~::{ أجمل التبريكات لـ ya3coub .... & معماري قطري .... }::~

السلام عليكم ورحمة الله وبركاته

الحمدلله الذي بنعمته تتم الصالحات ..
وبفضله تتنزل الخيرات والبركات ..

:

نقدم اجمل التهاني والتبريكات لاخونا الصغير ( يعئوب ) بمناسبه عقد قرآنه ..
اللهم اجعله عقداً تنعقد به سعادته ..

‏https://www12.0zz0.com/2021/03/28/13/935702580.jpeg

:
:

وايضاً نهنىء اخونا الصغير ( معماري ) بمناسبه يوم ميلاده الـ ثلاثون بعد المئة .. :looking:
العمر المديد في طاعة المجيد .. وعسى الله يمدك بالصحة والعافيه ..

:


‏https://www12.0zz0.com/2021/03/28/13/679234582.jpeg


:

ومن هالمنبر معزومين كلكم عالغدا .. :yes:

‏https://www12.0zz0.com/2021/03/28/13/628714663.jpeg

بالنسبة ليعقوب معج حق.. لكن معماري حرام كبرتيه 37 سنة

اشدعوه !!؟ عيل حسبتي غلط :p

اقصد 73 سنة
130 - 73= 57 سنة والعمر كله يا معمارينا

عاد انا عطيته من عمري .. هو يستاهل ..
وانا ودي ( ارجع بنت سغيرة على سطح الجيران ) :tooth:

الف مبروك لهما معا اينما كانا وحيثما وجدا ( حبيت اطيل الجملة لأني فعلا اشتقت لهذا البيت الغالي واهله الكرام )
بس انتو ولا أحد منكم سأل ولا حتى زار المغرب ليبحث عني ههه
ستجدونني بين الزهور السنة هذه استثنائية والحمد لله الدنيا فاقت الخضرة والجمال بسبب غزارة الأمطار والحمد لله
الف مبروك وشكرا لسارة الوفية لبيتها العزيز

احنا الحسا ماشبرناها عشان نروح المغرب ندور عليك :eek2:
اكيد قاعد بين الشجر والورد وتصيدلك الاصفر :nono:

مكانك محفوظ اخونا سعيد والله يوفقك ويوفق الجميع ..
ومبروك عليكم المطر الجميل .. احنا هالسنه ماجانا شي .. :no:

يستاهل اخونا يعقوب و نهني اخونا معماري على الصحة و طول العمر راجين لهما التوفيق و السداد.

سؤال .. اشلون يا سارة عرفتي؟؟

انت مشكلتك ماتشارك الا في موضوعين :playball:
من جذي ماتدري عنا :yes:

اقتباس:

---

المشاركة الأصلية كتبت بواسطة ya3coub

اعترف انه رسميا تغيرت حالتي الاجتماعية

---

:

اقتباس:

---

المشاركة الأصلية كتبت بواسطة معماري قطري

بمناسبة الشهر الكريم عاد نبغي تسوين لنا بارتي ومعاها يوم ميلادي الثلاثين باأجله لين رمضان هو 30 - 3

---

اقتباس:

---

المشاركة الأصلية كتبت بواسطة SouthK

يستاهل اخونا يعقوب و نهني اخونا معماري على الصحة و طول العمر راجين لهما التوفيق و السداد.

سؤال .. اشلون يا سارة عرفتي؟؟

---

اخوي سارة ما شاء الله عليها مصورة حفلات وعندها خمستعش بالمية خصم للاعضاء.. وسارة بعد تشتغل شغلات مثل تجهيزات كراسي وديكور واتمنى لو كلنا نحذوا حذوها :nice:

اقتباس:

---

المشاركة الأصلية كتبت بواسطة سالم الزهران

اخوي سارة ما شاء الله عليها مصورة حفلات وعندها خمستعش بالمية خصم للاعضاء.. وسارة بعد تشتغل شغلات مثل تجهيزات كراسي وديكور واتمنى لو كلنا نحذوا حذوها :nice:

---

نحذو حذوها في وشو؟؟؟؟؟؟

اقتباس:

---

المشاركة الأصلية كتبت بواسطة سالم الزهران

اخوي سارة ما شاء الله عليها مصورة حفلات وعندها خمستعش بالمية خصم للاعضاء.. وسارة بعد تشتغل شغلات مثل تجهيزات كراسي وديكور واتمنى لو كلنا نحذوا حذوها :nice:

---

هههههههههههه ولا تنسى ال DJ :tease:
الحين معماري قاعد عالبسفور يشرب قهوة وياكل كنافة مع الهوا اللي يرد الروح ..
واحنا هني قاعدين في هالهوا يصفق فينا :weeping:

:

اقتباس:

---

المشاركة الأصلية كتبت بواسطة SouthK

نحذو حذوها في وشو؟؟؟؟؟؟

---

يتغشمر يبه :nice:

يتغشمر يبه :nice:[/COLOR][/QUOTE]

سالم له نظرة ثاقبة ... عقب فهد سجنتشر بيكون في ساوث سينتشر.

اووووووب اوووووب اوووووووب
عاد نبي خصومات حق عيالنا .. احنا راحت علينا :weeping:

اقتباس:

---

المشاركة الأصلية كتبت بواسطة sara jsm

هههههههههههه ولا تنسى ال DJ :tease:
الحين معماري قاعد عالبسفور يشرب قهوة وياكل كنافة مع الهوا اللي يرد الروح ..
واحنا هني قاعدين في هالهوا يصفق فينا :weeping:
:nice:

---

معماري يالس ف السيارة يشرب جاي من نوع خاص، ما اقول لكم ارستقراطي ما ينزل ع البسفور ههههه

اقتباس:

---

المشاركة الأصلية كتبت بواسطة SouthK

يتغشمر يبه :nice:[/COLOR]

---

سالم له نظرة ثاقبة ... عقب فهد سجنتشر بيكون في ساوث سينتشر.[/QUOTE]

الله يستر عليك من نظرنا يا ساوث.. ولا يأس مع الحياة :thumbup1:

اقتباس:

---

المشاركة الأصلية كتبت بواسطة sara jsm

السلام عليكم ورحمة الله وبركاته

الحمدلله الذي بنعمته تتم الصالحات ..
وبفضله تتنزل الخيرات والبركات ..

:

نقدم اجمل التهاني والتبريكات لاخونا الصغير ( يعئوب ) بمناسبه عقد قرآنه ..
اللهم اجعله عقداً تنعقد به سعادته ..

‏https://www12.0zz0.com/2021/03/28/13/935702580.jpeg

:
:

وايضاً نهنىء اخونا الصغير ( معماري ) بمناسبه يوم ميلاده الـ ثلاثون بعد المئة .. :looking:
العمر المديد في طاعة المجيد .. وعسى الله يمدك بالصحة والعافيه ..

:


‏https://www12.0zz0.com/2021/03/28/13/679234582.jpeg


:

ومن هالمنبر معزومين كلكم عالغدا .. :yes:

‏https://www12.0zz0.com/2021/03/28/13/628714663.jpeg

---

اللهم امين الله يجزاكم خير على هالفرحة اللي افرحتني صج

الكيكة اعجبتني

يسلمووو اختي سارة

عساك من فرح الى فرح يامهندسنا الغالي يعقوب

وعلى البركه تستاهل ماديرت ومنك المال ومنها العيال

اقتباس:

---

المشاركة الأصلية كتبت بواسطة ya3coub

اللهم امين الله يجزاكم خير على هالفرحة اللي افرحتني صج
الكيكة اعجبتني
يسلمووو اختي سارة

---

تستاهل يعقوب وفعلا كنت محتاج هالنقله في حياتك ..
تشوف الحياة بلون مختلف :thumbup1: الله يبارك لكم يااخوي

:

اقتباس:

---

المشاركة الأصلية كتبت بواسطة نفسي عزيزه

عساك من فرح الى فرح يامهندسنا الغالي يعقوب
وعلى البركه تستاهل ماديرت ومنك المال ومنها العيال

---

اللهم امين ..
يالله الفال لك لو فيك خير :eek2:

اقتباس:

---

المشاركة الأصلية كتبت بواسطة sara jsm

تستاهل يعقوب وفعلا كنت محتاج هالنقله في حياتك ..
تشوف الحياة بلون مختلف :thumbup1: الله يبارك لكم يااخوي

:


اللهم امين ..
يالله الفال لك لو فيك خير :eek2:

---

يمه منج ههههههههههههههههههههههه

فيني خير بس جبان :shy: :taunt:

اقتباس:

---

المشاركة الأصلية كتبت بواسطة نفسي عزيزه

يمه منج ههههههههههههههههههههههه

فيني خير بس جبان :shy: :taunt:

---

ههههههههههههههه الفال لعيالك ان شاءالله :victory:

تستاهلون تستاهلون
والفال للباقي يارب . . .

اقتباس:

---

المشاركة الأصلية كتبت بواسطة مستر بن

تستاهلون تستاهلون
والفال للباقي يارب . . .

---

ماباقي الا اثنين ماادري ثلاثه :p

أووه شهالموضوع الدسم

كان اليوم ممل غير عن أمس أمس كان فيه شوية أكشن ورحنا البر واستمتعنا .. هالموضوع طير الملل

مشكورين دخلت رسمياً ال 58 والله يعطيكم كلكم الصحة والعافية وراحة البال

يعئوب خيو

مبرووووووووك قد شوارع قطر ومبروك قد حبات المطر ومبروك بريحة الورد والعطر

أسأل الله أن يبارك لكما وأن يرزقكما الذرية الصالحة وأن يرزقكما الحب والمودة، وأن يلهمكا الاستقرار والاجتماع دوماً فى طاعته وعلى حبه

اقتباس:

---

المشاركة الأصلية كتبت بواسطة معماري قطري

يعئوب خيو

مبرووووووووك قد شوارع قطر ومبروك قد حبات المطر ومبروك بريحة الورد والعطر

---

الله يبارك فيك ياخوي معماري

اقتباس:

---

المشاركة الأصلية كتبت بواسطة معماري قطري

مشكورين دخلت رسمياً ال 58 والله يعطيكم كلكم الصحة والعافية وراحة البال

---

ماشاءالله عقبال عمر الديناصورات :strong

الله يبارك بحياتك اخوي بو عبدالله والاخوة الباقين، كل عمر يتهيأ له أشياء زينه ولا ليش قالوا الحياة حلوة! ف الوقت هذا أهم شي ما تاكلش سمك ولا بيض ؛)

اقتباس:

---

المشاركة الأصلية كتبت بواسطة ya3coub

اللهم امين الله يجزاكم خير على هالفرحة اللي افرحتني صج

الكيكة اعجبتني

يسلمووو اختي سارة

---

ما شاء الله تبارك الرحمن ، وإن تأخرنا شوي ولكن ندعوا ونقول ( باركَ الله لكما وبارَكَ عليكما وجَمَعَ بينكما في خير )

الأخت العزيزة ( ســــارة ) كريمة ، وانت يالغالي كفو وتستاهل ، وعقبال ما تفرح إن شاء الله بعيالك ،، آآآمين

أسأل الله عَز وجَل أن يجعلها تسرُّكَ إن نظرت إليها وأن تُطيعُكَ إن أمرتها وأن تحفظكَ إن غبت عنها

ودُمتم بأمان ،، وحِفظ الرحمن

الفال لك بوماجد نفرح فيك :strong

اقتباس:

---

المشاركة الأصلية كتبت بواسطة sara jsm

الفال لك بوماجد نفرح فيك :strong

---

باقولها وبالبؤ المليان ( الله لا يغيّر علينا ) والبركة في العيال إن شاء الله

قبل الزواج كنت ناوي "على الأقل" آخذ زوجتين ؛ وكنت حاس بأني راح أكون عادل "نسبيا"

ولكن بعد الزواج غيّرت رأيي في مسألة التعُدُّد ، وراح أستشهد بقول العزيز الحكيم ( وهل جزاء الإحسان إلا الإحسان )

أثناء فترة الملكة أهلي رجعو لي نص المهر !! وبعد الزواج لما أبديت لهم تقديري لهذي الخطوة العظيمة والمُقدّرة والنادرة

قالو لي: لولا الكوشة والذهب وخرابيط النسوان هذي كان رجعنا لك المهر كله !! لأن اللي مثلك ينشرا بماي العين !!!

ذلك وباختصار شديد .. بالطيب والحُب والكرامة والتقدير قررت الإكتفاء لأن كفة الميزان رجّحت هذا الجانب ؛

استغفرالله العظيم !!!! الحين من جاب طاري الزواج !!؟ :nono:
شكله في خاطرك بس خايف نفس بعض الناس :app2:

انا اقصد نفرح في يوم ميلادك وتجيب لنا كيكة وتوزع علينا هدايا ونفرح كلنا :tooth:

اقتباس:

---

المشاركة الأصلية كتبت بواسطة sara jsm

استغفرالله العظيم !!!! الحين من جاب طاري الزواج !!؟ :nono:
شكله في خاطرك بس خايف نفس بعض الناس :app2:

انا اقصد نفرح في يوم ميلادك وتجيب لنا كيكة وتوزع علينا هدايا ونفرح كلنا :tooth:

---

الظاهر أن ( نفرح فيك ) عند النسوان تختلف عَنّا احنا يالرياييل :con2:

شكلك لا تفقهين حتى مَبادئ القانون ولا مَر عليك شخص قانوني !! طبعاً أنا مش قانوني مَعَ الأسف crazy

ولكن اشتغلت معاهم وتشرّبت منهم الكثير وأكثر شي تعلمته منهم هَو "على سبيل المثال"

التمييز بين الأبيض والأسود وتجنب الخوض في المنطقة الرمادية أو الضبابية !!

على كل حال .. انتي بعد إن شاء الله نفرح فيك وتصكين الـ 100 :pic:

لاحظي طال عمرك بأني حددت فرحتنا فيك مربطها وين :dance

الف الف مبرووك لاخونا يعقوب

والعمر كله يابوعبدالله :shy:

تعال ياخوي نسينا ابو عبدالله :con2:

أطال الله عمرك في طاعته وفي الخير وفي كل ما يرضي الله سبحانه

ويزيدك من كل علم نافع وأن ينفعك بما علمك ويزيد مِن خيري الدنيا والآخرة .. آمين

عسى الله يهدي اللي في بالي !! مدخلة الموضوعين مع بعض crazy

لكن تدرين أختي ســـــارة ؟! فعلا وعلى قولتهم تصير الفرحة فرحتين :con2:

اقتباس:

---

المشاركة الأصلية كتبت بواسطة نفسي عزيزه

الف الف مبرووك لاخونا يعقوب

والعمر كله يابوعبدالله :shy:

---

الله يبا ك فيك ياخوي نفسي عزيزة،

مرت سنه عالملجة، الوقت يطير سبحان الله، والله يبارك للجميع يارب و يرزقنا الذرية الصالحة ان شاء الله.

اقتباس:

---

المشاركة الأصلية كتبت بواسطة أبوماجد

انتي بعد إن شاء الله نفرح فيك وتصكين الـ 100 :pic:

لاحظي طال عمرك بأني حددت فرحتنا فيك مربطها وين :dance

---

ان شاءالله ياااااااااارب اصك ال100 مليون :dance