عرض للطباعة
استفسار عاجل الله يسلمكم جميع
بغيت افسخ عقد مقاول عندي شنو الاجراءت وكيف طريقة اثبات حالة عن طريق المحكمة بخبير ممكن احد
يفيدني.
وهل يحتاج لها محامي كبداية لاثبات الحاله وترفع عن المالك؟ ومن تنصحون بالمحامين المختصين بالبناء والمقاولات.
او يحتاج المحامي فقط بعد اثبات الحاله لرفع قضية كتعويض؟
ياليت احد يفيدني بالاجراءت من البداية ويفضل من عنده خبرة.
الله يعينك ويوفقك للأسف لا عندنا محاكم مثل الناس ولا قوانين ولا محامين
اشرح لنا الحاصل !!!
عطيته دفعه ماكمل الشغل !!!!
خطأ في التنفيذ ؟؟؟؟
او غيره ؟؟؟
متاخر ع الشغل ومخالف بنود التعاقد وحاولنا كذا مره نحل الموضوع ودي وكل شوي تطلع لنا مشكلة ويطلبني دفعات جزيئه ولا وافقت عليها واطلبه دفعة مبلغ ولاسلمني الموضوع طويل جدا ويوم طلبت المبالغ الي عليه عشان يكمل حاول يطلب مبالغ غير مستحقه له علي الي اتفقنا عليه فطلبت فسخ العقد ودي وطلب مبلغ بعد زياده ع المبلغ الي مختلفين عليه من الساس اكثر والان مالي الا ارفعها محكمه وهو متاخر ع مشروع اكثر من سنة
في الاوراق للاسف هو مثبت موقفه لكن انا ماعلي منه ان شاء الله حقي مابيروح منه سواء دنيا او اخره الله لايوفقه ولايوفق الدعايات الي يمشي عليها الواحد من السوشل ميديا الي همها مبالغ الماليه فقط الود ودك اذا الواحد بيعلن الاعلان يطلب منه ان مافيه احد رافع عليه شكوى او قضية وتكون فيه جهه رقابيه من الدوله مناصفه مابين المقاول والمالك ولاتكون في قضايا تنرفع ويندفع لها ويتخسر الواحد ع المحامين والاتعاب القضايا سواء كان الحق معه او ضده انت يالجهه الحكوميه سمحتي له برخصه البناء وعطيته الحق في اللعب ع الناس ويتمداى خلني ساكت في خاطري كلام كثير لاني متضرر مادي ومعنوي وجسدي وفكري
علمني من هو على الخاص شكله من اللي يحطون قمر فيد وشمس في يد ووقت الصج كله كلام
ثرى المهم الأوراق والإتفاق الباقي ما عليهم منهاقتباس:
المشاركة الأصلية كتبت بواسطة ALJokar
الله يعينك ويسر امرك
لو توصل للمدير العود هذا اذا ماعنده خبر ؟؟؟؟
على الاقل يكمل شغل المرحله المتفق عليها حسب العقد والدفعات . بعدها تتعاقد مع غيره مع تثبيت الشغل مع الصور في العقد الجديد على اساس الاول مايشكتي على اساس هو الي مكمل الشغل ترى ( صارت )
المحكمة تاخذ وقت على ماضن .
اقتباس:
المشاركة الأصلية كتبت بواسطة ALJokar
صارت لي مشاكل وقت البناء نفسك المقاول ( باكستاني ) والشركة طبعا بإسم ( قطري ) ماخذه دعايه من المنتدى :waiting: كان العقد فقط بناء مجلس خارجي الفيلا كانت لمقاول اخر سحبت منه عقد المجلس قبل التنفيذ لكثرة مشاكله مع هذا صارت مشاكل خذ اول دفعه وحفر المجلس وحط قوالب الخشب وحديد التسليح ووقف حول 4 شهور . اتصالات معه ليل نهار ولا فيه فايدة لين رحت مركز الشرطة كلموه وبعدها خاف
وبعد صار يماطل بكلام . لين وصلت لراعي الحلال الي معطيه الخيط والمخيط ولا يدري عن حلال الناس وحقوقهم . صدق خذى علي جزء من الدفعه . بس نشفته وطلعت منتصر عقبال ماتنتصر
الله يعينكم جميعاََ، واخونا الجوكر لا تتضايق خصوصاََ ادا اكتشفت ان الورطة مع النظام قبل ما تكون مع المقاولين.. وعشان لا نكثر العدد بكفي المدة الزمنية والمماطلات.
ان شاء الله يفيدونك الإخوان و ينحل موضوعك باقل الخساير
الجهات الحكومية في عقودها تطلب ضمان ابتدائي من عشرة الى عشرين بالمية من قيمة العقد.. يعني الجهات الحكومية تعرف كيف تحمي نفسها من اللي يماطل او يتحايل.. لكن المواطن من يحمية!
السلام عليكم
محاكمنا بطيئة في اجراءاتها و جلساتها و متطلباتها حتى تصل الى حكم نهائي .. الا في قضايا اثبات الحالة .. تاخذ اسبوعين بالكثير
( هذا راي شخصي عن تجارب سابقة و لست ملم بكل امور القضاء )
اسبوع علشان تعيين خبير فني يشوف شغل المقاول .. و اسبوع علشان المحكمة تدرس تقرير الخبير و تصدر حكم اثبات حالة .. و بعدها تقدر تتفق مع اي مقاول يكمل لك الشغل .. و في نفس الوقت ترفع قضية ثانية على المقاول القديم علشان يرد لك حقوقك اذا لك حقوق.
كلام جميلاقتباس:
المشاركة الأصلية كتبت بواسطة عايش فرحان
توقعت اكثر على مانسمع من البعض
ايه والله جميل جداً هشكل بيشجعون الناس يتقاضون وياخذون حقهم وبيحترمون نفسهم المقاوليناقتباس:
المشاركة الأصلية كتبت بواسطة سعود.
في البداية الله يعوضك بالاحسن ...
احنا عندنا مشكله انه مافي تصنيف للمقاولين ...
خذ كلام لين تشبع وقت اتنفيذ تشوف شي ثاني ...
انصحك بالاتي جيب مقاول ثاني يكون فاهم :
1- يراجع كافة بنود العقد
2عمل تقرير نسبة التنفيذ وكم الفرق بين المنجز حسب الاتفاق بالعقد
2- عمل تقرير بالاخطاء
3- عمل تقرير بالاعمال المنجزة من خارج الاتفاق
4- مقارنة الدفعات بالاعمال المنجزه
وبعدها وجه كتاب رسمي للمقاول ووضح فيه كل التفاصيل بشكل ودي ... واذا لم يستجيب الجئ للقضاء بس نصيحتي اذا الخسارة بسيطه الله يعوض عليك وشوف مقاول ثاني وحاول تشوف شغله بمواقع ثانية وتروح لراعي العقار وتسال بنفسك عن المقاول
عسى ربي يعوضك بالاحسن
للأسف عندنا المحاكم وقت القضية ما تعتد بشهادة مقاول ثاني ولا ثالث حتى .. هذا يكون في دولة متطورة قضائياً ومقاولينها أهل ذمة وخبراء في شغلهم وتوثيق اللي تم عمله سهل وبحساب كميات دقيق .. هم يعتمدون تقرير المحكم المهندس مالهم اللي يسمونه الخبير وهذا إجراءاته سريعة يجي يطالع بعيونه حسب ما سمعت ويتمشى ويتخيل كم بس ورفضت أكون جزء من هذي اللعبة لسهولة ظلم أحد الطرفين وصعوبة تحديد كل شيء لعدم التزام الطرفين بحساب كميات مسعراقتباس:
المشاركة الأصلية كتبت بواسطة ashhal_q
كلامك عن ما فيه تصنيف للمقاولين بعيد عن الواقع فيه تصنيف سنوي ورخصة وحتى يحدد إختصاص المقاول كهرباء منزلية أو كهرباء عام لتمديدات كهرماء وللمحطات الفرعية ومقاول طرق وفيه تفصيل لكل مقاول ومقاول بناء فئة سادسة أعتقد وتتدرج لفئة أولى وهو الأقوى .. من حقك تطلب صورة من ترخيص المقاول ومن حقك تمره وتشوف مكتبه وادارته وحتى تشوف صور إقامات عماله وتطلبها تكون جزء من العقد موقعة ومختومة إقرار من مدير الشركة إن عماله موجودين ومستعد يشتغل في الفترة المتفق عليها وبالسعر المتفق عليه
مشكلة الجميع هي في إنهم يلقطون عامل يمثل نفسه يعتبرونه مقاول وهذي عمالة سائبة ترخيصه وأوراقه لسانه
اقتباس:
المشاركة الأصلية كتبت بواسطة ashhal_q
لو المقاول ( امين ) ويخاف الله لما لجأنا اساسا للاستشارين .
هنا النقطه
الإستشاري مب بس يتابع تطبيق المخططات والرسومات .. دوم تبقى تفاصيل ما انذكرت يتابع تنفيذها صح وبما يضمن تخليص البناء صح وتوافق عليه الجهات المختصة .. حتى في الصيانة الاستشاري ضروري لو كانت كبرى مثلاًاقتباس:
المشاركة الأصلية كتبت بواسطة سعود.
بعض المقاولين يخافون الله وطيبين بس للأسف خبرتهم قليلة بدال ما ينفعك يضرك .. تعرف شلون كان فكر المقاولين قبل بخصوص تركيب البلاط كله يمجدون الإسمنت الأبيض وعارفين يتعاملون بس معاه .. ألحين تسأل بعضهم حتى يراوونك صور وفيديوهات لشغلهم وللمواد الجديدة اللي يستخدمونها .. وقيس على هذا كثير .. بعض قليلي الذمة دوم يدورون الشغل اللي ما يتعبهم ولا يهمهم المالك ويوهمونه إنهم صح ويمكن هم على قناعة إنهم صح وهذي المشكلة اللي يطيح فيها الكثيرين
الكلام يطول ويدخل فيه العقد والشروط والجدول الزمني وحساب الكميات وسعر كل مرحلة وشغل كل مرحلة وطريقته
زين انا عارف إن المقاول كزمة أمين وطيب وحبوب ويقرب لي وكل شيء زين بس ابي أضمن حقي بعقد مفصل وبمتابعة من استشاري لأني مهما أكون ما أعرف في البنيان .. ثرى حتى الاستشاري لو شفت نفس الوجه على طول فيه خلل ولازم تشوف مهندسين مختلفين كهرباء وميكانيك وإنشاء ومعماري وممكن مصمم ديكور