عرض للطباعة
السلام عليكم
اليوم يوم دموي للبعض واخضر للبعض الآخر
من اهم اسباب النزول اليوم هو صناعات قطر
لأنها اصبحت لها ثقل في بورصة الدوحة
في شركات اليوم خضراء طلو اليوم
مثل التحويلية , المتحدة , السلام , الاجارة , العقارية , المواشي , المخازن
وباقي الشركات مانقول الا الصبر ياشباب وماعقب الضيق الا الفرج :)
انا اليوم شريت شوية كهرباء كنت بايعها 116 واليوم شريتها 108.30
اتمنى للجميع مع هذا النزول ان خسائرهم قليلة
نتمنى الكل يشارك معانا لنرى ماهو تصرفك اليوم وماذا اشتريت او بعت
تفضلو :)
شريت كهرباء على 108.30 مادري كم سهم شريت ؟ اذا تقدر تقول لنا
نفس تفكيري يا قطري بالنسبة للكهرياء,, بس آنه بعت جزء منها على 113,, وكنت أبغي أشتري اليوم,, بس قلت خلني أصبر بكرة يمكن أحصلها بسعر أقل
مازلت متفرج...
ومحافظ على اسهمي الي شريتهم مؤخرا في الاجاره على 81
حمد
اخوي الوضع مايطمن شريت 1000 سهم
اخوي سهم عتيج الله يوفقك واذا نزلت بكره ماراح اشتري
لكن لو وصلت مستوى 95 تقريباً اشتري زيادة لعمل متوسط :)
بالتوفيق
الاغلبية اليوم اعتقد اكتفوا بالتفرج :)اقتباس:
المشاركة الأصلية كتبت بواسطة حمد
الله يوفقك اخوي حمد
والله ياشباب مادري ابيع الاسهم الصغيره الي عندي
مثل اجاره ومواشي والفحص ووقود
واشتري فيهم بكره ولا الي بعده صناعات
رايكم ياشباب
حمد
نصيحتي ان يحافظ كل واحد على اسهمه خاصة اذا كان لايحتاج الى سيولة ..
وأعتقد ان هذا الهبوط مؤقت وستعاود الاسهم ارتفاعها في الفترة القامة .. والله أعلم
السلام عليكم
عندي 1000 سهم كهرماء شاريهم على سعر 105
هل تتوقعون زياده السهم على المدى القريب
ولا ابيعهم و اشتري صناعات؟؟؟ :confused:
اخوي دنانير انا دايم اقارن بين شركتين من حيث السعر
وشركتين مثل وقود وكهرباء مثلك عارف مساهمة الدولة فيها
واذا تمت المقارنة بينهم من وجه نظري انا شخصياً اختار كهرباء
والفرق في نسبة توزيع الارباح قليل جداً
اتمنى لك التوفيق
مساكم الله بلخير والله يوفق الي شراء وباع اليوم
هاه طلع شي رسمي على المتحده او للحين
يمكن انا اول واحد باع الصناعات لمت داون ;)
بعد ماكنا ربحانين فيه طلعنا منه بشي وشويات :d
بس مايخالف إذا الاربعاء نراقب والخميس نشتريه مره ثانيه
الله يزيدك يارب
انا اليوم تحطمت من اشيا وفرحت على اشيا
بس يالله الله ايعوضنا ان شالله وترجع بكره البورصه خضرااااااا
ان شاء الله يارب
انا والله لاشريت ولا بعت
بس اعتقد انه هاذي هي الفتره التصحيحيه الي بدا السوق يدخل فيها والله اعلم لين وين بتوصل
والله يستر
مرحبا ,,,,,,,,,,,,,,,,, شباب أنا اليوم ((( متفرج وعندي تخوف من بكرة,,,,,,,,,والله يستر ))) وفرصة الشراءكانت جيدة ,,,, الله يوفق الجميع ,,,,,,,,,,, أخوكم بوعبدالله
المهم انك ماخسرت اخوي :)اقتباس:
المشاركة الأصلية كتبت بواسطة نوكيا
وان شاء الله تشتري بسعر افضل
قطر
قو قلبك يابطل :)
ان شاء الله مافي تحطم ولا شي
ويرجع السوق اخضر
المستثمر القطري
مثل ماقلت اخوي هذا عبارة عن تصحيح وان شاء الله
يكون اخر النزول ;)
بوعبدالله
انا كنت مثلك طول اليوم متفرج
وفي اخر نص ساعة شريت
والمضارب الناجح دايم يخلي عنده جزء احتياط
لان لو قدر الله ونزل السوق يقدر يعزز عن سعر مناسب
والله الموفق
اشرابكم في النقل ... توني شريته على 178
اليوم انا قمت بطلب السلام وعندما تاكدت من شراءه قمت ببيع احد الشركات الي مارضت تطلع لتغطية الكميه الي شريتها..قلت السلام سهم طالع وهالشركه وللاسف قاعده تنزل بدون مبرر خلنا مع السلام وبعدين نرد نشتري الكميه الي بعناها مع طلوع الشركه...... والله يوفق الجميع
اخوي ان شاء الله يكون سعرك مناسباقتباس:
المشاركة الأصلية كتبت بواسطة Alemadi
بالذات ان الشركة نازل من فوق سعر 200
وحتى لو ماطلعت مع 15% اسهم مجانية
و 18.3% اكتتاب بسعر 70 اعتبرها مجدية
والله يوفقك
حيالله بوعلي
والله نكبنا النقل ياخي لكن ان شاء الله له طلعه :)
نكبنا وبس .................لكن قول امين يوصل 250قريب ............... :cool:
أنا اليوم شريت السلام وأراقب النقل البحري ومحتار في أمر الصناعات !!!! بتطلع و الا تنزل ؟
وشو رايكم في الوقود انا اتهدد عليه من زمان بس متردد
العمادي بالنسبة للنقل السعر اللي شريت به جيدجدا
الله ايوفقك
قطــــــــــري ... وين قوة القلب وانا مشغول 24 ساعه مادري عن السوق
ابي اتحرك اشتري ابيع .... و5% قاهرتني والله ...
ابوعلي ... يابختك حصلت في السلام
انا اتهدد من اسبوع ونص باسوي حركتك بابيع شركة واشتري السلام
وكل متردد ... لين فات الفوت
زقرت ... وقود زينه بس مادري اشفيها مافيها حيل اتروح فوق :)
بوعلي
بيطلع ان شاء الله بس ماضن تبقى فيني اعصاب
لين 250 ياخي والله صبري نفذ معاه...الله كريم :)
قطر
الله يعطيك العافية اخوي وموفق ان شاء الله
انا اليوم قعدت اراقب ... السهم اللي خسران فيه لين الحين سهم التخصصي لأني حطيت من كم يوم مبلغ جااامد في التخصصي يوم كان على 17 ونص
واشوفه ينزل .. الظاهر بسوي افريج علىالاسبوع الجاي اذا ما ارتفع
واحد في حاله
أصبر على سهم التخصصي وسيعاود الارتفاع مجدداً ولاتسوي (أفريج) وأستغل الفلوس اللي عندك في أسهم شركات أخرى وهذا الخيار الأفضل
تسلم اللورد على النصيحة
بعطيه chance شوي وبشوف آخرتها ويااااه
السموحة شباب بس بغيت اسئل عن اسهم الملاحة هل ستلاقي ارتفاعاً في الايام المقبلة أو العكس لأني شاري بسعر (214.6) افيدوني ................
502
اعمل لك افرج احسن لك اذا عندك ميزانية
والنزول لانها وزعت ارباحها من زمان
:)
يعنك رايك ابيع ولا اصبر!
حرام اتبيعها بخساره
عندك حلين
اما انك تشتري بسعر اقل بحيث ان الافرج...يعدل لك معدل البيع ولما يرتفع اتبيع..
او انك تنطر بدون لاتشتري وتخليه ياما يرتفع او ان ارباح شركة ثانيه عندك اتغطي عن خسارة الملاحة
واتخليها استثمار طويل
..... بتقول ليش ماعطيتك راي واحد وخلاص؟؟
لان بصراحه السوق ماينعرف له ... وماينعرف ايش توجهه
حتى المحللين اعجزوا عن تحليله
وبالتوفيق
اليوم شفت الصناعات في نزول بعت لي جزء والحمدلله واذا انزلت اكثر راح اشتريها مره ثانيه
دولار خطوة جيده جدا
الله ايوفقك ان شالله حتى لو ماانزلت حاول اتحط اوردرات في شركات ثانيه لها ارباح جيده
:)
وبهذا ينتهي يومنا سعدنا بمشاركتكم
:)
تصبحون على خير وغدا الى لقاء جديد
فمان الله