عرض للطباعة
السلام عليكم ..
صارلي فتره افكر فهالموضوع بس مو لاقيه حل .. قلت استشيركم يمكن حد يعطيني فكره جيده او يساعدني ...
انا ولله الحمد عندي مبلغ صغير (80 الف ريال) تقريباً .. اعرف ان المبلغ صغير لكن انا مب حابه اضيعه على لبس وشناط وغيره .. حابه استثمره في شي مفيد ويعود علي بدخل حلو ..
بقولكم بعض المعلومات ..
انا اعتبر موظفه وعندي راتب شهري بسيط .. (6 الف ريال)
عندي ذهب .. يعني ممكن ابيعه لو تطلب الامر ..
وعندي اسهم بس مش حابه ابيع في الوقت الحالي ..
الحين شلون استفيد من الفلوس اللي عندي؟
وشكرن..
,
,
مرحبا فيك
ما انصحك تبيعين الاسهم ولا الذهب
من الخطاء ان ندخل بكل ما نملك
الـ 80 الف مبلغ طيب وممكن تضاعفينه لو اشتركتي مع احد
80 + 80 يصير مبلغ زين لو حبيتي ترفعين راس المال
الموضوع يعتمد على فكره المشروع
وفكره المشروع تعتمد على ميولك انتي
لو نصحتك بشي متعلق بالسيارات ونتي ما تحبين هذا المجال ما بيمشي الحال
لا من ناحيه ميول ولا من ناحيه خبره
اختي العمل في المجالات النسائيه لازم تكون فكرتك الرئيسيه
وومكن تحصرينها في شكل موضوعين
1\ فتح محل نسائي لو حبيتي العمل بهذا النظام ( محل )
2\ العمل بطريقه البضاعه
الشغل بالعبايات والاكسسوارات والجلبيات والعطورات ... الخ
3\ تقديم خدمه للافراح مثلا وتجهيزاتها المتنوعه
من اكسسوارات وتنسيق الطاولات وهذا مجال كبير
ويكون نسائي غالبا
ـــــــــــــــ
تشترين 1000 سهم في المصرف حلوين بعد
:)
والخيارات مفتوحه
ويبقى التطبيق هو الصعب وتجاوز حاجز الرهبه من الدخول بمشروع
تحياتي لك ولتفكيرك المتوجه الان بالطريق الصحيح
بعيد عن الكماليات
ملحوظه
دار الانماء طارحه دورات ممتازه الشهر الجاي في دراسه الجدوى
وفكره المشروع انصحك تلتحقين فيها
,
,
اخوك
شموخ دائم
وعليكم السلام ..
اول شي .. مشكور اخوي على الرد ..
ثاني شي .. عجبتني فكرة المحل .. لكن شلون؟ راس مالي فقط 8
وهل المحل بيحتاج مجابل 24 ساعه .. ؟ طبعا انا عندي دراسه وبيت فما قدر .. يعني لازم حد يكون مسؤول عليه وانا اللي ابيه ان يوصلني المقسوم عالجاهز لكن مايمنع اني اتابع الامور ...
انا افكر اني اشتري شقه في اللؤلؤه .. اعرف انها تكلف الملايين .. وفي هالحاله يمكن احتاج لقرض؟ او ادفع شهريا.. لكن فالنهايه العقار شي مضمووووووووووووون ..
او ممكن اشتري بين فتره وفتره ذهب واخليه لين يضرب فوق وابيع .. او في فكره حلوه بس انا مو فاهمتها وهي فكرة اني اشتري بيكام واخلي يشتغل بالوره بس شلون يعني؟ وشنو الاجراءات؟؟؟
اعتذر من الاخوان اللي راسلوني عالخاص لان مشاركاتي اقل من 50 .. وثاني شي ماقدر اتواصل الا عبر المنتدى سواء عالعام او الخاص لكن مو عبر الايميل الا اذا مع بنت ..
من وجهة نظري
80 الف ماتسوي شي
بس اذا تقدرين تصبرين عليها
تقدرين تشترين من الاسهم الي نازلة بالحظيظ وانا اشوف بنك الريان مناااسب جدا ومضمون بأذن الله
واذا مارتفعت؟
حتى اذا عندي اسهم .. اشتري غيرهم يعني؟
اشتري سياره ودخليها على الوره ابرك لج شوفيلج كامري وخليها تكد عليج صحيح هم ياخذونها فتره بسيطه وعقب خلاص بس انتي وشطارتج دخليها في اماكن ثانيه (هذا مشروع)
مشروع ثاني هو الاسهم شوفي سهم مثل الرعايه اشتري فيه 10000 بتقريبا 9 = 90 الف
يعني زيدهم 10000 ونسي السهم 3 سنوات بس
وتابعيه من شهر لين شهر من يعدي 18 لاترددين في بيعته اذا تحت لا
صحيح الشركه خسرانه بس اذا اعلنو افلاسها بيقيمون لج السهم مب ب18 لا ب27
هذا مشروع 2
مشروع ثالث بس يبيلة تعب شوي تشترين بضاعه وتبيعنها وهالبضاعه عباره عن الالكترونيات مواد بناء مواد غذائيه مواد ماشيه في سوق انتي وشطارتج وشوفي الناس وين اتجاها
مشروع يريح ومافي تعب وديعه في مصرف الريان او مصرف قطر الاسلامي وخذي الارباح
اشلون ادخل سياره الوره
شنو الاجراءات المطلوبه؟
اكرر مشاركاتي ماتعدت ال50 فماقدر ارد عالخاص .. نطروا شوووي
المضاربه بالاسهم عائد 10% بالشهراقتباس:
المشاركة الأصلية كتبت بواسطة المحاميه
السياره الي بدخلينها الوره
تشترينها من الوكاله وبعد كمن شهر بيرجعونها سكراب
الوديعه في بنك اسلامي مثل الدوحه الاسلامي اعتقد عائد 4% بالميه كل ثلاث شهور او ست اشهر
في مشاريع وايد...ومربحه
ك محلات..سواء عبايات..او خياط رجالي..او مغسله ملابس..بس لازم متابعه
بس انتي بالنسبه لظروفك..اشوف موضوع..تشترين سياره وتدخل الوره..احسن بوايد
لانه اي محل...لازن يتابع...من طرفك..مباشره..مهما اتقولين ابي يوصلني المقسوم كل شهر..ما يصير لازم متابعه...
اقتباس:
المشاركة الأصلية كتبت بواسطة omar77
فكرت بكذا مشروع بس مافي الا الوديعه الظاهر اخر الحلول
واحسن شي تقريبا مصرف الريان الوديعه الي في ٣ شهور نسبتها ٥.٢٥
والله يوفق الجميع
سلام
اخوي خالداقتباس:
المشاركة الأصلية كتبت بواسطة khalid_qatar
انت متأكد من هالمعلومة ؟؟
5.25 على وديعة الـ 3 شهور ؟
اذا كان ما ذكرته صحيح 100% فتأكد ان هالنسبة تعتبر ممتازة جدا .
80 الف ابني فيها مسجد بارك الله فيج..
ما عندكم ينفد وما عند الله باق
اقتباس:
المشاركة الأصلية كتبت بواسطة المحاميه
كملي المبلغ 100000 ريال وروحي المصرف وحطيه وديعة السخاء
شنو يعني وديعة السخاء؟
الورة الحين بصعوبة تقبل السيارات يمكن تشترين سيارة وتوهقين
عندي لج مشروع بس قبل كل شي هل أنتي بنت حركية وتستطعين التواصل مع الناس يعني بالعربي تشتغلين شغل مندوب مبيعات !
لو كان الجواب لا انصحك تشترين ذهب ماعليه خوف أو تحطين فلوسج وديعة دام عندج ذهب وأسهم وتفكيرج وايد عجبني مب مثل اكثر البنات اللي تقط فلوسها على سخافات مالها معنى
انا افكر فالمستقبل .. واقول اتعب الحين وارتاح باجر ويكون عندي مصدر موثوق للدخل احسن من اني اعيش طول عمري تعبانه وضايعه ..
انزين شلون اصير مندوبة مبيعات؟ قصدك عبر النت ولا فالصج ؟
فيه بعض الاكسسوارات النسائية وملابس الأطفال المرغوبة
بضاعة تمشي بسرعة بس تحتاج تسويق جيد ... النت قناة من قنوات التسويق لكنها ربما لاتفي بالغرض .. التواصل المباشر هو أفضل وسيلة وقناة للتسويق
ومع الأيام لو الله فتح عليج بعد دفعة ودفعتين تقدرين تفتحين محل ... لكن كمرحلة أولى تقدرين تصرفين بضاعتج بدون فتح محل ويعتمد على حسب اتصالج بالعملاء وتواصلج معهم
اختي انا مثلج عندي 150000 الف ومش عارفة اشلون استثمر ها
يعني كل شهر يدخلك ربحاقتباس:
المشاركة الأصلية كتبت بواسطة المحاميه
لا سالفة المندوبه يبيلها شطاره وتفرغ واكل عقول الزباين
ماحب هالشغله .. والله اللي يبي يشتري من نفسه حياه الله واللي مايبي كيفه < هههه امحق مندوبه
اعجبتني فكرة وديعة السخاء :)
أنا من رايي تصبرين على المبلغ فتره لين يزيد وبعدين دخليه في العقار..
الربح مضمون!
الله يعينج
انا مثلج حطيت موضوع وماقصروا معاي بس للحين ادور محل للبيع مب محصله كلهم يبون خلو ولا ايجار
عفوا اختي كم المبلغ اللي عندج؟
واشلون ماحصلتي محل؟
وايد محلات تعرض للبيع
موفقين جميعاً
اقتباس:
المشاركة الأصلية كتبت بواسطة q44_
كيو انا لو منج بشتري نادي الريال مدريد..
وبستمتع بالمباريات والدخل