس اليوم على حسب ما أعلنوا مسؤولين جايتكس ...

المفروض تكون في قطر قبل نهاية السنة يعني خلال شهر أو شهرين بالكثير ... لأن النسخة العربية من Windows 7 راح تنزل رسميا يوم 31 أكتوبر ... بس ما أدري اذا بتنزل على طول عندنا أو لا ... بس انا انصحك انك تنتظر الى ان توصل عندنا ..

ويندوز 7 من وين ما شريته راح يدعم العربي كإدخال وعرض فقط إذا ضفت اللغة ...

لكن القوائم وابدأ راح تكون بالانجليزي ... شوف مشاركتي فوق للتفاصيل ...

---

عسى دوم الابتسامة شاقه الحلج يالغالي ابتسم للدنيا تبتسم لك . :):nice:

دام ان النسخة راح تقرا وتكتب عربي بطلبها من بره ما احتاج القوائم العربية :)

بس أهم سؤال عندي الفرق بين 32 و 64 ؟

نتكلم بشكل مختصر عن اصدارات ويندوز 7 اللي لها استخدامات معينة ...

أولا Enterprise :
هذي النسخة مخصصة للشركات والمؤسسات وهي تقريبا نفس اصدارة Ultimate...

ثانيا Home Basic:
تشبه اصدارة Home Premium لكن بمواصفات أقل ... طبعا هذي النسخة ما راح تنباع الا مع الكمبيوترات ... وهي تستهدف الدول النامية ...

ثالثا Starter (البدائية):
أما هذي النسخة اسم على مسمى لأنها بدائية بمعنى الكلمة ... وتقريبا ما فيها أي مواصفات خاصة حتى شكل الوينوز راح يكون العادي بدون المؤثرات الخاصة ... لدرجة انك ماراح تقدر تشغل أكثر من 3 برامج في نفس الوقت ... هي تستهدف اللابتوبات الصغيرة اللي يسمونها Netbook ... وطبعا ما تقدر تشتريها الا مع اللابتوب ...

الفرق بين 64 bit و 32 bit

ما راح ادخل في التفاصيل لكن بذكر الاشياء الاساسية اللي تهمنا :

1) الفرق يعتمد بالدرجة الاولى على مواصفات الكمبيوتر اللي عندك ... وبالاخص البروسيسر ...

في الغالب ... اذا كان الكمبيوتر جديد راح يكون 64 أما اذا كان قديم راح يكون 32 ...

شلون تتأكد ... روح للكنترول بانل Control Panel... وبعدين System ... وبعدين اختار Advance ... وبعدين Environment Variables ... وانزل بالسهم تحت ... ( شوف الصورة اللي تحت) ...

http://img7.imageshack.us/img7/9641/processorr.jpg

إذا كان مكتوب x86 ... هذا معناه كمبيوترك 32 bit ...

أما إذا كان مكتوب x64 ... هذا معناه ان كمبيوترك 64 bit ...

2) ويندوز 64 ما راح ينزل على كمبيوتر 32 ... لكن ويندوز 32 ممكن ينزل على كمبيوتر 64 ...

لكن الفرق الاساسي ... انه ويندوز 32 ما يدعم أكثر من 4GB RAM ... يعني حتى اذا كان كمبيوترك 64 ومركب عليه 6GB رام مثلا بس نزلت ويندوز 32 (حتى لو كان xp) ... ما راح يشوف أكثر من 4GB ... يعني الباقي راح عليك وما استفدت منه ...


3) البرامج ... الحين راح تحصل انه من أي برنامج عندك النوعين 64 أو 32 ... إذا البرنامج 64 ماراح يشتغل على كمبيوتر 32 ... أما برامج 32 راح تشتغل على أي نوع من الكمبيوترات 64 أو32 ...

الحين التوجه ان كل البرامج راح تتحول الى 64 ...

هذا أهم الفروق ... طبعا أنا انصح اذا كان الكمبيوتر 64 انك تنزل عليه ويندوز 64 ...

شكراً على الشرح الوافي و الكافي

انا شيكت على كمبيوتري قبل لا تدخل بالتفاصيل وطلع 86 واستانست على بالي كمبيوتري 64 بت
بس عقب ما قريت التفاصيل طلع 86 = 32 بت :(

أفضل وأسرع وعملي أكثر من Vista بعد التجريب

تسلم على الموضوع

اقتباس:

---

المشاركة الأصلية كتبت بواسطة expert*

شكراً على الشرح الوافي و الكافي

انا شيكت على كمبيوتري قبل لا تدخل بالتفاصيل وطلع 86 واستانست على بالي كمبيوتري 64 بت
بس عقب ما قريت التفاصيل طلع 86 = 32 بت :(

---

العفو الله يسلمك ...
إذا ودك تجرب ويندوز 7 ... روح معرض صنع في أمريكا اللي في أرض المعارض الحين ... يوزعون النسخة التجريبية ... بس ما أعرف أي محل بالضبط ...

اقتباس:

---

المشاركة الأصلية كتبت بواسطة mohaned9

أفضل وأسرع وعملي أكثر من vista بعد التجريب

تسلم على الموضوع

---

الله يسلمك ... شاكر مرورك ...

يعطيك الف عافيه اخ فهد عالشرح والتوضيح والافادة
انا نزلت ويندوز7 عدي وجربتو من شي اكتر من شهرين
واستخدامه كتير سهل وسلس وعم استناه لينزل واشتريه :)

ننتظر منك كل جديد :)

اقتباس:

---

المشاركة الأصلية كتبت بواسطة the moon

يعطيك الف عافيه اخ فهد عالشرح والتوضيح والافادة
انا نزلت ويندوز7 عدي وجربتو من شي اكتر من شهرين
واستخدامه كتير سهل وسلس وعم استناه لينزل واشتريه :)

ننتظر منك كل جديد :)

---

الله يعافيج ... كلامج صحيح ... شاكر مرورج الطيب ...

الحين نكمل مزايا ويندوز 7 والفرق بينه وبين ويندوز فيستا وويندوز xp ...

الحين راح أتكلم فقط عن الفروق في المزايا والمواصفات أو الـ features ...

الاداء والافضلية راح نتكلم عنهم قريبا ....


هذا الجدول المنقول من موقع مايكروسوفت يوضح مقارنة تفصيلية بين اصدارات ويندوز ...

http://img210.imageshack.us/img210/1949/windowsn.jpg

اقتباس:

---

المشاركة الأصلية كتبت بواسطة eXpert*

شكراً على الشرح الوافي و الكافي

انا شيكت على كمبيوتري قبل لا تدخل بالتفاصيل وطلع 86 واستانست على بالي كمبيوتري 64 بت
بس عقب ما قريت التفاصيل طلع 86 = 32 بت :(

---

كمبيوترك قد يدعم نظام 64 بت و طريقة الفحص (بالنسبة لويندوز فيستا) كالتالى:

اذهب الى control panel ثم system
اضغط على Windows Experience Index
اضغط على View and Print details
سيظهر لك تقرير خاص بكمبيوترك ... انظر تحت عنوان System ... ستجد:

64-bit Capable و امامه Yes او No

اذا كان Yes فهذا يعني ان كمبيوترك يدعم 64 بت ... و مبروك مقدماً

اقتباس:

---

المشاركة الأصلية كتبت بواسطة رهيب

كمبيوترك قد يدعم نظام 64 بت و طريقة الفحص (بالنسبة لويندوز فيستا) كالتالى:

اذهب الى control panel ثم system
اضغط على windows experience index
اضغط على view and print details
سيظهر لك تقرير خاص بكمبيوترك ... انظر تحت عنوان system ... ستجد:

64-bit capable و امامه yes او no

اذا كان yes فهذا يعني ان كمبيوترك يدعم 64 بت ... و مبروك مقدماً

---

أشكرك على المعلومة الروعة .... صج انك رهيب ....

شكرا على المعلومات القيمة ..
أنا من أمس ادور موضوع عن وندوز 7 يشرح أهم مميزاته وكل اللي ادور عليه لقيته في موضوعك
جزاك الله خير وبارك الله فيك

اقتباس:

---

المشاركة الأصلية كتبت بواسطة رهيب

كمبيوترك قد يدعم نظام 64 بت و طريقة الفحص (بالنسبة لويندوز فيستا) كالتالى:

اذهب الى control panel ثم system
اضغط على windows experience index
اضغط على view and print details
سيظهر لك تقرير خاص بكمبيوترك ... انظر تحت عنوان system ... ستجد:

64-bit capable و امامه yes او no

اذا كان yes فهذا يعني ان كمبيوترك يدعم 64 بت ... و مبروك مقدماً

---

أخوي رهيب جزاك الله خير

واللي عنده اكس بي كيف ايعرف ؟

يسلمووو


وامس جاني ايميل من الشركة الام

اقتباس:

---

المشاركة الأصلية كتبت بواسطة Bo Fahad

شكرا على المعلومات القيمة ..
أنا من أمس ادور موضوع عن وندوز 7 يشرح أهم مميزاته وكل اللي ادور عليه لقيته في موضوعك
جزاك الله خير وبارك الله فيك

---

العفو يا بو فهد ... الله يبارك فيك ... شرفت الموضوع بردك الحلو ...:discuss:

اقتباس:

---

المشاركة الأصلية كتبت بواسطة بوخالد911

يسلمووو


وامس جاني ايميل من الشركة الام

---

الله يسلمك يا بو خالد ... شاكر لك مرورك .... :victory:

اقتباس:

---

المشاركة الأصلية كتبت بواسطة bo fahad

أخوي رهيب جزاك الله خير

واللي عنده اكس بي كيف ايعرف ؟

---

نفس التساؤل :)


أهم نقطة : هل الوندوز 7 بيكون متوافق مع البرامج القديمة اللي تعمل مع الإكس بي ؟؟؟؟

اقتباس:

---

المشاركة الأصلية كتبت بواسطة الواعد

نفس التساؤل :)


أهم نقطة : هل الوندوز 7 بيكون متوافق مع البرامج القديمة اللي تعمل مع الإكس بي ؟؟؟؟

---

هلا يالواعد ...

أنا جربت برامج قديمة كثيرة على ويندوز 7 .. وما لقيت أي مشاكل في تشغيلها ...

لكن ويندوز 7 Professional و Ultimate فيهم خاصية اسمها xp mode ... تقدر تشغل عليها البرامج والاجهزة اللي ما تشتغل الا على ويندوز xp ...

اقتباس:

---

المشاركة الأصلية كتبت بواسطة Bo Fahad

أخوي رهيب جزاك الله خير

واللي عنده اكس بي كيف ايعرف ؟

---

باستخدام Windows 7 Upgrade Advisor من موقع مايكروسوفت

http://www.microsoft.com/downloads/d...1-2497c146af15

موضوع مفيد جدا اشكرك على الطرح

اقتباس:

---

المشاركة الأصلية كتبت بواسطة رهيب

باستخدام windows 7 upgrade advisor من موقع مايكروسوفت

http://www.microsoft.com/downloads/d...1-2497c146af15

---

جزاك الله خير

يعطيك العافيه اخوي .. وعساك على القوة ..

/

ويندوز 7 استخدمه تقريبا من 7 شهور

من ايام البيتا ..

وبما اني مشرك مع مايكروسفت
نزلت من موقعهم النسخـة RC

وكانت نسخه ثابته ومافيه اي مشاكل
وتتفعل اون لاين وللحين استخدمها ..

واستخدمها تقريبا كل ربعي ..
حتى اللي يشتري لاب تب جديد فيه فيستا
على طول بارتشن جـديد
وننزل النسخـة بقرص منفصل
...

/

وملاحظاتي كالتالي ..

سريعة في التشغيل .. سريعـة في عمليات الفتح والاغلاق لاي شيء
سريعة في عمليات نقل الملفات

ومافيه البـطىء مثل الفيستا ..

/

حالياً نفس الشيء وصلني ايميل من مايكروسفت
ونزلت النسخة enterprise

وجاري تجربتها

بس ماعتقد فيها فروقات كثيرة عن اللي استخدمها حالياً RC

بالنسبة لتوافق البرامج

ما اشوف اي مشـكلة مع البرامج
كلها شغاله وكاني استخدم XP

تعريفات الجهاز / نفس الشيء / ياخذ كل التعريفات واحسن من الفيستا والاكس بي .


تحياتي لك
وتمنياتي للجميع بالتوفيق

ركبت ويندوز 7 ( 64-bit )على جهازين عندي واحد pc والثاني Mac على pc جيد لكن على Mac ممتاز وسريع ولا فيه تعليق والفضل يعوود لجهاز Mac نفسه

وبعد التجربه اشوف ان نظام Mac نفسه افضل من ويندوز 7

والويندوز 7 افضل من الفيستا بووووايد

جزاك الله خير الجزاء اخوي فهد ،، ومنتظر المزيد منك ...

تقبل مروري ،، وتحياتي لكم ..

ويندوز 7 نظام رائع
والحمد لله فكونا من الفيستا وعن نفسي جربتة وكان مذهل وخاصة انة مايزعجك بالرسائل كل دقيقة مثل الفيستا وسهل الاستخدام والاحلا مايثقل عل الكمبيوتر يعني كانك مركب اكس بي

ماشاء الله عليك

والله يعطيك العافية

الله يعطيك العافيه وفعلا ويندوز 7 يعتبر أفضل نسخة ويندوز على الإطلاق.

اقتباس:

---

المشاركة الأصلية كتبت بواسطة بوعلي2

موضوع مفيد جدا اشكرك على الطرح

---

العفو يا بوعلي ... أنا اشكرك على مرورك ...