عليكم بسوق الامارات

كل عام وانتم بخير وعساكم من العايدين الفايزين ....
اخواني واخواتي .. اللي يستثمر في الاسهم وفي سوق الدوحة بس, انصحه انه يدخل سوق الامارات ترى سوق وايد مربح وسهل التعامل فيه وأمن وأهم ميزة فيه انه الواحد يقدر يطلع ويدخل ويطلع في اي وقت يعني انا كملت سنتين فيه والحمدالله ماعمري نويت اطلع وماقدرت وحتى في اسواء ظروف السوق مستحيل انك ماتحصل طلب لو على اللمت داون مع انه نادر مايكون لمت داون ... ( مب مثل سوقنا ) ولاتنسون انه نسبة النمو فيه كانت اكبر نسبة نمو في الاسواق العربية ... والقصد من ورى هل موضوع انه اتمنا للجميع الخير وانا الحمدالله في سنة و 4 شهور محقق تقريبا 1100% على راس المال .. ( الف ومئة ) ...وصدقوني ياخوان انا ماقصد اني اكون ضد سوق الدوحة لكن سوقنا مب ماشي معاي دايما عكس ...بس الحمدالله النكبات اللي تسير لي في سوق الدوحه اعوضها في سوق دبي وكله بفضل من الله ......... الخلاصة انا انصح الواحد انه ينوع يخلي له شي في سوقنا ولو جزء بسيط في سوق دبي ولو تقارنون الشركات المدرجة في سوق دبي مع اللي في سوق قطر بتشوفون اسعاراها واقعية ومكرر ارباح الشركات في سوق دبي تعتبر اقل بكثير من اللي في سوقنا ...والله يوفق الجميع ......

السلام عليكم ..

بارك الله فيك اخي اعمار

( حب لأخيك ما تحب لنفسك ) .. وهذا ما لمحته من موضوعك

كل عام وانت بخير

وعيدك مبارك

ارباحي كل 3 شهر 200 الى 300 % في سوقالدوحه

والله على ما اقول شهيد

سوق واعد

شكرا أخوي واحد في حاله ...وربك يرزق كل واحد على نيته يرزقنا وياك مافيه خير لنا ....

انا معاك أخوي موادع قطر سوق الدوحة في خير ..لكن بحكم انه قطر صغيرة وتونا فاتحيين للأجانب ف سهل انه الهووامير يتحكمون في السوق وهذا اللي صاير .( يقطون لك الطعم ولين اكتمل عدد الضحايا اللي هم صغار المستثمريين صرفوا الكبار وطلعلوا وهلوما جرة ) ... بس سوق الامارات انا على تجربتي البسيطة لاحظت انه يختلف والاسهم اللي فيه قوية ... والله يوفقك في سوق قطر ويوفق الجميع

اقتباس:

---

المشاركة الأصلية كتبت بواسطة أعمار

كل عام وانتم بخير وعساكم من العايدين الفايزين ....
اخواني واخواتي .. اللي يستثمر في الاسهم وفي سوق الدوحة بس, انصحه انه يدخل سوق الامارات ترى سوق وايد مربح وسهل التعامل فيه وأمن وأهم ميزة فيه انه الواحد يقدر يطلع ويدخل ويطلع في اي وقت يعني انا كملت سنتين فيه والحمدالله ماعمري نويت اطلع وماقدرت وحتى في اسواء ظروف السوق مستحيل انك ماتحصل طلب لو على اللمت داون مع انه نادر مايكون لمت داون ... ( مب مثل سوقنا ) ولاتنسون انه نسبة النمو فيه كانت اكبر نسبة نمو في الاسواق العربية ... والقصد من ورى هل موضوع انه اتمنا للجميع الخير وانا الحمدالله في سنة و 4 شهور محقق تقريبا 1100% على راس المال .. ( الف ومئة ) ...وصدقوني ياخوان انا ماقصد اني اكون ضد سوق الدوحة لكن سوقنا مب ماشي معاي دايما عكس ...بس الحمدالله النكبات اللي تسير لي في سوق الدوحه اعوضها في سوق دبي وكله بفضل من الله ......... الخلاصة انا انصح الواحد انه ينوع يخلي له شي في سوقنا ولو جزء بسيط في سوق دبي ولو تقارنون الشركات المدرجة في سوق دبي مع اللي في سوق قطر بتشوفون اسعاراها واقعية ومكرر ارباح الشركات في سوق دبي تعتبر اقل بكثير من اللي في سوقنا ...والله يوفق الجميع ......

---

السلام عليكم ورحمة الله وبركاته

كل عام وانتم بخير
ممكن توضوح اكثر يعني ممكن تعطيني فكره عن سوق الأمارات يعني كيف بتكون المعاملات وكيف بتكون شركات الوساطه وهل في امانه وماهي الاسهم الي ممكن نشتريها من سوق الأمارات بناء على خبرتك انت .

السلام عليكم ورحمة الله وبركاته
كل عام وانتم بخير جميعا وعيدكم مبارك كلامك اخوي اعمار صحيح وسوق دبي ممتاز جدا وانصح في اعمار واملاك لدخولهم في تأسيس بنك الخليج في البحرين وبنك دبي الاسلامي حيث انه تم تجزئة اسهمه ولان سعره 32.5 درهم وسعره ممتاز جدا للاستثمار وبتوفيق للجميع

__________________________________________________ ________________________




السلام» بنك إسلامي جديد في البحرين
المنامة - رويترز - اعلن البنك المركزي في البحرين انه منح ترخيصا لبنك تجاري اسلامي باسم السلام يبلغ رأس ماله المدفوع 100 مليون دينار (265 مليون دولار). وقالت مؤسسة نقد البحرين (البنك المركزي) ان مؤسسي بنك السلام سيقدمون نحو 70% من رأس المال وسيأتي الباقي من خلال اصدار عام اولي حسبما ذكرت المؤسسة بدون اعطاء تفاصيل.

ومن بين المؤسسين اعمار العقارية واملاك للتمويل في دبي.

جريدة القبس الكويتيه 7/10

والله ياخوي وانا افكر بعد اطلع من سوق النكبات .. قصدي سوق الدوحه بس ياخوي فيدنا شلون نتعامل وبشنو تنصح لان انا ماعندي خبره فيه كلش

قول الحمد الله سوق الدوحه الكل يقدر يدخل فيه ويشتري ويبيع :) سوق البحرين ما تقدر تدخل ولا تشتري وتبيع فيه ..لازم يكون عندك 100000 هذا الي اعرفه وقالي واحد لا هذا غلط لازم اكثر من 200000ريال :(
يا مقرور قطر فيدنا عن سوق الامارات ؟

اقتباس:

---

المشاركة الأصلية كتبت بواسطة بومبه

قول الحمد الله سوق الدوحه الكل يقدر يدخل فيه ويشتري ويبيع :) سوق البحرين ما تقدر تدخل ولا تشتري وتبيع فيه ..لازم يكون عندك 100000 هذا الي اعرفه وقالي واحد لا هذا غلط لازم اكثر من 200000ريال :(
يا مقرور قطر فيدنا عن سوق الامارات ؟

---

الحمد الله وطبعا سوق الدوحة هو الاساس ولكن مايمنع الواحد يستثمر في بعض الاسواق الخليجيه

اخوي بومبه كل عام وانت بخير وعيدك مبارك وهذا هو موجز عن كيفية الاستثمار في سوق دبي وهو سوق استثماري ممتاز جدا وانصح بالاستثمار فيه ولكن اذا كانت هناك سيوله زائده اما سيوله قليله الافضل في سوق الدوحة


موجز عن كيفية الاستثمار في سوق دبي

أين تذهب بعد الإعلان العام عن بدء التداول؟

هل أنت مستثمر جديد ؟

أين تذهب ... إذا أردت التداول في سوق دبي المالي وأنت مستثمر جديد؟

يجب عليك اختيار أحد الوسطاء المعتمدين من قبل السوق من خلال زيارتهم كي يتم اطلاعك على المتطلبات، أو يمكنك الاتصال بمكتب خدمة المستثمرين في سوق دبي المالي لإبلاغك أيضا بالمتطلبات والإجراءات الواجب القيام بها. ولدى الاتصال بمكتب الوسيط ينبغي عليك إبراز جواز السفر وخلاصة القيد.

أم أنت مستثمر فعلى ؟

أين تذهب إذا أردت التداول في سوق دبي المالي وأنت مستثمر فعلي وتملك مجموعة من الأوراق المالية تود أن تبدأ التداول بها؟

يجب عليك مراجعة الجهة المصدرة للأوراق المالية مصطحبا معك شهادة الأوراق المالية الخاصة بك وأوراقك الثبوتية التي تم ذكرها في صفحة متطلبات وخطوات التداول.



أين تذهب لبدء التداول في سوق دبي المالي؟

أين تذهب ... إذا أردت مراجعة وسيط معين بشأن بدء بيع/شراء الأسهم ؟

يمكنك اختيار أقرب وسيط لإمارتك على أن يكون معتمد من قبل سوق دبي المالي أو زيارة أحد الوسطاء المتواجدين في قاعة التداول في السوق لفتح حساب أو أكثر وتفويضهم لبيع / شراء الأوراق المالية.

أين تذهب ... بعد إنهاء إجراءات فتح حساب لدى أحد الوسطاء المعتمدين من قبل السوق؟

عليك مراجعة الوسيط الذي تتعامل معه لبدء التداول ( بيع / شراء أوراقك المالية )

أين تذهب لتعديل أو إلغاء أمر بيع / شراء بعد إدخاله في من النظام من خلال الوسيط الذي تتعامل معه؟

يمكنك مراجعة أو الاتصال بوسيطك الذي قام بعملية إدخال الأوامر في نظام التداول حيث سيقوم بتعديل / إلغاء الأمر مباشرة.



أين تذهب للحصول على معلومات وأرصدة؟

أين تذهب ... للحصول على معلومات عن الأوراق المالية المدرجة في السوق؟

عليك زيارة مكتب خدمات المستثمرين أو الاتصال على الهاتف المجاني رقم 8004447 أو فاكس رقم 3086159-04 للحصول على تلك المعلومات.

أين تذهب ... إذا أردت الحصول على كشف بعدد الأوراق المالية الموجودة في حسابك لدى أحد الوسطاء الذين تتعامل معهم ؟

يمكنك مراجعة وسيطك الذي تتعامل معه للحصول على كشف الرصيد بعد تعبئة النموذج المطلوب حيث سيقدم لك الوسيط كشف بعدد الأوراق المالية الموجودة في حسابك لديه فقط حيث لا توجد له صلاحية توفير معلومات تخص حساباتك مع أي وسطاء آخرين.

أين تذهب ... إذا أردت الحصول على كشف بعدد الأوراق المالية التي تمتلكها لدى عدد من الوسطاء الذين تتعامل معهم؟ وكم تستغرق هذه العملية؟

يجب عليك مراجعة مكتب خدمات المستثمرين المتواجد خارج قاعة التداول في سوق دبي المالي مصطحبا معك أوراقك الثبوتية من الساعة 8:00 صباحا إلى الساعة 2:00 ظهرا ، وتستغرق هذه العملية ساعة واحدة بحد أقصى.

أين تذهب ... إذا أردت الحصول على الكتيبات التعريفية بسوق دبي المالي وإجراءاته؟

يمكنك مراجعة مكتب خدمات المستثمرين في السوق.



أين تذهب لإجراء عمليات تحويل الأوراق المالية؟

أين تذهب ... إذا أردت تحويل الأوراق المالية الخاصة بك من حسابك لدى الوسيط الذي تتعامل معه إلى حسابك لدى المقاصة في سوق دبي المالي؟

يجب عليك مراجعة وسيطك, مصطحبا معك أوراقك الثبوتية, للقيام بعملية التحويل.

أين تذهب ... إذا أردت تحويل الأسهم الخاصة بك من حسابك لدى الوسيط إلى حسابك لدى وسيط أخر؟

يجب عليك مراجعة الوسيط الذي سيقوم بإرشادك لإتمام عملية التحويل.



أين تذهب لإجراء التنازلات الإرثية؟

أين تذهب ... لبدء إجراءات القسمة الإرثية؟

يجب عليك مراجعة المسجل " قسم التسجيل " في الجهة المصدرة للأوراق المالية لإجراء عملية القسمة والتخصيص الإرثية مصطحبا معك المستندات اللازمة.



أين تذهب لتعديل بيانات المستثمر ؟

أين تذهب ... في حالة تغيير عنوانك أو بياناتك الشخصية المدونة في سجلات سوق دبي المالي؟

يجب عليك الذهاب لمكتب خدمات المستثمرين في سوق دبي المالي، أو التوجه لوسيطك الذي تتعامل معه مصطحبا معك أوراقك الثبوتية الخاصة بالتعديلات المطلوبة بالإضافة إلى رقم المستثمر الذي حصلت عليه.



أين تذهب لإبداء اقتراحات / ملاحظات / شكاوي؟

أين تذهب ... إذا كان هنالك خلاف حول أمر بيع / شراء أو أي أمر آخر متعلق بالتداول مع أحد الوسطاء؟

يمكنك اللجوء إلى قسم رقابة السوق أو مكتب الشكاوي في مقر سوق دبي المالي.

أين تذهب ... لإبداء أية مقترحات ؟

يتواجد في سوق دبي المالي نموذج للاقتراحات، يمكنك ملء النموذج أو كتابة رسالة خطية وإرسالها إلى مكتب خدمات المستثمرين، والذي سيقوم بدوره بمتابعة الاقتراح، كما يمكنك إرسال اقتراحاتك عن طريق البريد الإلكتروني helpdesk@dfm.co.ae

أين تذهب ... إذا رغبت في تقديم شكوى؟

يجب عليك زيارة مكتب الشكاوي في سوق دبي المالي، فهو القسم المعني بتلقي وبمتابعة جميع الشكاوي والحريص على خدمة أطراف السوق.
]

شكرا على ردك اخوي مغرور قطر وفيت وكفيت ....... والعملية جدا سهله كل اللي مطلوب منك سفرة وحدة دبي ....وتخلص كل الامور مجرد أنك تروح سوق دبي اللي في مركز التجارة العالمي على شارع الشيخ زايد وكل امورم بترتب .....وبعدين تفتح حساب وانا انصح بدبي الاسلامي واذا ماحصل ابوظبي الوطني جدا معاملتهم محترمة وانا اشتري وابيع بالمسج ... يعني اطرش مسج ويتنفذ الطلب واشيك على التقارير وارصدة الحساب عن طريق النت ......


وبخصوص الشركات الجيدة تقريبا كل الشركات جيدة انا مقدر انصح بشركة معينة كل واحد لازم يدرس البيانات المالية للشركة ومستقبلها ويقرر .. بس في اشياء واضحة مثل أعمار .. والشركة اللي بعدها العربية الفنية للأنشاءات وهذي انا اتوقع لها شي حلو خلال 3 شهور .. الحمدالله انا اشتريتها ب 4 واللحين هي ب 8 ..ومتوقعين لها مستقبل والسبب الرئيسي قلة رأس مالها وكثرة المشاريع اللي راسيه عليها ومنها برج دبي اطول برج في العالم ( طبعا متحالفة مع سامسونغ الكورية ) . واربحاها ممتازة .....واللي يلحق ويقدر ياخذ فيها بس طبعا عقب مايقراء عنها ويحلل بيانتها المالية اظن بيقتنع فيها .....


وهذه بعض المواقع اللي تقدرون تعرفون منها اكثر عن سوق الامارات .....

www.dfm.co.ae
www.uaeec.com
http://www.uaesm.com/vb/forumdisplay.php?f=7
http://www.thegulfbiz.com/index.php?


ترى الرزق محتاج الخفية وحلو انه الواحد يحرك فلوسه بين اكثر من سوق ...والله يوفق الجميع ...

اللي يحتاج اي خدمة او معلومة عن سوق دبي .... يراسلني على الخاص وانا حاضر لكم ..

اقتباس:

---

المشاركة الأصلية كتبت بواسطة موادع قطر

ارباحي كل 3 شهر 200 الى 300 % في سوقالدوحه

والله على ما اقول شهيد

سوق واعد

---

شكراُ لك اخوي موادع قطر وأنا اشهد بذلك والله وشكراُ للاخ أعمار على طرح الموضوع والله من وراء القصد بس انا أجووف شي ثاني الصراحه سوق دبي جيد بس مقارنه ابسوقنا فاأعتقد سوقنا يعتبر أفضل اولا بأن سوقنا لين أحين تعتبر أسعار الشركات في الحضيض وكذلك سوق تحت الانشاء والفرصه فيه أكبر وسوقنا يعتبر ملائم جداُ اولا لانه هناك دعم من دولتنا وذلك بتفوير الفرص الذهبية للمستثمرين وأما بما يتعلق بالهوامير فهم في كل سوق موجدين وأعتقد كذلك سوق دبي واذا يعتقد الاخ أعمار بأنهم غير موجودين فهو يتكلم عن سوق أخر غير الاوراق المالية ويكفي بأن سوقنا لدية فرص كثيره والاستثمار فيه أفضل بكثير وذلك لوجود المحافظ التي سوف تدعم الاسعار قريباُ معا وجود نسبه ال 25 المخصصه للاجانب وأعتقد هذه النسبه مقياس ووضعت لمصلحة المستثمر القطري بدرجة الاولى أما اذا كان حظ الاخ أعمار غير جيد فالربما بأنه دخل السوق على غير دراية كافيه بوقت الدخول والخروج وأعتقد من أستثمر في بورصتنا قبل عام وعامين أستطاع الخروج بفائده الاضعاف أربع مرات أو خمس ومثلي على ذلك وقود وصناعات والبنوك الاسلاميه وناقلات كذلك أعتقد سوقنا حتى الان تعتبر الاسعار فيه جداُ مناسبه للاستثمار ولاكن يتطلب منا أختيار السهم المناسب في الوقت المناسب والسعر المناسب وفي أعتقادي لن نرى هذه الاسعار التي نراها الان في السنوات القادمه والمحفزات لذلك كثيره :deal: وشكراُ لكم

صح لسانك ياريم وببنتظر كلها شهر وبتشفون السوق

اقتباس:

---

المشاركة الأصلية كتبت بواسطة qasem888

صح لسانك ياريم وببنتظر كلها شهر وبتشفون السوق

---

العفوا أخوي بس والله سوقنا ذهب والهوامير فيه حلوووووين يعني أهم شي نفهم تفكيرهم والله وانشالله راح نستفيد الاضعاف أخوي بقولك شي سوقنا متجه الطفره اقتصاديه قووووووووووية ومن أسباب هذه الطفره أولا دخووووول خدمه الوساطه سوقنا قريباُ وهي خدمه متخصصه بالتداول عبر النت وتم ربط عمان بها وهي متجه قريباُ لسوقنا في قطر وثانياُ السماح بدخول المحافظ القطريه وكذلك فكره السماح بالمحافظ الاجنبية بدخول السوق قريباُ ثالثاُ بداية السنة سوف يتم الانتهاء من خدمه الانترنت لداخل وخارج قطر وذلك مما سيجعل مرونه في التداول على أسهمنا رابعاُ أكتتاب البنكين الجدد والسماح للغير القطرين بنسبة ال 20% أعتقد بأنها فكره ذكيه جداُ وهي لجذب رؤوس الاموال من الخارج وعلى قولت خليجي بالمره نكتتب ونشتري أسهم خامساُ الوعي الاستثماري وكان واضح جداُ عند أغلب المستثمرين في حال الهبوط الشراء لان مهما كانت أسباب خروج السيوله من السوق هناك أسباب أخرى سوف تدعوا الا أعاده السيوله مضاعفه وبقوة وهو ماحدث في الايام الاخيره ونعوود لالاراقام التي حققت في الايام الفائته وسوف أذكر لكم ماتذكره صناعات كانت قبل عام تقريباُ أب 70 ريال والان 180 ريال وهاي متوسط طبعاُ وقود كانت أب 80 ريال والان مايقارب 140 ريال وناقلات كانت قبل أشهر أب 34 ريال والان 60 ريال اذا من الشركات الي ذكرتها أرتفاع الشركات يعتبر 100% وهناك العديد من الشركات أخواني سوق دبي جيد ولاكن يتعبر سوق قديم وهواميره عندهم خبره كبيره مقارنه أبسوقنا سوقنا نعم فه هوامير عندهم خبره بس لين أحين يعتبر سوق تحت الانشاء والله أيوفقكم جيمعاُ التنويع نعم مطلوب ولكن الافضليه هي الان لسوقنا ولا أخونا أعمار أيقول اذا تبي أتبيع كلها الاسفره أخوي بقولك شي السفره يمكن أتخسرني نص فوائدي ولا أنت شنو رايك (( تذكره + فندق + مواصلات + عشاء وغداء )) يعني 5000 ريال بتقول بااااااي عشان هاي السفره الصغيره وأتمنى التوفيق لكم جميعاُ معا أنه أنا متوقعه سرك نجاحك في بورصه دبي هو أنك مستثمر ولست مضارب ولو تتبع هاي الطريقه في بورصتنا بتدعي لي طوووووووووووووووال حياتك :nice:

كل عام وانتم بخير
وشكرا لكم على التوضيح :)

اقتباس:

---

المشاركة الأصلية كتبت بواسطة موادع قطر

ارباحي كل 3 شهر 200 الى 300 % في سوقالدوحه

والله على ما اقول شهيد

سوق واعد

---

لو تقول لنا الاستراتيجيه اللي تمشي عليها في السوق تسوي خير للجميع

فعلا الموضوع يستحق المتابعة والإهتمام ، ولكل وجهة نظر كل الإحترام ...
وأعتقد أن السوق الإماراتي سوق واعد ومعطياته إيجابية
وكل الشكر لك أخي أعمار على هذا الموضوع .

http://www.indexsignal.com/vb/showthread.php?t=34436
http://www.indexsignal.com/vb/showthread.php?t=33877

مشكور على النصيحة اخوي اعمار انا سمعت وايد عن سوق الامارات وانا مادري اي احسن سوق في الامارات سوق بوظبي ولا سوق دبي ياريت انك تفيدنا وهل يصير ان المستثمر يشتري ويبيع عن طريق الجوال واذا حد يبي يفتح حساب لازم يسافر ولا يقدر وهو في الدوحة يسوي كل شي ياريت تفيدنا

ارجو نقل الموضوع إلى الأسواق الخليجية

اقتباس:

---

المشاركة الأصلية كتبت بواسطة Pro

ارجو نقل الموضوع إلى الأسواق الخليجية

---

:nice: :nice: :nice: :nice:
:app: :app: :app: :app:

تاركين الاسواق الخليجيه كلها ومستثمرين عندكم في قطر وانتم تمدحون سوق دبي شيء يخوف

اقتباس:

---

المشاركة الأصلية كتبت بواسطة ريم

العفوا أخوي بس والله سوقنا ذهب والهوامير فيه حلوووووين يعني أهم شي نفهم تفكيرهم والله وانشالله راح نستفيد الاضعاف أخوي بقولك شي سوقنا متجه الطفره اقتصاديه قووووووووووية ومن أسباب هذه الطفره أولا دخووووول خدمه الوساطه سوقنا قريباُ وهي خدمه متخصصه بالتداول عبر النت وتم ربط عمان بها وهي متجه قريباُ لسوقنا في قطر وثانياُ السماح بدخول المحافظ القطريه وكذلك فكره السماح بالمحافظ الاجنبية بدخول السوق قريباُ ثالثاُ بداية السنة سوف يتم الانتهاء من خدمه الانترنت لداخل وخارج قطر وذلك مما سيجعل مرونه في التداول على أسهمنا رابعاُ أكتتاب البنكين الجدد والسماح للغير القطرين بنسبة ال 20% أعتقد بأنها فكره ذكيه جداُ وهي لجذب رؤوس الاموال من الخارج وعلى قولت خليجي بالمره نكتتب ونشتري أسهم خامساُ الوعي الاستثماري وكان واضح جداُ عند أغلب المستثمرين في حال الهبوط الشراء لان مهما كانت أسباب خروج السيوله من السوق هناك أسباب أخرى سوف تدعوا الا أعاده السيوله مضاعفه وبقوة وهو ماحدث في الايام الاخيره ونعوود لالاراقام التي حققت في الايام الفائته وسوف أذكر لكم ماتذكره صناعات كانت قبل عام تقريباُ أب 70 ريال والان 180 ريال وهاي متوسط طبعاُ وقود كانت أب 80 ريال والان مايقارب 140 ريال وناقلات كانت قبل أشهر أب 34 ريال والان 60 ريال اذا من الشركات الي ذكرتها أرتفاع الشركات يعتبر 100% وهناك العديد من الشركات أخواني سوق دبي جيد ولاكن يتعبر سوق قديم وهواميره عندهم خبره كبيره مقارنه أبسوقنا سوقنا نعم فه هوامير عندهم خبره بس لين أحين يعتبر سوق تحت الانشاء والله أيوفقكم جيمعاُ التنويع نعم مطلوب ولكن الافضليه هي الان لسوقنا ولا أخونا أعمار أيقول اذا تبي أتبيع كلها الاسفره أخوي بقولك شي السفره يمكن أتخسرني نص فوائدي ولا أنت شنو رايك (( تذكره + فندق + مواصلات + عشاء وغداء )) يعني 5000 ريال بتقول بااااااي عشان هاي السفره الصغيره وأتمنى التوفيق لكم جميعاُ معا أنه أنا متوقعه سرك نجاحك في بورصه دبي هو أنك مستثمر ولست مضارب ولو تتبع هاي الطريقه في بورصتنا بتدعي لي طوووووووووووووووال حياتك :nice:

---

شكرا على المشاركة أختي ريم بس انا ماقصد انه الواحد يخلي سوق قطر بالعكس سوق قطر فيه فرص رائعة والشاطر اللي يتبع هل فرص .. بس انا انصح بسوق الامارات من اللي شفته وربحته الحمدالله من وراه واللي اشوف انه الواحد فينا يقدر يحققه ...... الحمدالله تقريبا 15 شخص دخلوا سوق دبي وانا اللي شرت عليهم بهل شي وكلهم ربحانيين فوق اللي كانوا يتوقعونه وكله بفضل الله طبعا .....واذا عن الاسعار ترى الاسعار في سوق دبي عقلانية اكثر من سوقنا ...واهم شي اختي ريم انه الواحد يدرس الشي قبل لايبتدي فيه وانا كتبت هل موضوع عشان الكل يستفيد ويلتفت لسوق دبي ومب القصد انكم تخلون سوقنا لا بالعكس ....وعن تكاليف السفر هذه لها اكثر من طريقة عشان توفرين فيها....

اقتباس:

---

المشاركة الأصلية كتبت بواسطة الدوحة

مشكور على النصيحة اخوي اعمار انا سمعت وايد عن سوق الامارات وانا مادري اي احسن سوق في الامارات سوق بوظبي ولا سوق دبي ياريت انك تفيدنا وهل يصير ان المستثمر يشتري ويبيع عن طريق الجوال واذا حد يبي يفتح حساب لازم يسافر ولا يقدر وهو في الدوحة يسوي كل شي ياريت تفيدنا

---

مرحبا اخوي الدوحة شكرا على المشاركة ....

طبعا اول شي تسجل في موقع السوق وطلع لك رقم مستثمر وهل شي تقدر تسويه وانت في الدوحة ......عن طريق www.dfm.co.ae

وبعدين تفتح لك حساب في بنك من البنوك وانا انصحك بنك ابوظبي الوطني ( لانه عندهم شركة وساطة خاصة بهم ) ..(لهم فرع في رقة البطين-ديرة)
وتفتح حساب عند شركة وساطة ( ابوظبي للخدمات المالية ) .. فرعهم في سوق دبي

وبعدين خلاص تقدر تشتري وتبيع عن طريق الفاكس او الاتصال او المسج ...وقريب انشاء الله بيفتحون التداول اون لاين عن طريق النت ( في شركات افتحت وعلى نهاية السنة لازم كل مكاتب الوساطة يكون عندها هذه الخدمة اجباري ) ....

وتقدر يوميا تدخل على موقع السوق ووتشيك على تقاريرك وايش عندك من اسهم وبكم بعت وشريت ..( متوفرة هذه الخدمة ) ...

والله يوفقك

هلا فيك اخوي الكريم
اشكرك الصراحه على هالنصيحه الغاليه بارك الله فيك
والله يوفقك ان شاءالله في هالسوق وكل الاخوان هناك . .

وانا اراقب سوق دبي و ابوظبي

ملاحظ ان افضل الشركات فيها للوقت الراهن :

سوق ابوظبي:
- اسمنت راس الخيمه ابيض
- اسمنت راس الخيمه اسود
- سوداتيل

سوق دبي :
- دبي للاستثمار
- ارابتك ( العربيه للانشاءات )
- اللوجستيه

وهذه الصفحه هامه جدا للمتابعه :
http://www.tadawul.net/

يرفع لإستكمال الحوار