عرض للطباعة
السلام عليكم ورحمة الله وبركاته
اخواني لقيت محل اجاره شهرياً 10 الاف ريال وبدون خلو 4 في 12
فحبيت انوع من استثماراتي من مجال البورصه لفتح حلاق لتقليل المخاطر بعد ماتبخرت فلوسنا بسبب الازمه
لكن تنقصني الخبره من ناحية النظام والموظفين
والادوات فياريت احد يساعدني ولو بالشي القليل
وجزاكم الله كل خير
الله يوفقك
وياج اختي ويوفق الجميع لما يحب ويرضى
شكراً جزيلا
الله يوفقك
ان شاء الله موفق
اذا بدك اي شي بخصوص انظمة ولوائح تعليمات تنفيذية انا عندي استعداد اساعدك
بالتوفيق
ويجزاكم بمثله
تسلمون وياريت لوعندكم اقتراحات او اي لاتقصرون معاي
أعرف حلاق كنت أحلق عنده وبعدين المحل جاله قص وصراحة مرة شفته يدور شغل ..صراحة شغله جيد اذا عامل عنده خبره تتواصل معاه جواله 5349949 اسمه خليل ... وأتمنى لك التوفيق
اذا على الادوات انصحك بالسفر لجده هناك محلات مخصصه لبيع ادوات الحلاقه من الكرسي وغيره من ادوات وكل شي وبرخييييييييييييييييييييييييص
اعتقد اذا مش مضيع كان في مجمع تجاري في شارع حراء
الله يووووووفقك ان شاءالله
اهم شي اتشوف لك واحد يضبط الخط
وبالتوفيق
شكراُ للجميع وجزاكم الله خير
اما بخصوص رد اخوي الوعد 2016 فالغالي مثل ماانت عارف ان جده بعيده لكن لو في محل بالدمام او بالحسا فيكون افضل
وبعد ياريت احد عنده رقم حلاق يبي شاطر يدير المحل وله راتب مغري وشكراً
بالتوفيق
حب عابر المحل مساحته حلوه لاكن اتمنى تاجل الموضوع كم شهر لانه اجارات المحلات في النازل والعمارات الجديده محلاتها فاضيه .. فاجل الموضوع شوي بس لين تبين لك الامور ولا تلعوز نفسك بعقد يبهدلك قدام ولا تنسى العماله يبيلها سكن .. السالفه مش محل وبس .. وبالتوفيق
الله يجزاك كل خير
وانا متردد بصراحه صار لي كم يوم
انا نصيحتي الحلاق مشروع غير ناجح 100%
واسأل اي حلاق عن وضعه الاقتصادي وهو يقولك والسبب عدم البركه
ولاكن ان يكون الحلاق خاص للاطفال فيكون افضل لاقتصاره فقط على حلق شعر الراس ولايقوم بحلق الذقن.
الله يوفقك ,,,و فكره حلوووه مااعندي فكره عن الحلاقين ,,,
تسلم اخوي عذاب
والله يوفق
أنصحك أخوي قبل ما تقدم على هذه الخطوة بالأتي
أولآ أسئل الشباب الي فاتحين مثل هذه المشاريع فهم سوف يفيدونك بالحلاقين والأدوات والسكن والنسبة بينه وبينهم لأنهم هم خاضوا التجربة وعرفوا شلون يديرونها
ثانيآ الموقع التجاري مهم لأنه ما يدخله حلاق في داعوس أو خلنا نقول ممر أو زقاق غير عن محل في موقع تجاري
ثالثآ الصنعه فيه حلاقين محترفين وفيه حلاقين الله بالخير وهذا له دخل في النجاح أو الخسارة
رابعآ الديكور مهم نوعآ ما
والله يوفقك
الراي والنصيحه على الخاص
شيك على الخاص
حاول تشتري ادوات المانيه احسنلك وخل الحلاق يعطيك يا على الكرسي او مرتب شهري وجيب اتراك انا عندي حلاق تركي حلو يعطيني ع الكرسي يوميا 150 ريال اربع كراسي يعني يوميا 600 احسبها في الشهر كم تطلع ؟؟
انا أشوف المحل إيجاره غالي كحلاق
بس جرب وشوف منت إنشاء الله بخسران
مثل خسارتك في البورصه
بتوفيق