عرض للطباعة
السلام عليكم.
اخواني من يساعدني ف اشتراطات اتمام البناء ودي اخلص واعدل قبل يتعطل شغلي
مقاولي مايدري بشي
طلبت يشيل شفاط الكهرباء الكبير برايي تكلفه ع الفاضي وغير عمليه
وقررت اكبر فتحه شفاط المروحه افضل
فهل مسموح بهذا الشي
ومن هذي الامور اللي تخص اتمام البناء
اتمنى احد يرشدنا الله يجزاكم خير
وعليكم السلام
مافهمت قصدك بالضبط !!!
اعتقد الخبير في الموضوع دا
الاستاذ العضو في المنتدى
معماري قطري
وعليكم السلام
شنو تقصد بشفاط الكهرباء ؟؟
وضح اكثر
السؤال مبهماقتباس:
المشاركة الأصلية كتبت بواسطة ابو يوسف1
كثيرة لازم بنغفل شيء ممكن مهم وهي مجموعة إشتراطات .. إرتدادات حسب التصميم الموافق عليه وارتفاعات كذلك .. إشتراطات دفاع مدني وكهرباء وصرف صحي وصرف أمطار .. وكل منطقة لها اشتراطات خاصة الإستشاريين بسهولة يدخلون موقع التخطيط العمراني يسحب ورقة الاشتراطات كلها ويتبعها هذا لو فيه استشاري مشرف .. وهذي شغلة المقاول والاستشاري عمري ما تدخلت فيها الا مرة طلبوني بسبب تغطية ممر الملحق بالمنيوم وبولي كاربونيت ووقعت تعهد أشيله متى ما طلبوا وألحين سمحوا بالتغطية بخرسانة
بعدين الإشتراطات يتم تحديثها وتغييرها من فترة لفترة ويضيفون عليها وحسب المنطقة وفيه بنود لها استثناءات
إذا مكتوب في الخرائط Mechanical Ventilation إنت ملزوم به ليش تشيله وهو معمول وتقول كبير وترجع تسوي فتحة أكبراقتباس:
المشاركة الأصلية كتبت بواسطة صاحي ضميره
قصدي الله يسلمك ايش اشتراطات اتمام البناء
الغالي الشفاط الكهربائي العود اللي تسوي له فتحه للخترج اقصده هو.. واقصد كبر مروحه الشفط اقصد المروحه العاديهاقتباس:
المشاركة الأصلية كتبت بواسطة معماري قطري
ولا فهمنا شياقتباس:
المشاركة الأصلية كتبت بواسطة صاحي ضميره
واذا تقصد مقاس فتحات مراوح الشفط للحمامات والمطبخ .. عادي محد يسال عن مقاسها
على العموم .. لاستخراج شهادة اتمام البناء
* استخراج تقرير مساحي جديد .
* فيه بعض الاجراءات يقوم فيها المكتب الاستشاري .. مثل ختم الخرائط وتعهد المقاول وبعض الاوراق هو بيقولك عنها.
* اهم شي تكون الارتدادات وارتفاعات الاسقف ومساحة البناء والبنت هاوس مطابقة للخريطه.
* صبغ البيت من برا ومن داخل مع تركيب الابواب الخارجية والداخلية والدرايش .
* مبلط البيت كامل .
* المنهولات للصرف الصحي وفتحات تصريف ماي المطر في الحوش وماي غسيل السيارات قبل باب الشارع وخزان تصريف ماي المطر تكون مطابقة للمخطط .
* ولاتنسى متطلبات الدفاع المدني في المطابخ .. طفايات و بطانية حريق وجهاز كاشف للدخان .
هذا اللي اتذكره .. وان شاء الله يفيدونك الاعضاء
بالتوفيق
السلام عليكم
اخوي .. المفروض عندك استشاري معاك في المشروع خطوة بخطوة .. و يستلم منك فلوس ..هذا وقته .. اسأله عن الموضوع .. و اصلا مستحيل يعطونك اتمام بناء بدون توقيع الاستشاري
الله يعطيك العافيه.. ماقصرت اخوي.. هل ضروري ابلط البيت كامل. ابي مثلا بسوي في اغلب حوشي حديقهاقتباس:
المشاركة الأصلية كتبت بواسطة QaTaR_OnE
يامرحبا اخوي.. للاسف يقول مايعرف لان كل فتره وفتره تتغير القوانييناقتباس:
المشاركة الأصلية كتبت بواسطة عايش فرحان
الله يهداك يا اخوي شكلك طيب وايد ومحصلينك وشكلهم لا استشاري صح ومرخص ومقاول بدون رخصة وبدون حتى عمال وتجارباقتباس:
المشاركة الأصلية كتبت بواسطة صاحي ضميره
تصدق عمري ما تحركت في هذي المواضيع الا لو علقت المعاملة وفيه مخالفة ومطلوب مني توضيح أو تعهد وكله هذي شغلة المقاول والاستشاري كل واحد عليه واجبات والقوانين تتغير للأفضل دوم وكل ممارس يعرفها بس يكون ممارس صح مب مهندس جديد توه جاي من دولة عايشة على البركة ولا عنده شهادة ولا ترخيص هو مسوي نفسه مهندز .. مثل هذا ما يدل حتى وين يخلص المعاملة
سامحني كلامي نصيحة مبطنة للجميع
ولدي جاني فيه شركة يسوون التصميم ببلاش وزينة ويحطون الشمس في يد والقمر في يد وهم يديرون المشروع كامل ويسلمونك المفتاح لا ونفس الشركة أذوني برسايل الدعاية الرخيصة تعرفونها كلكم قلت له خلنا نخلص التصميم وإحنا نسوي ( المناقصة ) والكلام لج يا جارة ركزوا على كلمة المناقصة ولا نبغي شغل ردي ويقال انه ببلاش وباطنه كله كومشنات غالية على حسابك يالمالك وشغل رديء يجملونه من يدعون إنهم مهندسين والله أعلم شباب قليلي الخبرة وفي النهاية تكون يالمالك دفعت مليون في شغل يسوى 700000 ووايد تحت مستوى توقعاتك وبتدخل في خساير جارية صيانة وتعديل ومعاناة نفسية
اقتباس:
المشاركة الأصلية كتبت بواسطة صاحي ضميره
الي اخبره من شروط اتمام البناء انه مش ضروري تبليط الحوش . اهم شي مدفون
أسس لها من ألحين واحفر شوي للتربة الزراعية وسو جدران حامية جهة السور وجهة مكان التبليطاقتباس:
المشاركة الأصلية كتبت بواسطة صاحي ضميره
ايه والله ياخوي. انا ابتلشت وتوهقت والله يصبرنياقتباس:
المشاركة الأصلية كتبت بواسطة معماري قطري
واذا ع شركه اللي تقصدها اتوقع عرقتها وفعلا شركه ماخذه شور ومهندسينها ع قدهم ووللعلم انا وقعت معهم وتوهقت
الله يوفقك ويفتح عليك
مختصين سمسرة أكثر من هندسة ومقاولات .. مثل دلال السيارات يسوي نفسه فاهم في خفايا الصناعة وهو لو تسئله البعير له ذيل يقعد يحك راسه فترةاقتباس:
المشاركة الأصلية كتبت بواسطة صاحي ضميره
اقتباس:
المشاركة الأصلية كتبت بواسطة صاحي ضميره
هلا اخوي
حتى لو تتغيرت القوانين .. شغله و مسئووليته انه يتابعها و يطبقها مب شغل المالك
تخيل انك تروح عند دكتور يقول لك قوانين الطب تغيرت روح شيك عليها و تعال علمني!!
انت متاكد انه استشاري و مهندس؟ .. يا خوفي يكون فرّاش المكتب بايق الاختام و يترزق من وراها!!
اتفق معاك اخطاء صارت معاي بسبته بالهبلاقتباس:
المشاركة الأصلية كتبت بواسطة معماري قطري
ايه والله انك صادق والف شكر لك بقولهاقتباس:
المشاركة الأصلية كتبت بواسطة عايش فرحان