برنامجكم ( شـريـنـا و بـعـنــا ) 16

هلا فيكم اخواني الكرام

حياكم الله وحي الله اهل البورصه والاسهم :)


اليوم طبعا كان يوم متفاوت لبعض جيد وللبعض الآخر غير ذلك


شهد اليوم تفوق المواشي والمخازن على كبار شركات الاسهم القطريه

وندعي لأصحاب هذه الاسهم بالخير وزيادة الربح اللهم آمين


واستمر الحال على ما هو عليه بالنسبة للمتحده والسلام


بالطلب المتزايد وبلا عروض متوفره !

ومما يشير إلى أن هذه الاسهم مازالت تسعى للطلوووع ولكن إلى اين لا ندري !


العقاريه ايضا شهدت طلبا جيد وبلا عروض مقدمه تسد الطلب عليها

بينما المصرف نراه يلهث من الـ 500 ريال ويصعد ويثبت وينزل ويثبت

والصناعات لا جديد عليها حتى الآن .


المايك لكم

شنو شرينا اليوم وشنو بعنا ؟

وشنو راينا على مجريات السوق ؟

تفضلوا :)

http://www.al3nabi.net/upload/show.php?pic=21161

أنتعاش ,,,,,,,,,,,,,,, ربي يجعل أيامك كلها بأنتعاش ,,,,,, أنا كنت ناوي أشتري في المصرف وتراجعت بس حقيقة أيش صاير ياجماعة في البنوك (( كان المفروض في أرتفاع وكبير)) سؤوال محيرني أمس واليوم ,,,,,, أخوكم بوعبدالله

ولا تهون المايك يا بو عبدالله :(

والله يا انتعاش انا كنت متفائل بس بعدين فضلت اني

اسحب الهجوم وخط الوسط يتراجع... لاني حسيت انهم ضاغطين على النفر

لا بعت ولا شريت... متفرج كان في مشروع مع الصناعات بس ما اكتمل

وشكرا لكم استضافتي :o

هلا انتعاش
والله انا اليوم كنت متوقع طلوع لكن تفاجئت بالنزول في بعض الشركات
اعتقد صناعات قطر وصلت مرحلة الثبات في التغير في السعر..ولو بشكل مؤقت
في شركات واصلت ارتفاعاها...انا بعت جزء من الاسهم الي ربحت فيها
وعززت في بعض الشركات الي نازله :)
وبالله التوفيق

الوضع اليوم يدعو

الى المشاهده عن بعد

لمعرفة الخطوه القادمه

ممكن المايك يا ابوسعود
احم احم والله اليوم انا كنت متوقع ارتفاع الشركات الصغيره مع هبوط بسيط للشركات الكبيره وهذا اللي صار وانا قاعد اتفرج على المواشي ومكيف مع اني امس كنت ناوي ابيع على 63 بس الحين قاعد افكر متى ابيع ..
وشكرا

انا نفس الشي متفرج
بالنسبه لي إذا نزل الصناعات أكثر يمكن أخلع منه وأشتري وقت ثاني
خلاص والله مانبيه يطلع هالاسبوع :o بس نبيه يثبت للأسبوع الجاي
شسوي فيه ابيع إذا نزل اكثر؟؟ انتظر شوي؟
مع العلم اني شريته 222 ريال
شوركم وهداية الله :rolleyes:

يا هلا انتعاش.....انا متفرجة من 3 اسابيع.....اشتريت التحويليه لما كانت 86.....وناطره ابيعها...لازيد الملاحة ... العقاريه الحمدالله بس متى اقدر ابيعها...؟انتظر الاكتتاب يعطيكم العافيه.

والله انا الحمدلله كل اموري مظبوطه و لله الحمد بس ماعلي الا اشاهد الاسعار و احسبها في الExcel

وهذاني لين الحين ماحطيت في بالي متى ابيع

وبالتوفيق للجميع :)

المستثمر القطري , نفس الطريقه اللي اسويها من الساعه 9 الصبح افتح الاكسل والبورصه واقعد احسب

والله شغالين الشباب انا والله شاري من الصيف وجالس الراقب متى ابيع انتظر الفرصه

انا ما دري ليش التداول ضعيف والتأرجح في الأسعار طفيف اليوم وخاصة الصناعات والنقل...مع ان المفروض كل شي يكون حامي....ممكن حد يفهمني؟

انا الحمد الله كل شركاتي لمت اب بس بنك الدوحة معن اني شاريه من سنه

الله يهنيك

مغرور انت مستثمر طويل الاجل بس شغلك عدل 100%


والله انا كنت ناوي ابيع لكن من نويت انزلت الاسهم فانا باعاند وماراح ابيع :mad:

وقاعد اشوف السيولة زييييرو وهذا خطأي

كنت ابي اوفرها احتياطي للسلام

لكن كل مانويت وشفت السلام فيه مجال يرجع يضرب لمت اب اقول مستحيل بكره القى فرصه

والفرصه اتجي واتروح وانا كل يوم انطر

يالله سترك

:)

الله يزيدك وشوف الوقت المناسب وبيع

الله ايسلمك :)
والبيع مب الحين بس ننطر بعد شوي :)

اقتباس:

---

المشاركة الأصلية كتبت بواسطة العنان

المستثمر القطري , نفس الطريقه اللي اسويها من الساعه 9 الصبح افتح الاكسل والبورصه واقعد احسب

---

وين ذي اللي يسمونه اكسل عطونا خلونا نستفييييييييييييييييييييييييد :d

اخوي الوضع مايطمن الملف اسحبه من هالموضوع http://www.qatarshares.com/vb/showthread.php?t=1295

أنا اليوم بعت التخصصي ( لوع جبدي) وقررت أتفرج كم يوم.. يا جماعة شسالفة الصناعات؟؟؟

صناعات استراحة محارب

اليوم ياجماعه شريت النقل البحري على سعر 183-185 ريال..............الصراحه سعره يغري

السلام عليكم انا اليوم بعد استمريت بمراقبة الاسهم وقد احزنني وضع النقل البحري الي الى الان عجز المحللون عن فهمه وتحليله لكن الى الان انا متمسك فيه ولا زلت اعتقد انه بيطلع طلعه حلوه..البنوك اليوم كانت مركونه واعتقد ان كبار المستثمرين هدوا اللعب شوي وبدوا يلمون الكميات ولكن بهدوء وبدون ان تتحرك الاسعار خاصه وان طلوع اسهم البنوك ال5 % يعني 25 ريال فالمصرف و23ريال فالدولي تقريبا اي ان الاسهم لو استمرت فالصعود فخلال 4ايام لمت اب المصرف بيوصل فوق الستميه وهم لا يريدون ذالك الابعد لم الكميه المطلوبه....


لاتنسون اليوم المسيره من اجل دولتنا الحبيبه قطر بعد صلاة العصر...والله الموفق