من فيكم تعامل مع الدلال الوسيط بتاع كلوو( مش عارف مكان الفيلا الحين ) medosss

من فيكم تعامل مع الدلال الوسيط وكل شي ( مش عارف مكان الفيلا الحين )medosss
هذا العضو والدلال و الوسيط وعضو فعال وعضو مميز ....


كل ما يعرض شي في قسم العقار ...

تتصل فيه ويقول ( والله لسه مش عارف مكان الفيلا !!!!!!! )
والله الفيلا انباعت ( وهي لسه مانباعت .. اذا اتصلت فيه من جوال ثاني )

وملاحظه : ابيكم تشوفون مواضعيه السابقه واسعار العقار الي يعرضه شوفوا الفرق بين قبل لاتنزل قروض بنك التنمية وبين الحين
شوف الزيادة شلون تكون من طرفه هو وليس المالك ..

والمشكله ان ماعنده لا مكتب ولا شي ..

لا بعد اذا تسأله عن بيت انك تبيه بسعر معين
(( يقولك انتوا بتاع بنك التنمية ))

ياخي اتقي الله .. شهر رمضان شهر توبة

لا يجوز بيع شي وليس ملك لك .. الا في حالة علم المالك ..
وانت تزيد وتحط على عقار غير ملك لك وغير النسبه ؟؟؟ شلون يرتاح ضميرك وانت تاكل من مال ..... استغفر الله

وقال _ صلى الله عليه وسلم _ ( لا تبع ما ليس عندك ) رواه أحمد وأبو داود ( 3503 ) وصححه الشيخ الألباني في صحيح الجامع (7206)

قَالَ النَّبِيُّ صَلَّى اللَّهُ عَلَيْهِ وَسَلَّمَ( الْخَدِيعَةُ فِي النَّارِ وَمَنْ عَمِلَ عَمَلًا لَيْسَ عَلَيْهِ أَمْرُنَا فَهُوَ رَدٌّ)،، البخاري


وانت تعرض اشياء وانت مب عارف وين مكان العقار الي تعرضه
سبحان الله ..

انا ماكتبت هالموضوع الا وصادني هالموقف اكثرمن 5 مرات معاه !!

اتمنى من الادارة انها تحط شروط قاسيه على هالاشكال

جزاك الله خير وكثر الله من امثالك ولا حد لعب في سوق العقار القطري الا مثل هؤلا
يليت مش المنتدى هنيه الا الدوله بكبرها تضرب بيد من حديد على من يتلاعب على الناس ويخرب بين المالك والشاري

الله المستعان

الله المستعان

يا خوي محمد11 شوفت عينك

المنتدى كلة شريطية وتجار شنطة

اذا عرضت عقار او سيارة تناقزو عليك

اذا الشي لهم فهو غالي واذا كان لك فهو مايسوى

الله يعين

لا أنصح أبداً التعامل مع هذا السمسار.
قبل حوالي أسبوعين عرض فيلا بزيادة 450 ألف ريال على سعر المالك !!!.

شوفو الإعلان اللي حاطه عن فيلا في المعمورة (2,200,000 ريال) وتعليقي عليه في نفس الموضوع. هو حتى ما رد علي:
http://www.qatarshares.com/vb/showth...DA%E3%E6%D1%C9

وشوفو الماك كم طالب في الفيلا ( 1,750,000 ريال!!):
http://www.qatarshares.com/vb/showth...6%D1%C9&page=3

يعني الأخ يبي يضرب على 450,000 ريال من فيلا صغيرة 450 متر مربع. والمصيبة إنه فيه ناس قاعدين يطلبون رقمه عشان يشوفون الفيلا.

الطرد من المنتدى ما ينفع أخوي.
المفروض الدولة تحط قوانين تكشف هذا النوع من السماسرة وتقرر عقوبات رادعة لهم. هذيلا ناس ما يستحون وما يجون إلا بالردع والتخويف.

أولا عمرة مقبولة أخوي محمد11
وماقصرت على الطرح.. وكشف الأمر على العام للأعضاء.. حتى ينتبه باقي الأعضاء لهذا الشخص.
أرجو من العضو medosss الرد على الموضوع.. وأيضاح إن كان في هناك لبس.. وإلا على إدارة المنتدى إتخاذ الإجراءات اللازمة سواء كان ذلك في المنتدى أو رفع الأمر للجهات الرسمية في الدولة وأعتقد يوجد عدد من الشهود الذين تعاملوا معاه وحدثت معاهم مشاكل مشابهه.

أشكرك أخوي محمد11 مرة أخرى وأرجو أن ترد على الرسالة (عطنا ويه)

الاخ محمد 11 بيض الله وجهكعلى الموضوع انهااا فعلااا حاصله انهاا فعلااا ماساة لنا احنا اهل البلد اللي بهدلووونا الشريطيه وقامو يحوسون ويدوسون فينا بدووون اي مخافه من الله ولا رقيب ولا حسيب يردعهم ارجوو من الاخوه في المنتدى فضح هؤلاء النماذج السيئه اللي لاتمت مجتمعناا باي صله سوى همهم الوحيد الربح السريع والخروج من البلد الى بلدانهم انني اشد على اياديك اخ محمد على فضح هؤلاء لانهم سوسسه تنخر بمجتمعنت وبيض الله وجهك ع الموضوووووع

هالعضو انا صارتلي معاه سالفه ..
اتصل لي قالي الفله الي تبغيها عندي ومش عارف ايش..
قلت له انا ساكن فالشمال ولاتضربني خط على خالي بلاش خصوصا معاي الشيبه..(كان مسويها مره قبل هالمره)
قالي لا تعال ولايهمك الفله موجوده..
خذت الوالد وجيت الدوحه.. يوم وصلت الا يقولي بس ممكن تنتظر لين العصر اصلي مش عارف مكانها بالضبط.. قلت له اوكي .. عقب ماتصلت له العصر الا يقولي ااسف انباعت والله..
قلت مب مشكله .. ورجعت شمال ..وثاني يوم قسم بالله عمل معاي نفس الحركه ..ويوم رحت اشوف الفله ولا هي مستعمله وهالكه ..يوم قلت له شنو ذيه ..قالي انت بس حتزبطها بكم الف وترجع ورده..

ومن عقبها غسلت يدي منه.. وكثييير الي على شاكلته..

أنا أنصح بعدم التعامل مع أي شخص ليس لديه مكتب عقاري

سبحان الله وبحمده سبحان الله العظيم

شباب كل شي وله ضوابط ونظم والي يخالف هذي الضوابط يعرض نفسه للمساله القانونيه انا سهل على اطلع من هالشخص ميدوس وينعرض على الجهات الامنية بكل سهوله لكن وركزو في لكن مع الاحترام لصاحب الموضوع محمد 11 يمكن هو مش صادق يمكن هذي شكوى كيديه وبينهم مشاكل وتصفيه حسابات انه يطلع العضو الاخر مش صادق ومب ملتزم ومو امين وهب محترم كلمته قدام الاشخاص الي يتعامل وياهم
ولانسى انه التاجر راس ماله الاساسي هو سمعته اذا راحت خسر
الزبدة: الكل لازم يتعاون جهاز امن الدولة وافراد قطريين ومقيمين لاقتلاع جذور هذي الافات الي خربو سوق قطر وكانو من الاسباب الرئيسيه في مشكله غلا اسعار العقارت عشان ماتكرر مستقبلا

أنصح بألغاء عضويته من المنتدى
وعدم دخوله مرة ثانيه
حتى يكون عبره لغيره
لان يسوي نفس الحركات مع جميع الاعضاء

جزاك الله خير على هذا الطرح يامحمد

اما الاخ السمسار فاقول له اتق الله في نفسك

وعلى فكرة اللي قاعد تسوية يضرك ماينفعك يكفي انك اكتسبت سمعة غير ايجابية عند المتعاملين

فتأمل

السلام عليكم جميعا
شكرا لصاحب الموضوع وشكرا للردود المقنعه ...بصراحه الله يعين الجميع
فعلا مطلوب من اعضاء المنتدى كشف هذه الحقائق فيه كثير من الموجودين ماعندهم مكاتب ولاشئ
بس في هالزمن الشين يخرب على الزين
واسأل الله العفو والعافيه في الدنيا والاخره
وتقبلوا مروري المتواضع والسلام.

الصــرااحه انا في شي محيــرني من زمــان ..

الي هــو أن لـيــش الوسـطاء و راعيــن المكاتب الاجــانب ما يتعـاملــون مع الوســطاء القــطرين

و اذا جيت له يوم قلت له عندي شــراي لـ هاذي الفيلا بس دلني وينها و طرش لي اوراقها

قال لك اووكيه و على امرك (( و انــطر ياا .... ))ّ!!

الصـــرااحــه احــلــى نعـــمه إنـــي قــــطــــــــري :shy:

اقتباس:

---

المشاركة الأصلية كتبت بواسطة albadawi1

سبحان الله وبحمده سبحان الله العظيم

---

الله يجزاك خير على ( على الكلام الطيب )

واتمنى ياخوي بعد انك تفهم الموضوع عدل وانك ماتكون من هذا هؤلاء ... معنا مريت معاك بتجربه وانت عارفها ... !!!

اقتباس:

---

المشاركة الأصلية كتبت بواسطة أميرااالذوق

السلام عليكم جميعا
شكرا لصاحب الموضوع وشكرا للردود المقنعه ...بصراحه الله يعين الجميع
فعلا مطلوب من اعضاء المنتدى كشف هذه الحقائق فيه كثير من الموجودين ماعندهم مكاتب ولاشئ
بس في هالزمن الشين يخرب على الزين
واسأل الله العفو والعافيه في الدنيا والاخره
وتقبلوا مروري المتواضع والسلام.

---

بيض الله وجهك ف الدنيا والاخره ..
وصح اللسانك ..

اتمنى من شبكة الاسهم القطريه ماتكون جزء من رفع اسعار العقار في الدولة من هؤلاء السماسره او الدلاله بالباطن ( ليس لديهم اي مكتب عقاري ) في المنتدى ..

وانا ادري انا هناك شوي صعوبه كبيره في حل هذا الموضوع في المنتدى وصعوبه كبيره بانها تبحث فوق الاكثر من 60 الف عضو ..

وان شاء الله الادارة تتخذ الاجراءات الازمه ضد هذي الظاهره .. ورفع اسعار العقار عن طريق منتدى الاسهم القطريه

اقتباس:

---

المشاركة الأصلية كتبت بواسطة bo_hamad

أنا أنصح بعدم التعامل مع أي شخص ليس لديه مكتب عقاري

---

:nice::nice::nice::nice:

حلها بسيط انه اي حد يبي يحط اعلان يكون راعي مكتب و الي ما عنده يحذف موضوعه خل المشرفين يشتغلون شوي

محد رافع الأسعار ومبهدل الناس غيرهم

اقتباس:

---

المشاركة الأصلية كتبت بواسطة عبدالرحمن

شباب كل شي وله ضوابط ونظم والي يخالف هذي الضوابط يعرض نفسه للمساله القانونيه انا سهل على اطلع من هالشخص ميدوس وينعرض على الجهات الامنية بكل سهوله لكن وركزو في لكن مع الاحترام لصاحب الموضوع محمد 11 يمكن هو مش صادق يمكن هذي شكوى كيديه وبينهم مشاكل وتصفيه حسابات انه يطلع العضو الاخر مش صادق ومب ملتزم ومو امين وهب محترم كلمته قدام الاشخاص الي يتعامل وياهم
ولانسى انه التاجر راس ماله الاساسي هو سمعته اذا راحت خسر
الزبدة: الكل لازم يتعاون جهاز امن الدولة وافراد قطريين ومقيمين لاقتلاع جذور هذي الافات الي خربو سوق قطر وكانو من الاسباب الرئيسيه في مشكله غلا اسعار العقارت عشان ماتكرر مستقبلا

---

اتوقع حضرتك من الجهات الامنيه
لان الجهات الامنيه هذا اسلوبها مع القطري المظلوم والمنصوب عليه
لكن اذا الشاكي اجنبي التحقيق ياخذ مجراه من غير يمكن وعسى وعلى

تفضل اعرض الاثنين على الجهات الامنيه وأنصف المظلوم من الظالم من غير لف ودوران

مع الاخذ في الاعتبار ( هل المذكور دخوله للبلد والاقامه الصادرة له لمزاولة تجارة العقارات)
وهذا سوف يحميك من الاحراج اذا كان الاخ محمد 11 مش صادق مثل ماتفضلت

اتذكرون يوم جانا أطول رجل بالعالم وقام يصور مع الناس وياخذ خمسين ريال على كل صورة
هدو عليه البلدية وأمنعوه
والمتطفلين على العقار و اللي عادين نفسهم دلالوه ومعظمهم غير قطريين بلا رخصه ولا تفويض

راس مال كل واحد منهم جوال وسيارة والحين كمبيوتر ومعرفات بالمنتديات

لاعبين لعبتهم والعموله بعشرات الآلاف في حالة بيع أوشراء
أو أجار شهر أو نص شهر في حالة التأجير

ولا فيه حد ملزمهم برخصه أو أي شيء يعني هذي حالة البلد صايره فوضى وحارة كل من أيده ألوااا

يا ليت حد يدلنا على طريقة نشتكي على الدلال الغير مرخص

والله كنت أدور عقار وهونت من كثر الكذب والمبالغه في الأسعار ولين قلت غالي كلوك بثيابك

وأقتراحي أن ينشأ قسم في منتدى العقار للعقارات التي تعرض من المالك مباشره وما فيها عمولة لأن الصفقة تكون مباشرة بين البايع والمشتري

مشاركة جريئة وطيبة منك اخوي محمد
الله يعطيك العافية عليها
وتحسب لك في ميزان حسناتك بأذن الله
لانك نبهت اخوانك وكشفت لهم حقيقة شخص لابس قناع من النحاس

بارك الله فيك اخوي

وكلي أمل ان الادارة الكريمة ستقوم ببحث حالة هذا العضوا المتحاذق على اخوانه الاعضاء الاخرين
واتخاذ الاجراء اللازم والصارم معه ومع أمثاله .

[

اقتباس:

---

quote=ناصح لكم;4716295][color="blue"]اتذكرون يوم جانا أطول رجل بالعالم وقام يصور مع الناس وياخذ خمسين ريال على كل صورة
هدو عليه البلدية وأمنعوه
والمتطفلين على العقار و اللي عادين نفسهم دلالوه ومعظمهم غير قطريين بلا رخصه ولا تفويض

راس مال كل واحد منهم جوال وسيارة والحين كمبيوتر ومعرفات بالمنتديات

لاعبين لعبتهم والعموله بعشرات الآلاف في حالة بيع أوشراء
أو أجار شهر أو نص شهر في حالة التأجير

ولا فيه حد ملزمهم برخصه أو أي شيء يعني هذي حالة البلد صايره فوضى وحارة كل من أيده ألوااا

يا ليت حد يدلنا على طريقة نشتكي على الدلال الغير مرخص

والله كنت أدور عقار وهونت من كثر الكذب والمبالغه في الأسعار ولين قلت غالي كلوك بثيابك

وأقتراحي أن ينشأ قسم في منتدى العقار للعقارات التي تعرض من المالك مباشره وما فيها عمولة لأن الصفقة تكون مباشرة بين البايع والمشتري

---

أنا مع اقتراح أخونا (ناصح لكم) .... وأرجو من الأعضاء المؤيدين إبداء رأيهم .. عسى أن تستجيب إدارة المنتدى لهذا الاقتراح الطيب.
جزاك الله خير أخوي ناصح على هذا الاقتراح.

اقتباس:

---

المشاركة الأصلية كتبت بواسطة عبدالرحمن

شباب كل شي وله ضوابط ونظم والي يخالف هذي الضوابط يعرض نفسه للمساله القانونيه انا سهل على اطلع من هالشخص ميدوس وينعرض على الجهات الامنية بكل سهوله لكن وركزو في لكن مع الاحترام لصاحب الموضوع محمد 11 يمكن هو مش صادق يمكن هذي شكوى كيديه وبينهم مشاكل وتصفيه حسابات انه يطلع العضو الاخر مش صادق ومب ملتزم ومو امين وهب محترم كلمته قدام الاشخاص الي يتعامل وياهم
ولانسى انه التاجر راس ماله الاساسي هو سمعته اذا راحت خسر
الزبدة: الكل لازم يتعاون جهاز امن الدولة وافراد قطريين ومقيمين لاقتلاع جذور هذي الافات الي خربو سوق قطر وكانو من الاسباب الرئيسيه في مشكله غلا اسعار العقارت عشان ماتكرر مستقبلا

---

مع احترامي الشديد لوجهة نظرك أخوي عبدالرحمن ومحاولتك الحيادية في الطرح.... لكن فاتك أخي الكريم أن تقرأ باقي الردود من الأخوة الأعضاء التي أيدت كلام العضو محمد11 والذين حصلت معاهم مواقف مشابهة مع نفس الشخص، وهذا ما جعلنا نتحمس في كتابة تعليقاتنا... إذن تنتفي عن أخونا العضو محمد11 صفة عدم الصدق أو تصفية الحسابات أو عدم الأمانة.....إلخ (كما أسلفت في مشاركتك) .

لذلك اسمحوا لي أن أعيد وأكرر أنه حفاظا على سمعة ومصداقية منتدانا الشامخ بين أعضاءه وزواره، أرجو من القائمين على المنتدى والذين هم دون أدنى شك أحرص منا على ذلك، اتخاذ مايرونه مناسبا تجاه كل من يضر بسمعة هذا المنتدى والتي اكتسبها طوال السنوات الماضية من خلال الخدمات المجانية الجليلة التي يقدمها للمواطنين والمقيمين على هذه الأرض الطيبة.

الاخ ميدوس سبق وحدث لي معه نفس المواقف ومنها عدم الرد وعدم معرفته ببعض الاماكن لانه علم بها من خلال وسطاء اخرين وعدم مصداقيه في المواعيد
وانتقدت ذلك بطلب من الاداره بوضع حد لمثل هذه التصرفات ولمثل هؤلاء الاشخاص في احد المواضيع المعروضه للاخ ميدوس
ولاكن وللامانه الاخ ميدوس ليس الوحيد وايضا لايمثل الجميع فهناك منهم الصادق والامين والذي يخدم ولو من غير مقابل ويقبل باي شي وهناك ايضا من الملاك الذي لايقتنع باي سعر وكل ما تصل الى السعر تجده يرفع السعر ومن المشتريين الذي يحرث على الوسطاء حرث والتاليه ما يشتري وبالتالي اتمنى لو يكون فيه مواضيع ثابته في المنتدى حسب ما طرح بعض الاخوان مثل:

*******موضوع يتم ادراج الوسطاء المعتمدين والثقه لدى الموقع والمعروفين لديهم

********موضوع للعقارات المعروضه من الملاك مباشره وبدون وسطاء

********موضوع لطلبات الشراء المطلوبه مباشره وبدون وسطاء


وفي الختام
يروى أن عبد الله بن عمر رضي الله عنهما .. أن خادمه وقع عليه فغضب
عبدالله بن عمر
فكاد أن يبطش به .. فقال له الخادم : (( والكاظيمن الغيض .. ))
قال عبدالله : كظمت غيضي .
قال الخادم : (( والعافيين عن الناس .. ))
قال عبد الله : عفوت عنك
قال الخادم : (( والله يحب المحسنين ))
قال عبد الله : أذهب فأنت حر لوجه الله .

سبحان الله ..

كلمات بدلت الغضب إلى حلم
والانتقام إلى عفو
سبحان الله كلمات لو رددناها في كل حالة غضب
تهدأ الانفس وتطمئن القلوب
وتنتشر المحبه
وتحل الألفه
...............

ودمتم على الطاعة

اقتباس:

---

المشاركة الأصلية كتبت بواسطة محمد11

اتمنى من شبكة الاسهم القطريه ماتكون جزء من رفع اسعار العقار في الدولة من هؤلاء السماسره او الدلاله بالباطن ( ليس لديهم اي مكتب عقاري ) في المنتدى ..

وانا ادري انا هناك شوي صعوبه كبيره في حل هذا الموضوع في المنتدى وصعوبه كبيره بانها تبحث فوق الاكثر من 60 الف عضو ..

وان شاء الله الادارة تتخذ الاجراءات الازمه ضد هذي الظاهره .. ورفع اسعار العقار عن طريق منتدى الاسهم القطريه

---

اخوي محمد 11 اول شيء مشكور على موضوعك الطيب واذا اصابعك سوى هذا شيء ثاني انت الحين عميت وخصيت في نفس الوقت وثاني شيء بخصوص التعامل مع ناس ما عندهم مكاتب على فكره المكاتب عالعين والراس بس بعد في مكاتب تجرد الواحد وناس يالسه على المكاتب ومب مقصره في الناس وناس مساكين يترزقون الله شنو العيب اذا فرضا مثال الحين انا رفيجي عنده فيلا ويبي يبيعها وما يبي يوديها لمكتب وعطاني اياها وقالي بيعها حرام اني اعرضها له فالمنتدى وحرام اني اخذ واحد بالميه ..
ياخوك اذا بتخص خص واخواني كلهم الموجودين عالعين والراس والزرق من رب العالمين اما عن هذا الي تكلم عنه وزايد في السعر هذا انسان اول شيء ما يخاف الله وثاني شيء انسان يتكلم بلسان غيره وفي ناس وايد شفناهم يتكلمون ولا شفنا شيء منهم غير اوكي اليوم بكره بعده عقبه .. ولا تلوم الواحد اذا قالك شيء وبعدين راح للمالك وقاله عندي مشتري والمالك غير رايه اش بيسوي طبعا بيرد عليك او بيتهرب منك .. المكاتب صج لهم الاولوية في العقار بس هذا منتدى عام عرض وطلب والي يبي يشتري اي شيء لا يقعد يدور على المكاتب او الوسطاء يدق سلف لموتره ويدور بنفسه وراح يلقى وووووايد بس العالم فيها كسل تبي الشيء يوصل لمكانه ..
ارجو من الجميع انه ما يزعل مني نقطة وحبيت اوضحها ..
وجزاكم الله الف خير

تسلم يالغالي والله يكثر من امثالك والمفروض من ادارة المنتدى انه تعمل حظر عليه

اقتباس:

---

المشاركة الأصلية كتبت بواسطة شبح الصمت

اخوي محمد 11 اول شيء مشكور على موضوعك الطيب واذا اصابعك سوى هذا شيء ثاني انت الحين عميت وخصيت في نفس الوقت وثاني شيء بخصوص التعامل مع ناس ما عندهم مكاتب على فكره المكاتب عالعين والراس بس بعد في مكاتب تجرد الواحد وناس يالسه على المكاتب ومب مقصره في الناس وناس مساكين يترزقون الله شنو العيب اذا فرضا مثال الحين انا رفيجي عنده فيلا ويبي يبيعها وما يبي يوديها لمكتب وعطاني اياها وقالي بيعها حرام اني اعرضها له فالمنتدى وحرام اني اخذ واحد بالميه .. ..
ياخوك اذا بتخص خص واخواني كلهم الموجودين عالعين والراس والزرق من رب العالمين اما عن هذا الي تكلم عنه وزايد في السعر هذا انسان اول شيء ما يخاف الله وثاني شيء انسان يتكلم بلسان غيره وفي ناس وايد شفناهم يتكلمون ولا شفنا شيء منهم غير اوكي اليوم بكره بعده عقبه

---

العفو اخوي شيخ الصمت ..
انا ماقلت كلنا سوى اول شي ياخوي ...

اخوي اعتقد انا كاتب في بداية المووضع شنهي المشكله مع هذا الشخص .. وبعض الاعضاء تقريبا تعاملوا مع هذا العضو ..
اما التعامل مع المكاتب ...
تبي الصراحه مافي حد راح ينكر هذا الشي والقانون معاي .. المكاتب العقاريه هي امن واضمن من اي دلال سمسار بالباطن ( يسمى بالباطن )

في فرق بين دلال بالباطن ووفرق بين رفيييجي طلب مني ... يعني مب وظيفة مؤقته او بالبطان واعتقد ان راح تذكر هذا الشي في حالة طلب من رفييجك انك تعرض له العقار في اي مكان .. راح تقول ان شخص طلب مني اعرض له هذا الشي ... هذا اذا كان شخص طلب منك عرض له سلعه واحده او اثنيين ..

وثاني شي احنا ما حرمنا وقلنا لاتاخذ هذا شي بينك وبين ربك ..
لكن هل حلال انك تعرض شي غير ملك لك وتزيد فوق المبلغ بشكل خيالي وتاخذ فوق 1% ؟؟
بعدها تجون تلمون البلاد ليش العقار فوق وليش فوووق ؟؟؟

انت بتاخذ 1 % انت فقير مسكين لانك بتاخذ فقط 1 % مع علم الملك الاصلي للعقار صح ولالا ؟
لكن الي راح ياخذ فوووق 1 % ؟؟ شبتقول عنه ؟؟؟
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــ

اقتباس:

---

المشاركة الأصلية كتبت بواسطة شبح الصمت

ولا تلوم الواحد اذا قالك شيء وبعدين راح للمالك وقاله عندي مشتري والمالك غير رايه اش بيسوي طبعا بيرد عليك او بيتهرب منك .. المكاتب صج لهم الاولوية في العقار بس هذا منتدى عام عرض وطلب والي يبي يشتري اي شيء لا يقعد يدور على المكاتب او الوسطاء يدق سلف لموتره ويدور بنفسه وراح يلقى وووووايد بس العالم فيها كسل تبي الشيء يوصل لمكانه ..
ارجو من الجميع انه ما يزعل مني نقطة وحبيت اوضحها ..
وجزاكم الله الف خير

---

ليش ماتبييني الوم الشخص ؟؟
تحسسني اني انك دلال بالباطن واني كني موجه لك الكلام كله لك ...

شدخل مايرد ويتهرب ووووو .. دامه هو مب قد المسؤليه ولا قدر هالشغله لايلعب بارزاق الناس ..

هذا كلام يرد علي ويقولي الفيلا انباعت .. لكن يكذب ويقول انباعت واخر شي لا انباعت ولاشي .؟؟ وين الخوف من الله .؟؟ وين المصداقيه ؟؟؟
ولا يعرض لي شي تتصله يقوله والله مادري وين مكان الفيلا ؟؟ حلوه هذي ....

ــــــــــــــــــــــــــــــــــــــــــــــــــ ــــــــــــــــــــــــــــــــــ

اقتباس:

---

المشاركة الأصلية كتبت بواسطة شبح الصمت

المكاتب صج لهم الاولوية في العقار بس هذا منتدى عام عرض وطلب والي يبي يشتري اي شيء لا يقعد يدور على المكاتب او الوسطاء يدق سلف لموتره ويدور بنفسه وراح يلقى وووووايد بس العالم فيها كسل تبي الشيء يوصل لمكانه ..
ارجو من الجميع انه ما يزعل مني نقطة وحبيت اوضحها ..
وجزاكم الله الف خير

---

هذا انت الحين تقول المكاتب لهم الاولويه .. محد ينكر هذا الشي وانت بنفسك تقول الكلام ..
والكل ترى يعرف ان هذا منتدى عام وطلب وعرض شراء ...
مادري بعد اذا تعرف ان في شروط البيع ف الاسلام ولالا !!!!!

لكن سالفة الكسل ...
تحسسني ان كل اهل قطر كساله ...
شلون يعني نقعد في بيوتنا ونفتح ( شبكة الاسهم القطريه وندور الي نبيه ) عشى ماشر اخوي
تحسسني ان مفصل ثوب المخبى ورى وقدام علشان ماتهوق ف اللبس من الكسل ..

والله ياخوي انا الي اطلب منك انك ماتعم بالكسل ...
اذا تعتمد على كل صغيره وكبيره على الغير هذا شي راجعلك ...


وتقبل ردي البسيط ..


...

ياجماعه أنا صار لي 6 شهور أدور بيت ايجار ومرو علي واايد من أمثال ميدوس وعلى فكره هو بينهم

فتحت الوسيط ولقيت فيلا للايجار في الخريطيات رحت شفتها وطلع ان الايجار واايد على البيت لانه بدون صيانه
وقريت أعلان ثاني في مكتب عقارات وقالي عن نفس الفيلا يعني البيت له أكثر من سمسار.
وثاني مره لقيت ملحق بعد في الخريطيات يوم كلمته بنفسي قالي للاجانب فقط وبعد عشر دقائق خليت ام العيال
تكلمه ,انا كنت عندها والله والله ياجماعه أنه قالها تعالي شوفيها وأذا أعجبتج نخلص الموضوع وبحاول
أنزلج الايجار يعني في دلالين وسماسره يبون الصوت الناعم حسبي الله ونعم الوكيل .
وفي مره أتصلت على مكتب عقارات بعد ماقريت الاعلان عن بيت ويوم أتصلت له عطاني سعر الايجار وقالي بحاول أنزلك بس كم تدفع ؟!!!

يأخوان لازم نحط حد لأهل المكاتب اللي جاي بوظيفة طباخ ويزوال مهنة السمسار يعني في ناس فاتحه مكاتب لا عارفه قوانين البلاد ... حسبي الله ونعم الوكيل

والله انك صادق في هذا الكلام بس الله يكون في العون والله يحمي بلادنا من هذه الآفه وعلى فكره حصل معنا نفس الموقف لما كلمته و وقلت له بقابلك في المكتب قال مش مشكله وبعدين لما اتصل له مارد علي واتصلت من رقم ثاني رد علي والله يهدي الجميع

هذا العضو صارت لي معاه سالفة طويلة وتقريبا مثل سوالف الاعضاء الباقين

وانا اشوف لو يوقفوا عضويته احسن

لانه نصاب ويلعب على الناس

5317 ورقمه يبدا.... واسمه أحمد وعنده جيب شروكي عنابي قديم شوي


قواكم الله

اخوي محمد 11 انا يوم قلت كسل ما قصدت الشيء الي في بالك وانت شوف قاعد اتقط نغزات على الثوب الي من قدام وراء ؟؟ واظنتي انك عارف القصد ياخوك توك تكلم فالدين وتعرف الكلام لا تقعد تقط نغزات وكلنا عارفين الثوب القدام وراء .. المهم رأيي وقلته ولو تبي لا تتعامل مع وسطاء محدن ضربكم على ايديكم اوكي هي وجهتي نظر وقلتها يالغالي ولاحدن يزعل ولو عندك رفيج وشغال فالعقارات حر ما كنت زعلت منه ولا قلت له هالكلام كنت بتقول رفيجي بس لانه انسان ما تعرفه لازم بتحكه فالكلام .. الافضل المكاتب انا اقولك وعن نفسي عادي اذا جاتني فرصه قدامي ليش ما استغلها واستفيد الحياة تجارب والحياة تطور والحياة مشقه والي يبي الدح ما يقول اااااااااااااااح ..
تصبحون على خير

اقتباس:

---

المشاركة الأصلية كتبت بواسطة عبدالرحمن

شباب كل شي وله ضوابط ونظم والي يخالف هذي الضوابط يعرض نفسه للمساله القانونيه انا سهل على اطلع من هالشخص ميدوس وينعرض على الجهات الامنية بكل سهوله لكن وركزو في لكن مع الاحترام لصاحب الموضوع محمد 11 يمكن هو مش صادق يمكن هذي شكوى كيديه وبينهم مشاكل وتصفيه حسابات انه يطلع العضو الاخر مش صادق ومب ملتزم ومو امين وهب محترم كلمته قدام الاشخاص الي يتعامل وياهم
ولانسى انه التاجر راس ماله الاساسي هو سمعته اذا راحت خسر
الزبدة: الكل لازم يتعاون جهاز امن الدولة وافراد قطريين ومقيمين لاقتلاع جذور هذي الافات الي خربو سوق قطر وكانو من الاسباب الرئيسيه في مشكله غلا اسعار العقارت عشان ماتكرر مستقبلا

---

السلام عليكم عبدالرحمن ..

مستغرب منك اخوي عبدالرحمن جيت على طول قلت بعرض هذا الشخص على الجهات الامنيه ليش انت يعني ماتعرف ان في من هالاشكال موجوين في قطر ... !!

وبخصوص الشكوى وتصفية حسابات وووو صارت فيها حسابات ... !!!

ترى انا اسمي الحين ( انا بتاع بنك التنيمه ابو مليون 200 ) مب حسابات ..

واعتقد الحين انت في مشكله تعرف ليش ...

لان كل الاعضاء الي ردوا وقالوا انهم تعاملوا مع هذا الشخص ولعب بهم كلهم يبون يصفون حساباتم وعندهم شكوى كيديه تعتقد ...!!! ؟؟

ثاني شي دخلت سالفة جهاز امن الدولة .. ليش اخوي هل امن الدولة كلفة مدنيين انها اتابع هؤلاء الاشخاص !! وهل هي ماتعرف ليش ارتفعت الاسعار !!!

هل هناك في كتاب او تعميم من جهاز امن الدوله انها اتابع هؤلاء الاشخاص .. تعتقد ان امن الدوله مكلفه بملاحقة هؤلاء ... !!!

تعرف من اخر شي ياكلها المواطن القطري سوااء الفقير او الغني ..

تقبل مروري

اخوك محمد ( بتاع بنك التنميه ابو مليون و200 الف )

مشكور اخوي ع التنبية

وتم اتخاذ اللازم مع العضو

وللي له ملاحظات ع اشخاص اخرين ومتأكد 100%

يراسلنا في قسم الشكاوي

سيتم اغلاق الموضوع