عرض للطباعة
السلام عليكم ورحمة الله وبركاته
باختصار أخواني الأعزاء
انا ابي اسوي في بيتي قبو بدل الملاحق الخارجية
يعني مطابخ وغرف خدم وتخزين وغسيل
ناس كثير يخوفوني من قضية الصرف الصحي
ابي اسمع أكبر قدر من الآراء والتوصيات والتجارب تفيدوني وتفيدون اللي مثلي
والأخوة المشرفين لو هذا موب المكان المناسب سامحوني وانقلوه المكان المناسب
الاراضي مولعه والكل يحاول يستفيد من المساحة
القبو زين وتقدر تحط فيه المطبخ الرئيسي وصالة كبيره وغرفة ومخزن والصرف الصحي موضوعه سهل احفر وخل الصرف على مستوى اقل من القبو ومن الحفره للصرف الرئيسي للبيت
عندك معماري بيفيدك اكثر
وبالتوفيق اخوي
اولا حسب المنطقه
ثانيا التكلفه مب بسيطه
ثالثا انتبه لموضوع التبريد
الصراحه البيسمنت مفيد جدا لو عاد بي الزمن لاستغليته مافي مشكله وكل شي له علاج بس شوف منطقتك
فيها ماي ولا مرتفعه واهم شي العوازل من الجهتين عن التسريب والصرف الصحي بيسون لك خزان
ارضي ومضخه ترفع فوق للبالوعه الرئيسيه هذا الكريه فيها لو اختربت المضخه من بينزل
لك يركب مضخه ولد عمى صار له شهر خربانه المضخه ولين الحين مابدلها
كان ماتسوي الحمامات ولا مغاسل فيها ابرك
صحيح معماري عنده خبره وهو مهندس وخبير في المارين بلاتزا وبيرجع لكماقتباس:
المشاركة الأصلية كتبت بواسطة CH Engineer
:)
اقتباس:
المشاركة الأصلية كتبت بواسطة إشراقة قلم
المطبخ في القبو ممنوع من قبل البلدية . الا اذا تسويه بعد اتمام البناء .
موضوع الصرف الصحي بسيط جدا . منهول الصرف ينحط فية مضختين للرفع وحدة تكون احتياط للاولي في حال العطل .
اطرح الموضوع في قسم النقاش الاقتصادي ( اعمال البناء والديكور )
هناك بيفيدونك الاخوان
المنطقة معاكاقتباس:
المشاركة الأصلية كتبت بواسطة MAZEN37
التكلفه معاك
التبريد عادي جدآ
التركيز على العزل و الاضاءه التهويه الطبيعية .. والتصميم الجيد
حياك الله اخوي مهندس كيميائياقتباس:
المشاركة الأصلية كتبت بواسطة CH Engineer
القبو الواحد يحاول يتفاداه قد ما يقدر بسبب الرطوبة حتى لو ما فيه ماي ورداءَة الشغل وصعوبة الأرض من ناحية الأملاح .. والمشكلة الثانية المياه الضحلة حتى لو سويت لها فحوصات تعطيك مستوى المياه هذي اللحظة وبعض المختبرات تعطيك تقريب لإحتمال ارتفاع المياه لكن ما فيه شيء مضمون .. العوازل بعض الشركات تضمنها 15 سنة ووقت التسريب أَثناء فترة الضمان يتهربون ويطلعون لك بتفسيرات ما لها أساس أو صحة.
الأَفضل نص قبو وبارتفاع بسيط أَو ترك المساحة تحت لمخازن ومواقف للسيارات واستغلال المنطقة الباقية للملحق ومساحات زراعية وأَي شيء ثاني.
للمواقف نحتاج نسويها فوق الأَساسات بشوي وبدون حفر غزير ونحاول ما نرفع أَرضية الدور الأرضي وايد بحيث تطلع متعبة للطلوع والنزول يومياً .. وللسيارات العادية ما نحتاج أَكثر من 2.4 متر وممكن ننزل حتى لمترين .. يعني عمق 1.5 متر وارتفاع معتاد 60 سم يوفر لنا ارتفاع مناسب لوقوف السيارات وكذلك منطقة تخزين .. الخدمات نقدر نخليها تحت حتى وحدات التكييف ونقدر نخلي فتحات تهوئة بارتفاع بسيط حول البيسمنت ونسوي مدخل خاص بأهل البيت من تحت ومدخل للزوار من جهة المجلس فوق.
هذي طريقة سهلة لشفط المياه حول جدران البيسمنت ومن الأفضل عملها من البداية .. وهذا اليوتيوب يوضح صيانة جدران تسرب ماء لمبنى مبني من 1965 .. وهو تركيب بايب فيه فتحات يدخل فيها الماء وثم ينزل في منهول فيه مضخة رفع تضخ الماء للصرف الصحي فلا يتجمع الماء قرب جدران البيسمنت .. فوق البيب نحط كنكري حتى يسمح بمرور الماء للبيب وفوقه نحط قماش يمنع الرمل من الدخول وسد الفتحات لكن يسرب الماي .. حل جيد وسريع بس عندنا ما شفت حد يسويه.
https://www.youtube.com/watch?v=I4_qZEEkuYA
ما شاء الله
يعطيك العافية أخوي معماري قطر
الله يعافيك إخوي بو شاهين .. تقريباً أغلب بنيان ألمانيا معتمد هذي الطريقة وتتعجب من السلوب يبين المبنى داخل حفرة وكله لإستغلال الارتفاعات المحدودة وعمل تصريف للمياه بهذي الطريقة.اقتباس:
المشاركة الأصلية كتبت بواسطة بوشاهين2