حبيت أستشيركم في حاجــه :) حياكم

السلام عليكم ورحمة الله وبركاته

كيف الحال يا جماعه الخير .. !!

عساكم على القوة ... بصراحه ماعرفت وين احط هذا الموضوع ولقيت افضل مكان هنــا

اليوم تقابلت مع شخص في الدوام من جنسيه أسيويه كان يتكلم بخصوص تجاره تأجير الشاحنات على الشركات وكان يتكلم عن المردود المـادي وإن سوق هذه التجاره بالذات ماشي طول السنه وان عنده شاحنتين مأجرهم ووالده عنده حول 52 شاحنه وبيني وبينكم يبين عليه الخير ما شاءالله والله يوفقه.... :)

يعني بالعربي شدني كلامه ... ومن خلال حديثي معاه أبديت له رغبتي في التجاره وزياده مدخولي المادي ... المهم قال انه راح يشرحلي بشكل عام عن هذه التجاره خلال الفتره القادمه بإذن الله ... وراح يساعدني في الدخول في هذا المجال إن ربي وفقني .وراح يسهلي موضوع الفيزا والقرض لو فكرت اخذلي شاحنه وأستأجرها.. وأتفقت معاه على اجتماع لمناقشه هذا الموضوع :omen2:

زبدة الكلام .. :secret:

انا متشوقه لمعرفــه جو هذه التجــاره .. ولكــن ليس عندي أدناة دون أو حتى خلفيه بسيطه عن هذا الموضوع .. فا يا ريت الي عنده اي خلفيه عن هالموضوع يفيدنــي .. واذا كان فعلآ الموضوع جيد أو مشكوك فيه .. يعني ودي ابرز له أسألــه على الأقل استفيد منها في الأجتماع!! :telephone:

لأني انا في كلا الحالتين راح أسوي معاه اجتماع وراح نناقش هذا الموضوع ... ولكني وددت أن أضع الموضوع هنا بين يديكم لثقتي الكبيره فيكم وفي ارائكم (( وما خاب من استشار )) .. :victory:


أخــتكــم ذوق

تحملي تسوينها

وراح يسهلي موضوع الفيزا والقرض لو فكرت اخذلي شاحنه وأستأجرها

أختي ممكن تشرحين لي هالنقطه !!

يعني تبين تاخذين سلفه عشان تأجرين شاحنه على شركه ؟

السلام عليكم


طقي بيديج ورجيلج :)

قريت الكلام الي كتبتيه لين وصلت كلمه بينت انج بنت و لو كنتي شاب بقولج بعد اشرد .
بصراحه مادخلت هذا المجال و الي اعرفه من ربعي الي عندهم تريلات انهم متبهدلين وياها و خسرت ناس كثير ، اقل مافيها موضوع الصيانه لانه في اي وقت ممكن تخترب التريله و محتاجه تصليح باسرع وقت .

بصراحه ما انصح بهذي التجاره و اتمنالج التوفيق باذن الله و الشباب الي عندهم تجارب اكيد بيفيدونج .
ولكن ان خذتي سلفيات او غيره اجتنبي البنوك الربويه

ماعندي خبره عن الموضوع

اسمعي نصيحة الأخوان

والله يوفقج

هالتجاره وراها خير كثير..

بس رجال ماقدروا على العباله..

يعني عادي عقب 3 اسابيع القاج في الصناعيه في احد الكراجات تحت التريله تغيرين آيل


وترى النصب ببيزه في هالتجاره

اقتباس:

---

المشاركة الأصلية كتبت بواسطة هذلان

السلام عليكم


طقي بيديج ورجيلج :)

قريت الكلام الي كتبتيه لين وصلت كلمه بينت انج بنت و لو كنتي شاب بقولج بعد اشرد .
بصراحه مادخلت هذا المجال و الي اعرفه من ربعي الي عندهم تريلات انهم متبهدلين وياها و خسرت ناس كثير ، اقل مافيها موضوع الصيانه لانه في اي وقت ممكن تخترب التريله و محتاجه تصليح باسرع وقت .

بصراحه ما انصح بهذي التجاره و اتمنالج التوفيق باذن الله و الشباب الي عندهم تجارب اكيد بيفيدونج .
ولكن ان خذتي سلفيات او غيره اجتنبي البنوك الربويه

---

هلا أخوي هذلان

انا انصح فيها بشرط مايكون شراء التريله عن طريق البنك

(( يعني اتحط على ظهرها ديون ))

اذا عندها كاش تمام (( واتكون أكثر من تريله ))

لان في شركات مايوقعون معاك العقد الا اذا عندك أكثر من تريله

هذا الي اعرفه طال عمرك

فري من هذه التجارة فرارك من الأسد

انا عندي تريلا .. وصار لها 3 شهور واقفه

والمشكله عليها اقساط كل شهر 8 الاف ريال شهرياً

وكلفت علي 275 الف ريال .. وفكرت ابيعها وجابت لي 140 الف فقط ..!!

والحين صابر عليها لين يبدى شغل التريلات ..!!

انصيحه انتبهي .. ولا تتسرعين في الوقت الحاضر لان السوق راقد

الله يبارك لج اختي ذووق


بخصصوص هالموضوع طرت ووقعت انا على هالسالفة ومحد عطاني ويه لا ريلي ولا اخواني

يقعدون يحطون الف احتمال اني اخسر

لو لقيتي لج عقود رسمية شي ممتاز مرتاحة وتستلمين فلوسج بوقتها ( هذي يبيلها واسطة تحصلين عقود لان الحبايب يخلون كل شي لهم ولعيال عمهم ومن يعز عليهم )

لو لقيتي لج سايق تعطينه اياها وهو يشتغل عليها وما يكون لج خص فيه من تصليح ومن ديزل الخ ويعطيج المقسوم كل شهر .. ( 10 الاف -15 الف ) لان ممكن يطلع له منها 40 الف على حسب جهده وشغله

فيه تنبيه انج لو مثلا اشتركتي شراكة انتي والاسيوي او غيره ( انا كنت بانفذ مع مصري ) بس حذروني ..
كنت باخذ سيار عن طريق الاولى للتمويل او اي تمويل اسلامي . الخ .. باسمي ..والاقساط والارباح .. تذبح .. ولكن ..

وبيكون قسطها شهريا 10 الاف مثلا
والباقي بنتقاسمه انا وهو وكل شي ينزل بحسابي والسيارة باسمي ..يعني تقريبا يقول 30 الف شهري .. ومنها الاقساط والديزل والتصليح ..

طيب
عقب خلنا نجي للاحتمالات اللي خوفوني منها .. لو فرضا مالقى عقود ؟؟ باتم انا مربوطة بالاقساط من جيبي لان كل شي باسمي

فرضا انقلبت السيارة اختربت انعدمت ؟ شبيسوي هو ؟؟ ولا شي طبعا ؟ انا اللي باتحمل كل شي باسمي واطلع منها بلللللللللللوشي


قلت لج كل اللي اعرفه واتمنى يفيدج


والله يوفقج يارب

السلام عليكم
او شي قيمة الشاحنه اليديده المرسيدس في حدود 500 الف يعني لازم قرض من البنك
وبخصوص الارباح هي صح توصل 45 الف في الشهر
والشاحنه بتأجرينها على الشركه
الشركه بتشغل الشاحنه شفتين يعني 24 ساعه وتوقعي الشاحنه بعد سنه سكراب وبتتعبين وانتي تدفعين فواتير الكراج
يعني بهالمبلغ شوفيلج مشروع مريح وماوراه عوار راس

اقتباس:

---

المشاركة الأصلية كتبت بواسطة سداوي&مدريدي

وراح يسهلي موضوع الفيزا والقرض لو فكرت اخذلي شاحنه وأستأجرها

أختي ممكن تشرحين لي هالنقطه !!

يعني تبين تاخذين سلفه عشان تأجرين شاحنه على شركه ؟

---

نعم هذا الي كنـت مفكره فيه...يا ليت تدلو لنا بدلوك :)

اقتباس:

---

المشاركة الأصلية كتبت بواسطة هذلان

السلام عليكم


طقي بيديج ورجيلج :)

قريت الكلام الي كتبتيه لين وصلت كلمه بينت انج بنت و لو كنتي شاب بقولج بعد اشرد .
بصراحه مادخلت هذا المجال و الي اعرفه من ربعي الي عندهم تريلات انهم متبهدلين وياها و خسرت ناس كثير ، اقل مافيها موضوع الصيانه لانه في اي وقت ممكن تخترب التريله و محتاجه تصليح باسرع وقت .

بصراحه ما انصح بهذي التجاره و اتمنالج التوفيق باذن الله و الشباب الي عندهم تجارب اكيد بيفيدونج .
ولكن ان خذتي سلفيات او غيره اجتنبي البنوك الربويه

---

جزاك الله خير الخير على المرور..متابعه للردود الطيبه

اقتباس:

---

المشاركة الأصلية كتبت بواسطة المتألق

انا عندي تريلا .. وصار لها 3 شهور واقفه

والمشكله عليها اقساط كل شهر 8 الاف ريال شهرياً

وكلفت علي 275 الف ريال .. وفكرت ابيعها وجابت لي 140 الف فقط ..!!

والحين صابر عليها لين يبدى شغل التريلات ..!!

انصيحه انتبهي .. ولا تتسرعين في الوقت الحاضر لان السوق راقد

---

ومنكم نستفيد..تسلم على المرور..متابعه للأخوه الباقين

اقتباس:

---

المشاركة الأصلية كتبت بواسطة مشتاقة لقطر

الله يبارك لج اختي ذووق


بخصصوص هالموضوع طرت ووقعت انا على هالسالفة ومحد عطاني ويه لا ريلي ولا اخواني

يقعدون يحطون الف احتمال اني اخسر

لو لقيتي لج عقود رسمية شي ممتاز مرتاحة وتستلمين فلوسج بوقتها ( هذي يبيلها واسطة تحصلين عقود لان الحبايب يخلون كل شي لهم ولعيال عمهم ومن يعز عليهم )

لو لقيتي لج سايق تعطينه اياها وهو يشتغل عليها وما يكون لج خص فيه من تصليح ومن ديزل الخ ويعطيج المقسوم كل شهر .. ( 10 الاف -15 الف ) لان ممكن يطلع له منها 40 الف على حسب جهده وشغله

فيه تنبيه انج لو مثلا اشتركتي شراكة انتي والاسيوي او غيره ( انا كنت بانفذ مع مصري ) بس حذروني ..
كنت باخذ سيار عن طريق الاولى للتمويل او اي تمويل اسلامي . الخ .. باسمي ..والاقساط والارباح .. تذبح .. ولكن ..

وبيكون قسطها شهريا 10 الاف مثلا
والباقي بنتقاسمه انا وهو وكل شي ينزل بحسابي والسيارة باسمي ..يعني تقريبا يقول 30 الف شهري .. ومنها الاقساط والديزل والتصليح ..

طيب
عقب خلنا نجي للاحتمالات اللي خوفوني منها .. لو فرضا مالقى عقود ؟؟ باتم انا مربوطة بالاقساط من جيبي لان كل شي باسمي

فرضا انقلبت السيارة اختربت انعدمت ؟ شبيسوي هو ؟؟ ولا شي طبعا ؟ انا اللي باتحمل كل شي باسمي واطلع منها بلللللللللللوشي


قلت لج كل اللي اعرفه واتمنى يفيدج


والله يوفقج يارب

---

يعني تهقين لو لقيت واسطه بخصوص العقود بيكون شي مضمون في وجهة نظرج..يعني مافي مشاكل جانبيه ممكن انه تواجهني مستقبلآ ... ولج جزيل الشكر على التفاعل عزيزتي :shy:

ويسلمولي باقي الأخوه على المرور والتعقيب...ومتابعه لردودكم...وللأمانه فرحت للتفاعل...وان ربي كتبلي او ماكتبلي ... في كلا الأحوال أستفتدت معلومات قيمه وخبرات حلوه :)

انا نفس الشي كنت افكر ادخل في هالمجال

س شفت تجارب السابقيين و وشلت الفكره من بالي

انا سمعت تجارب كثيره وكلها فاشله

بس اللي متاكد منهم وقدام عيني 5 دخلوا هالمجاال

اللي مشى فيهم واحد فقط الله وفقه ومشى في هالشغله وصار عنده بدال التريلا 3 ومن بعد المكسيما رنج سبورت
اما الباقيين كلهم انصب عليهم وكلوها
مع انهم ناس حريصيين وماشروا التريلات الا بعد ماضمنوا العقود
بس للاسف اطلعت عقود وهميه مع انها كانت مع اسامي كبيره

اقتباس:

---

المشاركة الأصلية كتبت بواسطة ذوق

نعم هذا الي كنـت مفكره فيه...يا ليت تدلو لنا بدلوك :)

---

نصيحه لوجه الله .. لاتاخذين سلفه وتشترين فيها تريله

(( عشان ماتخسرين لاسمح الله ))

حطي كل الأحتمالات :victory:

اذا عندج كاش توكلي على الله

:nice:

اقتباس:

---

المشاركة الأصلية كتبت بواسطة PLATINUM

انا نفس الشي كنت افكر ادخل في هالمجال

س شفت تجارب السابقيين و وشلت الفكره من بالي

انا سمعت تجارب كثيره وكلها فاشله

بس اللي متاكد منهم وقدام عيني 5 دخلوا هالمجاال

اللي مشى فيهم واحد فقط الله وفقه ومشى في هالشغله وصار عنده بدال التريلا 3 ومن بعد المكسيما رنج سبورت
اما الباقيين كلهم انصب عليهم وكلوها
مع انهم ناس حريصيين وماشروا التريلات الا بعد ماضمنوا العقود
بس للاسف اطلعت عقود وهميه مع انها كانت مع اسامي كبيره

---

بلللل عقود وهميه:eek5:

زين شلون الواحد يضمن ان العقد ما يكون وهمي :rolleyes2:

اقتباس:

---

المشاركة الأصلية كتبت بواسطة سداوي&مدريدي

نصيحه لوجه الله .. لاتاخذين سلفه وتشترين فيها تريله

(( عشان ماتخسرين لاسمح الله ))

حطي كل الأحتمالات :victory:

اذا عندج كاش توكلي على الله

:nice:

---

جزاك الله خير الخير تسلم على النصيحه:shy:

السلام الله عليكم ورحمته الله وبركاته

اختى لاتنضربين مثلنا احنا 5 تريلات ونضربنا فيها في الشركه اللى شرد راعيها تحملي بس :(

اسمحوا لي لان ردي شوي قاسي
راح يسهل لي عملية القرض والتسهيلات
يسهل في عينه اي تسهيلات يا بو تسهيلات انت
وهذا انتو تغترون بالاشكال
امبين عليه النعمه
:tease:

انا ماابغي احلف
لكن لو تاخذين وتمشين في هذا المجال
راح تاكلين اصابعج مب اظافرج من الندم
وهذا مجال جنسيه معينه ( ....)
وكلهم عصابااااااااااات

اقتباس:

---

المشاركة الأصلية كتبت بواسطة ذوق

السلام عليكم ورحمة الله وبركاته

كيف الحال يا جماعه الخير .. !!

عساكم على القوة ... بصراحه ماعرفت وين احط هذا الموضوع ولقيت افضل مكان هنــا

اليوم تقابلت مع شخص في الدوام من جنسيه أسيويه كان يتكلم بخصوص تجاره تأجير الشاحنات على الشركات وكان يتكلم عن المردود المـادي وإن سوق هذه التجاره بالذات ماشي طول السنه وان عنده شاحنتين مأجرهم ووالده عنده حول 52 شاحنه وبيني وبينكم يبين عليه الخير ما شاءالله والله يوفقه.... :)

يعني بالعربي شدني كلامه ... ومن خلال حديثي معاه أبديت له رغبتي في التجاره وزياده مدخولي المادي ... المهم قال انه راح يشرحلي بشكل عام عن هذه التجاره خلال الفتره القادمه بإذن الله ... وراح يساعدني في الدخول في هذا المجال إن ربي وفقني .وراح يسهلي موضوع الفيزا والقرض لو فكرت اخذلي شاحنه وأستأجرها.. وأتفقت معاه على اجتماع لمناقشه هذا الموضوع :omen2:

زبدة الكلام .. :secret:

انا متشوقه لمعرفــه جو هذه التجــاره .. ولكــن ليس عندي أدناة دون أو حتى خلفيه بسيطه عن هذا الموضوع .. فا يا ريت الي عنده اي خلفيه عن هالموضوع يفيدنــي .. واذا كان فعلآ الموضوع جيد أو مشكوك فيه .. يعني ودي ابرز له أسألــه على الأقل استفيد منها في الأجتماع!! :telephone:

لأني انا في كلا الحالتين راح أسوي معاه اجتماع وراح نناقش هذا الموضوع ... ولكني وددت أن أضع الموضوع هنا بين يديكم لثقتي الكبيره فيكم وفي ارائكم (( وما خاب من استشار )) .. :victory:


أخــتكــم ذوق

---

لللللللللللللللااااااااااااااااااااااااااااااااااا طقي بعيييييييييييد نصيحه

تسلمون أخواني على النصايح...وماقصرتوا...وفعلآ استفدت منكــم وايد...(( يكفي ان وفرنا قرابه النص مليون من هذا الحوار المجدي )) :nice: .......... والله يوفقكم دنيا وأخره يا رب :)


أختكم

ذوق

فكي عمرك اختي
ولاعليج من كلام الاسيوي هذا يبي يورطج

بكم التريلا؟ وشلون الواحد يحصله عقد؟

والله ياذوق انا نويت ادخل هذا المجال وكنت ناوي اشتري لي تريلات كاش ووضعت الامر موضع الجد وقبل ان اضع ماخططته موضع التنفيذ كنت حريص على ان استفيد من تجارب وخبرات من سبقوني وبعد السؤال والتحري والله اكتشفت ان مافي احد ربح من هذي التجاره غير القله من الناس ولا اعرف كيف ، وعرفت ان النصابين في هذا القطاع اغلبهم على شاكلة هذا الاسيوي اللي تعهد انه سيسهل لك القروض .

حبيبتي انا رفيجتي متزوجة اقنعت ريلها وخذت منه فلوس مع انه ما كان عاجبه وخذت شاحنه وناويه بعدها تاخذ الثانيه لان مردودها المادي حلو بس سنه وبعدها صار الي صار المهم ما تهنت فيها شرد .والحين متحسفة على لفلوس ومتفشلة من ريلها

لو فيها خير كان ماشفتي ولا تريله واقفه
الصناعيه تطفح تريلات

يااختي الصراحه اغلب شغل التريلات واقف

الا اذا كنتي بتوقعين عقود مع شركات او تعطينها سايق

وبالتوفيق ان شاء الله

مشكلة هذه التجارة الرشاوي

الحمد لله أني ما دخلت في هذا المجال ,,
أقولك سالفتي أنا وواحد من الربع ,, السالفة هذة قبل سنتين على أيام الشغل كان مزدهر على قولتهم في مجال التريلات ,,
المهم ,, بطريقة ما تعرفنا على أشخاص من بلاد الشام (عرب يعني) ودخلنا في حوارات كثيرة عن هذا المجال
المهم درسنا الموضوع زين ما زين لين توصلنا لمرحلة شراء التريلا ( طبعاً أنا بشتري 2 ورفيجي 2 تريلا )
الموضوع كلة قروض ,,
المهم ,, يوم رحنا البنك لقيت عندي إلتزامات كثيرة وما وافق لي البنك ( حاولت بكل الطرق حتى عن طريق بنوك ثانية طلعت السالفة عويصة )
رفيجي مشى معه الموضوع في الحصول على قرض من البنك وشرى له 2 تريلا ,, وأنا موضوعي واقف
وكنت متضايق أن موضوعي واقف ومتعلق على سالفة الإلتزامات ,,
المهم إشتغلت التريلات حقة رفيجي وكانوا هذولا الشاميين هم إلي يسوقونها وهم إلي يجيبون العقود
وفي البداية يا سلام يا حلو الفلوس 15 الف تنطح 15 الف كل شهر يعني تريلتين 30 الف ريال
رفيجي مستانس ومبسوط ويقول الحمد لله الله فتح علي
طبعا هذولا الشاميين يغرونك في البداية ويذوقونك العسل لين تغرق فية ( في فترة لا تتعدة 6 شهور )
بعد فترة يقولون والله ما فية شغل ,, أصبر علينا الشركة تأخرت في الدفع ما نقدر نعطيك الحين
المهم الماكينة حقت التريلا الجديدة فكوها وراحت بلاد الشام غيروها بواحدة قديمة
فككو التواير كلها وغيروها بتواير قديمة ( يقولون لك والله هذى من كثر الشغل صارة قديمة )
مخالفات مرورية بقيمة 40000 الف ريال غير مسددة مع أنه في العقد كل شيء عليهم
وفي النهاية التريلات واقفة والماكينة متغيرة والتواير متغيرة وعليها مخالفات وباقي شيكات ما ندفعة مستحقة الدفع(الشيكات هذة صايرة زي البقصم) إشربها مع الحليب
والحين القرض حق البنك من يدفعة
والله مسكين رفيجي ,,, ما يبقى من راتبة إلي يعبي فية البترول حق سيارتة
(الحمد لله إن البنك ما عطاني سلفية)


بلا تريلات بلا خرابيط
يا إما تكون
واحد من هالشركات الكبيرة عارفة الشغل زين ما زين وحافظة حقها 100% بشكل قانوني وعندها محامين يعرفون القانون
أو تكون واحد ماكل الشغلة هذي أكال يعني زي كاس الماي(يعني لا يقل عن 10 سنوات إنخراط في هذا المجال)
غير كذا بتكون أنت المنصوب علية

إذا ما تكون العقود مع شركات عملاقة ولها سمعتها في الدولة ولا إنتي الخسرانة
طبعاً الشركات العملاقة تبي 10 15 30 تريلا موب وحدة ولا ثنتين
وإذا عندك واسطة قوية بتمشي مرة مرتين حدك بالكثير
الحين كلن نفسي نفسي

(الحمد لله إن البنك ما عطاني سلفية)


نصيحة أفتحي صالون ولو أنه متعب في البداية لكن جدام عيونج
أفتحي خياط

لا إتطبقين المثل إلي إيقول
إذا شطح نطح

الخياط والصالون أو حتى محل ديكور ,, ترى فية البركة

لا تدخلين في متاهات أنتي لم تفتحي بابها حتى الآن

(شفيني قمت أشكل فصحى على عامي)

تحياتي لكم ,,,

ما قصرت يالطيب :)
والحمدالله اني استشرتكم

اختى اسئلى بعض المحامين فى هذه السوالف واستفيدى من تجاره غيرج وعندى 2 من الربع عندهم شركه تريلات يشغلونها بسئل لج وبرد عليج

اذا بتاخذين نصيحتي،،
اخذي لك كامرى ودخليها على اي جهه او المنظمه هذا اظمن لك وبعدين راس المال صغير يعني الكامرى ومعدل استهلاكها قليل والعائد طيب اذا قارنتيه براس المال وغير كذا تقدرين تبيعنها متى ماخلصتي منها وسعرها فيها ،،،
هذي دراسه صغنطونه منى،
تقبلي تحياتي

ابعدي عنها من غير تفكير >>> سبق واشتغل بهالمجال ...

نصيحتي

لادشين البحر بدون ماتعرفين السباحه