الواتس اب...... والبيانات غير المشفرة .. نصائح ارجوا الدخول

الاخوة والاخوات الاعزاء

السلام عليكم ورحمة الله وبركاته

نظرا لانتشار برنامج الواتس اب بشكل رهيب

http://4.bp.blogspot.com/-scN3jHiUbr...sapp-Nokia.png

ونظرا لعدم معرفة البعض بان البيانات المرسله عبر هذا البرنامج قد تكون عرضة للخطر بسبب انها بيانات غير مشفرة
اما بالنسبة لانتشار ارقام غريبة تحاول ارسال رسائل غير لائقة لاهل قطر
اعتقد ان اللي يسويه صاحب هالارقام مب شي اسمه هكر
لكن مجرد انه ارسال عشوائي او محاولة احتيال او كما يقال انها خدمة بفلوس

ولكن الحذر واجب

انا مهندس بخبرة 10 سنوات واكد لكم خطورة هالبرنامج وخصوصا في مجتمع محافظ

اشرح لكم شوي عن الواتس اب للحذر والتنبيه
---------------------------------------------------------

امكانية اعتراض اي معلومة مرسلة من جوالك من خلال برنامج الواتس اب
=============================
تتم بطريقتين
الاولى :


تكون شابك على الوايرلس

هني كارثة اي واحد عنده خبرة في الهاكينك ممكن يكون شابك على نفس النت وورك
ويسوي محطة بويزننك اي كانه هو المحطة اللي توجه لها المسجات وهذه كارثة

يقدر يشوف كل اللي تطرشه من صور و لينكات ومحادثة

==============================
الطريقة الثانية :

شبكة البيانات الخلوية :
مثلا شبكة كيوتل او فودافون
هني يكون الوضع اصعب بالاختراق
لانه يحتاج الى معدات وبرامج خاصة صعب انها تكون عند شخص عادي

وهذا الاعتراض ممكن يكون موجود عند شركات الاتصال للمراقبة

===================================

ملخص الكلام

لاترسل اشياء مهمة على الواتس اب
واذا ارسلت لا ترسلها ونت شابك وايرلس

اي رقم غريب وضايققك سوى له بلوك يقدر هو يشوف الستاتس اللي حاطها انت " يعني النك نيم اللي حاطه بالواتس اب " بس مايقدر يطرش لك

نصيحة للاخوات في المنتدى
لا تحفظين اي صور مهمة او بيانات على جوالج نهااااااائي
لانه معرض للهاكينك
او للسرقة او للضياع

حطوا ارقام سرية على جوالاتكم

لاتبيع جوال الا وانت متاكد انه مافي صور خاصة حتى لو حذفتها
والميموري كارد بعد يا احتفظ فيه او يكسره

وقريبا بنزل لكم موضوع عن كيفية حذف الصور والبيانات المهمة بطريقة امنه
وفورمات الاجهزة بطريقة تضمن عدم استرجاع الصور والبيانات



----------------------------------------------------------------------
اتمنى من ادارة المنتدى عدم نقل الموضوع الى قسم الكمبيوتر وابقائه اطول فترة ممكنة في هذا القسم
كي يتسنى للجميع قراته ومن المعروف ان الكل يدخل الى قسم الحوار العام


الله يحفظنا ويحفظكم

اخوكم فالله

يراع

الموضوع حصري وغير منقول من اي منتدى اخر

شكراً أخوي يراع على هالمعلومات والتى يجهلها كثير من مستخدمي الواتس اب ....والله يحمي الجميع من ضعاف النفوس

يعني بالعربي هذا الشخص يقدر يدخل على ملفات الصور اللي فالجوال ؟

وشلون طريقة الدخول على جوال الضحيه ( هل صحيح انه يقدر يطرش صوره واذا تم قبولها يخترق الجهاز) ؟

اخوي بسعود دام العلم في تطور لا تستبعد اي شي

واجهزة الجوال الحديثة اصبحت كمبيوترات مصغرة
يعني فتح اي بورت فيها والاتصال معه
بحد ذاته مصيبة

جزاك الله خير على التذكير

مشكور اخوي

سؤالي للأخ المهندس الفاضل:

بالنسبة للآيفون....عند حذف الصور أو البيانات منه هل تنحذف بشكل نهائي؟؟؟؟

وهل يستطيع من يشتري الجهاز -مثلاً- من بعدي عمل استرجاع لتلك الصور أو البيانات؟؟؟

فإن كان كذلك: فهل من طريقة للحذف النهائي؟؟؟

معلومات مهمه

هل بامكان كيوتل معرفة الشخص ؟!!

جزاك الله خير والله يكثر من امثالك اخوي


واتمنى من البنات الحذر من التصوير بالتلفونات ولو اني غاسل يدي بس يالله لعلى وعسى


وشكرأ

جزاك الله خير

اخوي بالنسبة للايفون الملفات فيها تشفير افضل من غيرها
وخصوصا اذا فور اس وكنت منزل اخر فيرجن

ولكن هذا لايعني انه انت في مآمن
في برامج ترجع ملفات وصور من الايبود
يعني الموضوع اصعب بالايفون ولكن ليس بمستحيل

فمن يكسر نظام تشغيل بجلبريك
لن يعجز عن استرجاع الملفات
-----------
بالنسبة لكويتل
ما اعتقد انه اختصاصهم مراقبة شبكات الواير لس لحمايتها من تهكير داخلي
في كل مكان
والله اعلم

الافضل هو الاعتماد على شبكة الارسال يعني كيوتل او فودافون
وفي حال اردنا الاتصال بالواير لس مفروض يكون الواير لس خاص فينا ومحمي برقم

اما اذا شبكنا على وايرلس عام
هنا المصيبة

فالوايرلس العمومي ممكن يكون اكثر الاماكن خطورة

70 % من فرص الهكر
تجي من جهل المستخدم

فمثلا استطيع ان اخذ حساب شخص في الفيس بوك خلال دقيقة

وقد احتاج شهور او يمكن ما اقدر على شخص اخر عنده وعي كافي

هنا تكمن المشكلة

يعني اي شي نستخدمه له علاقة بالتكنولوجيا
مفروض يكون عندنا وعي وحذر كافي في استخدامه

اوكي واذا رقم غريب ارسل لي صورة بالواتس اب ؟

شنو يستفيد؟

او شنو ممكن يحصل عليه من جهازي؟

ياهلواتس اب اللي مابلعته حاولت اتعلمه بس ماقدر مب بالعه
مسنجر البلاك بيري والهوتميل ويالله يالله

اقتباس:

---

المشاركة الأصلية كتبت بواسطة يراعٌ فراتي

اي رقم غريب وضايققك سوى له بلوك يقدر هو يشوف الستاتس اللي حاطها انت " يعني النك نيم اللي حاطه بالواتس اب " بس مايقدر يطرش لك


[/color]

---

اخوي الكريم شكر الله اجتهادك ..

عندي تعليق على نقطه (رقم غريب ضايفك)

البرنامج لا يُـظهر الرقم الذي قام باضفاتك الا في حالة قيامه بارسال رسالة

يعني اذا ضافك عنده في البرنامج وما ارسل لك شي ماتعرف انك انت عنده اصلا ،،

وشكرا لك

جزاك الله خير

اول انا ماكنت احط اي شي ع الجوال

الحين صور عيالي و غيرهم كلها ع الجوال

الله يستر علينا و على جميع المسلمين

شاكرة الطرح المهم
واقعية

اقتباس:

---

المشاركة الأصلية كتبت بواسطة قارون

اخوي الكريم شكر الله اجتهادك ..

عندي تعليق على نقطه (رقم غريب ضايفك)

البرنامج لا يُـظهر الرقم الذي قام باضفاتك الا في حالة قيامه بارسال رسالة

يعني اذا ضافك عنده في البرنامج وما ارسل لك شي ماتعرف انك انت عنده اصلا ،،

وشكرا لك

---

هلا اخوي

اخوي يمكن في مليون شخص ضايفك وانت ماتدري ومارح يظهرون لك في الواتس اب
هذول مالنا شغل فيهم

انا اقصد رقم جاك على الواتس اب
يعني اذا ازعجك
سميه ازعاج واتس اب
وسوا له بلوك

اتمنى تكون فهمت قصدي

متاااابعه

فعلا كلامك صحيح
ولهذا دائما انصح اللي عنده وايرلس في البيت لازم يحطون له كلمة سر وتكون قوية
معظم الرواترات الان فيها التشفير wpa وهو تشفير قوي جدا لا يستطيع احد اختراقه بسهوله
وكلمة السر تكون فيه عالاقل 8 خانات

معظم رواترات كيوتل التومسون تيجي بكلمة سر مشفرة بالتشفير wep وهو تشفير قابل للاختراق للاسف
يجب تحويلها الي wpa من اعدادادت الرواتر للمزيد من الامان

ولكن في كل الاحوال لا تخلون وايرلس البيت من غير كلمة سر
ولمن تشبكون في مكان عام خليكم حذرين في التعامل
وسمعت في منتدي اجنبي انهم مشتكين من هالمشكلة في الواتس اب والشركة بتدرس موضوع تشفير الارسال والاستقبال في الواتس اب

الله يحفظنا ويحفظكم ويستر عليكم ان شاء الله

اي رقم غريب وضايققك سوى له بلوك يقدر هو يشوف الستاتس اللي حاطها انت " يعني النك نيم اللي حاطه بالواتس اب " بس مايقدر يطرش لك

اخوي شلون اسوي بلوك

اقتباس:

---

المشاركة الأصلية كتبت بواسطة نــويصــر

اي رقم غريب وضايققك سوى له بلوك يقدر هو يشوف الستاتس اللي حاطها انت " يعني النك نيم اللي حاطه بالواتس اب " بس مايقدر يطرش لك

اخوي شلون اسوي بلوك

---

عندما يرسل لك رساله وتفتحها لتقراءها (بمعني انك تكون في نافذة الكتابة للشخص)
اضغط خيارات وغالبا يكون الزر ااايسر في الجالاكسي والبلاكبيري
واختر more وبتحصل فيها بلوك اضغط عليها وسلامتك

السلام عليكم ،،

اخوي الكريم اسمح لي اسئلك عدة اسئلة ،،

1- المخترق اللي بيلتقط رسايلنا من الواتس اب لازم يكون شابك من النتوورك اللي شغالين عليه؟
اهنيه التحذير لازم يكون بأهمية وضع باسوردات ،، من خلالها يمنع دخول اي مخترق على الشبكة ،
صح ؟

2- لما يشبك بالنتوورك ،، مثل الكمبيوتر ،، هو يقدر يشوف كمبيوتري وكل مافيه،، بس ما يقدر
يشوف كمبيوتر الآخرين ،، يعني اللي بيدخل على نتووركي راح يطلع على كل محادثتي
والصور اللي بفتحها ،، وتبقى اهنيه كيفية حصوله على الصور هذي بطرق مختلفة
او بطريقة يعرفها هو شخصيا ؟ صح ؟

3- في مثل هالحالات من التحذيرات ،، ومع انتشار تطبيقات كثيرة ومب بس الواتس اب
فاللي يحصل في حال اختراق شبكة الواير لس ،، كل البيانات المتداولة على الكمبيوترات
تكون معرضة للاطلاع عليها،، بما فيها الماسنجر ،،
ففي حال الهواتف الذكية ،، هناك تطبيقات كثيرة نتداولها ونستخدمها
فهل التطبيقات هذي آمنة والا بس الواتس اب عليه التهمة ؟

4- للأسف الشديد" ومب تكذيبا لخبرتك في عالم الكمبيوتر " احنا ما نقدر نصدق كل معلومة
تنكتب ،، ومن خلال هالموضوع ياليت تكون عندنا هيئة وطنية تراجع مثل هالأمور
او يكون للنادي العلمي القطري صفة مخولة بتجربة البرامج هذي ،، وتقديم النصائح
والارشادات اللازمة لحماية المعلومات الخاصة ،،

فمثلا اليوم بتدخل ام السعف وبتكتب خبر عن برنامج واو ميم وتقول انه غير مشفر
وراح يتنقال الكثيرين كلام ام السعف ،، طيب احنا اشلون نصدق ما قالته ام السعف ؟
ربما يدخل عضو ثاني ويقول : لا ماعليكم منها ،، ولا حد يحاتي واللي انباقت صوره
خله يقول لنا انه باقها ،،

فاللي ابي اوصل له ،، ان الهيئة هذي لابد ان تضم ناس عنهم خبرة ف هالمجال
ويجربون من خلال مركزهم الاختراقات اللي يتكلمون عنها في عالم النت ،،

لأن في مثل هالثورة التكنالوجية احنا بحاجة على اسس قوية نستند عليها
عند التعامل مع التطبيقات ،،

ملاحظة : اخوي كاتب الموضوع اسمح لي لو اني كتبت رايي من خلال موضوعك هذا
احترم خبرتك جدا ،، واحترم حرصك على التنبيه ،، بس احنا بالفعل اصبحنا بحاجة الى
مراكز او جهات رسمية نعتمد عليها ،،

جزاك الله خير على موضوعك والتوضيح الي ذكرته عن الواتس اب

جزاك الله خير

هلا اختي ام السعف
اذا نفس النت ورك يعني هو يشوف الكل
انتي وغيرج وكل اللي شابكين على نفس شبكة الوايرلس سواء كمبيوترات او تلفونات

واقل شي يمكن يسويه هو انه يشوف الاي بي ويعرف المواقع اللي دشيتيها والمحادثات
ويقدر يسحب ملفات الكوكي وغيرها
واذا سحب الكوكيز تقدرين تقولين باي باي (الفيس بوك وتويتر والمنتديات والايميلات .... الخ )

يعني اعطيج مثال

انا والحين اكلمج قاعد اجرب ادش على الواتس اب في التلفون عندي وانا شابكه على الوايرلس مال البيت واحاول اسحب المحادثة عن طريق الكمبيوتر

واذا فعلا قدرت اني اشوف مسجات الواتس اب معنها فعلا الواتس اب سالفته خطيرة وخصوصا اذا شبكناه وايرلس


اما الكمبيوترات فموضوعها ربما اسهل

فمثلا الحين اخوي شبك على الوايرلس اللي في بيتي ودش على الفيس بوك الخاص فيه

في هالحالة
مب بس اشوف محادثاته
الا اقدر ادش على حسابه:tease:

http://www.qatarshares.com/vb/attach...5&d=1329776882

يعني لا حد يشبك وايرلس في مكان مب ثقة

اقتباس:

---

المشاركة الأصلية كتبت بواسطة يراعٌ فراتي

هلا اختي ام السعف
اذا نفس النت ورك يعني هو يشوف الكل
انتي وغيرج وكل اللي شابكين على نفس شبكة الوايرلس سواء كمبيوترات او تلفونات

واقل شي يمكن يسويه هو انه يشوف الاي بي ويعرف المواقع اللي دشيتيها والمحادثات
ويقدر يسحب ملفات الكوكي وغيرها
واذا سحب الكوكيز تقدرين تقولين باي باي (الفيس بوك وتويتر والمنتديات والايميلات .... الخ )

يعني اعطيج مثال

انا والحين اكلمج قاعد اجرب ادش على الواتس اب في التلفون عندي وانا شابكه على الوايرلس مال البيت واحاول اسحب المحادثة عن طريق الكمبيوتر

واذا فعلا قدرت اني اشوف مسجات الواتس اب معنها فعلا الواتس اب سالفته خطيرة وخصوصا اذا شبكناه وايرلس


اما الكمبيوترات فموضوعها ربما اسهل

فمثلا الحين اخوي شبك على الوايرلس اللي في بيتي ودش على الفيس بوك الخاص فيه

في هالحالة
مب بس اشوف محادثاته
الا اقدر ادش على حسابه:tease:

http://www.qatarshares.com/vb/attach...5&d=1329776882

يعني لا حد يشبك وايرلس في مكان مب ثقة

---

توني من ساعة كنت اتكلم مع وحدة بالواتس اب عن موضوعك
وقلت لها كل الكلام اللي كتبته لي الحين ،، وان ممكن يدخل على العناوين
وغيره ،،

لذلك يا اخوي ما اقول كلامك غلط ،، بس بعد يبي لنا نوثقه
صحيح هناك اختراقات للكمبيوترات،، بس في حال الهواتف

جرب على جوالك وقول لنا وين بتوصل ،، وخلنا انجرب وياك على
جواويل عيالنا :telephone:

هذه سلبيات الاشياء المهجنه
هالبرنامج غير طبيعي ( مهجن ) على شأن كذا يسهل اختراقه
عليكم بالطبيعي

اقتباس:

---

المشاركة الأصلية كتبت بواسطة r 7 a l

هذه سلبيات الاشياء المهجنه
هالبرنامج غير طبيعي ( مهجن ) على شأن كذا يسهل اختراقه
عليكم بالطبيعي

---

عليك سوالف عجيبة وغريبة من يوم ما رديت من امريكا
شنهي سالفة برنامج مهجن وعليكم بالطبيعي ؟؟

وشنهو الطبيعي لو قلنا الواتس اب مهجن ؟ :/

شكرا لك

اقتباس:

---

المشاركة الأصلية كتبت بواسطة ام السعف

عليك سوالف عجيبة وغريبة من يوم ما رديت من امريكا
شنهي سالفة برنامج مهجن وعليكم بالطبيعي ؟؟

وشنهو الطبيعي لو قلنا الواتس اب مهجن ؟ :/

---

يقصد اللي منزلينه بالجلبيرك واللي منزلينه من الابل ستور :shy: على ماعتقد

أبسط شي اختراق الشبكات المحليه :) ... لابتوب قديم عليه كم من برنامج ونظام تشغيله linux و وصله يو اس بي انت تعرفها ماني ذاكر اسمها . و اي شبكة منزلية مكشوفه خلال 15 دقيقه ههههه :)

التشفير بـ Wpa2 للشبكات المنزلية وخصوصا لو الباسوورد من 8 خانات واكثر مب سهل اختراقه. بالتالي التحذير بشكل عام من دخول الشبكات العامة وحماية الشبكات المنزلية. لأن كل البيانات عبر الشبكة معرضة للتهكير مب بس واتس اب.

الله يجزاك خير اخوي

اتذكر على ايام النوكيآ في مجلد ينحفظ فيه البيانات حقت الوت ساب
وهذآ مساره -لاني كنت حافضه في الذاكره الخارجيه-
E:\WALogs
او
C:\WALogs
مسجل فيه الاحداث اليوميه كل يوم له في ملف منفصـل بأمتداد .log ، طبعا الصور الي يتم ارسالها اولا ترفع لـ سيرفر الوت ساب
ثم يتم ارسال رابط للطرف الاخر ومنه يتم التحمـيل ، طبعآ لو تنسخ رابط وتفتحه بالمكبيوتر يطلع لك الصوره المرسله

الوت ساب يجب ان يدعم تشفير قوي ، على الاقل يحتذي بـ ماسنجر msn تشفيرتهم RSA
الله يستر علينا وعلى امة محمد

اقتباس:

---

المشاركة الأصلية كتبت بواسطة نــويصــر

اي رقم غريب وضايققك سوى له بلوك يقدر هو يشوف الستاتس اللي حاطها انت " يعني النك نيم اللي حاطه بالواتس اب " بس مايقدر يطرش لك

اخوي شلون اسوي بلوك

---

شوف يالطيب
من الوت ساب ، الي عندي المحدث ماعليه بس شوف الصور
اول شي تدش عالقائمه وتختار مثل الي بالصوره
http://www.9o9i.com/upfiles/atp09799.png


بعدين تضيف الرقم الي تبي تسوي له بلوك
http://www.9o9i.com/upfiles/yng09799.png

اقتباس:

---

المشاركة الأصلية كتبت بواسطة R 7 A L

هذه سلبيات الاشياء المهجنه
هالبرنامج غير طبيعي ( مهجن ) على شأن كذا يسهل اختراقه
عليكم بالطبيعي

---

http://www.shooq4.com/vb/images/bb/11.png
اسمحلي يالشيخ كلامك غير صحيح ، في اشياء مهجنه افضل من الاصليـه

يمكن لاي شخص لا يستطيع الاستغناء عن الوتس اب ان يستخدم اتصال vpn و راح يكون كل شي مشفر مب بس الوتس اب ..

اقتباس:

---

المشاركة الأصلية كتبت بواسطة ضوى

يقصد اللي منزلينه بالجلبيرك واللي منزلينه من الابل ستور :shy: على ماعتقد

---

ما ادري بصراحة اشيقصد .... الموضوع يتكلم عن البرنامج نفسه ونظام برمجته
ووجود ثغرة ومب مشفرة بياناته المرسلة والمستقبلة فيه بحيث يسهل تعرضها
والتعرف عليها ،،

ما عندي فكرة ان كانت النسخة الأصلية محمية ،، لكن الواضح ان الكلام بشكل عام
للبرنامج نفسه وغيره من البرامج الكثيرة المشابهة ،،

يعني من خلال هالموضوع نسأل الخبراء،،

الفيس بوك والتويتر ................> سمعت انهم مب مشفرين

السكايب والماسنجر ....................> مشفرين ؟؟؟

في تطبيقات الهواتف ؟؟

اقتباس:

---

المشاركة الأصلية كتبت بواسطة محمد

يمكن لاي شخص لا يستطيع الاستغناء عن الوتس اب ان يستخدم اتصال vpn و راح يكون كل شي مشفر مب بس الوتس اب ..

---

http://www.shooq4.com/vb/images/bb/19.png
بس اتذكر من زمان يخترقون عن طريق vpn
http://www.shooq4.com/vb/images/bb/11.png

بالنسبه تأمن الشبكه وكتآلي
- اول شي لازم تخفي اسم الشبكه
- ثانيا اكيد لازم باسورد
- ثآلث غير باسوورد الراوتر نفسه - كثير شبكات مب مغيرين الباسوردات
- رابعا لو عدد الاجهزهـ محدده ، تسوي فلتر للماك أدْرٍس

او يكفي تسوي فلتر ماك ادرس ، وحط الشبكه غير مخفيه وبدون بآسوورد
http://www.shooq4.com/vb/images/bb/35.png وريح بالك عشآن تقهر الي يحاول يشبك بشبكتك حط اسمها only4uBaby http://www.shooq4.com/vb/images/bb/18.png ولا TryAgain

اقتباس:

---

المشاركة الأصلية كتبت بواسطة ام السعف

ما ادري بصراحة اشيقصد .... الموضوع يتكلم عن البرنامج نفسه ونظام برمجته
ووجود ثغرة ومب مشفرة بياناته المرسلة والمستقبلة فيه بحيث يسهل تعرضها
والتعرف عليها ،،

ما عندي فكرة ان كانت النسخة الأصلية محمية ،، لكن الواضح ان الكلام بشكل عام
للبرنامج نفسه وغيره من البرامج الكثيرة المشابهة ،،

يعني من خلال هالموضوع نسأل الخبراء،،

الفيس بوك والتويتر ................> سمعت انهم مب مشفرين

السكايب والماسنجر ....................> مشفرين

في الهواتف ؟

---

الفرق بين النسخه الاصليه والمهجنه ، ان النسخه المهجنه فيها تعديلات سواء اضافات او حذف او اي تعديل

ااما سالفه التشفير اعتقد مشفر لان فيس بوك 800 مليون مستخدم فطبيعي مشفر ، برب غدى http://www.shooq4.com/vb/images/bb/25.png