السلام عليكم
حبيت اسألكم عن مبرد الماي بالتانكي فوق السطح
شنو أفضل نوع؟
اسمه؟ سعره؟
حبيت أركب ببيتي مع بداية الصيف وأقووول : وداعاً للماء الحاررررررررررررر
وشكرا للكل
عرض للطباعة
السلام عليكم
حبيت اسألكم عن مبرد الماي بالتانكي فوق السطح
شنو أفضل نوع؟
اسمه؟ سعره؟
حبيت أركب ببيتي مع بداية الصيف وأقووول : وداعاً للماء الحاررررررررررررر
وشكرا للكل
اسأل خبير البنيان
بوحارب
تدمر يابوخالد والحق عليهم لان عندهم تنزيلات ..
السعر حسب حجم الخزان بس تقريبا بين 3-6 الالف ..
انا مجرب الاثنين سابقآ المبرد من تدمر وحاليا مروحه
واشوف المروحه افضل بشرط عزل البيبات ورفعها عن خرسانة السطح
وتركيب تايمر يشتغل حول الضحى لين قبل المغرب .
والقرار لك
الحمد الله انا مركب من سنتين عند عربي قطر عندهم محل في طريق سلوى قرب مخابز الهدى والحمدالله تغير الوضع قبل كنت مركب مروحه فرق السما عن الارض الحين الماي بارد
ولحد يقول مروحه اكب خطأ هالمروحه
يمكن ياخوي تفرق الشركات عن بعض الي مركبها بالبيت عندي ممتازه حول 3 سنوات وهي عندي وشلتها من البيت الي كنت مستاجره الي البيت الي توني ساكنة شهر 9 الماضي والى الان شغاله 100% ولاحظ فرق السعر بينهم وكثرة اعطال المبرد . والاهم عزل البيبات ورفعها عن خرسانة السطح والتانكي الي فوق لازم يكون فيه فتحات تهويه
ركبنا من عند تدمر سنة 2016 اكبر جهاز وحطيت طبيلة على التانكي الي فوق السطح
الجهاز مع مكيف التبريد اعتقد حول 15 والطبيلة 2500
ماشاءالله اتحدى اي واحد في البيت يخليه في عز الصيف على اخر شي بارد ماحد يقدر من قو برودته راسك يعورك
السلام عليكم ورحمة الله وبركاته
كيف حالك اخوي بوعبدالله وكل عام وأنت بخير ،، أرى معظم الحلول المذكورة ، بمبدأ الحل بمشكلة أكبر ،، عندما نضع مبرد عبارة (unit split air conditioner) على الخزان العلوي ، وينزل ماء بارد جداً فيضطرون الاستعانة بسخان ، حتى يضبط الحرارة ، أى يعني نشغل جهازين في وقت واحد لحل مشكلة الماء الحار ، يجب علينا ايجاد حلول اقتصادية وعملية وغير مكلفة ، وشكراً
الموضوع في وقته.. قاعد ادور وشفت اعلانات في مزاد قطر للمراوح حوالي 1400 وللمبرد 2600 .
تدمر شفت البروشور وجهازهم بحريني .. هل مازال نفسه والا تغير!
وتجربتي الحالية مع المبرد من ميسلون سيئة جدا.. سنة وكم شهر واخترب ..قبل ركبت مروحة الحرم وعاشت 3 سنين وكانت ممتازة وركبت غيرها ام تايمر ماكانت تبرد ولا لها اي تأثير
شكرا لكل من شارك
اليوم الخميس رحت محلين
عربي قطر : عندهم مبرد 2 طن بسعر 2850 ريال وضمان 5 سنوات
تدمر : 2 طن ب 3160 ( خصم خاص لوزارتنا ) وقبل الخصم ب 3900
ضمان 5 سنوات
شريت من تدمر والتركيب الأربعاء الجاي
موفق بوخالد فعلا تدمر وايد زينه ..
عندي مبرد استخدمة من 5 سنوات تقريبا .. وللحين شغال تمام ..
الله يبرد عليكم :victory: