عرض للطباعة
السلام عليكم جميعا
اخواني بيتي حاليا مكيفات وندو و اريد ان اغير لين مكيفات سبيليت
طبعا هو غير مؤسس بالبيبات الداخليه، مع العلم ان الخريطه كانت سبيليت
هل ممكن احصل مقاول او مهندس يشوف البيت ويقول لي او يعمل التغييرات اللازمه في البيت طبعا بدون مايبين من الخارج بصوره بشعه
هل حد جرب .. وكان الشغل محترف
للعلم البيت فاضي وتحت الصيانه
وشكرا
وعليكم السلام ..
محلات المكيفات يسون لك اذا تمديدات خارجية ..
وعقب تغطيه بـ أي شكل تجميلي من الجي ار سي ..
بس اذا تبي شكل مرتب كلم اي مقاول وممكن من خلال الخرايط يلقى لك حلول بدون تكسير ..
لان التكسر يضر الجدار ويخليه يضعف وتزيد الكركات فيه ..
الله يوفقك ..
الموضوع شوي معقد أكثر ويحتاج حساب الحمل الكهربي هل هو كافي أو لا وإذا يحتاج تقوية تدخل في إجراءات معينة وإذا لا بعد كذلك تمديدات وتوصيلات
حل معماري بيكون سهل هو إنك تعيد توزيع أثاث البيت ويمكن تعدل شوي في الفتحات وأماكن المرور وتخلي التكييف جهة الحوائط الخارجية وبيكون قريب لكهربة التكييف الحالي ومنها تمدد بسهولة للوحدة الخارجية والداخلية وتخلي الوحدات في الحوش على الأرض على قواعد خرسانية
عليك بشركه كهرباء زينه ومرخصه تشوف التمديدات والاحمال الكهربائيه ,, ومقاول فاهم شغله ..
والله يعينك على مشاكل الاسبلت ياخوي
شكرا ع الرداقتباس:
المشاركة الأصلية كتبت بواسطة sara jsm
محل المكيفات قال لي لازم يكون جاهز
خلينا في موضوع المقاول انا ابغي مقاول فاهم ويسوي لي حلول
انا عندي افكار بس ابغي المقاول يرتب لي افضل من منطلق عط الخباز خبزه
اقتباس:
المشاركة الأصلية كتبت بواسطة معماري قطري
شكرا معماري
جميع التصورات حطيتها بس ابغي المقاول او المهندس يعطيني افضل الحلول ويطبقها طبعا
سواء من جانب الكهربه او البيبات الخ
هذا الهدف من سوالي لكم اخوانياقتباس:
المشاركة الأصلية كتبت بواسطة ولد المنصور
يفضل من تجربه
ولا المقاولين واجد لكن الود غلاب
من تجربة مكيفات قري 8 سنوات سبليت و ندو لحد الان زينهاقتباس:
المشاركة الأصلية كتبت بواسطة ولد المنصور
مادري كان الجدد صارو اي كلام
تبغي مقاول كهرباء ومهندس عندي بس إحتمال مشغول هو شغال مع شركة حمد بن خالد ودوم مشاريعهم كبيرة بس ممكن يعطيك حد يكون فاضي وشغلتك بتكون سهلة وتافهة لو الحمل الكهربائي عندك يكفي وهذا أي كهربائي عادي يفهم فيه ويقدر يقيسهاقتباس:
المشاركة الأصلية كتبت بواسطة جرس الإغلاق
ولا عليك امر طرشه على الخاصاقتباس:
المشاركة الأصلية كتبت بواسطة معماري قطري
خل نشوف شوضعه
بريدك مليان وخلاص لتشوف وضعه انا كلمته ويعتذر والله يوفقك
طمني يقول الوضع الحين مع المكيفات يختلف .. السبلت موفر للطاقة ويركب بسهولة حتى على نفس الوايرات .. عاد مشكلة التمديد وين يكون خارجي أو داخلي وشلون تخفيه هذي تعتمد عليك شتبغي وكل مسار ممكن ومثل ما شرحت لك تركيب الوحدات الخارجية ممكن يكون جانبي على الأرض في الحوش
ولو تبغي تركب فوق السطح ممكن بس تسوي دكتات للكهرباء وللبايبات مالت الغاز وتقدر تخفيها بطابوق يكون بارز شوي والا سيبوريكس والا اللي تشوفه يمشي بعد حتى اسمنت بورد وداخل مجوف بس حماية البايبات من الحرارة الخارجية ضروري بعازل فلين أو صوف صخري
يعطيك العافيهاقتباس:
المشاركة الأصلية كتبت بواسطة معماري قطري
الوايرات ماظن في مشكله
هنا القمنده
مشكلة التمديد
ان الكمبرسر يكون ع الارض ف الحوش مشكله 11 مكيف منسدحه ف الحوش مش مقبول
و معلقين ع الطوف بدون بيبات شكل البيت بيكون جنه من الثمانينات<< الا اذا اضطريت حق كم مكيف مخشوشين
وصلنا حق الدكتات.. ،اعتقد هنا الحل عشان كذا طلبت صاحب تجربه او مهندس/ مقاول شاطر
https://e.top4top.io/p_1885w5tl32.jpeg
تخيل بيتك يكون جذي :) خل نغثك شوي :happy:
انت لازم تكلم اللي بناء لك البيت عشان يقدر هو يمدد لك بدون لايضر المبنى ..
وهل حطيت طبقه العزل عالسطح خلاص ولا لا ؟
:
عندنا جار غطى جهه وحدة من بيته بفلين كامل وتالي ركب عليه اسمنت بورد ..
مايبين كلش ان الطوفه ملبسه ..
بعد هذي فكرة اذا مددت من برع .. فالبيبات ممكن تكون مخشوشه ومايبين ..
كل هالامور يعتمد عالخرايط او على اي مرحلة وصلت بالبيت ..
حتى لو كانت التغطية جزئية والبايبات ممددة لوارش السطح العملية سهلة ويقدر يركب بايبات عريضة دخول بيب الغاز فيها يكون سهل وتبديله أي وقت بعد سهل وتغطيتها حتى بطابوق كل البروز بيكون بحدود 10 سم لو يبغي أو 20 للطابوق العريض وينعمل بلاستر وصبغ نفس البيت ويكون جزء بس بارز من الجداراقتباس:
المشاركة الأصلية كتبت بواسطة sara jsm
بالنسبة لي هذي الصورة تمشي وبالعكس سهلة للصيانة وتمديد البايبات قصير يعطي كفاءة أفضل للتبريد .. بعدين التكييف على جوانب البيت في الارض معمول دوم في منازل أمريكا ويكون حتى على الشارع ولا يضر في شيء .. في بيوتنا ما نستخدم الحوش الجانبي الا للزراعة وتمر شهور ما نمر فيه
صعبه إعطاء حلول الا اذا شفنا خرائط البيت المعماريه والانشائية وصور للبيت من جميع الجهات
ممكن استخدام مكيفات وحدات خارجيه نوع vrv وحدة خارجيه وحده وتتمدد منها بيبات نحاس لكذا مكان في البيت
ممكن تركيب مكيف سنترال بكج مع تمرير دكتات وتركب الوحده بجانب حائط المنزل وتتغطى بشكلٍ ديكوري جي ار سي او اي ديكور مناسب
في حل مناسب تجمع معظم وحدات التكيف الخارجي في مكان واحد بجانب المنزل وتمرر بيبات النحاس فوق الجبس على شرط ماتكون المسافه اكثر من 15 متر بين الوحده الداخليه والخارجيه لكفاءة الاداء ماتقل
الحلول كثيرة بس صعب ان نحدد لك الا اذا نزلت صور للمنزل من الخارج