السلام عليكم ورحمة الله وبركاته
تداول موفق للجميع
وان شاء الله رمضان كريم على الجميع ونشوف ارتفاعات لسوقنا في هذا الشهر الفضيل
وطبعا جميعات عمومية كثيرة في هذا الشهر وطبعا عوائد ممتازة لاغلب الشركات مقارنة مع اسعارها الحالية
السلام عليكم ورحمة الله وبركاته
تداول موفق للجميع
وان شاء الله رمضان كريم على الجميع ونشوف ارتفاعات لسوقنا في هذا الشهر الفضيل
وطبعا جميعات عمومية كثيرة في هذا الشهر وطبعا عوائد ممتازة لاغلب الشركات مقارنة مع اسعارها الحالية
السلام عليكم ورحمة وبركاته
نتمنى يكون شهر خير مصاحب بالاخضرار وارتفاعات تسر باذن الله
هالشهر يمكن يكون فيه تصحيح نرجع فيه لين 9 الآلاف
وبعدها انطلاقه إلى اعلى وقويه والله اعلم توقع مني فقط
لكن نتمنى خلاص مايكون في ي تصحيح وانروح لين اعلى
ورب يرزق الجميع في هالشهر الفضيل
اعلى اغلاق للمؤشر في شهر فبراير كان يوم الثلاثاء 27 فبراير2024 وهو( 10496 )
خل نشوف شهر مارس ايش بيصير …………..
إن شاء الله يكون شهر خير وبركة على الجميع
في ال 30 منه بإذن الله بادخل الستين وباودع سنين الطفولة الخمسينيات والله يعطينا معاكم طولة العمر والصحة
إن شاء الله يكون شهر الرشاقة لي بديت أنزل وزني (أوفر لي حتى ما اكل وايد ) نزلت شوي قمت أشوف أوقات ال 82 وكنت متمني أشوفها في رمضان أو في نهاية رمضان باقي بس 4 واوصل الوزن المثالي .. أرفع سقف الطمع لين - 4 كيلو بنهاية رمضان .. عاد البركة في المونجارو تخليني اكل قليل كلش .. هرمونين هرمون الشبع وهرمون تضبيط السكر بالقضاء على ما يسمى مقاومة الأنسولين يعني أقلل الأنسولين وحتى الحبوب استويت آخذ قليل كلش والحمد لله الصحة في تحسن لدرجة اني قمت آكل سكريات .. البارحة كلت اسكريم وفطاير قطعتين وغلطت خذت كمية انسولين شوي زيادة قلت فطاير بتزيده بس ما قدرت أكمل وقلت أعوض بالأسكريم كلت كمية والسكر ولا تحرك .. قلت بينهضم ويطير السكر كعادته كل مرة ونمت صحيت الا 59 .. المونجارو تخلي الواحد محتارو
عاد بما إننا نتكلم عن أسعار الأسهم سعر الإبرة الوحدة حول 700 ريال الله يكثر خير حكومتنا وكرتون 2800 حق شهر كل اسبوع ابرة بس تأثيرها سحري اللي يبي يخف ياخذها
واحد سكراب مثلي تصرف عليه الحكومة أدوية وعلاج يمكن يومياً توصل 200 ريال لو بابيعني كم اجيب تتوقعون
اطال الله بعمرك وعافاك ربي من كل سوء ومكروه
والستين سنة مرحلة عمرية جديدة فيها خبرة
السنين الماضية وما يحسها ولا يشعر بقيمتها الحقيقيّة
إلا من عاصر ها فالستين سنة جميلة جداً تتصرف فيها
بحكمة وصبر وهذه عصارة السنين الماضية
—— اما بالنسبة للسوق عادتاً في الشهر الفضيل
يكون متقلب نوعاً ما والمؤشر بأذن الله تعالى
يكون مستقرأ على ماهوا عليه يزيد أو ينقص قليلاً
—— مبارك عليكم الشهر الفضيل مقدماً
الله يعطيك الصحه والعافيه ويكون الباقي لك اصح واسلم لك من اللي راح
الستين سنه مع العارض الابيض والغتره والثوب الابيض والجوتي الاسود اون رنينج وتتمشى في الفستيفال بتبين رزه
شنو اسم الابره بوعبدالله والواحد ياكل بس بحذر ومايرد اللي في خاطره
شهر رمضان باذن الله يكون شهر خير طبعا بيكون التداول الناس يمكن للمضاربه بتوفر فيه حق رمضان وقريب العيد
تعلن بورصة قطر إخطاركم بأن يوم الأحد الموافق 2024/03/03م سيكون عطلة رسمية لبورصة قطر، على أن يستأنف الدوام الرسمي يـوم الاثنين المـوافـق 2024/03/04م.
وذلك بناءً على تعميم هـيئة قطـر للأسـواق المـالـية رقـم م ر ت/65/2024 وتعـميم مـصـرف قـطـر المـركـزي رقــم 0001432/ 2024 بشأن عطلة يوم البنوك بدولة قطر
الله يعافيك ويبقيك إخوي الخالدي
إسمها مونجارو ويعطونها مستشفى حمد للسمنة وللسكر النوع الثاني أو الأول .. صراحة عجيبة لا وللسكر توازن تقدر تاكل حلويات لو تحب وجسمك يحرق السكر ما يرتفع مثل قبل طيران عالي .. انا اللي عندي النوع الأول بس مع مرور العمر 43 سنة ألحين متفاهم معاه أوقات نتزاعل شوي استوى عندي مزيج بين الأول والثاني اللي يسمى مقاومة الأنسولين يعني في جسمي سكريات وأنسولين وايد مثل السيارة المحترق الكلج في طلعة تحصلها تحن وتدخن ويالله يالله تركب .. مع المونجارو كأنك صلحت الكلج وقويت المكينة والأهم خففت وشلت الزوائد حتى ويهي ضعف صراحة تسوى 700 ريال للوحدة و 2800 للشهر
توقعي بارتفاع بعد فترة التوزيعات من هذي المناطق. والمؤشر الى 11800 - 12000.
ماني مجبور أبداً اني اسجل دخول واكتب كلام كذب اتحاسب عليه يوم القيامة
يعلم الله يابو عبدالله اني ماشفتك ولا اعرفك لكن يشهد الله اني حبيتك بالله من خلال مشاركتك
نشوفك اللي بقلبك على لسانك وتحاول تفيد الكل وما تخش شي فيه منفعه للناس
نفسك ما ينباع يا بوعبدالله بل يشترى بغالي الاثمان، كلامك عن نفسك كدرني، لا تسترخص نفسك بين احبابك
ونسأل الله السلامه والعافيه لك ولكل مريض
(ادري انك قلت هالكلام من باب الضحك و الغشمره لكن والله ما انهظم معاي)
جزاك الله خير .. أكيد الله يرحم والديك كلام غشمرة ويمكن عتب بصوت مسموع لأني صج كسول ومقصر في أُمور كثيرة
أما عن السوق كلها محاولات وطبيعة الإنسان وانا منهم إن السهم اللي يشتريه ويربحه يتكلم عنه واللي يخسره بعد يحاول فيه والسوق متغير عمر الأسواق ما تثبت وعمر الفرص ما تنتهي الا بنهاية الدنيا وقيام القيامة الله يحفظنا جميع وينصر إخواننا المجاهدين في كل مكان
كالعادة بعد هالعطلة بكرة بإذن الله ارتفاع جيد وأكشن وشراء من أفرادنا بعد كم يوم متواصلين كله بيع
سؤال لاهل الخبرة والقدام في السوق ؟ هل مرت سنوات السوق يتحرك فيها في رمضان ؟
Sent from my Pixel 8 Pro using Tapatalk
انشاء الله رمضان شهر خير وبركة وكبار السوق مايقصرون
باذن الله خير
مرت كثير حتى العام كانت فيه حركة زينة ومرت بعد فترات ركود وتداول بسيط حتى في الصيف بس فترات كورونا والحصار كان السوق وايد أحسن صج نزل بس رجع ارتفع من قلب وكانت محافظنا موجهة تشتري واشترت بقوة .. بإختصار سوقنا لو حبوا يرفعونه بسهولة بس يعلنون دخول مليار من محافظنا بتشوف الدخول الإستثماري كبير وأخص بالذكر جهاز قطر للإستثمار .. مثل كورة الثلج تكبر وهي تتدحرج بتحصل الكل يشوف السوق حلو وبيقولون لك صناعات ( حلو ) قطر وعمان حلو مزايا حلو ( بصوت الكويتي رفيجنا )
الطبية تعلن صدور حكم الاستئناف من محكمة الاستثمار في الدعوى القضائية المرفوعة ضدها
أعلنت الشركة القطرية الالمانية للمستلزمات الطبية وفقاً لمكتب المحاماة الخارجي عن صدور الحكم في الدعوى رقم 2024/6/استئناف /استثمار /بنوك وتمويل/كلي الدائرة الخامسة استئناف تجاري طعنا على الحكم رقم 43/2023 /ابتدائي /استثمار /بنوك و تمويل / كلي من محكمة الاستثمار و التجارة المرفوعة من المدعي : بنك قطر للتنمية ضد المدعى عليها : الشركة القطرية الالمانية للمستلزمات الطبية، وذلك بقبول الاستئناف شكلاً و في الموضوع برفضه و تأييد الحكم المستانف، و الزمت المستانفة بمصاريف الاستئناف وستقوم الشركة القطرية الالمانية للمستلزمات الطبية بأجراءات التمييز على الحكم.
شكله ورانا تصحيح اخير إلى 9 آلاف وبعدها انطلاقه حلوه والله اعلم
توقع فقط بدون تحليل
انا استبعد هالشيء بس صج وضع السوق صامت هل هو الهدوء قبل العاصفة
اليوم لو تشوف مبيعات ومشتريات الجميع بتحصلها فروقات بسيطة .. مثلاً المشترين أولاً محافظنا حول 7.8 مليون من تداول فوق 248 مليون يعني يشترون بالقطارة وغالب تداولهم عبثي
البقية كلهم بيع وبيع بسيط .. مثلاً أفرادنا 0.83 مليون بس ومن تداول قريب من 150 مليون يبيعون ويشترون على نفسهم .. وعندنا الافراد الخليجيين بيعهم حول 1 مليون ناقص 30000 .. والمحافظ الخليجية 0.33 مليون حتى أقل من أفرادنا .. الافراد العرب شوي أقل من 3.9 مليون وهذيلا بيعهم أكثر شيء ممكن .. الافراد الأجانب 2.9 مليون .. والمحافظ الأجنبية بيعها حول 0.9 مليون
7.8 مليون بس شراء فعلي من 545,705,563.118 بنسبة 1.429% وايد النسبة ضعيفة .. السوق يحتاج سيولة جذب محفظة تشتري بنهم وتنتشل السوق من هذا الوضع وتودي السوق فوق حتى تبيع بربح .. يحتاج سيولة كبيرة وانتحارية ولو معاها أخبار زين وسهل يطبلون ويلمعون ويألفون أخبار لو حبوا
متي اخر يوم لاسهم مسعيد اليوم ولا بكره للارباح ممكن اشتري بكره وحصل ارباح
يوم قاسي هبوط السوق -0.84 % وهبوط أسهمي 1.0486% أكثر قساوة .. للحين اللي وصلني من توزيعات ما يوصل لمبلغ الهبوط في القيمة السوقية
لا يأس مع الحياة والحياة حلوة
المستثمرين مساهم بالضبط في نص قيمة الهبوط
أفرادنا شرائهم 8.2 مليون تقريباً ومحافظنا زين اشترت ب 3 مليون وخردة .. الأفراد الخليجيين شراء 2.6 مليون .. الأفراد العرب شراء 0.8 مليون .. الأفراد الأجانب شراء 11.2 مليون وهم الأعلى شراء
اللي باعوا بس هم المحافظ الأجنبية 21.5 مليون .. والمحافظ الخليجية 4.5 مليون كل التداول الفعلي 26 مليون سيولة داخلة تعادلها نفسها خارجة و 26 من 544,401,431.029 تعادل 4.776%
هبوط ونزول قاسي للدان والعقود الاجله
الله يستر سوقنا بكره
السلام عليكم كيف ممكن نعرف لو في شركات بتبدا توزع الأرباح بشكل نصف سنوي أو ربع سنوي؟ هل هناك أي أخبار جديدة بخصوص هالموضوع؟
أكيد بيعلنون عنها مع ظهور البيانات الربعية .. تبدأ شهر 4 القادم شوي شوي بس نخلص التوزيعات .. وما اتوقع تكون توزيعات جيدة لكن بإذن الله بتسوي أكشن خصوصاً مع الشركات السخية في التوزيعات مثل صناعات ووقود والميرة نوعاً ما يعني اللي ربحيتهم الربعية بين 0.2 و 0.3 ريال وحتى اللي توصل 0.1 لو قرروا يوزعون 0.05 مثلاً تعطي دفعة .. تعتمد على جدية إدارة السوق في تطبيق القرار وتجاوب الشركات بدون لف ودوران
أسعار ما كنا نحلم بها .. السلام أمس أقروا التوزيع 0.03 ريال وسعره اليوم 0.644 يعتبر الأقل في السوق .. ثاني سهم في الأقل سعر هو مزايا 0.703 وجمعيته في 12/3/2024 وتوزيعه 0.025 صج لا يسمن ولا يغني من جوع بس يعادل 3.556% والسلام أعلى منه والسهمين ممكن نسمع عنهم أخبار دافعة وعندي فيهم وبسعر أعلى
السهم الثالث الإجارة أشوفه لقطة بهذا السعر 0.708 ووزع في 26/02/2024 مبلغ 0.03 وطبعاً هذي الأسهم ما أظن بتوزع ربعي
الرابع الفالح وشكله ما فلح كان 0.8 ريال وانزلق صوب 0.771 وممكن يطلع الأقل سعراً والله أعلم وللحين ما أعلن ولا حدد وأعتقد توزيعه هو الربع الثالث من كل سنة
الخامس السهم الجديد اللي مسمينه أعمال وهو ما يعمل شيء غير السوالف والعقود وهبوط سعر السهم 0.783 أعلن عدم التوزيع وانعقدت جمعيته أعتقد
السادس إزدان 0.842 هذا سهم مجنون بس ركد قروا عليه إدارة السوق حسبي الله عليهم لو مخلينه مجنون أحسن
السابع قطر وعمان والله المستعان 0.865 ريال للحين ما له نية يحدد بس متى بيعلن
والله جامع في كل هاليهال اربيهم وادللهم ولا وراهم فايدة كله نوم ويبون كنتاكي وبرغر كنغ ومكدونالد وكل واحد كرشته تنتفخ ولا وراه مردود الا الفالح بانطره يستوي أكثر طايح ويمكن أشيل منه والا خلاص توبة من الصغار صعبة تربيتهم باتبنى كبار أحسن لي
رجعوا أفرادنا يشترون أو يواصلون الشراء راجعين من كم يوم .. اليوم شراء بحدود 27.5 مليون ومحافظنا أقل مشغولين برا اشتروا بحدود اقل من 15 مليون بشوي .. والأفراد الأجانب شراء 3.3 مليون
البقية بيع أكثرهم ممكن المحافظ الأجنبية 24.7 مليون وثانيهم المحافظ الخليجية 14.4 مليون .. بيع افراد العرب 5.5 مليون وبيع الأفراد الخليجيين 0.8 مليون والمحافظ العربية قليل
السوق الأمريكي حالياً وما أغلق
Dow Jones
38,619.42 38,858.13 38,570.80 +34.23 +0.09%
15:30:16
S&P 500
5,099.25 5,127.93 5,092.07 +20.60 +0.41%
15:32:10
Nasdaq
16,008.48 16,128.56 15,956.66 +68.89 +0.43%
15:32:09
Small Cap 2000
2,066.45 2,077.10 2,056.95 +12.24 +0.60%
15:32:11
S&P 500 VIX
14.52 14.93 13.90 +0.06 +0.41%
15:31:31
والأسواق الأوروبية تقريباً إرتفاع جماعي
النفط والسلع
Crude Oil WTI 79.01 +0.86 +1.10%
Brent Oil 82.81 +0.77 +0.94%
Natural Gas 1.93 -0.027 -1.38%
Gold 2,154.05 +12.15 +0.57%
Silver 24.387 +0.403 +1.68%
Copper 3.8678 +0.0208 +0.54%
US Soybeans 1,149.38 +1.38 +0.12%
شسالفه؟؟؟
أرباح مسيعيد للحين مانزلت
اذا نزلت لأي حد يخبرنا
الميره و قطروعمان تتوقعون ليش هالشركتين للحين ما اعلنوا ولا اعلنوا متى بيعلنون؟
سوء ادارة ومحتاجين تغيير الادارة ولا عدم احترام المساهمين والامور طيبه؟