انقضى شهر مايو بخيره وشره وكان ختامها اليوم صادم بنزول قوي وارتفاع كبير بحجم السيولة بلغة مليارين ريال
توقعاتكم للسوق في شهر يونيو 2023 ؟؟
مع تمنياتي للجميع بالتوفيق والربح الوفير وأهم شي دوام الصحة والعافية بإذن الله
انقضى شهر مايو بخيره وشره وكان ختامها اليوم صادم بنزول قوي وارتفاع كبير بحجم السيولة بلغة مليارين ريال
توقعاتكم للسوق في شهر يونيو 2023 ؟؟
مع تمنياتي للجميع بالتوفيق والربح الوفير وأهم شي دوام الصحة والعافية بإذن الله
لليوم الثاني أنا حزين
اغلب الشباب حزين على هذي الخساير
قبل اسبوعين كانوا مستانسين باللي عوضوه وفي يومين انسحب الي حصلوه
ان شاء الله هذا الشهر خير على الجميع
وانا اشوف التعويضات بتكون على شهر 10 قبل الربع الثالث
اما اسهم المضاربات هي فيها تعويض وفيها خطوره ممكن تسحب كل شي منك
الله يوفقنا وياكم ان شاء الله
اما عني انا ف سيولتي كلها في قامكو والحمد الله زادت نسبة الاسهم فيها
ومخليها محفظه لأخر السنه مع التوزيعات
معاد عندي استعداد اضارب في الاسهم المضاربه
خوف من سحب كل ماجمعته . ما عاد اقدر اجازف خلاص
الله يوفقك ياقطر 86
تشكرات للجميع
بالعكس اخوي مفروض تكون انت اسعد انسان فينا وربي يجعلك من سعداء الدنيا والاخره
بحسب متابعتي لك كانت توصياتك على انماء والطبيه من اسعار بعيده عن مستوياتها الحاليه
ومهما حدث التصحيح انت في امان
الا اذا كنت من عشاق المضاربات في موجات الصعود
هنا الامر يختلف
ربي يوفقك ياخوي
هبوط متوقع بهذه القوة خصوصًا البنك التجاري
أنا لو مسؤول في شركة قامكو صدقني بعوضك عن كل خسايرك فالسهم وأطلع قرار بمنعك من التدوال فالسهم لأنك ماتقر شوي بمكان واحد :anger1:
الله يجزاك خير ويوفق الجميع
الله يسلمك أخوك عجول يبي الأهداف تتحقق بسرعة بسرعة بدون نزول أو تصحيح :secret:
لكن مازلت ماسك ولغاية تحقيق الأهداف :victory:
مسيعيد راح اشوف حركة تداول السهم بكرة ان شاء الله ان كانت زينة شريت:playball:
هذه التوصية للطبقة الكادحة فقط
أنا لو مسؤول في شركة قامكو صدقني بعوضك عن كل خسايرك فالسهم وأطلع قرار بمنعك من التدوال فالسهم لأنك ماتقر شوي بمكان واحد :anger1:
هههههههههههههههههههه شفت شلون عندي ولاء لقامكو . ماعليك حتى لو اطلع منها اجمع وارجع لها
بس خلاص تعبت من التركيز مع الاسهم المضاربات واعصاب مايسوى علينا
خلنا متكين ومريحين ولاحقين على الارباح اخر السنه وان شاء الله توزيعات مع طلوع الاسهم
الله يوفقك يا قطر 86 وتحصل مرادك
انت اخوي قطر ضاربت في سهمين ماشاء الله عطوك ربح حلو الله يبارك لك
هذا توفيق من الله
اليوم السوق خلى الكل حزينين الا من رحم ربي
نتامل من الله شهر 6 فيه شي حلو او مثل ما قال ابومبارك ننتظر شهر 10 يمكن تتبدل الاحوال باذن الله
ورب يرزقنا فيه الخير ان شاء الله
تداول اليوم استثنائي
غلط نقيس عليه كميات شراء المحافظ والتخارج
بكرة يوم آخر بدون ضغوط بيعية بإذن الله
ان شاءالله جلسة الخميس بتكون ختام اسبوعي سعيد
متوقع ذلك ،، والله الموفق:o
بحول الله وقدرتة سيكون شهر اسهم المؤشر بامتياز ... ان شاء الله .... وفي مقدمتها قطاع البنوك كامل
اتوقع ارتفاع قوي
بقيادة بنك الريان
احيي صانع للمحافظة على اسعار بعض الاسهم مثل الدولي وناقلات وقود
سالفة شارتات وتوصيات الخ لا اتبعها كلش
اليوم سكرت على الميرة+ مسيعيد وبس
الوعد ان شاء الله 2024
مساء الخير
المؤشر بيكسر 10 آلاف نقطة زي السلام عليكم
التميمي حط شارت و قال رايح 9.909 و اذا كسره رايح 9.747
و الله كلمته و قلت احتمال بيصير ارتداد اثناء الهبوط ، رد علي و قال بيصير ارتداد لا يذكر
و اليوم كلامه بالملي صار
يعلم الله اني ما اتمنى يخسر اي مسلم
و الله يعوضني و يعوض كل خسران
و السوق موجود مب طاير ،، بننتظر الدخول من جديد بأسعار ارخص
الله كريم
كلام المحلل مب قرآن .. شكراً
مخازن أعطى أشارة خروج من السهم !!!
266 مليون ريان حجم تداول العقارات خلال أسبوع
تداول اليوم ما كان جيد ارتفاع قوووي ومن ثم تقليص الى حين الاغلاق
يعطي انطباع ان العرض زااد فوق وبالتالي تم التقليص
الاسهم المضاربيه حاليا باعتقادي ان التداول يها مغامره بحكم انها حققت ارتفاعات قووويه الفتره الماضيه
السهم المضاربي من اسمه يعرف المتداول انه متقلب وممكن يعطيك ارباح وممكن بشكل اكبر يعطيك خساير بحكم انه مضاربي لا عائد ولا توزيع يعادل نسبه جيده مقارنه باسعاره
فلازم التعامل معاه يكون بطريقة اضرب واهرب
التحليل الفني للسهم المضاربي ممكن يتنفذ بسهووله ولكن يجب العلم ان الصانع او صاحب الملايين اللي يحرك السهم هو اللي ينفذ التحليل الفني حسب ما يريد.
كل واحد على حسب قووته يقدر يسيطر على توجهات السهم اذا تصحيح او استمرار ارتفاع خاااصة في الاسهم صاحبة راس المال البسيط
أشوف أفرادنا يشترون وعندهم أمل في السوق أو ممكن مخدوعين بس محافظنا تبيع بدون إهتمام كلش .. اليوم صحيح البيع أقل من مليون بس كفارة عن بيع أمس 104 ملايين ريال .. أفرادنا شراء فوق ال 27 مليون ريال
المحافظ الخليجية مستمرة في الشراء فوق 21 مليون اليوم
شراء وبيع الفئات خلال الاسبوع اللي راح
المحافظ الأجنبية كانت الأكثر تداول بسبب التفعيل بس بيعها حول 104 ملايين على مدار الأسبوع محافظنا في يوم توصل هالرقم ووصلته الأربعاء بالتحديد .. نشوف كم بيعها خلال الاسبوع كامل .. 77 مليون تقريباً .. كانت لجانب الشراء بس خربت كل شيء يوم التفعيل
الثاني الأعلى تداول أفرادنا وشراءهم أكثر من 82 مليون بشوي .. المحافظ الخليجية شراءها 73 بس شكلها اشترت ما فيه الكفاية .. الافراد العرب شراءهم فوق 35 مليون
بيع و إعادة شراء
السوق سيسلك مسار هابط كم مدتة الله اعلم
مالنا الا الصبر
على اغنية رابح صقر صابرين
شفت يا بو جبر بعت من فودافون وارتفع وشريت في الاجارة والسلام ومزايا ونزلوا .. حتى مشروع بنيان البيت الجديد باأجله بركز بس على بنيان بيت ولدي والله يعين
الخوف التوزيعات السنة ذي تكون ولا شيء خصوصاً القطاع الصناعي وقطاع البنوك بسبب إن البنوك تحتاج توفر مبالغ للودائع .. هي وقت الودائع 0 فايدتها كانت توزيعاتها شحيحة فشلون الحين
السوق تعبان للمستثمر وللمضارب
بالنسبة لإكتتاب ميزة العزيزة 200 مليون شتسوي .. على فرض بيكتتبون 100000 مواطن وشركة كل واحد بيصفي على 2000 سهم قيمتهم تطلع 4340 ريال ولا شيء .. أنصح كل واحد يكتتب ما بيخسر شيء وعارفين الشركات اللي أسهمها قليلة مرشحة للإقلاع
حاطين الحد الأعلى بملايين الأسهم بس علشان ينفعون البنوك درهم على درهم ولا أعتقد بيسوون نسبة وتناسب بكرة بيوزعون بالتساوي حسب المتوسط ولو سووا نسبة وتناسب ما بيوصلنا الا القليل ممكن 1000 سهم في أفضل الأحوال
البيع المتواصل من قبل المؤسسات الاجنبيه في القياديات يوحي بمواصلة التصحيح للمؤشر العام باستثناء بنك دخان
بالنسبه لمضاربي اسهم الخشاش الكلام مايعنيهم
لان اسهمهم تواصل التألق وهذا ملموس خلال الفتره القليله الماضيه
هناك اسهم تتحرك فقط نفسيا بناءا على تحرك اسهم اخرى مثل الاجاره قطر وعمان والسلام
مضاربين هذه الاسهم عينهم على تحرك سهم مزايا وهذا السيناريو كذلك ملموس مؤخرا
اما انماء والطبيه وسهم ودام ودلاله اعتقد هذه باقه اخرى يتحكم بها مجموعة مضاربين مستغلين محدودية عدد اسهمها
استبعد ان يجرأ احد ما التلاعب في بعض مسارات الاسهم الاخرى مثل بروه والريان وبلدنا وقامكو والدوليه وفودافون لان هذه اسهم تحت سيطرة محافظ مؤسسات
وجهة نظر خاصه والله الموفق
الكل متشائم والكل يقول السوق بينزل انزين واللي شرو بالملاين وقاعدين يشترون تتوقعون يخلون السوق ينزل اكثر مااعتقد لازم يرفعون عشان يبيعون الي اشتروه اتوقع سوقنا بيرتفع ولازم نتفائل اللي بايع يبي السوق ينزل واللي شاري يبي السوق يرتفع
يبي لك تتعلم كلمات ..طبيعي وطبعا واكيد ،،،اذا زاد التشاؤم تضحك ،،مشي حالك هههههه
المتشائمين هم خارج السوق الآن ،ونا متفائل جدا لاني في السوق ، طبيعي جدا
المحلل م.ع متوقع قمه جديده للسوق .