مطلوب شركة كويكسبان جيدة لصيانة طبيلات موجودة
السلام عليكم
لفترة طويلة كانت الدوحة كويكسبان هي المهيمنة على السوق .. و كانت هي خياري الوحيد اذا بغيت اسوي كويكسبان او بولي كاربونيت في بيتي
و لكن للاسف خدمة ما بعد البيع عندهم اصبحت سيئة .. يعطونك ضمان 10 سنين و لكن اذا اتصلت فيهم بخصوص مشكلة تسريب او اهتراء او اي مشكلة قد يشملها الضمان او قد لا يشملها .. ينقعونك بالشهور .. لين ما يتفضل حد من صوبهم يجي يشوف المشكلة ( يشوفها بس .. حل المشكلة موضوع اخر و يحتاج الى اسابيع و شهور اخرى ) .. و في الفترة الاخيرة صاروا ما يردون عالتلفونات اصلا
لهذا و بعد ما الواحد يأس من قسم الصيانة في هالشركة .. قررت ان الجأ الى شركات اخرى لاصلاح شغل الدوحة كويك سبان الذي يفترض انه تحت الضمان و هم ملزومين باصلاحه مجاناً
رجائي من الاخوان اللي جربوا شركات كويك سبان غير دوحة كويك سبان ينصحوني بشركة فيها عمال خبرة يجيدون اعمال الصيانة و عارفين شغلهم
لي فترة اقرأ في الوسيط اعلانات شركات مثل القايد و المصمك و غيرهم و لكنني ما جربتهم.. حد جربهم في الصيانة ؟
و سلامتكم
