جوله على اوربا

صباح الخير شحالكم جميع
انا انشاءالله مخطط على سفر نهاية 7
البلدان .. لندن .. باريس .. انترلاكن .. البندقيه .. زيلامسي .. ميونخ
ومحتاج اخذ مساعدتكم
انا سافرت قبل الى لندن 6 مرات وباريس مره وحده ومن لندن الى باريس رحت في قطار دايركت
السؤؤال
شلون ارتب البلدان بلقرب من بعضها بترتيب وللعلم اول بلده بروحلها لندن 5 ايام بعدين باريس 3 ايام وانترلاكن 3 ايام البندقيه 3 ايام ..وزيلامسي 3 ايام وميونخ يومين
وبغيت اعرف محل ياجر سياره لانى القطارات انا ماعرفلها ابدن ممكن تنصحوني على مكتب اوكي واسعاره حلوه وكم يكلف تاجير السياره لمدة 9 ايام كامله
وكيف الطريق هلى هو خطر ام امن وكم سرعة السياره وهل يوجد مضايقات في الطريق وهل في مكتب راح يسلمني السياره في باريس ويستلمها في زيلامسي اوميونخ لان شيكت حجز سياره اقل شي 10 الاف مدة 10 ايام وسياره بيجو
وهل يوجد قطارات من انترلاكن الى زيلامسي دايركت ومن زيلامسي الى ميونخ بدون محطات انا قصدي دايركت لنى مااعرف حق المحطات
وكيف الاجوء والفنادق في البندقيه وهل تنصحوني امر البندقيه ولا اروح دايركت من انترلاكن الى زيلامسي وشلون جودة الفنادق في انترلاكن وزيلامسي لنى سمعت انهم تعبانين
واسف على الاطاله

ياهلا ومرحبا اخوي مجرين بلخير

صباح النور والسرور
بخير وانت اشحالك عساك بخير

قبل لا ابدأ معاك اخوي تعرف تقريبا المسافات بين هالمناطق او لا !!
لان في مسافات طويله اشوي بالسياره توصل بين 5 ساعات الى 6 ساعات لبعض المناطق
يعني يعني تقريبا في 3 رحلات لك بتكون المسافه ماتقل عن هالوقت

والمشكله الثانيه ان المسافات الثلاث الطويله راح يكونون ورى بعض

يعني كل 3 ايام راح تضرب مسافه وعندك شنط واغراض وتحميل

المناطق ذي تقدر توصل لها وتروح لها جميعا واقدر ارتبها لك
لكن بتكون متعبه ومجهده


المسافات الطويله :

1- من باريس الى انتر لاكن
2- انتر لاكن الى البندقيه
3- البندقيه الى زيلامسي


انتظر ردك اخوي

^^
هلا الشيخ اشكرك على تفاعلك
خلاص ايطاليا بكنسلها الرحله بتكون
لندن -->باريس .. بلقطار
باريس--> انترلاكن ..بسياره
انترلاكن --> زيلامسي بسياره .. واسلم السياره في زيلامسي
زيلامسي --> ميونخ .. قطار او تكسي لنى المساقه سمعت انها قريبه ساعه ايذا يوجد قطار بعد يكون افضل
ويعطيك العافيه حبيبي
والسياره في امكانيه احجزها من اخر يوم في باريس واسلمها في زيلامسي
وتعرف اخوي مكتب اخوي تاجير سيارات
ويعطيك العافيه حبيبي

من انتر لكن لين زيلامسي
بعيد اظن
تبي نصيحه مني
خل عنك زيلامسي لن فيها اكتساح خليجي وبقوه ففقدت رونقها
انصحك بـ انترلكن ممكن لو حاب تروح مونترو بس بعيده عن انترلكن

زيلامسي صارت ماتسوى العنوة ، مطاعم فل الجرسون ما يلتفت عليك من الزحمه ،القهاوي كلها شباب ماتقدر تاخذ راحتك مع هلك ، والعالم مجتمعين في مكان واحد عند البحيرة ، انصحك في انتر لاكن ، او قارمش في المانيا هدوء وريلاكس والراي يرجع لك

^^
خلاص دام ماتسوى العنوه لين زيلامسي وميونخ
شرايكم .. لندن .. باريس .. انترلاكن .. جنيف .. البندقيه ايطاليا

اخوي .. التنقل الكثير متعب جدا"
ركز على مدينتين تبات فيهم .. ومنهم تنطلق لـ كذا مدينة ..

اخوي المسافه بين باريس وانترلكن حسب ماعرفت 6 ساعات بالقطار
يعني مسافه مو بالقصيرة
وبعدين اخوي المدن وايد
يعني قلل منها
عشان تستمتع بالرحلة وماتكون متعبة

http://www.qatarshares.com/vb/showth...D3%ED%C7%D1%E5


شوف هالموضوع

اقتباس:

---

المشاركة الأصلية كتبت بواسطة بعيد النظر

اخوي .. التنقل الكثير متعب جدا"
ركز على مدينتين تبات فيهم .. ومنهم تنطلق لـ كذا مدينة ..

---

من امتع السياحه في اوروبا هو التنقل والاستمتاع بالطبيعه



انا انصحك تاخذ سياره فيها نافيقيشن وكل يومين في ديره والطرق عندهم واسعه ومناظر جميله



انا رايح سياحه ليش احشر نفسي في مكان واحد

اقتباس:

---

المشاركة الأصلية كتبت بواسطة رفيع الهامه

من امتع السياحه في اوروبا هو التنقل والاستمتاع بالطبيعه



انا انصحك تاخذ سياره فيها نافيقيشن وكل يومين في ديره والطرق عندهم واسعه ومناظر جميله



انا رايح سياحه ليش احشر نفسي في مكان واحد

---

مافي شك .. بس يوم تنقل كل يومين ..
تشقي نفسك وهلك وعيالك .. وهذي تجربتي !

تروح وترجع بالسلامة أخووي
اذا انتم عيلة ومعاك أهلك مانصحك بكثرة التنقل
لكن اذا انتو شباب توكل وسويها
انا توني راجع من أوروبا الأسبوع الماضي وطلعنا 3 شباب بصراحة متععة التمشي بالسيارة والخطوط


البندقية كنت ناوي أروح لها بس وأنا هناك كنسلتها
ولكن ع حسب اطلاعي ع اغلب التقارير انها ماتستاهل أكثر من يومين بحد أقصى

أغلبنا في وقت السفر يحاول يزور أكبر قدر من الدول الأوروبيه بحجة ان التنقل بينهم سهل وبدون معوقات ,, فليش ما ازورهم مره وحده !!

ما انصح بمثل هذه الأمور الصراحه , خصوصاً للي إجازاتهم اقل من أسبوعين , بتضيع وقتك بالتنقل من سكن الى سكن وبيضيع يومك في هالخطوط وانت مسافر بين دوله ودوله
حلاة التنقل يكون شي معقول وقريب ولا تزيد عن 3 دول لأصحاب الاجازات القصيره , على الأقل الواحد يحلل سفرته ويستمتع بوقته ، مهب موضوع اني رحت 7 او 8 دول اوروبيه !! هذا مش المقياس الصراحه ,, على سبيل المثال ممكن السفر لميونخ والاقامه هناك 5 أيام , وبعدها بالسياره الى زيلامسي في النمسا وبعد 5 أيام , وبعدها انترلاكن في سويسرا وبعد 5 أيام , هذي بتكون ممتعه ومريحه , اما المناقز من ديره لديره !! انا رايح ومتكلف علشان استمتع وارتاح مهوب اشتط رايح جاي بهالشناط كأني حمالي في المطار