(( مضمار الدراجات الهوائية وبعض الأماكن العامة ))

بسم الله الرحمن الرحيم

أولا نشكر الدولة والقائمين على بناء المنشآت والمضامير الرياضية وغيرها بس عندي ملاحظات تخص السيفتي لمرتادي هالأماكن
مثل المضمار الأولومبي للدراجات الهوائية هالمضمار او المسار معروف انه للدراجات الهوائية وليس للركض او الهرولة او لعب الأطفال بدراجاتهم الهوائية
فعلى سبيل المثال وهالموقف صار أمامي كان في مجموعة من الشباب يركضون مع بعض وراجعين عكس مسار الدراجات الي رايحة وشوي راعي السيكل ضرب
في يد اللي يركض وجات سليمة ...فتخيل انه السيكل يكون مسرع ويدعم هالشخص لا قدر الله وراح يتأذى سائق الدراجة واللي يركض وخاصة انه بعض الدراجات يركبها محترفين وتروح بسرعة
والملاحظ الثانية بنفس المكان اللي يجيب معاه عياله يلعبون سياكل قدام باقي السياكل المسرعة.... إنزين على فرض انه هالطفل لف قدام مجموعة متسابقين أو مجموعة من مرتادي السياكل
تخيل شبيصير بالطفل لما تكون المجموعة أكثر أو أقل من 10 دراجين وإيش اللي راح يصير بالدراجين لما يدعمون ببعض بسبة هالطفل.

وأيضا كورنيش الوسيل مشاهد الرتز الممشى أصلا ضيق وتلاقي السياكل والسكوترات وراك وبوجهك وشوي ويدعمك ( ياخي هذا مب مسار سياكل ) ونتمنى منعهم ومنع لعب سكوترات الأطفال لانه خطر عليهم بعد وخاصىة
انه ما في حواجز بين ممشى الكورنيش والبحر ...يعني لاقدر الله لو طفل راح بسيكله وفقد السيطرة بينزل على الدرج ويتاذى ويمكن يطيح بالبحر مباشرة والله يحفظ الجميع ويبعد الشر عن الجميع .

هذا والله من وراء القصد

نفس المشكلة في ممشى شارع الرفاع وهو مقسم لممر عريض للمشي وثاني قار للسياكل لكن وايد من الحريم واليهال تلاقهم دايما على ممر السياكل ومصطفين بطريقة تسد الممر كامل وهاذي لا قدر الله تسوي حوادث والمشكلة الأكبر الي في الخط الراجع من قطر مول يدخلون الممشى بسيايرهم ويخلونك انت يلي ماشي أو على سيكل تنزل الرمل عشان لا يدعمك بينما في الجهة المقابلة حاطين حواجز تمنع دخول السيارات.

عاد لي مايفهم وش تسوي فيه ناس وايد للأسف عندهم الشي الغلط صح والعكس الحكومة ماقصرت يعني لازم تحط لكل شخص شرطي يراقبه الناس لازم تفهم هذا نفس لي يوقف في موقف ممنوع الوقوف فيه سؤ لذو الاحتياجات الخاصه او وغيره بعد عقدة الناس مشكله

هاي مستحيل يكون جهل او مايدري انه ممر سياكل ..
هذولا يتعمدون يسون جذي من قلة احترامهم للمكان والقوانين ..
:
مافي الا تنحط لافتات انها مخصصه للسياكل فقط
او للمشي فقط ..

هذا وين؟

عندنا إتحاد السياكل كان قريب وسووا لهم ممرات خاصة على شارع الوعب ألحين خربوها بالحفريات

كالعاده مشكله تتعلق بالجهل او بمعنى اخر بالاستهبال

اعتقد كل ممر معروفه وظيفته سواء للمشي او للدراجات

اللي يبي ينضرب مشكلته بعد شنسوي نفس ما قالوا الاخوان

حتى لو نحط حواجز ما راح نقدر نقوله ممنوع تمشي هنيه

المسألة في النهايه مسألة تنظيم ووعي تخص اللي يلعب الرياضه نفسه

والدوله ما قصرت من هالناحيه

بالنسبة للكورنيش احس اخترب وما قمت اقدر امشي فيه نفس قبل

وللاسف مع اني احب البحر بس كثرة الاعمال والعمال وشكله مشروع التعديل مطول

حاليآ افضل اتحرك في البيت خاصة مع جو الصيف

اقتباس:

---

المشاركة الأصلية كتبت بواسطة بوطلحة

نفس المشكلة في ممشى شارع الرفاع وهو مقسم لممر عريض للمشي وثاني قار للسياكل لكن وايد من الحريم واليهال تلاقهم دايما على ممر السياكل ومصطفين بطريقة تسد الممر كامل وهاذي لا قدر الله تسوي حوادث والمشكلة الأكبر الي في الخط الراجع من قطر مول يدخلون الممشى بسيايرهم ويخلونك انت يلي ماشي أو على سيكل تنزل الرمل عشان لا يدعمك بينما في الجهة المقابلة حاطين حواجز تمنع دخول السيارات.

---

احنا مب خالصين من اللي يمشون يطلعلنا سيارات ( هو أنا اخاف من الارنب يطلعلي أسد :happy:)

اقتباس:

---

المشاركة الأصلية كتبت بواسطة Rider

عاد لي مايفهم وش تسوي فيه ناس وايد للأسف عندهم الشي الغلط صح والعكس الحكومة ماقصرت يعني لازم تحط لكل شخص شرطي يراقبه الناس لازم تفهم هذا نفس لي يوقف في موقف ممنوع الوقوف فيه سؤ لذو الاحتياجات الخاصه او وغيره بعد عقدة الناس مشكله

---

صحيح صار المفهوم بالعكس والدولة أبدا ما قصرت بهالاماكن وتنظيمها بس الشرهة على المخالفين واللي يمشون عكس التيار

اقتباس:

---

المشاركة الأصلية كتبت بواسطة sara jsm

هاي مستحيل يكون جهل او مايدري انه ممر سياكل ..
هذولا يتعمدون يسون جذي من قلة احترامهم للمكان والقوانين ..
:
مافي الا تنحط لافتات انها مخصصه للسياكل فقط
او للمشي فقط ..

---

للاسف يدرون بس ما أدري هل هو تحدي والا شالسالفة

اقتباس:

---

المشاركة الأصلية كتبت بواسطة معماري قطري

هذا وين؟

عندنا إتحاد السياكل كان قريب وسووا لهم ممرات خاصة على شارع الوعب ألحين خربوها بالحفريات

---

هلا اخوي معماري.... هذا طال عمرك المضمار الاولومبي للدراجات الهوائية اللي بعد جامعة قطر على خط الخور الساحلي

اقتباس:

---

المشاركة الأصلية كتبت بواسطة طلعة الروح

كالعاده مشكله تتعلق بالجهل او بمعنى اخر بالاستهبال

اعتقد كل ممر معروفه وظيفته سواء للمشي او للدراجات

اللي يبي ينضرب مشكلته بعد شنسوي نفس ما قالوا الاخوان

حتى لو نحط حواجز ما راح نقدر نقوله ممنوع تمشي هنيه

المسألة في النهايه مسألة تنظيم ووعي تخص اللي يلعب الرياضه نفسه

والدوله ما قصرت من هالناحيه

بالنسبة للكورنيش احس اخترب وما قمت اقدر امشي فيه نفس قبل

وللاسف مع اني احب البحر بس كثرة الاعمال والعمال وشكله مشروع التعديل مطول

حاليآ افضل اتحرك في البيت خاصة مع جو الصيف

---

ما أعتقد انه جهل هو أقرب على الاستهبال وعدم احترام القوانين .... وسالفة الكورنيش سالفة ثانية من حفريات وارضيات وسياكل وغيره مع انه حتى الكرنيش
في لوائح مكتوب عليها ممنوع الدراجات الهوائية

يالنورث للاسف طلعنا فاهمين غلط ..

توني اشوف في الاخبار افتتحوا مسار جديد للمسار الاولومبي على خط الخور ..
وطلع المسار للمشي والدراجات الهوائية مع بعض :tooth:

https://www.al-watan.com/news-detail...A6%D9%8A%D8%A9

جهز بريكك يالنورث :funny:

اقتباس:

---

المشاركة الأصلية كتبت بواسطة sara jsm

يالنورث للاسف طلعنا فاهمين غلط ..

توني اشوف في الاخبار افتتحوا مسار جديد للمسار الاولومبي على خط الخور ..
وطلع المسار للمشي والدراجات الهوائية مع بعض :tooth:

https://www.al-watan.com/news-detail...A6%D9%8A%D8%A9

جهز بريكك يالنورث :funny:

---

:strong3::tomato: لا بالله كدينا

اقتباس:

---

المشاركة الأصلية كتبت بواسطة @north_star@

:strong3::tomato: لا بالله كدينا

---

عمرهم سووا شيء صح 100%

من أيام اشوف تدشين محطات شحن الباصات كهرباء .. المظلة فوق الباص شرفع تكفي باصين فوق بعض والشمس صالخة الباص من الجهات الاربع .. لا والمظلة قماش شوفوا كم مكلفة وبكرة بتتشقق من الشمس والهواء .. أستغرب لإختيارات بعض المهندسين وشكلهم يدورون شيء غالي يرفع السعر ويحتاج تبديل بعد فترة قصيرة وبنفس الوقت ما يؤدي الغرض اللي انشأ من أجله