تاريخ ارتفاع اسعار السيارات في قطر بتصريحات رسميه

السلام عليكم و رحمه الله

حديث الساعه عن ارتفاع اسعار السيارات


ارتفاع الاسعار ليس وليد اللحظه او قله الرقائق الالكترونيه او افضليه التجهيزات في السيارات المستورده لقطر

بل ايضا احتكار عند بعض الوكالات

منذ 2010 و الحكومه تعلن رسميا بأن الاسعار مبالغ بها بل و تهدد بالغاء نظام الوكيل ان استمر هذا الوضع

رابط لتصريح رئيس الوزراء الاسبق عن ارتفاع السلع و السيارات 2010

http://www.qatarshares.com/vb/archiv.../t-364776.html

اضافه الى تصريح و تهديد بالغاء نظام الوكالات ان استمر الوضع

http://www.qatarshares.com/vb/archiv.../t-369422.html

نحب ان نذكر ان بعض التجار انكر ارتفاع الاسعار و الاحتكار قبل تصريحات الحكومه لكن التصريحات كشفت المستور
و نعرف بالاسم من انكر وجود الاحتكار و الشيخ جوجل يظهر كل التصريحات

عندما تدخلت الحكومه بدأت الاسعار و الخدمه تتحسن لامتصاص الغضب المعلن رسميا و اعطيت حمايه المستهلك صلاحيات اضافيه و الكل لاحظ التغيير في الاسعار و الخدمات و اعطاء الحقوق من الضمان الممددة و خدمه ما بعد البيع

عدنا من جديد لرفع الاسعار او مونوبولي ندره السيارات في الوكالات و كثرتها في المعارض

من المخزية ان تصل الحاله لعرض المشكله في شاشات التلفزيون و حلقات تتحدث عن اسعار السيارات

40 الفارق بين اسعار قطر و اسعار الدول المجاوره

لا اتكلم عن سيارات فارهه او السوبر كارز اتكلم عن سيارات يابانيه رباعيه

سياره بمواصفات اعلى بكثير من مواصفات وكاله قطريه سعرها يقل بثلاثين الف و اكثر

سيارات بنفس مواصفات وكاله بقطر تباع في الامارات ب 185 الف و عندنا ب 225 تقريبا. و اقول تقريبا حتى لا يجد احد منفذ قانوني لاتهامنا بتشويه سمعه او قذف يجرمه القانون


هل نحتاج ان نراسل رئيس الوزراء الاسبق لاخذ تصريح بارتفاع اسعار السيارات مره اخرى لاثبات الحاله ام ستتدخل الحكومه مره اخرى لوقف هذه المسرحيه الهزليه كما حدث في 2010

بالنهايه ارجو ان تكون التعليقات من الاعضاء حذره حتى لا يتعرض احد للمسائلة القانونيه

دمتم بود

اقتباس:

---

المشاركة الأصلية كتبت بواسطة ابو عبدالله.

بالنهايه ارجو ان تكون التعليقات من الاعضاء حذره حتى لا يتعرض احد للمسائلة القانونيه

---

هالسطر بروحه تهديد :taunt:
تتوقع يااخوي ان الحكومة ماتدري !!!؟ :unsure:

انا قمت اقاطع كل شي ارتفع سعره بشكل مبالغ ..
الا الادوية لاني مضطره عليها لكن باقي السلع ماراح اموت بدونها ..
وعموما السوق عندنا يبي له وقفه شعب مب الحكومة ..

احنا يوم ارتفعت الاسعار مانفعت حملة المقاطعه
تلقى الناس تطالب بالمقاطعة بس مانقاطع
وتلقى البعض من الي يتحلط على ارتفاع اسعار سيارات او غيرها هو اول واحد يشتري ويبع بسعر الدبل بس اذا جات عليه قال لازم ينزلزن الاسعار وتحصل بعضهم (هوامير) هههههه
عن نفسي اشتري البديل الممتاز او الجيد وسعره ممتاز السيارات لو حصلت بالدول المجاوره اقل من عندنا بشتري حتى الاثاث ومواد التشطيب لو اشتري من برى اهم شي مايكلونا هالتجار

باختصار شديد يجب معاقبة التجار المحتكرين عندنا
وهم معروفين لدى الحكومة ,,,,,,,,,,,,,,,,,,,اذا بقت الحكومة تحل الموضوع بتحله وبس

اقتباس:

---

المشاركة الأصلية كتبت بواسطة sara jsm

هالسطر بروحه تهديد :taunt:
تتوقع يااخوي ان الحكومة ماتدري !!!؟ :unsure:

انا قمت اقاطع كل شي ارتفع سعره بشكل مبالغ ..
الا الادوية لاني مضطره عليها لكن باقي السلع ماراح اموت بدونها ..
وعموما السوق عندنا يبي له وقفه شعب مب الحكومة ..

---

صادقة يدرون بكل شيء والتصاريح السابقة استوى شغل عليها أحيوا به وكالات معينة تحت ادارة الفردان وأشوفها إدارة ناجحة وشيء جيد اللي سووه .. ياليت يفترون بعد على الوكالات الباقية مثل التيوتا واللكزس ليش ما نقول بس نعاني بصمت هههههه والفورد والمرسدس بعد عليها ملاحظات وإن كانت أقل من البقية .. الأودي جيدة وكالتها وخدمتها

سؤال محد حاول يخاطب بعض الشركات اللي تبيع السيارات بالجملة على دكاكين المستعمل؟

صدقوني بيحققون ويمكن نشوف الوكالة تغيرت بأسرع وقت والا من المصنع يفتحون الوكالة للي يبغي .. خصوصاً التيوتا واللكزس مصانعهم مهتمين ومتابعين الوكيل والوكالة ويشوفون كل شيء زين بعيونهم الصغيرة لكن ما يدرون إن هالسيارات تباع برا الوكالة وبسعر عالي والوكيل يبيعها على ناس تتاجر فيها وما تشتريها حتى تستعملها

اقتباس:

---

المشاركة الأصلية كتبت بواسطة sara jsm

هالسطر بروحه تهديد :taunt:
تتوقع يااخوي ان الحكومة ماتدري !!!؟ :unsure:

انا قمت اقاطع كل شي ارتفع سعره بشكل مبالغ ..
الا الادوية لاني مضطره عليها لكن باقي السلع ماراح اموت بدونها ..
وعموما السوق عندنا يبي له وقفه شعب مب الحكومة ..

---

صباح الخير

تحذير مش تهديد. خبرك البعض يبي كلمه عشان يشتكي و يعلم البقيه ان لا يتكلمون. كلن عنده جيش من المحامين عشان يحمي موقفه و يصطاد اي منتقد

الحكومه وقفت مع المجتمع في 2010 وبعدها. لكن الان نريدها ان تقف معنا مره اخرى

الحمد لله كل ما عانينا و تكلمنا من شي الا و ساعدت.

طلبنا قاعات افراح و سوتها. طلبنا زيادات راتب و عطتنا. و بدل سكن للمتقاعدين و حطوها. الخ

فما عندي شك ان تسمع صوتنا في هذا الموضوع

المقاطعه او الامتناع عن الشراء امر صعب بحكم طبيعه مجتمعنا لكن تدخل الحكومه وارد جدا

مثلا. فتح او السماح بوجود موزعين او افرع لشركات خليجيه بقطر سيغير قواعد اللعبه
قبول قطع غيار من الدول الخليجيه بدون شهادات المنشأ لانها دخلت دول التعاون بقواعد خليجيه اصلا. يخلق تنافس بسوق الغيار

يوجد محل في بروه الوكره يستورد غيار من دول مجاوره للالماني و اسعار بعض القطع و تصليحها ربع تكلفه الوكالات
اذكر من كم سنه عنده هيدروليك جانبين ب 3500 كامل مكمل لو بالوكاله يمكن فوق 16 الف مع التركيب طبعا

اسمح لكراجات باستيراد غيار من الخليج او غيره و بعضهم يعطيك ضمان عليها حتى من المصنع

اقتباس:

---

المشاركة الأصلية كتبت بواسطة qatari911

احنا يوم ارتفعت الاسعار مانفعت حملة المقاطعه
تلقى الناس تطالب بالمقاطعة بس مانقاطع
وتلقى البعض من الي يتحلط على ارتفاع اسعار سيارات او غيرها هو اول واحد يشتري ويبع بسعر الدبل بس اذا جات عليه قال لازم ينزلزن الاسعار وتحصل بعضهم (هوامير) هههههه
عن نفسي اشتري البديل الممتاز او الجيد وسعره ممتاز السيارات لو حصلت بالدول المجاوره اقل من عندنا بشتري حتى الاثاث ومواد التشطيب لو اشتري من برى اهم شي مايكلونا هالتجار

---

اتفق معاك اخوي.
احيانا وارد الخليج يحييك. انا اشتريت فورويل 2022 اول سنته وارد الخليج و فيه 8 مواصفات لا توجد بالوكيل عندنا حتى اعلى فئه ما فيها هالمواصفات
شاشه كبيره و رنجات عشرين و اربع كاميرات الخ. و السعر اقل من سعر ابسط فئه لهذا الموتر

اقتباس:

---

المشاركة الأصلية كتبت بواسطة السيف5

باختصار شديد يجب معاقبة التجار المحتكرين عندنا
وهم معروفين لدى الحكومة ,,,,,,,,,,,,,,,,,,,اذا بقت الحكومة تحل الموضوع بتحله وبس

---

لهذا نتكلم و ننتقد. عشان يعلى الصوت و ينسمع. يكفي ان البعض وكيل حصري. يجي و يكملها و يخلي الاسعار نار. ليش

هذا و احنا بدون ضريبه مضافه للحين. عيل اذا حطوا الضريبه ايش بنسوي

اشوف في التيك توك عروض لمعارض خليجيه انصدم من اسعارهم و الاوبشن فيها

حتى سياره كهربائيه ب 120 واقل شامل الضريبه عندهم. و هنا بالمعارض ب 160 الف. لين متى. يعني

اقتباس:

---

المشاركة الأصلية كتبت بواسطة معماري قطري

صادقة يدرون بكل شيء والتصاريح السابقة استوى شغل عليها أحيوا به وكالات معينة تحت ادارة الفردان وأشوفها إدارة ناجحة وشيء جيد اللي سووه .. ياليت يفترون بعد على الوكالات الباقية مثل التيوتا واللكزس ليش ما نقول بس نعاني بصمت هههههه والفورد والمرسدس بعد عليها ملاحظات وإن كانت أقل من البقية .. الأودي جيدة وكالتها وخدمتها

---

بعض الوكالات ع الاقل يوفر قطع غيار. في غيرهم تنطر شهور عشان رنق او قطع بسيطه يحرقون قلبك ع مئات الالاف الي دفعتها بالموتر

خل الضمان يخلص و بعدها راوني كيف ينباع الموتر او بكم. يخلونك تفكر تتبرع فيه للخيريه و ما ياخذونه بعد ههههه

اقتباس:

---

المشاركة الأصلية كتبت بواسطة معماري قطري

سؤال محد حاول يخاطب بعض الشركات اللي تبيع السيارات بالجملة على دكاكين المستعمل؟

صدقوني بيحققون ويمكن نشوف الوكالة تغيرت بأسرع وقت والا من المصنع يفتحون الوكالة للي يبغي .. خصوصاً التيوتا واللكزس مصانعهم مهتمين ومتابعين الوكيل والوكالة ويشوفون كل شيء زين بعيونهم الصغيرة لكن ما يدرون إن هالسيارات تباع برا الوكالة وبسعر عالي والوكيل يبيعها على ناس تتاجر فيها وما تشتريها حتى تستعملها

---

اذا انا وكيل مستعد اطلع ورق يثبت عدم الاحتكار. المعارض زبون و يجون يحجزون مواتر عندك شي بعد. هههههه

الا قول. هل تفرض الحكومه نظام للحجز يثبت الحقوق للزبون الي طالب موتر

يعني واحد يحجز موتر و ينقال له انطر شهرين. بعد اربع شهور يراجعهم يقولون ما وصل للحين. مثل هالكلام من بيفتش اذا صار تلاعب بالحجوزات

اقتباس:

---

المشاركة الأصلية كتبت بواسطة ابو عبدالله.

بعض الوكالات ع الاقل يوفر قطع غيار. في غيرهم تنطر شهور عشان رنق او قطع بسيطه يحرقون قلبك ع مئات الالاف الي دفعتها بالموتر

خل الضمان يخلص و بعدها راوني كيف ينباع الموتر او بكم. يخلونك تفكر تتبرع فيه للخيريه و ما ياخذونه بعد ههههه

---

صادق استوت البي ام والرنج والرولز بس وقت الضمان والصيانة بعدها اشرد .. عندنا بي ام 4 سلندر يفترض اقتصادية انتهى ضمانها ومددنا الصيانة طلعت الصيانة بس للقطع الاستهلاكية وبعضها .. طلع تسريب للماي فيه تحت خزان صغير بلاستيك هذا يبغي تبديل .. قالوا تبديله ب 2000 وشوي واللي كشفه كراج ثاني قال لي ودوها الوكالة كان مفكر صيانتها على الضمان .. المهم صاحب الكراج قطري وواحد من الأصدقاء القديمين تربطني به علاقة طيبة كلمني وسئلني عن السيارة قلت سويناها وكلفت 1600 بعد الخصم .. قال انا عارف لها وموضوعها سهل وما يكلف 200 ريال بس قلت ودها مفكر ضمانها ما خلص لو خلص ينهبونك نهب

اقتباس:

---

المشاركة الأصلية كتبت بواسطة ابو عبدالله.

اذا انا وكيل مستعد اطلع ورق يثبت عدم الاحتكار. المعارض زبون و يجون يحجزون مواتر عندك شي بعد. هههههه

الا قول. هل تفرض الحكومه نظام للحجز يثبت الحقوق للزبون الي طالب موتر

يعني واحد يحجز موتر و ينقال له انطر شهرين. بعد اربع شهور يراجعهم يقولون ما وصل للحين. مثل هالكلام من بيفتش اذا صار تلاعب بالحجوزات

---

المهم هم يدعمون الرياضة والفروسية خلاص انا هذا اللي يهمني رياضي من الطراز الأول وفارس متقاعد

بالنسبة لي متفرج

الستاندر صار ب 255 :swoon:

دنيا خرابهي

السلام عليكم

طلعت فيديوهات فجاه لمواتر من ثلاث سنوات الناس تبي حجز لها و مش متوفره

النكته ان بعضها مسترجع و ممشاه اصفار هههه

على مقوله عبدالناصر درويش. اشششششششلوووووون

الجهات المعنيه. والله واضحه و ضحك على الذقون. و احنا ما تمشي علينا و انتم اعلم منا

خذوا لكم لفه على البقيه و سمعونا صوتكم و اعلاناتكم بالصحف. اذا كنتم جادين بالحماية

وبيرجعون الناس يشترون وكان الله غفوراً رحيما :tooth:

الشكوى مستمرة من ارتفاع الاسعار و هذا شيء لا يخفى على احد و لا حل سوى ان يقوم المستهلك بعدم الشراء و هذا مستبعد تماما!

من فترة بدأ وكيل معتمد في قطر بعرض سيارات شبه اصفار (يعني ممشاها قليل جدا لا يزيد حتى عن 30 كيلو متر) و عمرها سنتين و سعرها بطبيعة الحال أقل من موديل السنة و إن كان مرتفع نسبيا ..

سؤالي هو وين كانت هالسيارات مدفونة؟؟؟ في مخازن الشركة أو الوكيل في يبحث عن الربح حتى لو بارت البضاعة؟