أكوا بارك قطر - الحديقة المائية في قطر لاتفوتكم الصور aqua park qatar

أكوا بارك قطر - Aqua Park Qatar
أول مدينه ملاهي مائيه في قطر

أول مدينة العاب مائية في قطر



في تعليق للسيد راضي العجلان مدير عام اكوابارك قطر قائلا: تم البدء لإنشاء اكوابارك قطر في شهر يونيو لعام 2009 ، وفكرة
تصميم إنشاء هذا المشروع السياحي تمت بواسطة شركة أكوا ماسترز قطر ،
وهي شركة قبرصية الأصل مقرها قبرص ولها فروع عديدة في دول الخليج
العربي حيث إنها متخصصة في إنشاء هذا النوع من المشاريع حول العالم.



وقال إن أكوابارك قطر من المشاريع المميزة ولها نمط خاص من حيث التصميم
من ناحية الصخور الطبيعية، الأحواض والمنحدرات المتميزة والتي تخدم كل
أفراد العائلة.



وأشار الى ان المرحلة الأولى من هذا المشروع السياحي الحيوي تبلغ
مساحته 50 الف متر مربع ويشمل مواقف للسيارات تسع لأكثر من 400 سيارة
ويحتوي على الآتي: واحة العائلة والتي تخدم الكبار بالدرجة الأولى من
حيث الاسترخاء وأحواض الجاكوزي والشلالات التي تساعد على المساج المائي
بجانب ذلك يوجد في وسط الحوض نافورة جميلة، علماً بأن الحوض مضاء
بإضاءه خاصة جداً تغير ألوان المياه كل دقيقة. ,أكزوتيك فيلج ومكانها
وسط المدينة المائية محيط بها النهر الكسلان وباستطاعة الزائر
الاسترخاء في هذا النهر والمرور بقرية اكزوتيك والاستمتاع بها. وحوض
الأمواج هو الذي يميز أكوابارك قطر والذي يشمل صانعة الأمواج والتي
تخلق أحساس الوجود في البحر الطبيعي. ,منطقة نشاطات الأطفال هذه
المنطقة تخدم الأعمار من سنة إلى عشر سنوات وهي تشمل العديد من
المنحدرات والنشاطات الخاصة للأطفال وتبلغ مساحتها 1500 متر مربع.



وأكوابارك قطر تشمل العديد من المنحدرات المائية تبدأ من ارتفاع 14
مترا وتصل لارتفاع 20 مترا مكونة من أربع منحدرات رئيسية ويعتبر
boomerngo هو الأكثر تميزاً حيث يخدم شخصين في آن واحد وهو من آخر
تقنيات عالم المنحدرات، بالإضافة إلى منحدر البولنج حيث باستطاعة خمسة
أشخاص الانحدار في آن واحد.
كما ان أكوابارك قطر مضاءة بآخر تقنيات LED وقد حرصت إدارة المشروع على
توفير كافة سبل الراحة حيث إنها تحتوي على برادات وكذلك العديد من
الأماكن المظللة للرواد هذا بجانب العديد من الخدمات مثل دورات المياه
وغرف تبديل الملابس وخدمات أخرى مثل المطاعم والمقاهي والملاعب
الرياضية. وتستوعب أكوا بارك قطر يومياً 3000 شخص ونحن نتوقع حضور 700
زائر يومياً على مدى ستة شهور، ولكن بما أن المشروع جديد على دولة قطر
سوف تسعى الإدارة لتشغيل المشروع لمدة تسعة شهور بالسنة. والقائم على
إدارة هذا المشروع هي شركة الجزيرة للمشروعات الترفيهية لديها الخبرة
في إدارة هذا النوع من المشاريع على مدى 15 سنة ومتخصصة في إدارة
المشاريع المائية وهي عضو في المنظمة العالمية للمدن المائية. وتقع
أكوابارك قطر في غرب المنطقة الصناعية والمشروع سوف يكون من ضمن أوتيل
عالمي ومنتجع من جانب ومجمع تجاري من جانب آخر حيث ان أكوابارك قطر هو
المرحلة الأولى.



تقع أكوا بارك قطر في غرب المنطقة الصناعية مقابل محطة بترول أبو نخلة
تكلفة المشروع : 50 مليون ريال قطري
مواعيد الزيارة:
السبت / الأحد / الأثنين ( عام )
الثلاثاء ( نساء )
الجمعة ( عائلات )
الافتتاح الرسمي في شهر سبتمبر
مع عيد الفطر السعيد
أسعار التذاكر المبدئية : 100 ريال للشخص كبير وصغير
أسعار خاصة لذوي الاحتياجات الخاصة 40% وللمدارس 50% وأيام
مفتوحة للشركات والمؤسسات

تبعد حوالى 15 كيلو من المدينة
على طريق ابوسمرة /السعودية بعد
تقاطع الصناعية

http://www.qatargreen.net/vbsubject/...arkqatar/1.jpg

http://www.qatargreen.net/vbsubject/...arkqatar/2.jpg

http://www.qatargreen.net/vbsubject/...arkqatar/3.jpg

http://www.qatargreen.net/vbsubject/...arkqatar/4.jpg

http://www.qatargreen.net/vbsubject/...arkqatar/5.jpg

http://www.qatargreen.net/vbsubject/...arkqatar/6.jpg

http://www.qatargreen.net/vbsubject/...arkqatar/7.jpg

http://www.qatargreen.net/vbsubject/...arkqatar/8.jpg

http://www.qatargreen.net/vbsubject/...arkqatar/9.jpg

http://www.qatargreen.net/vbsubject/...rkqatar/10.jpg

http://www.qatargreen.net/vbsubject/...rkqatar/11.jpg

http://www.qatargreen.net/vbsubject/...rkqatar/12.jpg

http://www.qatargreen.net/vbsubject/...rkqatar/13.jpg

http://www.qatargreen.net/vbsubject/...rkqatar/14.jpg

http://www.qatargreen.net/vbsubject/...rkqatar/15.jpg

http://www.qatargreen.net/vbsubject/...rkqatar/16.jpg

http://www.qatargreen.net/vbsubject/...rkqatar/17.jpg

http://www.qatargreen.net/vbsubject/...rkqatar/18.jpg

http://www.qatargreen.net/vbsubject/...rkqatar/19.jpg

http://www.qatargreen.net/vbsubject/...rkqatar/20.jpg

http://www.qatargreen.net/vbsubject/...rkqatar/21.jpg

http://www.qatargreen.net/vbsubject/...rkqatar/22.jpg

http://www.qatargreen.net/vbsubject/...rkqatar/23.jpg

http://www.qatargreen.net/vbsubject/...rkqatar/24.jpg



منقووووووووووووول

يعني صدقني....كلها كم لعبه لاتتعدا اصابع اليد الواحده انا اقول لو يقلبونها مقصب الي تراوالي احسن

اقتباس:

---

المشاركة الأصلية كتبت بواسطة عضو قديم

يعني صدقني....كلها كم لعبه لاتتعدا اصابع اليد الواحده انا اقول لو يقلبونها مقصب الي تراوالي احسن

---

:nice::nice::nice::nice::nice:

اخوي بو سعد مشكور على النقل بس ووسط مزرعه العاب الهدف تجاري وموقع غير موفقين فيهمكشووووفه من الشارع لو فرضنا يوم للعائلات واطفالهم منو ارح يروح لها والا العاب تشوفها من الشارع العام

من كثر الدعاية والإعلان ملينا، لا وبعد انغثينا،،،

لا يوجد عمل تجاري في قطر مفيد للمستهلك،
خسارة بلا فائدة،
قاعدة عامة، قد تكون لها استثناءات فردية،

سوق صيني دمر الاقتصاد وأتخم جيوب تجار الاستيراد والتصدير.

والله احسها حديقة سخيفة ومافيها شي

والمنظمين مسندرينا بالدعايات هذي عشان يقصون على الناس ويلا تعالوا شوفوا الحديقة الأولى في قطر


مادري عاد حسسوني مسوين لنا القرية المائية وفي الأخير كلها لعبتين والسلام !

اللي يشوف اصور الدعائيه مع الخبر يقول الله يستر

وجودها وعدمها واحد

امم انا مستغرب ليش كثير منا تفكيرهم سلبي زياده عن اللزوم.. اولا انا ما ادافع عنهم بس معروف دائما انه البدايه لكل مشروع لازم بتكون نوعا ما مصاحبه لمشاكل لانه الخبره صفر ،، وهذا معروف كل مشروع جديد لازم يواجه مشاكل بالبدايه ..

على الاقل نشكرهم على المشروع وحتى لو مشروع فاشل بالنهايه احسن من لاشيء.. واتمنى التوفيق لهم بالمراحل القادمه...

هذي وجهة نظري وانا احترم كل وجهات نظر الناس..

اتمنى ان يتم المراجعه مره ثانية في التذاكر

100 للشخص
60 للخادمات
40 ذوي الاحتياجات الخاصة
و50 المدارس ورياض الاطفال



اسعار مبالغ فيها
يجب ان تكون الاسعار مخفضة في بداية الافتتاح ثم ترفع بعد سنه او سنتين

زي ما عملت الجزيرة الرياضية جعلت النقل بالمجان 4 سنوات ثم فرضت الرسوم

وليس العكس

اقتباس:

---

المشاركة الأصلية كتبت بواسطة بوحارب

والله احسها حديقة سخيفة ومافيها شي

والمنظمين مسندرينا بالدعايات هذي عشان يقصون على الناس ويلا تعالوا شوفوا الحديقة الأولى في قطر


مادري عاد حسسوني مسوين لنا القرية المائية وفي الأخير كلها لعبتين والسلام !

---

اقول بوحروب

تخيل شخص عنده اكثر من ولد
ومتزوج زوجتين
وعنده اكثر من خدامه

وودي يروح الحديقة

يعني يأجل قسط سيارة
وقسط شخصي علشان يقطع التذاكر
ويلعب اطفاله

الله يوفقهم بس ماكان هذا المتوقع

http://www.qatarshares.com/vb/showthread.php?t=390433



وياقلبي لاتحزن ... :(

تمخض الجبل فولد فأر

المكان بعيد وممل

حديقه عاديه مقارنة بغيرها من الالعاب في دول خليجيه اخرى وأوروبا!!!


على قولة العقيد

تمخض الجبل فولد فأر

والله شي مخجل بلدنا اغنى دول العالم وتجارها يملكون المليارات وعندهم مشاريع سياحية في كل مكان من دبي الى الجزائر لين كوبا :eek5: ولا يوجد فيها مدينة ملاهي او حديقة ترفيهية واحدة تسوى وبالاخير تجي شركة كويتية وتسوي حديقة مائية في مزرعة :omg: في دولة عبارة عن شبه جزيرة يعني البحر محاصرها من كل صوب وطول شاطئها 700كم

والعالم يستغربون ليش الشعب القطري يطفش من بلاده اي ويكند ولااجازة تلغى قوافل الجيات والجيوب القطرية في المراكز الحدودية في الدول المجاورة وفي الصيف الواحد يتسلف علشان يسافر جنه قاعد في سجن

بنروح وانشوف

بس يقولون يوم النساء يصادف يوم الثلاثاء ؟؟ يوم غلط غلط غلط قبله دوام ويومه دوام وعقبه دوام اختيار غير موفق

مكانها بعييييد وبصراحه ماتشجع واحد يتعنى ويروح لهااا هع

هذي أكبر مدينه مائيه فالشرق الأوسط :eek5::eek5::eek5:

اقتباس:

---

المشاركة الأصلية كتبت بواسطة مضاد

http://www.qatarshares.com/vb/showthread.php?t=390433



وياقلبي لاتحزن ... :(

---

مب بعيدة عن قطر ، ان شاء الله بنسوي احسن منهم

اقتباس:

---

المشاركة الأصلية كتبت بواسطة bofahed

والله شي مخجل بلدنا اغنى دول العالم وتجارها يملكون المليارات وعندهم مشاريع سياحية في كل مكان من دبي الى الجزائر لين كوبا :eek5: ولا يوجد فيها مدينة ملاهي او حديقة ترفيهية واحدة تسوى وبالاخير تجي شركة كويتية وتسوي حديقة مائية في مزرعة :omg: في دولة عبارة عن شبه جزيرة يعني البحر محاصرها من كل صوب وطول شاطئها 700كم

والعالم يستغربون ليش الشعب القطري يطفش من بلاده اي ويكند ولااجازة تلغى قوافل الجيات والجيوب القطرية في المراكز الحدودية في الدول المجاورة وفي الصيف الواحد يتسلف علشان يسافر جنه قاعد في سجن

---

تذكرت الاسبوع الاخير من رمضان كنت بالاحساء وعدد الجيات يمكن مليون ونصف
كل ما دخلت شارع سلمت
كل ما رحت محل وجدت شخص اعرفه
كأن الاحساء مدينة قطرية بحته

اقتباس:

---

المشاركة الأصلية كتبت بواسطة %حورية قطر%

مكانها بعييييد وبصراحه ماتشجع واحد يتعنى ويروح لهااا هع

---

بينها وبين السعودية
40 دقيقة يعني:nice:

سوال مباشر هل الحديقه تتحمل عوامل الطقس المتغيره خصوصا اذا كان في رياح شديده

خصوصا اذا بعض النخل في شوارع الدوحه مايستحمل الرياح الشديده اشلون اللالعاب اللي مبين

من الصوره ان تركيبها اي كلام و اي رياح شديده اتوقع طيرانها من مكانها

يا جماعة بداية الغيث قطرة اصبررووووو - بس نعدل دول العالم وبعدين نرجع نسوي بلادنا كلها 20 سنه او اكثر وانشاء الله الامور بتعدل وبيكون هناك غيرها وغيرها الخير جاي

لو سووها في اسباير كان أحسن

والله حرام المفروووض اذا يبون يسوون شي يسوون شي يستاهل واخرتها يجبون شركه كويتيه !!!!! وين الشركات العالميه المتخصصه في هالمجال،،،،، يعني بالذمه مايتوبون من عقب مشرووع مملكه علاءالدين الفاشل اللي للحين الملاهي شبه مهجوره لاتجديد في الالعاب والفكره من هذي المشاريع الربح السريع وخلاص،،،،، انا سمعت انه هالحديقه في وسط زرع لشخص من عائله ومأجر الارض على الشركه الكويتيه ،،،،،،،،
شوفو دبي والحدائق المائيه في قمه الروعه

شكلها مافيها الالعبه وحده لوووووووووووووووووووووووووول بل شنو هل الحديقه السخيفه

ولا كله كوم ومكانها كوم ثاني يعني جنكم رايحين السعوديه

والله ماتنفع

وماظن مسوينها لنا :0

لومكملين سيدة ورايحين الحسا ولا بوظبي أبرك ؟؟

مشكلة المكان والا هي مقبولة نوعا ما ، ماظن حد بيودينا هالطريق الطويل

أبي اشتري (شورت) ميامي لزوم اكوا بارك .. وين يبيعونه ؟؟ :)

اهم شي الألعاب صاغ سليم

كانكم شوي متحاملين على الاكوابارك..كله تشتكون نبي ومافي شي في الدوحة وملل..
مصير سعرها يتعدل. ونشوف اللي جربوها واراءهم

امحق حديقة وامحق سياحة :omen2:

والله اني غاسل يدي من سياحة الدوحة كله كلام وتطبيل في تطبيل اكبر واحسن وافضل والخ تسمع شيء وتشوف شيء ثاني :eek5:

مافي غير سوق واقف الي صار مرتع للشاميات والمفاصيخ لدرجة الواحد قام يستحي يدخله

طبعا ماننسى المتحف الاسلامي الي بتدخلة مره وحده في حياتك وخلاص :)

شوفوا الامارات ياعالم ملاهي فيراري اكبر ملاهي مغلقة في العالم وحدائق مائية على مستوى اما ربعنا مسوين بركة في مزرعة ويقولون حديقة مائية ههههههههههههههههههه عشنا وشفنا

لحد يلومني من القهر يا جماعة :(

ايش هذي والله كأنها حديقه مائيه مال فيلا خاصه . ياناس يا سياحه يا بطيخ الظاهر ما تعرفون انه فيه قوقل وفيه انترنت والناس تسافر كل مكان وشايفه حدائق مائيه افضل واحسن واكبر وشئ راقي . اذا والد وادي مال دبي من عشرين سنه واحسن منكم الحين ايش هالعبط . فاااااااااااااااااشششششششششششششله

ولاتتقارن مع جنة دلمون في البحرين!

أحد راح لها من الأعضاء ؟ يكتب لنا تقرير اليوم :)

اقتباس:

---

المشاركة الأصلية كتبت بواسطة م. عبدالعزيز

امم انا مستغرب ليش كثير منا تفكيرهم سلبي زياده عن اللزوم.. اولا انا ما ادافع عنهم بس معروف دائما انه البدايه لكل مشروع لازم بتكون نوعا ما مصاحبه لمشاكل لانه الخبره صفر ،، وهذا معروف كل مشروع جديد لازم يواجه مشاكل بالبدايه ..

على الاقل نشكرهم على المشروع وحتى لو مشروع فاشل بالنهايه احسن من لاشيء.. واتمنى التوفيق لهم بالمراحل القادمه...

هذي وجهة نظري وانا احترم كل وجهات نظر الناس..

---

اتفق معك اخوي عبدالعزيز:nice:
داااااااااائما ينتقدون مافي موضوع ينفتح الا وطلعو فيه كل علل الدنيا:omen2:
الحمدلله اللي في مشاريع حلوة وسياحية:):):):)

اقتباس:

---

المشاركة الأصلية كتبت بواسطة عليان قطر

اقول بوحروب

تخيل شخص عنده اكثر من ولد
ومتزوج زوجتين
وعنده اكثر من خدامه

وودي يروح الحديقة

يعني يأجل قسط سيارة
وقسط شخصي علشان يقطع التذاكر
ويلعب اطفاله

---

احسبها بطريقة ثانيه اخوي

اذا ماعنده فلوس .. ليش يجيب كم ولد .... يكتفي بواحد

واذا ماعنده فلوس .... ليش يتزوج ثنتين .... فيكتفي بوحده

واذا ماعنده فلوس .... ليش ايجيب اكثر من خدامه ... خل يكتفي بوحده

واذا ماعنده فلوس في الاساس ... ماله داعي يروح الاكوا بارك

طبعا ان مالي علاقة بالاكوا بارك ولا اعتقد اني باروحها في يوم

بس السؤال

ليش دايما .... انحط الاسباب على الناس او الجهات .... والسبب الحقيقي هو عدم تخطيطنا .... لحياتنا ومصاريفنا .

ليش احنا نتكلم عن الاكوا بارك ... وكانها شي من الضروريات .... او الاولويات .... لاهي بيت ولا اكل ولا شراب .... الا حديقة مائية

لتروحونها .... ومردهم .... بينزلون اسعارهم

اقتباس:

---

المشاركة الأصلية كتبت بواسطة عليان قطر

بينها وبين السعودية
40 دقيقة يعني:nice:

---

موهنيه الغمنده :)
هم يبون يضربون عصفورين بحجر
ويجمعونا على خير احنا واخوانا بالحسا
يعني حلال عليكم كل اسبوع طابين الحسا
هالحديقه جات قريبه لهم عشان يكون فيه تبادل زيارات
الحساويين يسبحون عندنا واحنا نروح نجيب تمر وهيل :)

الحديقه مكانها زين :)
يعني الحين قلتو مكشوفه للشارع شلون نودي عوايلنا طيب لو وسط البلد شبتقولون !

انا يوم شفت الصور جاني احباط الالعاب قليله وماتجي شئ عند الالعاب بالدول المجاوره

بخصوص الاسعار !
الخادمه ليش ادفع لها 60ريال بتطب رويسي مثلا !
هي مرافقه لليهال لااكثر مفروض دخولها مجاني

وبخصوص الاخ الي متوهق بزوجاته :secret:
يعني افهم انك متوهق لانك بتوديهم مع بعض والمبلغ بيكون جامد عليك !

طيب ودهم دفعتين هالشهر للاولى والشهر الجاي للثانيه
او انسى الموضوع وحبو الراحه :)

طيب لو بخصوص يعني ان كان فيه يوم فقط مخصص ( للنساء )

اشكره يعني اللي بيكون على الزحلاقيات مكشووووف على الشارع العاااااام

يعني اقعد بالشارع العام او صف الموتر بالباركات وبتشوف اللي داخل كلللللهم وهم يلعبون

اللي يبغي يخصص يوم للنساء في مثل هذي الاماكن المفروض على الاقل يرفع السووور بشكل عالي جدا

وغير هذا من حلااااات الجوووووو يعني

اما رطوبة وحررررر

والا برررررررد وثلللللج

وين الواحد يسبح مثلا ؟؟