ارباح وتوزيعات الخليج الدولية للخدمات

الخليج الدولية للخدمات : الإفصاح عن البيانات المالية السنوية للعام 2023
أعلن / أعلنت الخليج الدولية للخدمات عن البيانات المالية السنوية للفتره المنتهية في ‏31 ديسمبر‎ 2023حيث بلغ صافي الربح 391,785,000 ريال قطري مقابل صافي الربح 302,312,000 ريال قطري لنفس الفترة من العام الذي سبقه.

كما بلغت ربحية السهم 0.211 ريال قطري في السنوية من العام ‏31 ديسمبر‎ 2023 مقابل ربحية السهم 0.163 ريال قطري لنفس الفترة من العام الذي سبقه.

يوصي مجلس الإدارة بتوزيع 71% من صافي الأرباح بواقع 0.15 ريال قطري للسهم الواحد للسنة المالية المنتهية في 31 ديسمبر 2023.

الربع الرابع خساير23 مليون

يا حلو أخبارك يالسيلاوي

تأملت يكون التوزيع ضعف العام بس عارف مستحيلة هشكل رفعوه بنسبة كبيرة

توقعي كان

" أتوقع له ربح سنوي 0.3 ريال الى 0.32 والله يجيب الخير .. العام جاب السهم 0.156 وقبل العام جايب 0.029 والتطور في نمو وربحية السهم كبير وأعتقد من أفضل الأسهم الإستثمارية بشرط ما يقتلونه مثل الفترة اللي راحت .. العام وزع 0.1 ريال بنسبة 64.1026% والسنة لو وزع نفس النسبة بيتضاعف توزيعه ل 0.2 ريال وبيكون توزيعه لسعره الحالي 7.4% وهذا أكيد يعتمد على ربح الربع الرابع "

الربح في الربع الرابع تقلص بشكل كبير ممكن تكاليف الديون لكن التوزيع جيد وبنسبة توزيع من الربح المحقق أعلى من العام

توزيعه لسعر 2 ريال 7.5% ولسعر 1.8 ريال يعادل 8.333% السهم يقول للمساهم خدني بحنانك خدني

اقتباس:

---

المشاركة الأصلية كتبت بواسطة ابو يهر

الربع الرابع خساير23 مليون

---

أكيد بسبب ضغط الديون بس المهم عطانا توزيع فرق العام 50% وزاد نسبة التوزيع من 64% وشوي ل 71% هذي الشركات اللي تقدر مساهميها

توزيع مقبول والاهم هو تقدير وجود المساهم في الشركه نهاية العام بتوزيع ارباح
بأذن الله القادم افضل واجمل

توزيع متوقع والسهم استبق الخبر في التفعال
المنطق يقول تبديل مراكز مع المستثمرين نفس التوزيع والاستفادة من فارق السعر الكبير

الحمدلله جات سليمة


:)

اقتباس:

---

المشاركة الأصلية كتبت بواسطة معماري قطري

يا حلو أخبارك يالسيلاوي

تأملت يكون التوزيع ضعف العام بس عارف مستحيلة هشكل رفعوه بنسبة كبيرة

توقعي كان

" أتوقع له ربح سنوي 0.3 ريال الى 0.32 والله يجيب الخير .. العام جاب السهم 0.156 وقبل العام جايب 0.029 والتطور في نمو وربحية السهم كبير وأعتقد من أفضل الأسهم الإستثمارية بشرط ما يقتلونه مثل الفترة اللي راحت .. العام وزع 0.1 ريال بنسبة 64.1026% والسنة لو وزع نفس النسبة بيتضاعف توزيعه ل 0.2 ريال وبيكون توزيعه لسعره الحالي 7.4% وهذا أكيد يعتمد على ربح الربع الرابع "

الربح في الربع الرابع تقلص بشكل كبير ممكن تكاليف الديون لكن التوزيع جيد وبنسبة توزيع من الربح المحقق أعلى من العام

توزيعه لسعر 2 ريال 7.5% ولسعر 1.8 ريال يعادل 8.333% السهم يقول للمساهم خدني بحنانك خدني

---

سامحوني حسبت السعر على 2 ريال وهو واصل فوق 2.900 ريال اغلاق اليوم ونسبة التوزيع عليها تكون 5.172% ونسبة التوزيع على 3 ريال 5% بالضبط .. أكيد سهم المستثمرين أفضل كنسبة وكسعر هابط ومتوقع له بإذن الله ارتداد أعلى

عندي حول 80% أكثر في الخليج الدولية من المستثمرين بس أشوف خذت كفايتي من السهمين واصبر عليهم استثمارياً أشوف آخرتها وممكن أخفف

اقتباس:

---

المشاركة الأصلية كتبت بواسطة .:: القيصر ::.

الحمدلله جات سليمة


:)

---

منهي سليمة؟

اقتباس:

---

المشاركة الأصلية كتبت بواسطة Orbit

توزيع متوقع والسهم استبق الخبر في التفعال
المنطق يقول تبديل مراكز مع المستثمرين نفس التوزيع والاستفادة من فارق السعر الكبير

---

لو هالمنطق يمشي كان شفت مساهمين المصرف باعو فوق العشرين ودخلو المستثمرين وقيس هالمنطق على باقي الشركات ولكن كل سهم له ملاكه ومضاربينه وكيف تطبق هالمنطق على شركات خسرانه وتضرب لمت اب

اقتباس:

---

المشاركة الأصلية كتبت بواسطة معماري قطري

منهي سليمة؟

---

الـ

0.15


والحفارات المستقبلية راح تحفر :)

الأحلى والأجمل توزيع المستثمرين و مسيعيد


اداء الدولية بكرة اتمنى ان لا يكون هناك ردة فعل عكسية

توزيع حلو العام 10%
وألسنه 15% نسبه طيبه
مبرووك لملاكه

وغير ذالك فية فرق بسهم ممكن يوزع زين وبعد السنة الثانية خسارة او لا
وغير ذالك الخليج الدولية مثال اذا حققة أرباح الصراحة توزع كل شريكات المرتبطة بالطاقة

اقتباس:

---

المشاركة الأصلية كتبت بواسطة رمــــــاح

لو هالمنطق يمشي كان شفت مساهمين المصرف باعو فوق العشرين ودخلو المستثمرين وقيس هالمنطق على باقي الشركات ولكن كل سهم له ملاكه ومضاربينه وكيف تطبق هالمنطق على شركات خسرانه وتضرب لمت اب

---

صحيح المستثمرين العام وزع توزيع طيب جدا نفس عالسنه ونفس الاسعار

واستمر طول السنه نايم عند ال1.6_1.5

واللي شرا على 1.85 وفوق جلس ينتظر يلامس ال1.7 عشان بس يطلع بلا ربح ولا خساره

صانع السهم صععب التعامل معاه

اقتباس:

---

المشاركة الأصلية كتبت بواسطة .:: القيصر ::.

الـ

0.15


والحفارات المستقبلية راح تحفر :)

---

ههههههه راح تفكيري بعيد

اقتباس:

---

المشاركة الأصلية كتبت بواسطة ابومبارك

توزيع حلو العام 10%
وألسنه 15% نسبه طيبه
مبرووك لملاكه

---

شرايك وانا بعت شوي منه وخذت قامكو بس اللي بعته قليل تحت ال 10% وبربح زين وارتفع في قامكو كذلك

اقتباس:

---

المشاركة الأصلية كتبت بواسطة مضارب دوسري

صحيح المستثمرين العام وزع توزيع طيب جدا نفس عالسنه ونفس الاسعار

واستمر طول السنه نايم عند ال1.6_1.5

واللي شرا على 1.85 وفوق جلس ينتظر يلامس ال1.7 عشان بس يطلع بلا ربح ولا خساره

صانع السهم صععب التعامل معاه

---

معاكم انا مع سياسة التعديد في الأسهم حتى فوق 4 حلال

اقتباس:

---

المشاركة الأصلية كتبت بواسطة معماري قطري

شرايك وانا بعت شوي منه وخذت قامكو بس اللي بعته قليل تحت ال 10% وبربح زين وارتفع في قامكو كذلك

---

تستاهل يا ابوعبدالله

الله يوفقك مع التوزيعات الطيبه
ويرفع لنا قامكو ويخليها في مصاف الكبار
هي كبيره ولكن مازالت في مصاف الصغار
:con2:

رجعنا لدوامات الخساير

كل هذه العقود من تامين وتموين وحفر بعد خساير

اقتباس:

---

المشاركة الأصلية كتبت بواسطة Abjalsulaiti

رجعنا لدوامات الخساير

كل هذه العقود من تامين وتموين وحفر بعد خساير

---

مدام توزيعهم زين وش عليك من خسايرهم خذ توزيعهم وريح راسك
ولا تنسى ان السهم وصل لسعر ممتاز

اشلون خساير شريكة محققة قريب 400مليون ومزعة 15%
تقلي خساير

ليش الاعلان المبهم للحين ؟؟ ليش ما تكلموا عن اسباب خساير الربع الرابع ؟؟

كما يعود إلى تحقيق أرباح من تغيرات في القيمة العادلة للموجودات المالية بقيمة 6.2 مليون ريال مقابل لا شيء خلال النصف الأول من عام 2022، وارتفاع صافي الربح النقدي الناشئ من التضخم المفرط، وأرباح حصة من المشاريع المشتركة المحاسبة بطريقة حقوق الملكية بنسب 178% و159% على التوالي، مقارنة بنفس الفترة من العام السابق.



هذا كان الاعلان في النصف الاول من العام 2023 وكان سبب خروجي من السهم

اقتباس:

---

المشاركة الأصلية كتبت بواسطة limited

ليش الاعلان المبهم للحين ؟؟ ليش ما تكلموا عن اسباب خساير الربع الرابع ؟؟

---

شكل نقص التوضيحات تركت مجال للشكوك ونزل السهم لكن بيرجع بإذن الله والمفروض يكون فوق ال 3 ريال

تمت المصادقة على الارباح
ان شاء الله بكره مايخر تحت
لان اليوم شريت منه وغامرت ابي الارباح
ولا شكلنا بنشرد من بداية السوق :tease:

متى توزيع الارباح

اقتباس:

---

المشاركة الأصلية كتبت بواسطة محمد2

متى توزيع الارباح

---

لين الحين ماجانا شي
يمكن الاسبوع الجاي

وصلني الخليج الدولية يوم الخميس ولله الحمد

اليوم الاحد دخل الحساب

تم الاستلام