مرة واحد قال لي ... اكل الي تبيه لان بيجي يوم ماتقدر تاكل الي تبيه من السكري او الضغط
ولهذا انا واحد بستمتع في حياتي بالسفر والقراءة والاكل والمشي
وابي نصائحكم
ماهو افضل مطعم عندك؟ وياليت مايكون فنادق
ماهي افضل وجبة؟
عرض للطباعة
مرة واحد قال لي ... اكل الي تبيه لان بيجي يوم ماتقدر تاكل الي تبيه من السكري او الضغط
ولهذا انا واحد بستمتع في حياتي بالسفر والقراءة والاكل والمشي
وابي نصائحكم
ماهو افضل مطعم عندك؟ وياليت مايكون فنادق
ماهي افضل وجبة؟
افضل شوربة في قطر (برايي) هي شوربة عدس في مطعم باباي
وجربت اغلب الوجبات الي عنده بس ماعجبني شيء
وهو من اقدم واشهر المطاعم في قطر
افضل مكان يسوي فوق وحمص هو مطعم بيروت
سافرت اغلب الدول العربية واكلت حمص وفول في احسن مطاعمها وماشفت مثل مطعم بيروت
كنت ازور افلض مطعم يسوي فول وحمص في سوريا ومصر ... ومع هذا محد فيهم وصل لمذاق مطعم بيروت الي للاسف رفع اسعاره
وللعلم مطعم بيروت الي في سوق واقف اكله عادي
فقط فرع واحد هو الي يضبط
مطعم باباي هاي وين؟ اول مره اسمع فيه ..
مع اني افضل مطاعم الفنادق وخاصه الماريوت و الفورسيزنز والشيراتون :victory:
بس الحين طاريه على بالي وجبه احبها وايد .. إسمها جكن تندر بلاتر من أبل بيز
وعصير من لانوتغ اسمه bloody berry :nice: خطير
في وجبه خطيييرررره في الاوبرا واتوقع الناس يشوفونها ومايطلبونها لان شكلها فالمنيو عادي وسخيف
بس لاني احب سوالف النودلز والجكن اللي مسوينه بالطريقه الصينيه والماليزيه فطلبتها
اسم الوجبه Chinese Chicken .. خاصه السوس اللي فوق الجكن نمنمنمنمنم ..
بطني قام يوصوص :rolleyes2:
احسن مطعم يسوي مشويات هو شاطر عباس
وخاصة الي في السيتي
وافضل وجبة هي (شيكن بون ليس)
دجاج بدون عظم
جربت اللحم عنده وماعجبني
هامور من شاطر عباس << حامض عجيب طعمه :nice: مشكلتي ما اضمن اطلع سليمه من شاطر عباس لان دووم أتسمم منه! :(
أفضل المشاوي بالنسبه لي في قطر هي من مطعم أصفهان في سوق واقف
أحلى بستني أو أسكريم بالزعفران ((ماعرف شيسمونه بالعربي)) بعد من مطعم أصفهان في سوق واقف
أقول لهم يحطون الفالوده تحت الاسكريم في نفس القلاص يطلع شي شي شي :nice:
مطعم فينيسيا .. مقبلاته حلووة .. و المشاوي بعد ..
مطعم بنيجينز .. حلوو
مطعم ناندوز .. كان حلوو صار عادي ..
تركيا المركزي .. الرفاع التركي ( العزيزية ) الفطاير و المشاوي حلووة عندهم ..
البدع مادري كان له فرع في الغرافه .. بس والله ماتوقع!
حتى لو له فرع ماراح يكون بمستوى اصفهان سوق واقف
وقول لهم بعد انك تبي "تلقي نظره" على غرفة الـ vip اللي يقعد فيها الشيخ حمد .. تجنن
وبخصوص ناندوز .. اللي يذوق ناندوز uk مايشتهي يشم ريحة ناندوز قطر للأسف الشديد
قطريه ماركه أفا عليج حازروون لووول
مطعم شبستان : المشويات والشوربات بشكل عام .
مطعم ناندورز: دجاد سبتادا.
مطعم تانجور: البرياتي والمشويات الهنديه.
مطعم هوى بيروت: المشويات والستيك.
مطعم أبل بيز : ستيك المشروم
مطعم فينيسيا: المقبلات والشوربات والمشويات.
بعد مادري وايد مطاعم بس انا افضل المطاعم عندي هاذي :)
ويالبدع لاتفوّت صاج الجبن و صاج الجبن بالزعتر و رقاقات الجبن في مطعم وافي قورميه اللي في لاند مارك :victory:
اوبيه احس اني كلت وايد فحياتي :eek5:
مطعم امريكي: بينيجنز (خلف نادي الاسكواش) 7.5/10 (شوربة البصل + شوربة البطاط + دجاج كاساديا + مونتي كريستو)
بيتزا: دومينوز بيتزا 8.5/10 (لا تطلب الخبز الا يكون من نوع دبل ميلت)
سندويتشات: ستيرلنج 8/10 (برجر لحم + شورما لحم خيالية)
هندي: تندور 8.5/10
هندي: رويال تندور 9/10 (ملاحظة هو نفسه تندور بس أفضل وأفخم)
بروستد الخليج 8.5/10
إيطالي: ماكاروني (فيلاجيو) 9/10 (أغلب وجباته ممتازة، خاصة المقبلات)
بحري: المحارة 9/10 سوق واقف.
أفضل مطعم ستيك في العالم: ذي بوتشر شوب (فيلاجيو) 10/10
لا تطلب إلا (فيلية) ستيك + ميديم ويل ... وتذوق طعم الستيك الحقيقي ... لا تقولي أبل بيز وشيليز وغيره.
هذا الموضوع لو امنزلينه في رمضان كان صار عليه ضرب نعدل (( وانتوا بكرامه ))
بالنسبة لي
فلافل -البتراء
كفته لحم -شاطر عباس
شيش طاووق -تركيا المركزي
دجاج مكينه+ رز مندي -مطعم حبيب بالمطار
احسن مطعم تركي هو مطعم لعيونك التركي
وبمناسبه هو مثبت اسعاره القديمه
بصراحه اكلت من عنده شي عجيب
وهذا رقمهم
44365551
شوربة الطماط من مطعم Biella .. ويحطون رافيولي صغنونه فالنص *كيووت* :D .. وفروعه وايد بس احسن فرع اللي فالمول واخس فرع اللي فالستي .. قصدي بـ أحسن و أخس من ناحية طعم الاكل
مطعم بخارى
صوب قاعة الجيوان / نادي الدانة
أفضل شي :
شوربة الروبيان
صالونة لحم : لاهوري كورما ( مش حارة )
موفقيين
يالبدع اشوفك وايد تنزل مواضيع عن الاكل :secret:
انزين فوق وحمص شنو يعني خخخخخخ
في مطعم قبل كان عند السوق اسمه فطاطير الامراء وانا صغيره كنه نروح ناخذ من عنده
الحين المحل صار في المرخيه نطلب منه حق الوالده مطبق
واذا طلبت دجاجة مكينه من عندهم تكون محشيه بخضره افففففففف طعمها سورلا سيس :shy:
خليتوني اراري هههه
معصرة الصديق (صديق) فـ الخور
1- سندويتش فلافل (فلافل+شبس عمان+ سلطة + جبن + فلفل) هذي المكونات ، يعني السعرات الحرارية 5000 بس صراحة الطعم عجيب
2- كيما - (الخلطه سريه) .
كيمة الزرقا و بسسسسسسسسسسسسسسسسس
السلام عليكم
مـــطــعم هـــوى بيروت وين؟؟؟؟
من افضل مطاعم عندي..
شاطر عباس..
في مطعم جديد ف شارع المطار التجاري
سوالف كيمه ومخ وملحقاتها
اسمه مستر بروستد باربكيو
شي عجييييييييييييب
والخبز عنده انوع و اشكال
خبز باللحم وخبز بالجبن وبالزبده
لا يفوتكم
^^^^^^
ولا مره فحياتي كلت كيمه! احس طعمها قطو . . لاني أكره اللحم المفروم .. بسبته ما آكل لازانيا ومادانيها >_<
يعني في سندويج مخ؟؟؟ omg :(
اوه نسيت شي :D
بيتزا احبها من "بابا جونز" فيها جبن و دجاج ((حتى الربيان حلو)) وفلفل اخضر و طماط مع Ranch .. خطيررررره بس لازم تقول مع رانج اوكيه؟
من كثر ماهي حلوه عادي تنأكل بدون كتشاب .. وأطرافها حلوه ولينه طعم الخبز سكري نمنمنمنمنم :D
مطعم عبير
تشيكن شلي لا يفوتك
الموضوع عجييب
1 - بخارا = تشكن مسالا
2- آشيانا = البرياني دياي بدون عظم
3- بنقنز = السلطه الي فوقها قطع دياي وجبن
4- مطعم فطاير مشاوي العربي = فطيرة وحششششش <<<< إدمان
5- مطعم الشرق الاوسط = شوربه توم يوم
6- السمكة الذهبية = الشوربة البحرية
7-كعكات = محل يديد بالنصر حق فطاير
8-مندرين = سندويش فهيتا + عصير مندرين
9- صباح ومساء = بيض بالجبنه + حمص بيروتي
10- مطعم بربر = سندويش فلافل عجيييب
واحســـــــــــــــنهم كللــــهم أكل الوالدة الله يطول بعمرها
أحمد
مطعم مشاوي العربي وين مكانه؟ وفطيرة وحش عباره عن شنوو؟
كرز
هاي فشارع النصر , قبل مرمره اسطنبول
فطيرة وحش وايد ما يعرفووها معنها قديمة من قلب والي يجربها يدمن عليها
عباره عن فطيره مكس مع قطع شورما
لاكن بطريقة حلوة , المكونات لبنة + زعتر خفيف وفوقهم قطع دياي مالت الشورما + طيحينه
واخر شي الفلفل بو غرشه هاي الي يعطي النكهه
يمكن تقولين بنفسج شكله غريب او اشيا مالها خص
لاكن بس بمجرد ما ان تاكلينها راح تستغربين من الطعم
نصيييييييييييييييييحه جربيه
جربي وحش واحد
وعقب راح تطلبين منهم وحوووووووش