عرض للطباعة
السلام عليكم
اللون الاحمر طغى
وفاز بالمباره
حيث نشاهد ارتفاع 7 (يازينه)
انخفاض 20
ثبات 2
الله كريم
هل هو جني ارباح
او محاولات ومناورات ناجحه من مضاربين ضخوا كميات كبيره وواضحه عند ادنى طلب
ام هو حركة تصحيحيه (جملة لااقتنع بها) :mad:
ماذا فعلت اليوم ...... صمدت ولا هزمت ؟؟
شريت ولابعت؟؟
ناورت ...ولا تفرجت؟؟
توقعاتك لبكره؟؟
استنتاجك...... بالنسبة للضخ الكبير اللي صار اليوم؟؟
انطركم وانطر اتصالاتكم
هلا بك من معاي
الله يستر من بكره
المايك عندي
والله اليوم متفرج كالعاده مع رابطة المشجعين
مع انهم جابو اقواااله بس التشجيع ما سكت :D
وان شاء الله الشوط الثاني بكره وبنشوف :rolleyes:
للعلم:اخوي قطر لك رساله بالخاص
أنا لابعت ولا شريت
بس متفرج بذهول على اللي صار
المصرف كان عندي أمل بطلوعه
بس أرد وأقول الهوامير تحكهم يدهم للفلوس ((( يعني الشراء والأرتفاع قريب )))
قطر سؤال لاهنت
زيادة سقف التداول في شركات الوساطة شرايك فيه ؟؟؟؟
أنا أشوفه جيد بس أهم شي المجموعة كم بتحط ؟؟؟؟
بوعبدالله :confused: :confused:
السوق اليوم خالف التوقعات في الارتفاع واستمر الانخفاض وانا غير مقتنع بالبيع والهروب من ساحة المعركة
والاجانب على الأبواب , واعتقد يوم الأربعاء القادم سيعطي انطباع عن وضع السوق بداية الاسبوع القادم
والله اعلم
والله اليوم انا بعت التحويلية + المخازن + الطبية وشريت العقارية
السلام عليكم
شباب الحقو علي
شريت المواشي بــــ 70.3
وشريت المخازن بـــ84.5
شاسوي الحين انزلو
ان شاء الله بترتفع اختي قولي ان شاء الله خلاص الفاس في الراس قولي ان شاء الله بس
502 حلو افضل
تقريبا انا اليوم ما تابعت البورصة الا يمكن اول الصبح,, بالنسبة لنزول السوق فهناك عدة احتمالات لذلك منها ان كثير من الناس اتخذوا قرارات البيع قبل دخول الأجانب باسبوع,, يعني قد يرى هؤلاء الناس ان هذه الفرصة جيدة للخروج من السوق وبأرباح معقولة تجنبا لحدوث شيء غير متوقع مع دخول الأجانب,, وهذا احتمال
الاحتمال الثاني,, قد تكون هذه الحركة تصحيحية وطبيعية بعد ارتفاع السوق بشكل كبير في الأسابيع الماضية,, وهذا احتمال ثاني
والاحتمال الثالث,, فقد تكون حركة من صناع السوق لتنزيل الأسعار في اليومين القادمين,, وبعد منتصف الاسبوع وبالتحديد آخر يومين يبدأون برفع الأسعار تمهيدا لدخول الأجانب,, مما سيجعل الحالة المعنوية مرتفعة للجميع قبل دخول الأجانب,, خصوصا ان الأسعار قد تكون اقل من السابق قبل 3/4 ,, مما سيجعل الكثير يتشجع على الشراء في منتصف الاسبوع الجاري.. لذلك فكل الاحتمالات واردة هذا الاسبوع
والله أعلم
كلام 100% سهم عتيج واعتقد االاحتمال الاول
الدانة العنود ,,,,,, مراحب
شوفي أختي حطي في بالك انك مش الوحيدة اللي شريتي بالسعر هذا فلاداعـــــي للخوف
السوق أنشاءالله راح يرجع والكل حاس بالشي هذا
مادري اذا أنت محتاجة الآن المبالغ أم راح تصبرين عليها
المهم نصيحة أخوية أصبري ترى الصبر زين
أخوك بوعبدالله
سهم عتيج,,,,,,,,,,,,مراحب
أنا معاك في الأحتمال الثالث وبنسبة كبير وصدقني هذا مش أحساس
مستحيل السوق يتم على هذا الوضع وراح يتوازن ويرتفع بأذن الله
بوعبدالله
.............. ههههههههههههههههههههههههههههههههههههه
.......... خراب بيوت والله
.......... لا يأس من رحمة الله
صحيح اخوي سهم عتيج
وترى (الاحتمالين ) اول والثالث ليس احتمال وانما الواقع خاصه الاول.....
وانا اعرف ناس فضلت تخرج من السوق في الوقت الحالي لحين اتضاح الرؤية
ماذا فعلت اليوم ...... صمدت ولا هزمت ؟؟
شريت ولابعت؟؟
ناورت ...ولا تفرجت؟؟
توقعاتك لبكره؟؟
استنتاجك...... بالنسبة للضخ الكبير اللي صار اليوم؟؟
انا عن نفسي توقعت خير للسووووق
على امل ان السوق بيولع اليوم ( علشان كذا شريت يوم الخميس المخازن على 84 ) بس توصل 100 انصرفها
بعد ربع ساعه من السوق اتصلت بالشركه ( بيع المخازن بخساره ) بسعر الليمت داون
( والمصرف قعدنا انتفرج عليه ) لان الي عنده قاعده ( راح يصمد ) ام المشكله الي ما عنده اي ستاند
شيوقفه هذا من النزول ( اذا كان طلوعه غير مبرر )
واتوقع بكره يستمر النزول مع اني اتمنى يطلع ( ولكن شو بدنا نعمل )
الشرده نص المرجله ( مرات )
orange7 : خبر عاجل : انفجاااااااااااار قنبله المت داون بورصه قطر وقد ادى الانفجار الى مقتل المواشي والايجار والمخازن والعقاريه والدوحه والتجاري كم ان هناك ايصابات طفيفه بالصناعات والكهربا والوطني هذا وطغاااااااااااااااااااا اللووووون الاحمر على المنطقه ولمعرفه المزيد من الضحايا والمصابين سوف يتبين الامر غداااااااا :
جننونا يعني الأسهم بطير مع دخول الأجانب والا بتنزل
[QUOTE=بو صالح]ماذا فعلت اليوم ...... صمدت ولا هزمت ؟؟
شريت ولابعت؟؟
ناورت ...ولا تفرجت؟؟
توقعاتك لبكره؟؟
استنتاجك...... بالنسبة للضخ الكبير اللي صار اليوم؟؟
انا عن نفسي توقعت خير للسووووق
على امل ان السوق بيولع اليوم ( علشان كذا شريت يوم الخميس المخازن على 84 ) بس توصل 100 انصرفها
بعد ربع ساعه من السوق اتصلت بالشركه ( بيع المخازن بخساره ) بسعر الليمت داون
( والمصرف قعدنا انتفرج عليه ) لان الي عنده قاعده ( راح يصمد ) ام المشكله الي ما عنده اي ستاند
شيوقفه هذا من النزول ( اذا كان طلوعه غير مبرر )
واتوقع بكره يستمر النزول مع اني اتمنى يطلع ( ولكن شو بدنا نعمل )
الشرده نص المرجله ( مرات )[/QUOTE]
يا حليلك يا بوصالح , والله ضحكتنا يا خوك بس زين سويت الى صرفت المخازن وامسك المصرف
لا تفرط فيه والوعد الاربعاء
السلام عليكم
انا معاكم بعد لا شريت ولا بعت :)
ولله الحمد ماصار عندي نزول في شركاتي
سهم عتيج انا معاك في التوقع الاول والثالث
وفي اعتقادي الاحتمال الثالث ارجح...و دائماً اصحاب رؤوس الاموال
يعملوا عكس التوقع السائد عن صغار المستثمرين.
اعتقد نزول السوق في هذا الاسبوع بيكون له دور ايجابي في دخول الاجانب
كما لاحظنا من آراء بعض اخواننا الخليجيين ان السوق شهد ارتفاع كبير في فترة قصيره
وتبين تخوفهم من الدخول في هذا الارتفاع المخيف في نظرهم.
وبما ان السوق الان وصل الى مرحلة الركود فأعتقد ان دافع كبير للاجانب للدخول والاستثمار فيه.
الي شرا الحين ونزل عليه السوق طبعاً خسر وهذه الاسهم ليست على حال وفيها ربح وفيها خساره
عليه بالصبر ثم الصبر وماعقب الصبر الا الفرج.
توكلوا على الله سبحانه وتعالى وانا مستبشر خير "ورب ضارة نافعه"
الله يوفق الجميع
انا اليوم اقدمت على مهمة انتحارية وياخوفي اتحسف بعدين
بعت 2800 سهم متحدة ب 116.40 وشريت فيها1396 عقارية ب233.6 واللة يستر
ياجماعة الخير العقارية لهل قومة ولاطاحت ولاحد سمى عليها؟!!
يعطيكم العافيه الي شروا والي باعوا ..انا اليوم فتحت الموقع اول ربع ساعه وكانت الاسعار تبشر بالطلوع ويوم رجعت اشوف الاسعار بعد انتهاء التداول صادني :eek: بس انشالله بكره احسن خاصه فالاسهم القياديه والبنوك ....
ابو علي رد علي تكفى شرايك بالي سويته اليوم ومستقبل العقارية
مرحبا شباب
اما انا اليوم خمبقتها الصراحه شريت التحويليه 2300 سهم ب 95 ريال وعليكم الحسبه
كنت سامع عنها خبر بس مدري شلي صار الله يستر والله كريم
مغرور قطر
تفائل خير
بيزات
:D
خلك معانا مشجع ولا كأن لك خص فيهم ههههههههههه
بوعبدالله
هلا اخوي
بالنسبة لزيادة السقف
اكيد انا معاه 100% وهو لصالحنا
بالنسبة للمجموعة فهي اعلا سقف على حسب ماسمعت ماعندي معلومات مؤكده
وعندها القدرة على الزيادة بحجم كبيييير كبيييير
سلطان
هذا وضع طبيعي
تخويف من الهوامير وفي كلا الحالات هم مستفيديين باييعين ماخذين ارباح
شاريين ايشوفون الارباح جدام خلك مثلهم :rolleyes:
502
استعجلت وايد اتمنى سعر الشراء ايكون نازل :)
سهم عتيج
انا مع الخيار الاول والثاني
بوصالح
سمايل :D
معليش انت عرفت بنفسك اللي له قاعده يصمد
ليش طمرت في مخازن؟؟ وانت عارف ان مالها اساس في الطلوع :rolleyes:
الله ايعوضك خير قول آمين
وكان رديتها في المصرف ب 500 بعد سعر زين
agaesفضييييييييييييييييييع مع الانفجارات :D
mnmnوالله على حسب اسهمك
قطري
يابختك عقبالي عقبال مااشوف اسهمي خضر
chanel
تصرف جيد
وحتى لو طاحت العقارية ترى سعر المتوسط يشفع لج
بوعلي
هههههههههههههههههههه
والله ضحكتني
انا صادني قولون عصبي والله من المتابعه
:eek:
المسكين
ارجع لحلقات شرينا وبعنا وبتشوف اني كاتب عن التحولية انها معلنه ارباح نقديه فقط
لان في واحد قال في عنها خبر حلو
وقلت له مايصير ماعندها غير ارباح نقديه
ليتك ماتسرعت
واسمحوا لي على التأخير
تسلم اخوي قطر على مداخلتك وتعليقك على مداخلات الشباب بالنسبه لتوقع سهم عتيج انا اتفق مع الاحتمال الثالث والاحتمال الاول ايضا حيث ان بعض صغار المستثمرين قاموا بالتسييل الخميس واليوم وذلك لتوفير سيوله
لشراء ناقلات والدخول فيها من اول يوم , والله اعلم
الاخ او الاخت شانيل..التصرف الذي قمت به كنت انصح الناس القيام به غدا اي يشتروا العقاريه غدا اعتقد ان سعرها سيكون جيد للشراء يعني مافي مشكله انشالله انت سبقت بيوم واتوقع ان غدا سيكون اخر نزول للسهم باذن الله..
الاخوان قطر وابوعلي اليافعي طمنتوني
ومشكورين ويعطيكم العافية
وعساكم عالقوة.........
الله يوفق الجميع بالبيع و المشترى
قووو قلوبكم شوي ما يصير مع كل هزه نخاف
احسبوها عدل 25% من الاسهم اعتبروها راحت مع دخول الاجانب
مثلا الصناعات 125 مليون سهم متداوله احسب منهم 35 مليون سهم تقريبا بيطيرون في خلال اول اسبوع من تداول دخول البورصه للاجانب و هذا الرقم مب بسيط 0
و اذا قلت الاسهم في السوق زاد سعرها و زاد الطلب على المعروض
و اللي يحس انه خايف و غير مرتاح من السوق لا يشيل هم الاسهم يطلع و يريح باله ترى الاسهم تشغل البال و تطلع الشيب في الراس و تخليك تهوجس ما ترقد الليل و تنطر عند باب البورصه من الفجر 0
و اخيرا صدقوني ذي ارزاق الله مقسمها على الناس و لازم كل انسان يقنع بالربح و الخساره و لا احد يتحسف على اي بيعه راحت منه 0
اللي يدخل السوق لازم يحسب حساب الخساره و الربح
و الله يوفقكم ياااااااااااارب في كل بيعه و مشترى
و صدقوني السوق بيرتفع بس يبي له صبر شوي و قوة قلب و هذا الشي غير متوفر للاسف في معظم المضاربين في بورصة الدوحه من يشوفون السهم نزل ركضوا وراه وباعوا و اذا شافوه لمت اب راحوا يشترون 0
و الدليل مواشي و العقاريه شوفوا شلون صاروا بعد ما كان الطلب اكثر من المعروض !!