الفعـاليـات و أختيار أماكن العرض

السلام عليكم

مره ملعب كرة سله و فريق مدرسي( بنات )المجتمعين أغلبهم سائقين عشان يقزرون وقت

و مره عرض أزياء و أيضا ما يخلو من اللي يوقف و ماله غرض مجرد يقزر و قت و يقز اللي رايح و اللي جاي

و إلا

عرض أزياء المفروض في قاعات فنادق او غيرها مو يم مقهى داخل مجمع شدعوه
لا المصمين الحاضرين بيشوفون عدل و لا حتى بيناسب زوار المجمع من اللي مايهتمون بمجال التصاميم مغير يسبب تجمهر الفاضين للتفرجه و هالشي يضايق و يسبب زحمة

https://i.top4top.io/p_249045o610.jpeg


https://d.top4top.io/p_24909az8b0.jpeg


من جد ما أعرف ليش يتم عرضها بمجمع و بمواقع بايخه يم مقهى و الا يم محلات تجاريه
حتى مو بالمسرح المخصص للعروض!
قطر فيها حدائق عامه جميله و عندها شواطئ .. ليش ما يسوون فيها مثل هالفعاليات الرياضيه؟!!
المجمعات حلاتها خاليه من الفعاليات من هالنوع .

اي مجمع هو وجهه للي يحتاج التسوق و مطاعم سينما جلسات رايقه و صالات العاب
ماله داعي هذا كله في هالمكان

فعلا كلامك صحيح اختي المفروض المجمعات للتسوق والقعده في كوفي لكن يسون فعاليات في المجمع رياضة او غيرها حفلات غنائية مرفوض وعتبرها فكره غبيه

لو عاد باقي في البلد قاضي تبرى به الذمة، كان ارسل شرطته بخيازرين يحلون مشكلة الفرق النسائية والعارضات واللي يوردهم.

اقتباس:

---

المشاركة الأصلية كتبت بواسطة سالم الزهران

لو عاد باقي في البلد قاضي تبرى به الذمة، كان ارسل شرطته بخيازرين يحلون مشكلة الفرق النسائية والعارضات واللي يوردهم.

---

��وين ياخوي سالم للأسف راح زمان الخيزران ياما ناس تسنعوا منها

اقتباس:

---

المشاركة الأصلية كتبت بواسطة Rider

فعلا كلامك صحيح اختي المفروض المجمعات للتسوق والقعده في كوفي لكن يسون فعاليات في المجمع رياضة او غيرها حفلات غنائية مرفوض وعتبرها فكره غبيه

---

بالضبط يعطيك العافيه

اقتباس:

---

المشاركة الأصلية كتبت بواسطة سالم الزهران

لو عاد باقي في البلد قاضي تبرى به الذمة، كان ارسل شرطته بخيازرين يحلون مشكلة الفرق النسائية والعارضات واللي يوردهم.

---

كلن موجود و يشوف .
يعطيك العافيه

اي مول
اي مجمع
اي حوش

مافيه فعاليه صاحب المكان بيكش ذبان محد جايه

اذا كم شخص يجي عشان التسوق ترا فيه بدل بدل يجون عشان المهرجانات


واذا كنت باستاجر محل في مجمع لابد لابد لابد اتاكد اشلون صاحب المجمع التجاري يجذب الزوار عشان اضمن ناس تعدي من باب المجل ويشفون بضاعتي

من ضمن جذب الزوار اهو المهرجانات والالعاب

اما بخصوص الساحات في المجمعات افضل بكثير من اماكن خاصه

اقتباس:

---

المشاركة الأصلية كتبت بواسطة سالم الزهران

لو عاد باقي في البلد قاضي تبرى به الذمة، كان ارسل شرطته بخيازرين يحلون مشكلة الفرق النسائية والعارضات واللي يوردهم.

---

كلن موجود و يشوف .
يعطيك العافيه

اقتباس:

---

المشاركة الأصلية كتبت بواسطة توشيبا

اي مول
اي مجمع
اي حوش

مافيه فعاليه صاحب المكان بيكش ذبان محد جايه

اذا كم شخص يجي عشان التسوق ترا فيه بدل بدل يجون عشان المهرجانات


واذا كنت باستاجر محل في مجمع لابد لابد لابد اتاكد اشلون صاحب المجمع التجاري يجذب الزوار عشان اضمن ناس تعدي من باب المجل ويشفون بضاعتي

من ضمن جذب الزوار اهو المهرجانات والالعاب

اما بخصوص الساحات في المجمعات افضل بكثير من اماكن خاصه

---

فعاليه و حتى لو له غير مسمى..كلن و راحته
الكلام على مواقع الفعاليه داخل هالمجمع مو مضبوط كلش مسبب ازعاج

المجمع له زواره كثير أو قليل مره كذا و مره كذا
يعطيك العافيه

اقتباس:

---

المشاركة الأصلية كتبت بواسطة توشيبا

اي مول
اي مجمع
اي حوش

مافيه فعاليه صاحب المكان بيكش ذبان محد جايه

اذا كم شخص يجي عشان التسوق ترا فيه بدل بدل يجون عشان المهرجانات


واذا كنت باستاجر محل في مجمع لابد لابد لابد اتاكد اشلون صاحب المجمع التجاري يجذب الزوار عشان اضمن ناس تعدي من باب المجل ويشفون بضاعتي

من ضمن جذب الزوار اهو المهرجانات والالعاب

اما بخصوص الساحات في المجمعات افضل بكثير من اماكن خاصه

---

اخوي انت عايش معانا في قطر؟
و تعرف نمط حياة القطريين و مزاجهم ؟
اشك في هالشي بالنضر الى كلامك..
الفعاليات التي تقول عنها ما راح تجيب لك الا دريولية و بتّان و فلبينيين .. و في احسن الاحوال طلبة اعدادية و اول ثانوي
و بالمقابل راح تشرّد العوائل المحترمة و الزباين الدفيعة اللي عادة ما يحبون الازعاج و الزحمة
بدون مبالغة

انا تكلمت بشكل واضح ليه صاحب المجمع التجاري يحط فعاليات سوا تجذب بتان او فلبن وماقلت شي غلط والى الان والحين يسوون الفعاليات عندك شي روح صاحب المجمع وقوله هالكلام

اقتباس:

---

المشاركة الأصلية كتبت بواسطة توشيبا

انا تكلمت بشكل واضح ليه صاحب المجمع التجاري يحط فعاليات سوا تجذب بتان او فلبن وماقلت شي غلط والى الان والحين يسوون الفعاليات عندك شي روح صاحب المجمع وقوله هالكلام

---

أخوي الفكرة المجمع مب محتاج دعاية علشان تصير فيه فعاليات مالها داعي المجمع للتسوق تغير جو جلسه في كوفي مب ازعاج وفوضى للعلم ياخوي أكثر لي يدخلون لحضور اي فعالية مالهم علاقة بالمجمع يعني لا يشتري ولا يفيد المجمع بشي اللهم قاعد يقز الرياضة لها مكان والاغاني لها مكان ان مع الفعاليات البسيطة لي تصير يعني جهة منظمة فعالية للأطفال مثلا لكن سمردحه لا مرفوضه

شكرا للمشاركات*..يعطيكم العافيه

عاد شفت منظر اليوم استغربته
موظفة فلبينيه لمحل مشهور يبيع الملابس و عنده ركن مكياج
شفتها بدورة المياة منقعه فرش المكياج بالحوض حق المغسله كيف نظافته الله أعلم كلن يغسل يده
أول ما دخلت لقيتها معبيه الماء و منقعه الفرش حقت المكياج ساعت شفت المنظر هي خلصت دردشة بالجوال و فتحت المجرى ومخليه الفرش و تنظف كل فرشاة بروحها براحة يدها استغربت الطريقه و المكان بصراحة ... هنا صورت المنظر

اللي أشوفه مرات بمحلات المكياج تنظف داخل المحل بمنظفات الفرش الخاصه بالمكياج مو كذا بصراحة استغربت
وصورت لكن بصراحة مارحت للمحل و لا تكلمت مع أحد
نشوف ايش و الا أيش نكلم من و إلا من؟!
المحلات مو أكبر همها شروط السلامه و النظافه و اذا الجهات المسؤله ما تتابع معهم الموضوع و شروط السلامة عند فتح أي محل ...فطبيعي نشوف كذا.
خصوصا بهالفتره و انتشار الأوبئه ليش هالمحل يستخدم هالطريقه ؟!
أنا ايش ممكن أسوي بهالحالة؟

حتى كنت بفتح موضوع عشان خواتنا ينتبهون ما يستخدمون هالفرش بالذات الفتره الحاليه مع انتشار الأوبئة الله يكفينا و الجميع الشر