السلام عليكم
مبرد المياه برع البيت يحتاج ترخيص من كهرماء ولا البلديه ول لا؟
تــحياتي ..
السلام عليكم
مبرد المياه برع البيت يحتاج ترخيص من كهرماء ولا البلديه ول لا؟
تــحياتي ..
وعليكم السلام ..
اتوقع يبي له ترخيص من البلديه .. مب متاكدة
لكن تقدر تسويه بشكل رسمي من خلال ( وزارة الاوقاف - سقيا الماء )
وهم يرتبون باقي الامور بشكل منظم ..
والله يجعله في ميزان حسناتك ..
اشدعوه هالمبلغ :omg: ليش بيسقي ماي زمزم ؟؟؟
يشردون الواحد من عمل الخير .. اذا البراد مايكلف الفين ريال ..
والبوكس العنابي الكئيب الف وخمسميه .. وخط الماي من البيت مع الفلاتر ..
اشله بعد هالمبلغ !!!
المشكله اذا بتسويه بنفسك يمكن يقولون لك شله ..
لان اللي اعرفه مايعطون تصريح للي انت تسويه بنفسك ..
ان شاءالله حد مختص يجاوب .. وربي يسهل عليك ..
اتوقع مايحتاج ترخيص
بس برا البيت وين يعني
لان الشارع املاك دوله
السلام عليكم ورحمة الله
وسع صدرك ياشيخ
الكلمة تقبل اكثر من تفسير
ممكن برا البيت بس لاصق في الطوفة، وممكن بعيد فعلا عن البيت.
تخبر قبلكم سنة كانت اكثر البيوت مركبين ثلاجات ماي سبيل في بيوتهم، ومادين الولفات من الطوفة برع حق العمال والناس المارين. بس البلدية او كهرماء امنعوهم، ( او بالأصح كانت فيه رسوم عاليه) لذلك اكثر البيوت ما عاد فيها، بس كأنهم ( البلدية، كهرماء) الحين بدو يتساهلون في الموضوع .
تحياتي لك وللجميع
مادري عنه يابو ناصر
ايه والله لازم نعرف وين برا البيت
ودام انه مب داخل البيت
تحتاج ترخيص اكيد
منتشرة الثلاجات .. ينحط فيها الماي والمشروبات وبعض المأكولات الخفيفة او الفواكه .. مادري هذي نفس برادات الماي تحتاج موافقة .. لان الرسوم اللي انفرضت كانت من كهرماء على هالبرادات من كم سنة وخلتها تنقرض من شوارعنا رغم اهميتها الانسانية.